Anlam tercümesi Sure Sûretu'l-Vâkıa - الترجمة الشيشيوا - Kur'an-ı Kerim Ansiklopedisi

Sûretu'l-Vâkıa

Ayet: 1

إِذَا وَقَعَتِ ٱلۡوَاقِعَةُ

Chikadzachitika chochitikacho (Qiyâma).

Ayet: 2

لَيۡسَ لِوَقۡعَتِهَا كَاذِبَةٌ

Palibe wotsutsa za kuchitika kwake.

Ayet: 3

خَافِضَةٞ رَّافِعَةٌ

Chidzatsitsa (oipa) ndi kutukula (abwino).

Ayet: 4

إِذَا رُجَّتِ ٱلۡأَرۡضُ رَجّٗا

Nthaka ikadzagwedezeka kwamphamvu.

Ayet: 5

وَبُسَّتِ ٱلۡجِبَالُ بَسّٗا

Ndipo mapiri akadzaperedwaperedwa.

Ayet: 6

فَكَانَتۡ هَبَآءٗ مُّنۢبَثّٗا

Nkukhala fumbi longouluka.

Ayet: 7

وَكُنتُمۡ أَزۡوَٰجٗا ثَلَٰثَةٗ

Choncho, inu mudzakhala m’magulu atatu (kulingana ndi zochita zanu).

Ayet: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Anthu akumanja (abwino;) taonani kukula kwa ulemelero wa anthu akumanja!

Ayet: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Ndi anthu akumanzere (oipa;) taonani kuipa khalidwe la anthu akumanzere!

Ayet: 10

وَٱلسَّٰبِقُونَ ٱلسَّٰبِقُونَ

Ndipo otsogola (pochita zabwino pa dziko) adzakhalanso otsogola (polandira ulemu tsiku lachimaliziro).

Ayet: 11

أُوْلَٰٓئِكَ ٱلۡمُقَرَّبُونَ

Iwowo ndioyandikitsidwa (kwa Allah).

Ayet: 12

فِي جَنَّٰتِ ٱلنَّعِيمِ

M’minda yamtendere.

Ayet: 13

ثُلَّةٞ مِّنَ ٱلۡأَوَّلِينَ

(Iwowo oyandikitsidwawo), gulu lalikulu lochokera kumibadwo yakale.

Ayet: 14

وَقَلِيلٞ مِّنَ ٱلۡأٓخِرِينَ

Ndipo ochepa ochokera ku mbadwo wotsirizira.

Ayet: 15

عَلَىٰ سُرُرٖ مَّوۡضُونَةٖ

Uku ali m’makama (m’mabedi) olukidwa ndi zingwe zagolide,

Ayet: 16

مُّتَّكِـِٔينَ عَلَيۡهَا مُتَقَٰبِلِينَ

Atatsamira m’makamawo uku akuyang’anizana (mwachikondi).

Ayet: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Anyamata osasintha adzakhala akuwazungulira iwo (ndi kuwatumikira).

Ayet: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Uku atatenga matambula ndi maketulo (odzaza ndi zakumwa za ku Jannah), ndi zipanda zodzaza ndi zakumwa zochokera mu akasupe oyenda;

Ayet: 19

لَّا يُصَدَّعُونَ عَنۡهَا وَلَا يُنزِفُونَ

(Zakumwa zake) zosapweteketsa mutu ndiponso zosaledzeretsa;

Ayet: 20

وَفَٰكِهَةٖ مِّمَّا يَتَخَيَّرُونَ

Ndi zipatso (zamitundumitundu) zimene azikazisankha;

Ayet: 21

وَلَحۡمِ طَيۡرٖ مِّمَّا يَشۡتَهُونَ

Ndi nyama yambalame imene mitima yawo izikafuna;

Ayet: 22

وَحُورٌ عِينٞ

Ndi akazi ophanuka maso mokongola,

Ayet: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

(Kukongola kwawo) ndiye ngati ngale zosungidwa bwino mzigoba zake.

Ayet: 24

جَزَآءَۢ بِمَا كَانُواْ يَعۡمَلُونَ

Kukhala mphoto chifukwa cha zimene amachita (zabwino padziko lapansi).

Ayet: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

M’menemo sakamva mawu achabe ngakhale (mawu a) machimo,

Ayet: 26

إِلَّا قِيلٗا سَلَٰمٗا سَلَٰمٗا

Koma mawu oti: “Mtendere! Mtendere!”

Ayet: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Anthu akudzanja lamanja. Taonani kukula malipiro a anthu akudzanja lamanja!

Ayet: 28

فِي سِدۡرٖ مَّخۡضُودٖ

(Adzakhala m’mithunzi ya) mitengo ya masawu yopanda minga.

Ayet: 29

وَطَلۡحٖ مَّنضُودٖ

Ndi mitengo ya nthochi yobereka kwambiri.

Ayet: 30

وَظِلّٖ مَّمۡدُودٖ

Ndi m’mithunzi yotambasuka kwambiri, yosachoka,

Ayet: 31

وَمَآءٖ مَّسۡكُوبٖ

Ndi madzi oyenda mosalekeza,

Ayet: 32

وَفَٰكِهَةٖ كَثِيرَةٖ

Ndi zipatso zambiri,

Ayet: 33

لَّا مَقۡطُوعَةٖ وَلَا مَمۡنُوعَةٖ

Zopezeka mnyengo zonse, ndiponso zosaletsedwa (kwa amene akuzifuna).

Ayet: 34

وَفُرُشٖ مَّرۡفُوعَةٍ

Ndi zoyala zapamwamba (zawofuwofu).

Ayet: 35

إِنَّآ أَنشَأۡنَٰهُنَّ إِنشَآءٗ

Ndithu tidzawalenga (akazi okhulupirira) m’kalengedwe kapamwamba.

Ayet: 36

فَجَعَلۡنَٰهُنَّ أَبۡكَارًا

Tidzawapanga kukhala anamwali.

Ayet: 37

عُرُبًا أَتۡرَابٗا

Okondedwa ndi amuna awo; ofanana misinkhu,

Ayet: 38

لِّأَصۡحَٰبِ ٱلۡيَمِينِ

A anthu akudzanja la manja.

Ayet: 39

ثُلَّةٞ مِّنَ ٱلۡأَوَّلِينَ

Gulu lalikulu lochokera ku m’badwo woyamba.

Ayet: 40

وَثُلَّةٞ مِّنَ ٱلۡأٓخِرِينَ

Ndiponso gulu lalikulu lochokera ku mibadwo yotsiriza.

Ayet: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Anthu akudzanja lakumanzere. Taonani chilango choopsa kwa anthu akudzanja lakumanzere!

Ayet: 42

فِي سَمُومٖ وَحَمِيمٖ

Adzakhala mu mvuchi wamoto ndi m’madzi owira.

Ayet: 43

وَظِلّٖ مِّن يَحۡمُومٖ

Ndi mumthunzi wa utsi wakuda.

Ayet: 44

لَّا بَارِدٖ وَلَا كَرِيمٍ

Siwoziziritsa ndiponso siwosangalatsa.

Ayet: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Ndithu iwo amakhala kalelo mosangalala (samalabadira kumvera Allah),

Ayet: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Ndipo amapitiriza kuchita machimo aakulu (polinga kuti palibe kuuka ku imfa).

Ayet: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Ndipo amanena (motsutsa); “Kodi tikadzafa nkusanduka fumbi ndi mafupa ofumbwa, tidzaukitsidwanso?”

Ayet: 48

أَوَءَابَآؤُنَا ٱلۡأَوَّلُونَ

“Kodi ndi makolo athu akale (adzaukitsidwanso!)”

Ayet: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Nena kwa iwo (poyankha kutsutsa kwawo). Ndithudi, amibadwo yoyamba ndi mibadwo yomaliza (omwe inu muli m’gulu lawo),

Ayet: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Adzasonkhanitsidwa m’nthawi ya tsiku lomwe lakhazikitsidwa.

Ayet: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Kenako inu osokera (njira yachilungamo), otsutsa (za kuuka,)

Ayet: 52

لَأٓكِلُونَ مِن شَجَرٖ مِّن زَقُّومٖ

Mudzadya (ku Jahannam) mtengo wa Zakkum, (mtengo wowawa wopezeka mu Jahannam).

Ayet: 53

فَمَالِـُٔونَ مِنۡهَا ٱلۡبُطُونَ

Mudzakhutitsa mimba zanu ndi umenewu (chifukwa cha njala yadzaoneni).

Ayet: 54

فَشَٰرِبُونَ عَلَيۡهِ مِنَ ٱلۡحَمِيمِ

(Mkhuto wa mtengowo) adzamwera madzi owira;

Ayet: 55

فَشَٰرِبُونَ شُرۡبَ ٱلۡهِيمِ

Adzamwa monga mmene imamwera ngamira yodwala matenda aludzu!

Ayet: 56

هَٰذَا نُزُلُهُمۡ يَوۡمَ ٱلدِّينِ

Ili ndi phwando lawo tsiku lamalipiro.

Ayet: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Ife tidakulengani kodi nchifukwa ninji simukukhulupirira?

Ayet: 58

أَفَرَءَيۡتُم مَّا تُمۡنُونَ

Tandiuzani za madzi (ambewu ya munthu) amene mumawathira m’chiberekero,

Ayet: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Kodi inu ndiamene mumawalenga (madziwo ndi kumayang’anira mkusinthasintha kwake kuti akhale cholengedwa) kapena Ife ndiamene timawalenga?

Ayet: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Ife tidalamula imfa pakati panu ndipo Ife sitili wolephera,

Ayet: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Kubweretsa ena m’malo mwanu ndi kukulengani mwamaonekedwe ena omwe simumawadziwa.

Ayet: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Ndipo ndithu mukdziwa kalengedwe koyamba; nanga bwanji simukukumbukira.

Ayet: 63

أَفَرَءَيۡتُم مَّا تَحۡرُثُونَ

Tandiuzani za zimene mukubzala?

Ayet: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Kodi ndinu amene mukuzimeretsa kapena ndife Amene tikuzimeretsa?

Ayet: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Tikadafuna tikadazitembenuza (mbewu zimenezo kukhala zouma isanakwane nthawi yake yozithyola) choncho mukadakhala mukudandaula.

Ayet: 66

إِنَّا لَمُغۡرَمُونَ

(Uku mukunena:) “Ndithu ife tangotaya chuma chathu (padera);”

Ayet: 67

بَلۡ نَحۡنُ مَحۡرُومُونَ

“Koma ife tamanidwa (phindu la khama lathu).”

Ayet: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Kodi mukuwaona madzi amene mukumwa!

Ayet: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Kodi ndinu amene mudawatsitsa ku mitambo kapena ndife Amene timawatsitsa?

Ayet: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Tikadafuna tikadawapanga kukhala amchere; nanga nchifukwa ninji simuthokoza?

Ayet: 71

أَفَرَءَيۡتُمُ ٱلنَّارَ ٱلَّتِي تُورُونَ

Kodi mukuwuona moto umene mumaukoleza?

Ayet: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Kodi ndinu amene mudameretsa mitengo yake kapena Ndife tidaipanga?

Ayet: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Ife taupanga kuti ukhale chikumbutso (cha Moto watsiku lachimaliziro akauona), ndikuti ukhale chothandiza kwa anthu apaulendo (amene akuyenda m’chipululu).

Ayet: 74

فَسَبِّحۡ بِٱسۡمِ رَبِّكَ ٱلۡعَظِيمِ

Choncho, pitiriza kulemekeza dzina la Mbuye wako Wamkulu.

Ayet: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Ndikulumbilira motsimikiza, mmene mumatsikira nyenyezi (pomwe zikulowa).

Ayet: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Ndithu kulumbira uku, mukadakhala olingalira, nkwakukulu kwabasi (pazimene kukusonya).

Ayet: 77

إِنَّهُۥ لَقُرۡءَانٞ كَرِيمٞ

Ndithu iyi ndi Qur’an yolemekezeka (ndipo mkati mwake muli zithandizo zambiri).

Ayet: 78

فِي كِتَٰبٖ مَّكۡنُونٖ

Idachokera mu buku lotetezedwa.

Ayet: 79

لَّا يَمَسُّهُۥٓ إِلَّا ٱلۡمُطَهَّرُونَ

Salikhudza kupatula okhawo oyeretsedwa (angelo).

Ayet: 80

تَنزِيلٞ مِّن رَّبِّ ٱلۡعَٰلَمِينَ

Chivumbulutso chochokera kwa Mbuye wa zolengedwa zonse.

Ayet: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Kodi nkhani iyi (ya Qur’an) ndiyomwe inu mukuinyozera?

Ayet: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Kodi mwakuchita kukanira kukhala kuthokoza kwanu pa zimene wakupatsani?

Ayet: 83

فَلَوۡلَآ إِذَا بَلَغَتِ ٱلۡحُلۡقُومَ

Mmaona bwanji (mzimu wa mmodzi wa inu) ukafika kummero (panthawi ya imfa).

Ayet: 84

وَأَنتُمۡ حِينَئِذٖ تَنظُرُونَ

Uku inu panthawi imeneyo mukuona zimenezo.

Ayet: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Pomwe Ife tili pafupi ndi iye kuposa inu, koma inu simuona,

Ayet: 86

فَلَوۡلَآ إِن كُنتُمۡ غَيۡرَ مَدِينِينَ

Mukadakhala kuti simuzalipidwa (pa zomwe mukuchita),

Ayet: 87

تَرۡجِعُونَهَآ إِن كُنتُمۡ صَٰدِقِينَ

Bwenzi mukuubweza (mzimuwo) ngati mukunena zoona.

Ayet: 88

فَأَمَّآ إِن كَانَ مِنَ ٱلۡمُقَرَّبِينَ

Ngati (amene yamfikira imfayo) adali mmodzi wa woyandikitsidwa (kwa Allah;)

Ayet: 89

فَرَوۡحٞ وَرَيۡحَانٞ وَجَنَّتُ نَعِيمٖ

Kobwerera kwake ndi kumpumulo ndi mtendere ndi kupatsidwa zonunkhira ndiponso Munda wamtendere.

Ayet: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Ndipo ngati adali mmodzi wa anthu akudzanja lamanja,

Ayet: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

(Kudzanenedwa kwa iye:) “Mtendere ukhale pa iwe, amene udali m’gulu la anthu akudzanja lakumanja (anthu abwino).”

Ayet: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Koma ngati adali mmodzi wa anthu otsutsa, osokera,

Ayet: 93

فَنُزُلٞ مِّنۡ حَمِيمٖ

Phwando lamadzi owira (ndilake).

Ayet: 94

وَتَصۡلِيَةُ جَحِيمٍ

Ndi kupsa m’moto wa Jahena.

Ayet: 95

إِنَّ هَٰذَا لَهُوَ حَقُّ ٱلۡيَقِينِ

Ndithu izi ndizoona, zotsimikizika.

Ayet: 96

فَسَبِّحۡ بِٱسۡمِ رَبِّكَ ٱلۡعَظِيمِ

Choncho lemekeza dzina la Mbuye wako Wamkulu.