Salin ng mga Kahulugan Surah Ash-Shams - Salin sa Wikang Filipino (Tagalog) - Ensayklopedia ng Marangal na Qur-an

Ash-Shams

Ayah: 1

وَٱلشَّمۡسِ وَضُحَىٰهَا

Sumpa man sa araw at sa kaliwanagan nito,^[733]

[733] O Sumpa man sa araw at sa pang-umagang liwanag nito,

Ayah: 2

وَٱلۡقَمَرِ إِذَا تَلَىٰهَا

sumpa man sa buwan kapag sumunod ito roon,

Ayah: 3

وَٱلنَّهَارِ إِذَا جَلَّىٰهَا

sumpa man sa maghapon kapag naglantad ito [ng tanglaw] doon,

Ayah: 4

وَٱلَّيۡلِ إِذَا يَغۡشَىٰهَا

sumpa man sa gabi kapag bumalot ito [ng kadiliman] doon,

Ayah: 5

وَٱلسَّمَآءِ وَمَا بَنَىٰهَا

sumpa man sa langit at sa pagpapatayo Niya nito,

Ayah: 6

وَٱلۡأَرۡضِ وَمَا طَحَىٰهَا

sumpa man sa lupa at sa pagkalatag nito,

Ayah: 7

وَنَفۡسٖ وَمَا سَوَّىٰهَا

sumpa man sa isang kaluluwa at sa pagkahubog nito,

Ayah: 8

فَأَلۡهَمَهَا فُجُورَهَا وَتَقۡوَىٰهَا

saka nagpatalos Siya rito ng kasamaang-loob nito at pangingilag magkasala nito;

Ayah: 9

قَدۡ أَفۡلَحَ مَن زَكَّىٰهَا

nagtagumpay nga ang sinumang nagbusilak nito

Ayah: 10

وَقَدۡ خَابَ مَن دَسَّىٰهَا

at nabigo nga ang sinumang nagparumi nito.

Ayah: 11

كَذَّبَتۡ ثَمُودُ بِطَغۡوَىٰهَآ

Nagpasinungaling ang [liping] Thamūd [kay Propeta Ṣāliḥ] dahil sa pagmamalabis nito

Ayah: 12

إِذِ ٱنۢبَعَثَ أَشۡقَىٰهَا

nang sumugod ang pinakamalumbay nito.

Ayah: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Kaya nagsabi sa kanila [si Ṣāliḥ,] ang sugo ni Allāh: “[Magpaubaya] sa dumalagang kamelyo ni Allāh at pag-inom nito [sa araw nito].”

Ayah: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Ngunit nagpasinungaling sila sa kanya saka kinatay nila ito kaya nagsaklob [ng parusa] sa kanila ang Panginoon nila dahil sa pagkakasala nila saka nagpantay-pantay Siya rito [sa parusa].

Ayah: 15

وَلَا يَخَافُ عُقۡبَٰهَا

Hindi Siya nangangamba sa pinakakahihinatnan nito.