Anlam tercümesi Sure Sûretu'l-İnfitâr - الترجمة الشيشيوا - Kur'an-ı Kerim Ansiklopedisi

Sûretu'l-İnfitâr

Ayet: 1

إِذَا ٱلسَّمَآءُ ٱنفَطَرَتۡ

Pamene thambo lidzasweke,^[397]

[397] Kuyambira pa Ayah 1 mpaka 4, Allah akutisonyeza zododometsa zina za tsiku lachimaliziro.

Ayet: 2

وَإِذَا ٱلۡكَوَاكِبُ ٱنتَثَرَتۡ

Ndi pamene nyenyezi zidzayoyoke (ndi kumwazikana),

Ayet: 3

وَإِذَا ٱلۡبِحَارُ فُجِّرَتۡ

Pamenenso nyanja zikuluzikulu zidzaphwasulidwe.

Ayet: 4

وَإِذَا ٱلۡقُبُورُ بُعۡثِرَتۡ

Ndiponso pamene manda adzafukulidwe (ndikutuluka akufa omwe adali mmenemo),

Ayet: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

(Panthawiyo) mzimu uliwonse udzadziwa zimene udatsogoza (zabwino ndi zoipa) ndi zimene udasiya m’mbuyo.^[398]

[398] Munthu aliyense pa tsiku limenelo adzadziwa zimene adachita, zabwino ndi zoipa.

Ayet: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

E iwe munthu! Nchiani chakunyenga kumsiya Mbuye wako wa ufulu (kufikira pomnyoza)?

Ayet: 7

ٱلَّذِي خَلَقَكَ فَسَوَّىٰكَ فَعَدَلَكَ

Amene adalenga iwe nakulinganiza (ziwalo zako) ndi kukulongosola (moyenera);

Ayet: 8

فِيٓ أَيِّ صُورَةٖ مَّا شَآءَ رَكَّبَكَ

Ndipo maonekedwe amtundu uliwonse omwe adawafuna adakuveka (popanda chifuniro chako).

Ayet: 9

كَلَّا بَلۡ تُكَذِّبُونَ بِٱلدِّينِ

Ayi, sichoncho! Koma inu mukutsutsa za (tsiku) lamalipiro.

Ayet: 10

وَإِنَّ عَلَيۡكُمۡ لَحَٰفِظِينَ

Ndithu pa inu alipo okuyang’ anirani,^[399]

[399] Munthu aliyense ali nawo angelo awiri, Rakibu ndi Atidu. Ntchito zawo ndi kulemba ntchito za munthu, zabwino ndi zoipa zomwe.

Ayet: 11

كِرَامٗا كَٰتِبِينَ

Olemekezeka, olemba (zochita zanu.)

Ayet: 12

يَعۡلَمُونَ مَا تَفۡعَلُونَ

Akudziwa (zonse) zimene mukuchita (zabwino ndi zoipa).

Ayet: 13

إِنَّ ٱلۡأَبۡرَارَ لَفِي نَعِيمٖ

Ndithudi ochita zabwino adzakhala mu mtendere.

Ayet: 14

وَإِنَّ ٱلۡفُجَّارَ لَفِي جَحِيمٖ

Ndipo ndithu amene ali olakwira malamulo a Allah adzakhala ku Moto wopsereza.

Ayet: 15

يَصۡلَوۡنَهَا يَوۡمَ ٱلدِّينِ

Adzaulowa tsiku la malipiro.

Ayet: 16

وَمَا هُمۡ عَنۡهَا بِغَآئِبِينَ

Ndipo iwo kumeneko sadzachokako.

Ayet: 17

وَمَآ أَدۡرَىٰكَ مَا يَوۡمُ ٱلدِّينِ

Kodi nchiyani chingakudziwitse za tsiku la malipiro?

Ayet: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Ndipo nchiyani chingakudziwitse za tsiku lamalipiro?

Ayet: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Limeneli ndi tsiku limene mzimu uliwonse sudzakhala ndi mphamvu (yodzetsa mtendere kapena yochotsa chovuta) pa mzimu wina. Ndipo lamulo pa tsiku limeneli ndi la Allah yekha.^[400]

[400] Tanthauzo lake ndikuti tsiku limenelo sipadzakhala munthu wotha kumthandiza mnzake pa chilichonse ndiponso palibe adzakhale ndi mphamvu zolamula kupatula Allah yekha.