अर्थों का अनुवाद सूरा सूरा अल्-बलद - الترجمة الكيروندية - पवित्र क़ुरआ विश्वकोश

SURATU L-BALADI

आयत: 1

لَآ أُقۡسِمُ بِهَٰذَا ٱلۡبَلَدِ

Jewe Allah, Ndarahiye kuri iki gisagara ceranda ca Makka!

आयत: 2

وَأَنتَ حِلُّۢ بِهَٰذَا ٱلۡبَلَدِ

Kikaba ari na co wewe Intumwa Muhamadi urekuriwe gukoreramwo ico ushatse^[1].

[1] Intumwa Muhamadi (nyakugira amahoro n’impuhwe z’Imana Allah), yarekuriwe gukorera mu gisagara ca Makka ico ishatse, harimwo n’indwano mu kiringo kitarenga isaha imwe ku mutaga. Iyi Aayah, irerekana ko Intumwa (nyakugira amahoro n’impuhwe z’Imana Allah), izokwigarurira ico gisagara habanje kuba indwano.

आयत: 3

وَوَالِدٖ وَمَا وَلَدَ

Ndarahiye kandi no ku kiremwa kivyara (ari co Adamu) n’ikivyarwa (mu rwaruka rwiwe)!

आयत: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Ko mu vy’ukuri Twebwe Allah Twaremye, ikiremwa-muntu kizohura n’umuruho ku wundi kw’isi kugeza gupfa.

आयत: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Mbega umuntu kubera amatungo yegeranije, yibaza ko ata wuzoshobora kumugonda!

आयत: 6

يَقُولُ أَهۡلَكۡتُ مَالٗا لُّبَدًا

Avuga yihaya ngo: “Naratanze amatungo menshi cane!”.

आयत: 7

أَيَحۡسَبُ أَن لَّمۡ يَرَهُۥٓ أَحَدٌ

Mbega, yibaza ko ata n’umwe amubona akazomuhera ku vyo yakoze, vyaba bike canke vyinshi!

आयत: 8

أَلَمۡ نَجۡعَل لَّهُۥ عَيۡنَيۡنِ

Mbega, Twebwe Allah Ntitwamuhaye amaso abiri abonesha!

आयत: 9

وَلِسَانٗا وَشَفَتَيۡنِ

Tumuha n’ururimi hamwe n’iminwa ibiri, kugira ashobore gutomora ijambo!

आयत: 10

وَهَدَيۡنَٰهُ ٱلنَّجۡدَيۡنِ

Dutako Turamumenyesha Tumutomorera inzira zibiri, iy’iciza n’iy’ikibi, kugira ngo yihitiremwo!

आयत: 11

فَلَا ٱقۡتَحَمَ ٱلۡعَقَبَةَ

Mbega, ubwo ntiyotanga amatungo yiwe akabona kuruhuka umuruho wo mu buzima bw’inyuma yo gupfa!

आयत: 12

وَمَآ أَدۡرَىٰكَ مَا ٱلۡعَقَبَةُ

Ni igiki cokumenyesha ico ari co umuruho wo mu buzima bw’inyuma yo gupfa n’icowugukiza!

आयत: 13

فَكُّ رَقَبَةٍ

Ni uguha umugurano w’umwemeramana ubwigenge;

आयत: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Canke ugufungurira mu gihe c’inzara izura inzara;

आयत: 15

يَتِيمٗا ذَا مَقۡرَبَةٍ

Impfuvyi ya hafi mu muryango^[2];

[2] Ugaheza ukaronka indishi zo gutanga imperezwa n’izo kwunga ubuvandimwe.

आयत: 16

أَوۡ مِسۡكِينٗا ذَا مَتۡرَبَةٖ

Canke umworo ata co yimariye (ata gira shinge na rugero).

आयत: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Inyuma yo gukora ivyo vyose, umuntu akaba ari mu bemeramana, bahanurana kwihanganira kwumvira Imana Allah no kutayigabitanyiriza, bakanahanurana kugirira impuhwe ibiremwa.

आयत: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Abo barangwa n’ivyo rero, ni bo bantu bo mu ruhande rw’iburyo, bazoruhukira mu Bwami bw’ijuru.

आयत: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Nayo abagararije Aayah zacu za Qor’ani, abo ni bo bantu bo mu ruhande rw’ibubamfu;

आयत: 20

عَلَيۡهِمۡ نَارٞ مُّؤۡصَدَةُۢ

Bazoba bapfundikiriwe mu muriro ubakikuje ku mpande zose.