Translation of the Meanings of the Noble Qur'an - Chewa translation * - Translations’ Index

Translation of the meanings Surah: Al-Infitār   Ayah:
Surahs’ Index Page Number HTML

Al-Infitār

Ayah: 1

إِذَا ٱلسَّمَآءُ ٱنفَطَرَتۡ
Pamene thambo lidzasweke,[397]
[397] Kuyambira pa Ayah 1 mpaka 4, Allah akutisonyeza zododometsa zina za tsiku lachimaliziro.
Arabic explanations of the Qur’an:

Ayah: 2

وَإِذَا ٱلۡكَوَاكِبُ ٱنتَثَرَتۡ
Ndi pamene nyenyezi zidzayoyoke (ndi kumwazikana),
Arabic explanations of the Qur’an:

Ayah: 3

وَإِذَا ٱلۡبِحَارُ فُجِّرَتۡ
Pamenenso nyanja zikuluzikulu zidzaphwasulidwe.
Arabic explanations of the Qur’an:

Ayah: 4

وَإِذَا ٱلۡقُبُورُ بُعۡثِرَتۡ
Ndiponso pamene manda adzafukulidwe (ndikutuluka akufa omwe adali mmenemo),
Arabic explanations of the Qur’an:

Ayah: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ
(Panthawiyo) mzimu uliwonse udzadziwa zimene udatsogoza (zabwino ndi zoipa) ndi zimene udasiya m’mbuyo.[398]
[398] Munthu aliyense pa tsiku limenelo adzadziwa zimene adachita, zabwino ndi zoipa.
Arabic explanations of the Qur’an:

Ayah: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
E iwe munthu! Nchiani chakunyenga kumsiya Mbuye wako wa ufulu (kufikira pomnyoza)?
Arabic explanations of the Qur’an:

Ayah: 7

ٱلَّذِي خَلَقَكَ فَسَوَّىٰكَ فَعَدَلَكَ
Amene adalenga iwe nakulinganiza (ziwalo zako) ndi kukulongosola (moyenera);
Arabic explanations of the Qur’an:

Ayah: 8

فِيٓ أَيِّ صُورَةٖ مَّا شَآءَ رَكَّبَكَ
Ndipo maonekedwe amtundu uliwonse omwe adawafuna adakuveka (popanda chifuniro chako).
Arabic explanations of the Qur’an:

Ayah: 9

كَلَّا بَلۡ تُكَذِّبُونَ بِٱلدِّينِ
Ayi, sichoncho! Koma inu mukutsutsa za (tsiku) lamalipiro.
Arabic explanations of the Qur’an:

Ayah: 10

وَإِنَّ عَلَيۡكُمۡ لَحَٰفِظِينَ
Ndithu pa inu alipo okuyang’ anirani,[399]
[399] Munthu aliyense ali nawo angelo awiri, Rakibu ndi Atidu. Ntchito zawo ndi kulemba ntchito za munthu, zabwino ndi zoipa zomwe.
Arabic explanations of the Qur’an:

Ayah: 11

كِرَامٗا كَٰتِبِينَ
Olemekezeka, olemba (zochita zanu.)
Arabic explanations of the Qur’an:

Ayah: 12

يَعۡلَمُونَ مَا تَفۡعَلُونَ
Akudziwa (zonse) zimene mukuchita (zabwino ndi zoipa).
Arabic explanations of the Qur’an:

Ayah: 13

إِنَّ ٱلۡأَبۡرَارَ لَفِي نَعِيمٖ
Ndithudi ochita zabwino adzakhala mu mtendere.
Arabic explanations of the Qur’an:

Ayah: 14

وَإِنَّ ٱلۡفُجَّارَ لَفِي جَحِيمٖ
Ndipo ndithu amene ali olakwira malamulo a Allah adzakhala ku Moto wopsereza.
Arabic explanations of the Qur’an:

Ayah: 15

يَصۡلَوۡنَهَا يَوۡمَ ٱلدِّينِ
Adzaulowa tsiku la malipiro.
Arabic explanations of the Qur’an:

Ayah: 16

وَمَا هُمۡ عَنۡهَا بِغَآئِبِينَ
Ndipo iwo kumeneko sadzachokako.
Arabic explanations of the Qur’an:

Ayah: 17

وَمَآ أَدۡرَىٰكَ مَا يَوۡمُ ٱلدِّينِ
Kodi nchiyani chingakudziwitse za tsiku la malipiro?
Arabic explanations of the Qur’an:

Ayah: 18

ثُمَّ مَآ أَدۡرَىٰكَ مَا يَوۡمُ ٱلدِّينِ
Ndipo nchiyani chingakudziwitse za tsiku lamalipiro?
Arabic explanations of the Qur’an:

Ayah: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
Limeneli ndi tsiku limene mzimu uliwonse sudzakhala ndi mphamvu (yodzetsa mtendere kapena yochotsa chovuta) pa mzimu wina. Ndipo lamulo pa tsiku limeneli ndi la Allah yekha.[400]
[400] Tanthauzo lake ndikuti tsiku limenelo sipadzakhala munthu wotha kumthandiza mnzake pa chilichonse ndiponso palibe adzakhale ndi mphamvu zolamula kupatula Allah yekha.
Arabic explanations of the Qur’an:
 
Translation of the meanings Surah: Al-Infitār
Surahs’ Index Page Number
 
Translation of the Meanings of the Noble Qur'an - Chewa translation - Translations’ Index

Translation of the Quran meanings into Chewa by Khaled Ibrahim Betala (ed. 2020)

close