แปลความหมายอัลกุรอาน - คำแปลภาษาฟูลานี สำหรับหนังสืออรรถาธิบายอัลกุรอานอย่างสรุป (อัลมุคตะศ็อร ฟีตัฟซีร อัลกุรอานิลกะรีม) * - สารบัญคำแปล
۞ وَمَآ أَنزَلۡنَا عَلَىٰ قَوۡمِهِۦ مِنۢ بَعۡدِهِۦ مِن جُندٖ مِّنَ ٱلسَّمَآءِ وَمَا كُنَّا مُنزِلِينَ
Men hatonjinaano e halkirgol yimɓe makko fennunooɓe ɓen wari mo, e koneeli Malaa'ika, ɗi Men jippinirta ka kammu. Tawde fii maɓɓe no hoyani Men diini ɗum. Ko Men eɓɓirnoo halakuyee maɓɓe on, ko haacaango immorde ka kammu, wanaa jippingol Malaa'ika ko lepte ɓe.
ตัฟสีรต่างๆ ภาษาอาหรับ:
إِن كَانَتۡ إِلَّا صَيۡحَةٗ وَٰحِدَةٗ فَإِذَا هُمۡ خَٰمِدُونَ
Halkeede yimɓe makko ɓen wonaano, si wanaa haacaango wooto, ngo Men wuurti e maɓɓe, tawi ɓe tallii hay gooto heddaaki, fii maɓɓe gasii. No ɓe waɗtiniri non, ko wano yiite huɓɓunoonge, nge ñifi, hara baɗte magge heddaaki.
ตัฟสีรต่างๆ ภาษาอาหรับ:
يَٰحَسۡرَةً عَلَى ٱلۡعِبَادِۚ مَا يَأۡتِيهِم مِّن رَّسُولٍ إِلَّا كَانُواْ بِهِۦ يَسۡتَهۡزِءُونَ
Ee ninse jeyaaɓe fennunooɓe, ee hayrere maɓɓe Ñalnde Darngal, tuma ɓe yi'oyta lepte ɗen! Ko tawde ɓe woniino ka aduna maɓɓe, Nulaaɗo kala arunooɗo ɓe immorde ka Alla, ɓe waɗtayno mo jalnori, ɓe jalkita mo. Baɗtane maɓɓe ɗen wonti ninse Ñalnde Darngal, fii ko ɓe fantini kon e bannge Alla.
ตัฟสีรต่างๆ ภาษาอาหรับ:
أَلَمۡ يَرَوۡاْ كَمۡ أَهۡلَكۡنَا قَبۡلَهُم مِّنَ ٱلۡقُرُونِ أَنَّهُمۡ إِلَيۡهِمۡ لَا يَرۡجِعُونَ
E ɓee fennooɓe jalkita Nulaaɓe yi'aali ɓe waajitora mofte adinooɓe ɓe? Ɓe annda ɓen ɗon maayiino, ɓe artataa aduna han kadi. Ɓe yahdii e kuuɗe maɓɓe. Wonnde Alla yoɓitoyay ɓe ɗum.
ตัฟสีรต่างๆ ภาษาอาหรับ:
وَءَايَةٞ لَّهُمُ ٱلۡأَرۡضُ ٱلۡمَيۡتَةُ أَحۡيَيۡنَٰهَا وَأَخۡرَجۡنَا مِنۡهَا حَبّٗا فَمِنۡهُ يَأۡكُلُونَ
Hujja ummital ngal no woodani fennuɓe ɓen: e leydi yoorundi hokki ndin, Men jippini toɓo e mayri, immorde ka kammu, Men fuɗini e mayri nooneeji puɗi, Men yaltini nooneeji e gabbe, e nder ɗin puɗi, fii ko yimɓe ɓen ñaama. Yo ɓe anndu non, wuurnirɗo ndin leydi ɗon non, ko hattanɗo wuurnitugol maayɓe.
ตัฟสีรต่างๆ ภาษาอาหรับ:
لِيَأۡكُلُواْ مِن ثَمَرِهِۦ وَمَا عَمِلَتۡهُ أَيۡدِيهِمۡۚ أَفَلَا يَشۡكُرُونَ
Men waɗiri ɗen gese, fii no yimɓe ɓen ñaamira e majje, immorde e kon ko Alla neemini e maɓɓe, hara ɓe yannganaaki ɗum. E ɓee yettirtaa Alla e ɗii neemaaji ɗon, rewugol Mo Kanko tun, gomɗina kadi Nulaaɓe Makko ɓen?
ตัฟสีรต่างๆ ภาษาอาหรับ:
سُبۡحَٰنَ ٱلَّذِي خَلَقَ ٱلۡأَزۡوَٰجَ كُلَّهَا مِمَّا تُنۢبِتُ ٱلۡأَرۡضُ وَمِنۡ أَنفُسِهِمۡ وَمِمَّا لَا يَعۡلَمُونَ
Senaade woodanii Alla, O toowii. On fuɗɗuɗo nooneeji ɗin fow: gila e puɗi e leɗɗe, haa e wonkiiji yimɓe ɓen, tawde O waɗirii ɓe deyel e gorel, e kon ko ɓe anndaa fii mun, e tagu Alla ngun ka njorndi e maayo ekn.
ตัฟสีรต่างๆ ภาษาอาหรับ:
وَءَايَةٞ لَّهُمُ ٱلَّيۡلُ نَسۡلَخُ مِنۡهُ ٱلنَّهَارَ فَإِذَا هُم مُّظۡلِمُونَ
Hujja goo wonanii yimɓe ɓen e fii wootinɗingol Alla, tawde Meɗen naɓira ndaygu ngun, naɓugol ñalorma on, adda jemma on, tuma Men sortata ñalorma on e makko, Men waɗta ɗum niwre, haa yimɓe ɓen naatii e mayre.
ตัฟสีรต่างๆ ภาษาอาหรับ:
وَٱلشَّمۡسُ تَجۡرِي لِمُسۡتَقَرّٖ لَّهَاۚ ذَٰلِكَ تَقۡدِيرُ ٱلۡعَزِيزِ ٱلۡعَلِيمِ
Maande goo hollaynde ɓe gootaagu Alla ngun, ko ngee naange dogaynge haa e ñiiɓirde nge Alla anndi eɓɓoore mun, nge haɗta ɗon. Nden, ko eɓɓoore Fooluɗo Mo fooletaake On, Annduɗo Mo huunde e fiyakuuji tagu Makko ngun wirnanaaki Mo.
ตัฟสีรต่างๆ ภาษาอาหรับ:
وَٱلۡقَمَرَ قَدَّرۡنَٰهُ مَنَازِلَ حَتَّىٰ عَادَ كَٱلۡعُرۡجُونِ ٱلۡقَدِيمِ
Maande goo kadi tinndinnde e gootaagu Alla seniiɗo On, ko nduu lewru, ndu Men eɓɓani jipporde jemma kala. Ndu fuɗɗora toksuru, hooti ndu mawna, hooti ndu fanɗita, haa ndu waɗtinira wano baaŋal tamarohi e noone mun ka soyɗugol e ka hiɗɗugol.
ตัฟสีรต่างๆ ภาษาอาหรับ:
لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ
Maandeeji naange ngen e lewru ndun, e jamma on e ñalorma on, ko Alla elti ɗi. Ɗi haɗtanaa yawtugol ko ɗi eɓɓanaa kon. Wanaa naange ngen woni ko waawi hewtitorgol lewru ndun, waylugol dogudu magge maa naɓugol ndaygu magge, wanaa jemaa on kadi haɗtanaa aditagol ñalorma on, ado o lannude. Ɗi fow majji non, e kala koode e ruugayɗi, ko eltanaaɗi laawi heeriiɗi.
ตัฟสีรต่างๆ ภาษาอาหรับ:
แปลความหมายอัลกุรอาน - คำแปลภาษาฟูลานี สำหรับหนังสืออรรถาธิบายอัลกุรอานอย่างสรุป (อัลมุคตะศ็อร ฟีตัฟซีร อัลกุรอานิลกะรีม) - สารบัญคำแปล
โดย ศูนย์ตัฟซีรเพื่อการศึกษาอัลกุรอาน