భావార్ధాల అనువాదం సూరహ్ సూరహ్ అల్-వాఖియహ్ - الترجمة الكيروندية - పవిత్ర ఖుర్ఆన్ యొక్క ఎన్సైక్లోపీడియా

SURATU L-WAAQI’A

వచనం: 1

إِذَا وَقَعَتِ ٱلۡوَاقِعَةُ

Igihe umuhero w’isi wabaye;

వచనం: 2

لَيۡسَ لِوَقۡعَتِهَا كَاذِبَةٌ

Ukuba kwawo, nta n’umwe ashobora kuguhakana;

వచనం: 3

خَافِضَةٞ رَّافِعَةٌ

Uzota abansi b’Imana Allah mu muriro, uduze abatoni bayo mu Bwami bw’ijuru.

వచనం: 4

إِذَا رُجَّتِ ٱلۡأَرۡضُ رَجّٗا

Igihe isi yagigimye nya kugigima;

వచనం: 5

وَبُسَّتِ ٱلۡجِبَالُ بَسّٗا

Imisozi na yo ikavungagurika nya kuvungagurika;

వచనం: 6

فَكَانَتۡ هَبَآءٗ مُّنۢبَثّٗا

Igacika intumo itumurwa n’umuyaga mu kirere;

వచనం: 7

وَكُنتُمۡ أَزۡوَٰجٗا ثَلَٰثَةٗ

Maze na mwe ibiremwa mukagaburwa mu migwi itatu;

వచనం: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Umugwi w’abantu b’iburyo. Ese icokwereka icubahiro cabo n’indishi bagenewe!

వచనం: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Umugwi w’abantu b’ibubamfu. Ese icokwereka amagorwa bagowe n’ibihano bibarindiriye!

వచనం: 10

وَٱلسَّٰبِقُونَ ٱلسَّٰبِقُونَ

Hamwe rero n’umugwi w’abahurumbira gukora ivyiza kw’isi, bazotanga abandi mu vyubahiro vyo mu buzima bw’inyuma yo gupfa;

వచనం: 11

أُوْلَٰٓئِكَ ٱلۡمُقَرَّبُونَ

Aba rero, ni bo bazoba batonye hambavu y’Imana Allah;

వచనం: 12

فِي جَنَّٰتِ ٱلنَّعِيمِ

Ikazobinjiza mu Bwami bw’ijuru bwuzuye inema.

వచనం: 13

ثُلَّةٞ مِّنَ ٱلۡأَوَّلِينَ

Hazokwinjira muri Bwo, umugwi munini w’abantu bo mu binjana vya mbere mu barungikiwe Intumwa Muhamadi (nyakugira amahoro n’impuhwe z’Imana Allah) hamwe n’abandi bantu bo kuva ku gihe ca Adamu;

వచనం: 14

وَقَلِيلٞ مِّنَ ٱلۡأٓخِرِينَ

Hamwe rero n’umugwi w’abantu bake mu bakurikiye mu nyuma gushika ku musi w’iherezo^[1];

[1] Abo bakaba ari abarungikiwe Intumwa yasozereye izindi, Muhamadi (nyakugira amahoro n’impuhwe z’Imana Allah). Abo na bo, bafatwa ko ari umugwi w’abantu bake ugereranije n’igitigiri c’abandi bantu bose kuva kuri Adamu gushika ku muzo w’iyo Ntumwa.

వచనం: 15

عَلَىٰ سُرُرٖ مَّوۡضُونَةٖ

Bazoba bicaye ku bitanda bisharijwe n’inzahabu;

వచనం: 16

مُّتَّكِـِٔينَ عَلَيۡهَا مُتَقَٰبِلِينَ

Bavyegamiyeko, bicaye barabana;

వచనం: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Bazoba bakikujwe n’imisore myiza, ikurakuranwa mu kubazimana, iri mu runganwe rumwe, idasaza, itigera ipfa;

వచనం: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Ibahereza ibinyobwa mu bikombe n’amabirika, maze bahabwe n’akarahuri k’inzoga zenzwe mu mazi y’imbizi itemba mu Bwami bw’ijuru;

వచనం: 19

لَّا يُصَدَّعُونَ عَنۡهَا وَلَا يُنزِفُونَ

Ntibazosoma nya karahuri ngo bameneke umutwe, eka ntibazonaborerwa ngo umutwe uyayuke, batangure kudedemba bavuga ayamuhe;

వచనం: 20

وَفَٰكِهَةٖ مِّمَّا يَتَخَيَّرُونَ

Ibahereza n’ivyamwa bo bonyene bihitiyemwo;

వచనం: 21

وَلَحۡمِ طَيۡرٖ مِّمَّا يَشۡتَهُونَ

Hamwe n’inyama z’inyoni bo bonyene bipfuza;

వచనం: 22

وَحُورٌ عِينٞ

Bazoba bafiseyo n’abakenyezi bo mu Bwami bw’ijuru barangwa n’ubwiza bw’akataraboneka (Hururayini);

వచనం: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Ku bwiza bwa nya bakenyezi, wogira ngo ni lulu^[2] zikiri aho zaremewe, zitarakorwako n’iminwe y’abantu;

[2] Lulu, ni ubwoko bw’ubutare bwiburungushuye, bucukurwa mw’ibahari, bukaba buboneka mu binyabuzima biba musi yaryo, bukagira amabara atandukanye; nk’ibara ryera, iryirabura, n’ayandi. Ni ubutare buzimvye cane.

వచనం: 24

جَزَآءَۢ بِمَا كَانُواْ يَعۡمَلُونَ

Iyo ni yo mpembo yabo ku vyo bari barakoze kw’isi.

వచనం: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Muri nya Bwami, ntibazokwumva amajambo y’ikinyoma canke ay’imburakimazi;

వచనం: 26

إِلَّا قِيلٗا سَلَٰمٗا سَلَٰمٗا

Kiretse gusa ijambo riroranye ryeza umutima, n’iryo kuramukanya amahoro.

వచనం: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Abantu b’iburyo. Ese icokwereka icubahiro cabo n’indishi bagenewe!

వచనం: 28

فِي سِدۡرٖ مَّخۡضُودٖ

Bazoba bari ahantu hari igiti ca Sidri kitagira amahwa;

వచనం: 29

وَطَلۡحٖ مَّنضُودٖ

N’ibitoki vy’imihanyu igerekeranye;

వచనం: 30

وَظِلّٖ مَّمۡدُودٖ

Bari mu gatutu kamaho, katigera karenga;

వచనం: 31

وَمَآءٖ مَّسۡكُوبٖ

Hari n’amazi atemba, atigera akama;

వచనం: 32

وَفَٰكِهَةٖ كَثِيرَةٖ

N’ivyamwa vy’ubwoko bwinshi vy’urutavanako;

వచనం: 33

لَّا مَقۡطُوعَةٖ وَلَا مَمۡنُوعَةٖ

Bitigera bihundura, ata n’ikibabuza kuvyamura borohewe;

వచనం: 34

وَفُرُشٖ مَّرۡفُوعَةٍ

Bazoba bicaye ku bisaswa bishashe neza ku bitanda.

వచనం: 35

إِنَّآ أَنشَأۡنَٰهُنَّ إِنشَآءٗ

Mu vy’ukuri Twebwe Allah, Tuzoha abagore bo mu Bwami bw’ijuru indemo nshasha itandukanye kure cane n’iyo n’ukuntu bari bararemwe kw’isi;

వచనం: 36

فَجَعَلۡنَٰهُنَّ أَبۡكَارًا

Maze Tubagire amasugi;

వచనం: 37

عُرُبًا أَتۡرَابٗا

Yikundwakaza ku bagabo bayo, akaba no mu runganwe rumwe;

వచనం: 38

لِّأَصۡحَٰبِ ٱلۡيَمِينِ

Tukazobaremera bushasha abantu b’iburyo;

వచనం: 39

ثُلَّةٞ مِّنَ ٱلۡأَوَّلِينَ

Ari na bo bagize umugwi w’abantu benshi b’imbere y’irungikwa ry’Intumwa Muhamadi (nyakugira amahoro n’impuhwe z’Imana Allah);

వచనం: 40

وَثُلَّةٞ مِّنَ ٱلۡأٓخِرِينَ

Hamwe rero n’umugwi w’abantu benshi bakurikiye mu nyuma gushika ku musi w’iherezo.

వచనం: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Umugwi w’abantu b’ibubamfu. Ese icokwereka amagorwa bagowe n’ibihano bibarindiriye!

వచనం: 42

فِي سَمُومٖ وَحَمِيمٖ

Bazoba bari mu bihano vy’umwokero w’umuriro wa Jahannamu bahezagurika, bahemburwa n’amazi yasebuye akaryimara, acagagura amara;

వచనం: 43

وَظِلّٖ مِّن يَحۡمُومٖ

Bari mu gatutu k’umwotsi wa Jahannamu;

వచనం: 44

لَّا بَارِدٖ وَلَا كَرِيمٍ

Si ahantu harangwa n’akayaga wokwipfuza gushikira; si n’ahantu hubashwe wokwipfuza kuraba ibihabera;

వచనం: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Mu vy’ukuri n’imbere y’aho bakiri kw’isi, bararyoherwa n’ibizira mu bihendamaso vyayo, bakirengagiza ukuri bazaniwe n’Intumwa z’Imana Allah;

వచనం: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Baranatsimbatara kw’igarariza n’ibangikanyamana, batiyumvira kwigaya;

వచనం: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Bahora bavuga mu guhakana izurwa ry’ibiremwa, bati: “Mbega burya, nitwapfa tugacika ivu n’amagufa yaboze mu kuzimu, tuzoheza dusubizwe ubuzima tuzuke koko!

వచనం: 48

أَوَءَابَآؤُنَا ٱلۡأَوَّلُونَ

Burya, tuzozuka twebwe hamwe n’abavyeyi bacu bapfuye kera bagacika ivu!”.

వచనం: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Ntumwa y’Imana! Bakurire inkoni ku gishitsi, maze ubishure uti: “Mu vy’ukuri, abapfuye kera hamwe n’abazopfa mu nyuma muri Bene Adamu;

వచనం: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Ni ukuri bose bazozuka, maze begeranirizwe hamwe ku musi nyezina w’izuka”.

వచనం: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Hanyuma rero ga bantu bahuvye inzira y’ukuri, bagahakana bivuye inyuma isezerano ry’Imana Allah;

వచనం: 52

لَأٓكِلُونَ مِن شَجَرٖ مِّن زَقُّومٖ

Ni ukuri, muzorya ku giti Zaqquumu kiri mu nyenga y’umuriro;

వచనం: 53

فَمَالِـُٔونَ مِنۡهَا ٱلۡبُطُونَ

Maze ku kwicwa n’inzara, muzokiryako ku kwuzuza inda;

వచనం: 54

فَشَٰرِبُونَ عَلَيۡهِ مِنَ ٱلۡحَمِيمِ

Muheze mushozeko n’amazi yasebuye akaryimara;

వచనం: 55

فَشَٰرِبُونَ شُرۡبَ ٱلۡهِيمِ

Muzoyanywa kenshi atabavuna akanyota, nka kurya kw’ingamiya inywa ntihere inyota ku burwayi;

వచనం: 56

هَٰذَا نُزُلُهُمۡ يَوۡمَ ٱلدِّينِ

Ivyo bihano bateguriwe rero, ni yo nduhuro yabo ku musi w’iharurirwa n’impera.

వచనం: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Bantu! Twebwe Allah, Twabaremye ata co mwari muri, Tubarema mu busa. Ubwo none, ntimwokwemera ko Dushoboye no kubazura inyuma yo gupfa!

వచనం: 58

أَفَرَءَيۡتُم مَّا تُمۡنُونَ

Mbega ntimuraba ngo mubone intanga musesera mu gitereko c’abagore banyu;

వచనం: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Ni mwebwe muheza mukaziremamwo umuntu, canke ni Twebwe Turema!

వచనం: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Twebwe Allah, umwe wese muri mwebwe, Twaramugeneye isango ryiwe ryo gupfa, ntitwonanirwa rero;

వచనం: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Kubarema ukundi ku musi w’izuka, maze Tukabarema ukuntu mutazi;

వచనం: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Ni ukuri, mwaramenye ko Imana Allah Yabaremye iremwa rya mbere ata co mwari muri. Ubwo none, ntimwokwibuka ko Ishoboye no kubarema bushasha!

వచనం: 63

أَفَرَءَيۡتُم مَّا تَحۡرُثُونَ

Mbega murabona ivyo muteragira mu kurima!

వచనం: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Ni mwebwe mubinagisha bikagondora biva mu kuzimu, canke ni Twebwe Tubinagisha bikamera!

వచనం: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Iyo Dushaka rero, Twari kugira ivyo mwateragiye bigacika ubusize, maze mugasigara mwipfumbereje, mukumirwa muravye ivyashikiye ibiterwa vyanyu;

వచనం: 66

إِنَّا لَمُغۡرَمُونَ

Mukavuga muti: “Mu vy’ukuri, turaguye mu gahombo katagira izina;

వచనం: 67

بَلۡ نَحۡنُ مَحۡرُومُونَ

Ahubwo mbere turabuze n’icotubeshaho!”.

వచనం: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Mbega, ntimuraba ngo mubone amazi munywa kugira mubeho!

వచనం: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Ni mwebwe muyamanura mu bicu maze hakagwa imvura kw’isi, canke ni Twebwe Allah Dutuma imvura igwa ku mpuhwe zacu!

వచనం: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Iyo Dushaka rero, Twari kuyagira amazi y’icunyunyu ku buryo mudashobora kuyakoresha mu kunywa no mu kuvomera ibiterwa vyanyu. Ubwo none, ntimwoshimira Imana Allah ku nema yo kuronswa amazi y’akanovera!

వచనం: 71

أَفَرَءَيۡتُمُ ٱلنَّارَ ٱلَّتِي تُورُونَ

Mbega ntimuraba ngo mubone umucanwa mucana!

వచనం: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Ni mwebwe mwaremye igiti cawo, canke ni Twebwe Allah Twakiremye!

వచనం: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Twebwe Allah, Twabagiriye umucanwa kugira ubabere inkebuzo ibibutsa umuriro wa Jahannamu, no kugira ubere kirumara abari ku rugendo.

వచనం: 74

فَسَبِّحۡ بِٱسۡمِ رَبِّكَ ٱلۡعَظِيمِ

Muvugishwamana! Ninahaza izina ry’Imana yawe Rurema Allah ku mazina yayo no ku matazirano yayo, Nyenicubahirogisumbavyose.

వచనం: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Jewe Allah, Ndarahiye ku bituro inyenyeri zirengerako mu kirere!

వచనం: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Iyo rero mu vy’ukuri, ni indahiro koko iyo mumenya uburemere bwayo buhambaye;

వచనం: 77

إِنَّهُۥ لَقُرۡءَانٞ كَرِيمٞ

Mu vy’ukuri, iyi Qor’ani yahishuriwe Muhamadi (nyakugira amahoro n’impuhwe z’Imana Allah), ni Qor’ani yubashwe, irimwo ubumenyi n’ivyiza vyinshi;

వచనం: 78

فِي كِتَٰبٖ مَّكۡنُونٖ

Yanditswe mu Gitabu gicungerewe n’abamalayika ku Mana Allah, ahatabonwa n’ibiremwa;

వచనం: 79

لَّا يَمَسُّهُۥٓ إِلَّا ٱلۡمُطَهَّرُونَ

Nta n’uwugikorako, kiretse abamalayika bubashwe bejejwe ivyaha. Eka mbere nta n’uwugikorako mu biremwa, kiretse abejejwe ibangikanyamana n'ibihumanya bituma umuntu yiyuhagira agatunganya n’isuku ryo gusenga.

వచనం: 80

تَنزِيلٞ مِّن رَّبِّ ٱلۡعَٰلَمِينَ

Iyi Qor’ani, yamanuwe ivuye ku Mana Rurema Allah Yaremye ibiremwa vyose.

వచనం: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Mbega none ga babangikanyamana, ni iyi Qor’ani muhakana mwivuye inyuma!

వచనం: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Maze mukagira ishimwa ry’inema z’Imana Allah, rikaba uguhakana mwivuye inyuma!

వచనం: 83

فَلَوۡلَآ إِذَا بَلَغَتِ ٱلۡحُلۡقُومَ

Mbega burya igihe umuntu yoba ari ku mpfiro, umutima ugeze mu muhogo agira acikane;

వచనం: 84

وَأَنتُمۡ حِينَئِذٖ تَنظُرُونَ

Na mwe mukaba ari ho mwibereye muraba ukuntu asambagirika, mwoshobora gutuma adacikana! Muranguha.

వచనం: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Kandi rero muri ico gihe, Twebwe Allah Tubicishije ku bamalayika, Tuba Turi hafi yiwe cane kurusha uko mumwegereye, ariko rero mwebwe ntimubabona.

వచనం: 86

فَلَوۡلَآ إِن كُنتُمۡ غَيۡرَ مَدِينِينَ

Mbega nimwaba mutazoharurirwa ngo muhemberwe ivyo mwakoze;

వచనం: 87

تَرۡجِعُونَهَآ إِن كُنتُمۡ صَٰدِقِينَ

Murashobora gusubiza mu mubiri w’uwapfuye, inkomoko y’ubuzima “Roho” maze akaba muzima nimwaba muri imvugakuri! Muranguha.

వచనం: 88

فَأَمَّآ إِن كَانَ مِنَ ٱلۡمُقَرَّبِينَ

Uwapfuye rero, iyo ari uwo mu bantu bahurumbira gukora ivyiza, batonye ku Mana Allah;

వచనం: 89

فَرَوۡحٞ وَرَيۡحَانٞ وَجَنَّتُ نَعِيمٖ

Igihe co gucikana, aba ari mu mpuhwe z’Imana Allah hamwe n’umunezero nta ngere; akazohabwa n’Ubwami bw’ijuru bwuzuye inema.

వచనం: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Iyo uwupfuye, ari uwo mu bantu b’iburyo naho;

వచనం: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

Mu gihe co gucikana abwirwa ati: “Urakagira iteka n’itekane kuba uri mu bantu b’iburyo”.

వచనం: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Iyo uwupfuye, ari mu bahakana bivuye inyuma izurwa ry’ibiremwa, bahuvye inzira y’ukuri;

వచనం: 93

فَنُزُلٞ مِّنۡ حَمِيمٖ

Azokwakirwa mu muriro wa Jahannamu, aheze azimanwe amazi yasebuye akaryimara;

వచనం: 94

وَتَصۡلِيَةُ جَحِيمٍ

Maze yinjizwe mu muriro ururumba, aheze awote.

వచనం: 95

إِنَّ هَٰذَا لَهُوَ حَقُّ ٱلۡيَقِينِ

Ntumwa y’Imana! Ibi Tukwiganiye, ni kwo kuri koko kudahinyuzwa.

వచనం: 96

فَسَبِّحۡ بِٱسۡمِ رَبِّكَ ٱلۡعَظِيمِ

Muvugishwamana! Ninahaza izina ry’Imana yawe Rurema Allah ku mazina yayo no ku matazirano yayo, Nyenicubahirogisumbavyose.