แปลความหมาย​ สูเราะฮ์ Al-Wāqi‘ah - คำแปลภาษาเฮาซา - อบูบักร จญูมีย์ - สารานุกรมอัลกุรอาน

Suratu Al'waki'ah

อายะฮ์: 1

إِذَا وَقَعَتِ ٱلۡوَاقِعَةُ

Idan mai aukuwa ta auku.

อายะฮ์: 2

لَيۡسَ لِوَقۡعَتِهَا كَاذِبَةٌ

Bãbu wani (rai) mai ƙaryatãwa ga aukuwarta.

อายะฮ์: 3

خَافِضَةٞ رَّافِعَةٌ

(Ita) mai ƙasƙantãwa ce, mai ɗaukakãwa.

อายะฮ์: 4

إِذَا رُجَّتِ ٱلۡأَرۡضُ رَجّٗا

Idan aka girgiza ƙasã girgizwa.

อายะฮ์: 5

وَبُسَّتِ ٱلۡجِبَالُ بَسّٗا

Kuma aka niƙe duwãtsu, niƙẽwa.

อายะฮ์: 6

فَكَانَتۡ هَبَآءٗ مُّنۢبَثّٗا

Sai suka kasance ƙũra da ake wãtsarwa.

อายะฮ์: 7

وَكُنتُمۡ أَزۡوَٰجٗا ثَلَٰثَةٗ

Kuma kun kasance nau'i uku.

อายะฮ์: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Watau mazõwa dãma*. Mẽne ne mazõwa dãma?

* Mazõwa dãma ko mãsu albarka waɗanda zã a baiwa takardunsu a dãma. Mazõwa hagu ko mãsu shu'umci waɗanda zã a baiwa takardunsu da hagu.

อายะฮ์: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Da mazõwa hagu. Mẽne ne mazõwa hagu?

อายะฮ์: 10

وَٱلسَّٰبِقُونَ ٱلسَّٰبِقُونَ

Da waɗanda suka tsẽre. Sũ wɗanda suka tsẽren nan,

อายะฮ์: 11

أُوْلَٰٓئِكَ ٱلۡمُقَرَّبُونَ

Waɗancan, sũ ne waɗanda aka kusantar.

อายะฮ์: 12

فِي جَنَّٰتِ ٱلنَّعِيمِ

A ckin Aljannar ni'ima.

อายะฮ์: 13

ثُلَّةٞ مِّنَ ٱلۡأَوَّلِينَ

Jama'a ne daga mutãnen farko.*

* Jama'a daga mutãnen farko, sũ ne Annabãwan farko da kaɗan daga cikin mutãnen ƙarshe, shi ne Annabi Muhammadu, sallallãhu alaihi wa sallama. Bã a shiga cikin wannan kashi da aiki sai dai da zãɓin Allah. Kuma an rufe ƙõfarsa. Bãbu sauran wani annabi wanda zai zo da wani addini sãbo a bãyan Annabi Muhammadu, tsĩra da amincin Allah su tabbata a gare shi.

อายะฮ์: 14

وَقَلِيلٞ مِّنَ ٱلۡأٓخِرِينَ

Da kaɗan daga mutãnen ƙarshe.

อายะฮ์: 15

عَلَىٰ سُرُرٖ مَّوۡضُونَةٖ

(Sunã) a kan wasu gadãje sãƙaƙƙu.

อายะฮ์: 16

مُّتَّكِـِٔينَ عَلَيۡهَا مُتَقَٰبِلِينَ

Sunã gincire a kansu, sunã mãsu kallon jũna.

อายะฮ์: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Wasu yara samãri na dindindin gẽwaya a kansu.

อายะฮ์: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Da wasu kõfuna da shantula da hinjãlai daga (giya) mai ɓuɓɓuga.

อายะฮ์: 19

لَّا يُصَدَّعُونَ عَنۡهَا وَلَا يُنزِفُونَ

Bã a sanya musu cĩwon jirĩ sabõda ita, kuma bã su buguwa.

อายะฮ์: 20

وَفَٰكِهَةٖ مِّمَّا يَتَخَيَّرُونَ

Da wasu 'ya'yan itãcen marmari daga irin waɗanda suke zãɓe.

อายะฮ์: 21

وَلَحۡمِ طَيۡرٖ مِّمَّا يَشۡتَهُونَ

Da nãman tsuntsãye daga wanda suke ganin sha'awa.

อายะฮ์: 22

وَحُورٌ عِينٞ

Da wasu mãtã mãsu fararen idanu da girmansu.

อายะฮ์: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Kamar misãlan lu'ulu'u wanda aka ɓõye.

อายะฮ์: 24

جَزَآءَۢ بِمَا كَانُواْ يَعۡمَلُونَ

A kan sakamakon, dõmin abin da suka kasance sunã aikatãwa.

อายะฮ์: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Bã su jin wata yãsassar magana a cikinta, kuma bã su jin sun yi laifi.

อายะฮ์: 26

إِلَّا قِيلٗا سَلَٰمٗا سَلَٰمٗا

Sai dai wata magana (mai dãɗi): Salãmun, Salãmun.

อายะฮ์: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Da mazõwa dãma. Mẽne ne mazõwa dãma?

อายะฮ์: 28

فِي سِدۡرٖ مَّخۡضُودٖ

(Sunã) a cikin itãcen magarya maras ƙaya.

อายะฮ์: 29

وَطَلۡحٖ مَّنضُودٖ

Da wata ayaba mai yawan 'ya'ya.

อายะฮ์: 30

وَظِلّٖ مَّمۡدُودٖ

Da wata inuwa mĩƙaƙƙiya.

อายะฮ์: 31

وَمَآءٖ مَّسۡكُوبٖ

Da wani ruwa mai gudãna.

อายะฮ์: 32

وَفَٰكِهَةٖ كَثِيرَةٖ

Da wasu 'ya'yan itacen marmari mãsu yawa.

อายะฮ์: 33

لَّا مَقۡطُوعَةٖ وَلَا مَمۡنُوعَةٖ

Bã su yankẽwa kuma bã a hana su.

อายะฮ์: 34

وَفُرُشٖ مَّرۡفُوعَةٍ

Da wasu shimfiɗu maɗaukaka.

อายะฮ์: 35

إِنَّآ أَنشَأۡنَٰهُنَّ إِنشَآءٗ

Lalle Mũ, Mun ƙãga halittarsu ƙãgãwa.

อายะฮ์: 36

فَجَعَلۡنَٰهُنَّ أَبۡكَارًا

Sa'an nan Muka sanya su budurwai.

อายะฮ์: 37

عُرُبًا أَتۡرَابٗا

Mãsu son mazansu, a cikin tsãrã ɗaya.

อายะฮ์: 38

لِّأَصۡحَٰبِ ٱلۡيَمِينِ

Ga mazõwa dãma.

อายะฮ์: 39

ثُلَّةٞ مِّنَ ٱلۡأَوَّلِينَ

Wata ƙungiya ce daga mutãnen farko.

อายะฮ์: 40

وَثُلَّةٞ مِّنَ ٱلۡأٓخِرِينَ

Da wata ƙungiya daga mutãnen ƙarshe.

อายะฮ์: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Mazõwa hagu, Mẽne ne mazõwa hagu?

อายะฮ์: 42

فِي سَمُومٖ وَحَمِيمٖ

Sunã a cikin wata iskar zãfi da wani ruwan zãfi.

อายะฮ์: 43

وَظِلّٖ مِّن يَحۡمُومٖ

Da wata inuwa ta hayãƙi mai baƙi.

อายะฮ์: 44

لَّا بَارِدٖ وَلَا كَرِيمٍ

Bã mai sanyi ba, kuma bã mai wata ni'ima ba.

อายะฮ์: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Lalle sũ, sun kasance a gabãnin wannan waɗanda aka jiyar dãɗi.

อายะฮ์: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Kuma sun kasance sunã dõgẽwa a kan mummũnan zunubi mai girma.

อายะฮ์: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Kuma sun kasance sunã cẽwa: "Shin idan mun mutukuma muko kasance turɓãya da ƙasũsuwa shin lalle mũ waɗanda zã a kõma rãyarwa ne haƙĩƙatan?"

อายะฮ์: 48

أَوَءَابَآؤُنَا ٱلۡأَوَّلُونَ

"Shin, kuma da ubanninmu na farko?"

อายะฮ์: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Ka ce: "Lalle mutãnen farko da na ƙarshe."

อายะฮ์: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

"Tabbas, waɗanda ake tãrãwa ne a cikin wani yini sananne."

อายะฮ์: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

"Sa'an nan lalle ku, ya kũ ɓatattu, mãsu ƙaryatãwa!"

อายะฮ์: 52

لَأٓكِلُونَ مِن شَجَرٖ مِّن زَقُّومٖ

"Lalle mãsu cĩ ne daga wata itãciya ta zaƙƙum (ɗanyen wutã)."

อายะฮ์: 53

فَمَالِـُٔونَ مِنۡهَا ٱلۡبُطُونَ

"Har za ku zama mãsu cika cikunna daga gare ta."

อายะฮ์: 54

فَشَٰرِبُونَ عَلَيۡهِ مِنَ ٱلۡحَمِيمِ

"Sa'an nan kuma mãsu shã ne, a kan wannan abin cin, daga ruwan zãfi."

อายะฮ์: 55

فَشَٰرِبُونَ شُرۡبَ ٱلۡهِيمِ

"Ku zama mãsu shã irin shan rãƙuma mãsu ƙishirwa."

อายะฮ์: 56

هَٰذَا نُزُلُهُمۡ يَوۡمَ ٱلدِّينِ

Wannan ita ce liyãfarsu a rãnar sakamako.

อายะฮ์: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Mũ ne Muka halitta ku, to, don me bã zã ku gaskata ba?

อายะฮ์: 58

أَفَرَءَيۡتُم مَّا تُمۡنُونَ

Shin kuma kun ga abin da kuke fitarwa na maniyyi?

อายะฮ์: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Shin kũ ne kuke halitta shi, kõ kuwa mũ ne Mãsu halittãwa?

อายะฮ์: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Mũ ne Muka ƙaddara mutuwa a tsakãninku, kuma ba Mu zama Mãsu gajiyãwa* ba,

* Ãyã ta 60 haɗe take da ãya ta 61 watau, bã zã Mu kãsa musanya ku da waɗansu mutãne ba su tsaya matsayinku, sa'an nan kũ kuma Mu mayar da ku wata halitta.

อายะฮ์: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

A kan Mu musanya waɗansu (mutãne) kamarku, kuma Mu mayar da ku a cikin wata halitta da ba ku sani ba.

อายะฮ์: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Kuma lalle, ne haƙĩƙa, kun san halittar farko, to, don me ba zã ku yi tunãni ba?

อายะฮ์: 63

أَفَرَءَيۡتُم مَّا تَحۡرُثُونَ

Shin, kuma kun ga abin da kũke nõmãwa?

อายะฮ์: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Shin, kũ ne ke tsirar da shi kõ kuwa Mũ ne Mãsu tsirarwa?

อายะฮ์: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Dã Munã so lalle, da Mun sanya shi bũsasshiyar ciyãwa, sai ku yini kunã mãmãkin bãƙin ciki.

อายะฮ์: 66

إِنَّا لَمُغۡرَمُونَ

(Kunã cẽwa) "Lalle haƙĩƙa an azã mana tãra!"

อายะฮ์: 67

بَلۡ نَحۡنُ مَحۡرُومُونَ

"Ã'a, mun dai zama waɗanda aka hanã wa!"

อายะฮ์: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Shin, kuma kun ga ruwa wannan da kuke sha?

อายะฮ์: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Shin, kũ ne kuke saukar da shi daga girgije, kõ kuwa Mũne Mãsu saukarwa?

อายะฮ์: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Dã Mun so, dã Mun mayar da shi ruwan zartsi. To don me bã ku gõdẽwa?

อายะฮ์: 71

أَفَرَءَيۡتُمُ ٱلنَّارَ ٱلَّتِي تُورُونَ

Shin, kuma kun ga wutã wannan da kuke ƙyastãwa?

อายะฮ์: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Shin, kũ ne kuke ƙagã halittar itãciyarta, kõ kuwa Mũ ne Mãsu ƙãgãwa?

อายะฮ์: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Mũ ne Muka sanya ta wata abar wa'azi da jin dãɗi ga matafiya a cikin jẽji.

อายะฮ์: 74

فَسَبِّحۡ بِٱسۡمِ رَبِّكَ ٱلۡعَظِيمِ

Sai ka tsarkake sũnan Ubangijinka Mai girma.

อายะฮ์: 75

۞ فَلَآ أُقۡسِمُ بِمَوَٰقِعِ ٱلنُّجُومِ

To, bã sai Na yi rantsuwa ba da lõkutan fãɗuwar taurãri.

อายะฮ์: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Kuma lalle ne' haƙĩƙa, rantsuwa ce mai girma, dã kun sani.

อายะฮ์: 77

إِنَّهُۥ لَقُرۡءَانٞ كَرِيمٞ

Lalle shi (wannan littãfi), haƙĩƙa, abin karantãwa ne mai daraja.

อายะฮ์: 78

فِي كِتَٰبٖ مَّكۡنُونٖ

A cikin wani littafi tsararre.

อายะฮ์: 79

لَّا يَمَسُّهُۥٓ إِلَّا ٱلۡمُطَهَّرُونَ

Bãbu mai shãfa shi fãce waɗanda aka tsarkake.

อายะฮ์: 80

تَنزِيلٞ مِّن رَّبِّ ٱلۡعَٰلَمِينَ

Wanda aka saukar ne daga Ubangijin halitta.

อายะฮ์: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Shin, to, wannan lãbãrin ne kuke mãsu wulãkantãwa?

อายะฮ์: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Kuma kunã sanya arzikinku (game da shi) lalle kũ, ku ƙaryata (shi)?

อายะฮ์: 83

فَلَوۡلَآ إِذَا بَلَغَتِ ٱلۡحُلۡقُومَ

To, don me idan rai ya kai ga maƙõshi? (Kusa da mutuwa).

อายะฮ์: 84

وَأَنتُمۡ حِينَئِذٖ تَنظُرُونَ

Alhãli kuwa kũ, a lõklcin nan, kunã kallo.

อายะฮ์: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Kuma Mũ ne mafi kusanta gare shi daga gare ku, to, amma kũ bã ku gani.

อายะฮ์: 86

فَلَوۡلَآ إِن كُنتُمۡ غَيۡرَ مَدِينِينَ

To, don me in dai kun kasance bã waɗanda zã a yi wa sakamako ba?

อายะฮ์: 87

تَرۡجِعُونَهَآ إِن كُنتُمۡ صَٰدِقِينَ

Ku mayar da shi (cikin jikinsa) har idan kun kasance mãsu gaskiya.*

* Idan kun kasance mãsu gaskiya ga da'awar rashin Tãshin Ƙiyãma, to, ku yi ƙõƙarin hana mutuwa ga mutãne dõmin ku hana cikar alkawarin tayarwa a bãyan mutuwa.

อายะฮ์: 88

فَأَمَّآ إِن كَانَ مِنَ ٱلۡمُقَرَّبِينَ

To, amma idan (mai mutuwar) ya kasance daga makusanta,

อายะฮ์: 89

فَرَوۡحٞ وَرَيۡحَانٞ وَجَنَّتُ نَعِيمٖ

Sai hũtawa da kyakkyawan abinci da Aljannar ni'ima.

อายะฮ์: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Kuma amma idan ya kasance daga mazõwa dãma,

อายะฮ์: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

Sai (a ce masa) aminci ya tabbata a gare ka daga mazõwa dãma.

อายะฮ์: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Kuma amma idan ya kasance daga mãsu ƙaryatãwar, ɓatattun,

อายะฮ์: 93

فَنُزُلٞ مِّنۡ حَمِيمٖ

Sai wata liyãfa ta ruwan zãfi.

อายะฮ์: 94

وَتَصۡلِيَةُ جَحِيمٍ

Da ƙõnuwa da Jahĩm,

อายะฮ์: 95

إِنَّ هَٰذَا لَهُوَ حَقُّ ٱلۡيَقِينِ

Lalle wannan, haƙĩƙa, ita ce gaskiya ta yaƙĩni.

อายะฮ์: 96

فَسَبِّحۡ بِٱسۡمِ رَبِّكَ ٱلۡعَظِيمِ

Sabõda haka, ka tsarkake* sũnan Ubangijinka, Mai karimci.

* A cikin rukũ'i anã tasbĩhi da cewa: "Subhãna Rabbiyal Azĩm wa Bihamdih." Ma'anarsa Tsarki ya tabbata ga Ubangijina Mai girma game da gõde Masa.