Salin ng mga Kahulugan Surah Al-Ghāshiyah - Salin sa Wikang Pashto ng Al-Mukhtasar fī Tafsīr Al-Qur’an Al-Karīm - Numero ng Pahina 592 - Ensayklopedia ng Marangal na Qur-an

غاشیه

Ilan sa mga Layon ng Surah:

التذكير بالآخرة وما فيها من الثواب والعقاب، والنظر في براهين قدرة الله.

د آخرت او هلته چې کوم ثواب او عذاب دي د هغو ور په يادول او د الله د قدرت په دليلونو کې فکر کول.

---

Ayah: 1

هَلْ اَتٰىكَ حَدِیْثُ الْغَاشِیَةِ ۟ؕ

اې رسوله! تاته د هغه قيامت خبر رسېدلی چې پر خپلو سختيو به خلک پټوي؟!.

Ayah: 2

وُجُوْهٌ یَّوْمَىِٕذٍ خَاشِعَةٌ ۟ۙ

د قيامت په ورځ به خلک يا نېکمرغه وي او يا به بدمرغه وي، نو د بدمرغو مخونه به سپک ذليل وي.

Ayah: 3

عَامِلَةٌ نَّاصِبَةٌ ۟ۙ

ستړي او په سختيو کې به وي د هغو ځنځيرونو له امله چې پرې کشکول کيږي او طوقونو له امله چې په غاړو کې ور اچول کيږي.

Ayah: 4

تَصْلٰی نَارًا حَامِیَةً ۟ۙ

دغه مخونه به داسې ګرم اور ته ور ننوځي چې ګرمي به يې زغمي.

Ayah: 5

تُسْقٰی مِنْ عَیْنٍ اٰنِیَةٍ ۟ؕ

له داسې چينې به څښاک ورکول کیږي چې اوبه يې سختې ګرمې وي.

Ayah: 6

لَیْسَ لَهُمْ طَعَامٌ اِلَّا مِنْ ضَرِیْعٍ ۟ۙ

د هغوی لپاره به خواړه چې خوري يې يوازې تر ټولو بد او ناوړه بوی لرونکي خواړه وي چې د شبرق نومي واښه دي کله چې وچ شي نو زهرجن ګرځي.

Ayah: 7

لَّا یُسْمِنُ وَلَا یُغْنِیْ مِنْ جُوْعٍ ۟ؕ

خوړونکی يې نه پرې چاغيږي او نه يې لوږه ايساروي.

Ayah: 8

وُجُوْهٌ یَّوْمَىِٕذٍ نَّاعِمَةٌ ۟ۙ

د نېکمرغه خلکو مخونه به په هغه ورځ د نعمت، ښکلا او خوشحالۍ والا وي، ځکه هغوی به له نعمتونو سره مخ شوي وي.

Ayah: 9

لِّسَعْیِهَا رَاضِیَةٌ ۟ۙ

د خپل هغه نېک کار لپاره به يې خوښ وي چې په دنيا کې يې کړی دی، د نېک عمل څو برابره بدله به يې زېرمه شوې موندلې وي.

Ayah: 10

فِیْ جَنَّةٍ عَالِیَةٍ ۟ۙ

او د لوړې مرتبې او شان والا جنت کې به وي.

Ayah: 11

لَّا تَسْمَعُ فِیْهَا لَاغِیَةً ۟ؕ

په جنت کې به بې ځايه او باطله کلمه نه اوري، د ناروا کلمې اورېدل خو به بيخي نه وي.

Ayah: 12

فِیْهَا عَیْنٌ جَارِیَةٌ ۟ۘ

په دغه جنت کې به روانې چينې وي چې بهيږي به، او څنګه چې وغواړي اوړي به.

Ayah: 13

فِیْهَا سُرُرٌ مَّرْفُوْعَةٌ ۟ۙ

په هغو کې به اوچت اوچت تختونه وي.

Ayah: 14

وَّاَكْوَابٌ مَّوْضُوْعَةٌ ۟ۙ

او داسې اېښودل شوي پيالې به وي چې د څښاک لپاره به چمتو وي.

Ayah: 15

وَّنَمَارِقُ مَصْفُوْفَةٌ ۟ۙ

او په هغه (جنت) کې به يو له بل سره کتار اېښودل شوې تکيې وي.

Ayah: 16

وَّزَرَابِیُّ مَبْثُوْثَةٌ ۟ؕ

او په هغه کې به ډېر دلته او هلته غوړېدلي فرشونه وي.

Ayah: 17

اَفَلَا یَنْظُرُوْنَ اِلَی الْاِبِلِ كَیْفَ خُلِقَتْ ۟ۥ

ايا هغوی په غور اوښانوته نه ګوري چې څنګه الله پيداکړي دي او د انسانانو لپاره يې اېل کړي دي؟!.

Ayah: 18

وَاِلَی السَّمَآءِ كَیْفَ رُفِعَتْ ۟ۥ

او اسمان ته نه ګوري چې څنګه يې پورته کړی دی تر دې چې سربېره پرې يو خوندي چت ګرځېدلی، چې نه پرې را لويږي؟!.

Ayah: 19

وَاِلَی الْجِبَالِ كَیْفَ نُصِبَتْ ۟ۥ

او غرونو ته نه ګوري چې څنګه يې درولي دي او ځمکه يې پرې ټينګه کړې ده چې پر خلکو ونه خوځيږي؟!.

Ayah: 20

وَاِلَی الْاَرْضِ كَیْفَ سُطِحَتْ ۟

او ځمکې ته نه ګوري چې څنګه يې غوړولې ده، او د خلکو د ځای پرځای کولو لپاره يې چمتو کړې ده؟!.

Ayah: 21

فَذَكِّرْ ۫— اِنَّمَاۤ اَنْتَ مُذَكِّرٌ ۟ؕ

اې رسوله! دغو خلکو ته نصيحت کوه او د الله له عذابه يې وېروه، بېشکه ته خو يوازې نصيحت کوونکی يې، له تا څخه يوازې د هغوی د وېرولو غوښتنه کيږي خو د ايمان توفيق ورکول هغه يوازې د الله په لاس کې دي.

Ayah: 22

لَسْتَ عَلَیْهِمْ بِمُصَۜیْطِرٍ ۟ۙ

تر پر هغوی مسلط نه يې چې ايمان راوړلو ته يې اړ باسې.

Ilan sa mga Pakinabang ng mga Ayah sa Pahinang Ito:

• أهمية تطهير النفس من الخبائث الظاهرة والباطنة.

له باطني او ظاهري چټليو څخه د نفس د پاکوالي اهميت.

• الاستدلال بالمخلوقات على وجود الخالق وعظمته.

مخلوقاتو ته په لیدو د خالق پر شتون او د هغه په لویۍ استدلال کول.

• مهمة الداعية الدعوة، لا حمل الناس على الهداية؛ لأن الهداية بيد الله.

د بلونکي دنده يوازې بلنه ده، نه دا چې خلک د لارښوونې پر منلو اړ کړي، ځکه لارښوونه د الله په لاس کې ده.