Anlam tercümesi Sure Sûretu'l-Kıyâmeh - الترجمة الشيشيوا - Kur'an-ı Kerim Ansiklopedisi

Sûretu'l-Kıyâmeh

Ayet: 1

لَآ أُقۡسِمُ بِيَوۡمِ ٱلۡقِيَٰمَةِ

Ndikulumbilira tsiku lachimaliziro.

Ayet: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ndikulumbiliranso mzimu wodzidzudzula (pa cholakwa chimene wachita. Ndithu mudzaukitsidwa; mafupa anu omwazikana atasonkhanitsidwa.)

Ayet: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Kodi munthu akuganiza kuti Ife (Amene tidamlenga kuchokera popanda chilichonse) sitidzatha kusonkhanitsa mafupa ake (ofumbwa)?

Ayet: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Iyayi, Ife tikhoza (kutisonkhanitsa) ndi kutilongosola bwino timizere takunsonga kwa zala zake. (Mafupa ake ndiye osanena)!

Ayet: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Koma munthu akufuna kuti apitirize kuchimwa (mmasiku akudza) mtsogolo mwake.

Ayet: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Akufunsa (mwa chipongwe): “Kodi lidzakhala liti tsiku la chimaliziro?”

Ayet: 7

فَإِذَا بَرِقَ ٱلۡبَصَرُ

Pamene maso adzangoti tong’oo (ndi mantha),

Ayet: 8

وَخَسَفَ ٱلۡقَمَرُ

Ndi kuchoka kuwala kwa mwezi,

Ayet: 9

وَجُمِعَ ٱلشَّمۡسُ وَٱلۡقَمَرُ

Ndipo dzuwa ndi mwezi ndikusonkhanitsidwa.

Ayet: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Munthu adzanena tsiku limenelo: “Nkuti kothawira (chilangochi?)”

Ayet: 11

كَلَّا لَا وَزَرَ

(Adzauzidwa): “Iyayi, (iwe munthu) palibe pothawira (pako)!”

Ayet: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Tsiku limenelo kobwerera (anthu) ndi kwa Mbuye wako basi.

Ayet: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Tsiku limenelo munthu adzauzidwa zochita zake zimene adazitsogoza ndi zimene adazichedwetsa.

Ayet: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Koma munthu adzadzichitira umboni yekha pa mzimu wake.

Ayet: 15

وَلَوۡ أَلۡقَىٰ مَعَاذِيرَهُۥ

Ngakhale atapereka madandaulo ake (otani kuti apulumuke nawo sadzapulumuka).

Ayet: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Usaigwedezere (Qur’an) lirime lako (pamene ikuvumbulutsidwa) kuti uifulumilire (kuiwerenga ndi kuisunga mu mtima).

Ayet: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Ndithu ndiudindo wathu kuisonkhanitsa (mu mtima mwako) ndi kukhazikitsa kawerengedwe kake (palirime lako).

Ayet: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Choncho pamene tikukuwerengera iwe tsatira kuwerenga kwakeko (uku uli chete).

Ayet: 19

ثُمَّ إِنَّ عَلَيۡنَا بَيَانَهُۥ

Kenako, ndithu ndiudindo Wathu kulongosola (zimene siukumvetsa),

Ayet: 20

كَلَّا بَلۡ تُحِبُّونَ ٱلۡعَاجِلَةَ

Iyayi koma mukukonda moyo wa pa dziko.

Ayet: 21

وَتَذَرُونَ ٱلۡأٓخِرَةَ

Ndipo mukusiya moyo wa tsiku lachimaliziro.

Ayet: 22

وُجُوهٞ يَوۡمَئِذٖ نَّاضِرَةٌ

Nkhope zina tsiku limenelo zidzakhala zowala,

Ayet: 23

إِلَىٰ رَبِّهَا نَاظِرَةٞ

Zili kumuyang’ana Mbuye wawo.

Ayet: 24

وَوُجُوهٞ يَوۡمَئِذِۭ بَاسِرَةٞ

Ndipo nkhope zina tsiku limenelo zidzakhala zoziya (zokhwinyata).

Ayet: 25

تَظُنُّ أَن يُفۡعَلَ بِهَا فَاقِرَةٞ

Zikuyembekezeka kuti zilandira tsoka lodula msana.

Ayet: 26

كَلَّآ إِذَا بَلَغَتِ ٱلتَّرَاقِيَ

Sichoncho! Pamene mzimu udzafika pa nthitimtima, (pomwe pakumana mafupa am’mapewa).

Ayet: 27

وَقِيلَ مَنۡۜ رَاقٖ

Ndipo ndikunenedwa ndani angamchiritse!

Ayet: 28

وَظَنَّ أَنَّهُ ٱلۡفِرَاقُ

Ndipo (iye mwini wake), nkutsimikiza kuti ndithu uku ndikusiyana (ndi dziko lapansi),

Ayet: 29

وَٱلۡتَفَّتِ ٱلسَّاقُ بِٱلسَّاقِ

Ndipo miyendo idzasanjikizana; (iyi ndi nthawi yochoka mzimu).

Ayet: 30

إِلَىٰ رَبِّكَ يَوۡمَئِذٍ ٱلۡمَسَاقُ

Tsiku limenelo koperekedwa (anthu onse) nkwa Mbuye wako.

Ayet: 31

فَلَا صَدَّقَ وَلَا صَلَّىٰ

Ndipo sadakhulupirire komanso sadapemphere Swala (zisanu),

Ayet: 32

وَلَٰكِن كَذَّبَ وَتَوَلَّىٰ

Koma (m’malo mwake) adatsutsa ndi kunyoza.

Ayet: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Kenaka adapita kubanja lake (uku akuyenda) monyada.

Ayet: 34

أَوۡلَىٰ لَكَ فَأَوۡلَىٰ

Kuonongeka nkwako (iwe wotsutsa)! Kuonongeka zedi!

Ayet: 35

ثُمَّ أَوۡلَىٰ لَكَ فَأَوۡلَىٰٓ

Ndiponso kuonongeka nkwako! kuonongeka zedi!

Ayet: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Kodi munthu akuganiza kuti angosiidwa chabe? (Sadzaweruzidwa)?

Ayet: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Kodi sadali dontho la umuna umene udafwamphukira (m’chiberekero)?

Ayet: 38

ثُمَّ كَانَ عَلَقَةٗ فَخَلَقَ فَسَوَّىٰ

Kenako adakhala nthinthi (ntchintchi) ya magazi, ndipo adamlenga ndi kumlinganiza (monga munthu).

Ayet: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ndipo adalenga kuchokera mmenemo mitundu iwiri: mwamuna ndi mkazi.

Ayet: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Kodi (Iye amene adayambitsa chilengedwe choyambachi) sangathe kuwapatsa moyo akufa?