மொழிபெயர்ப்பு அத்தியாயம் ஸூரா அல்பலத் - الترجمة الكيروندية - அல்குர்ஆன் கலைக்களஞ்சியம்

SURATU L-BALADI

வசனம்: 1

لَآ أُقۡسِمُ بِهَٰذَا ٱلۡبَلَدِ

Jewe Allah, Ndarahiye kuri iki gisagara ceranda ca Makka!

வசனம்: 2

وَأَنتَ حِلُّۢ بِهَٰذَا ٱلۡبَلَدِ

Kikaba ari na co wewe Intumwa Muhamadi urekuriwe gukoreramwo ico ushatse^[1].

[1] Intumwa Muhamadi (nyakugira amahoro n’impuhwe z’Imana Allah), yarekuriwe gukorera mu gisagara ca Makka ico ishatse, harimwo n’indwano mu kiringo kitarenga isaha imwe ku mutaga. Iyi Aayah, irerekana ko Intumwa (nyakugira amahoro n’impuhwe z’Imana Allah), izokwigarurira ico gisagara habanje kuba indwano.

வசனம்: 3

وَوَالِدٖ وَمَا وَلَدَ

Ndarahiye kandi no ku kiremwa kivyara (ari co Adamu) n’ikivyarwa (mu rwaruka rwiwe)!

வசனம்: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Ko mu vy’ukuri Twebwe Allah Twaremye, ikiremwa-muntu kizohura n’umuruho ku wundi kw’isi kugeza gupfa.

வசனம்: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Mbega umuntu kubera amatungo yegeranije, yibaza ko ata wuzoshobora kumugonda!

வசனம்: 6

يَقُولُ أَهۡلَكۡتُ مَالٗا لُّبَدًا

Avuga yihaya ngo: “Naratanze amatungo menshi cane!”.

வசனம்: 7

أَيَحۡسَبُ أَن لَّمۡ يَرَهُۥٓ أَحَدٌ

Mbega, yibaza ko ata n’umwe amubona akazomuhera ku vyo yakoze, vyaba bike canke vyinshi!

வசனம்: 8

أَلَمۡ نَجۡعَل لَّهُۥ عَيۡنَيۡنِ

Mbega, Twebwe Allah Ntitwamuhaye amaso abiri abonesha!

வசனம்: 9

وَلِسَانٗا وَشَفَتَيۡنِ

Tumuha n’ururimi hamwe n’iminwa ibiri, kugira ashobore gutomora ijambo!

வசனம்: 10

وَهَدَيۡنَٰهُ ٱلنَّجۡدَيۡنِ

Dutako Turamumenyesha Tumutomorera inzira zibiri, iy’iciza n’iy’ikibi, kugira ngo yihitiremwo!

வசனம்: 11

فَلَا ٱقۡتَحَمَ ٱلۡعَقَبَةَ

Mbega, ubwo ntiyotanga amatungo yiwe akabona kuruhuka umuruho wo mu buzima bw’inyuma yo gupfa!

வசனம்: 12

وَمَآ أَدۡرَىٰكَ مَا ٱلۡعَقَبَةُ

Ni igiki cokumenyesha ico ari co umuruho wo mu buzima bw’inyuma yo gupfa n’icowugukiza!

வசனம்: 13

فَكُّ رَقَبَةٍ

Ni uguha umugurano w’umwemeramana ubwigenge;

வசனம்: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Canke ugufungurira mu gihe c’inzara izura inzara;

வசனம்: 15

يَتِيمٗا ذَا مَقۡرَبَةٍ

Impfuvyi ya hafi mu muryango^[2];

[2] Ugaheza ukaronka indishi zo gutanga imperezwa n’izo kwunga ubuvandimwe.

வசனம்: 16

أَوۡ مِسۡكِينٗا ذَا مَتۡرَبَةٖ

Canke umworo ata co yimariye (ata gira shinge na rugero).

வசனம்: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Inyuma yo gukora ivyo vyose, umuntu akaba ari mu bemeramana, bahanurana kwihanganira kwumvira Imana Allah no kutayigabitanyiriza, bakanahanurana kugirira impuhwe ibiremwa.

வசனம்: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Abo barangwa n’ivyo rero, ni bo bantu bo mu ruhande rw’iburyo, bazoruhukira mu Bwami bw’ijuru.

வசனம்: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Nayo abagararije Aayah zacu za Qor’ani, abo ni bo bantu bo mu ruhande rw’ibubamfu;

வசனம்: 20

عَلَيۡهِمۡ نَارٞ مُّؤۡصَدَةُۢ

Bazoba bapfundikiriwe mu muriro ubakikuje ku mpande zose.