مەنالار تەرجىمىسى سۈرە سۈرە نەجم - الترجمة الكينيارواندية - قۇرئان كەرىم ئىنىسكىلوپىدىيىسى

Annajmi (Inyenyeri)

ئايەت: 1

وَٱلنَّجۡمِ إِذَا هَوَىٰ

Ndahiye inyenyeri igihe irenga!

ئايەت: 2

مَا ضَلَّ صَاحِبُكُمۡ وَمَا غَوَىٰ

(Ko uyu) mugenzi wanyu (Intumwa Muhamadi) atigeze ayoba ndetse ko atigeze anateshuka (ku nzira y’ukuri).

ئايەت: 3

وَمَا يَنطِقُ عَنِ ٱلۡهَوَىٰٓ

Nta n’ubwo avuga ashingiye ku marangamutima ye.

ئايەت: 4

إِنۡ هُوَ إِلَّا وَحۡيٞ يُوحَىٰ

Ahubwo (ibyo avuga) ni ibyo ahishurirwa (na Allah).

ئايەت: 5

عَلَّمَهُۥ شَدِيدُ ٱلۡقُوَىٰ

Yigishijwe (iyi Qur’an) n’umunyembaraga cyane (Malayika Jibrilu),

ئايەت: 6

ذُو مِرَّةٖ فَٱسۡتَوَىٰ

Ufite ububasha kandi utagira inenge, wagaragariye (Intumwa Muhamadi) mu ishusho ye y’ukuri,

ئايەت: 7

وَهُوَ بِٱلۡأُفُقِ ٱلۡأَعۡلَىٰ

Ubwo (Malayika Jibrilu) yari mu kirere cyo hejuru.

ئايەت: 8

ثُمَّ دَنَا فَتَدَلَّىٰ

Nuko yegera (Intumwa Muhamadi), maze aramanuka akomeza kuyegera,

ئايەت: 9

فَكَانَ قَابَ قَوۡسَيۡنِ أَوۡ أَدۡنَىٰ

(Yamwegereye) mu ntera ingana n’iri hagati y’amahembe abiri y’umuheto cyangwa bugufi kurushaho.

ئايەت: 10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

Nuko (Allah) ahishurira umugaragu we (Muhamadi, abinyujije kuri Malayika Jibrilu) ibyo yagombaga kumuhishurira byose.

ئايەت: 11

مَا كَذَبَ ٱلۡفُؤَادُ مَا رَأَىٰٓ

Umutima (wa Muhamadi) ntiwigeze ubeshya ku byo wabonye.

ئايەت: 12

أَفَتُمَٰرُونَهُۥ عَلَىٰ مَا يَرَىٰ

None se muramugisha impaka ku byo yabonye (ubwo yazamukaga mu ijuru rya karindwi)?

ئايەت: 13

وَلَقَدۡ رَءَاهُ نَزۡلَةً أُخۡرَىٰ

Kandi rwose (Muhamadi) yaramubonye (Malayika Jibrilu) ubwo yamanukaga ku yindi nshuro,

ئايەت: 14

عِندَ سِدۡرَةِ ٱلۡمُنتَهَىٰ

Ubwo yari kuri Sidrat-il-Muntaha (Igiti cya nyuma),^[1]

[1] Sidratil-Mun’tahaa: Ni igiti kiri hafi ya Ar’shi, cyiswe igiti cya nyuma kuko nta kiremwa na kimwe kikirenga.

ئايەت: 15

عِندَهَا جَنَّةُ ٱلۡمَأۡوَىٰٓ

Ni na ho hari ubuturo bw’ijuru (ry’abemeramana).

ئايەت: 16

إِذۡ يَغۡشَى ٱلسِّدۡرَةَ مَا يَغۡشَىٰ

Ubwo icyo giti (Sidrat) cyatwikirwaga n’ibyagitwikiriye (urumuri rutangaje).

ئايەت: 17

مَا زَاغَ ٱلۡبَصَرُ وَمَا طَغَىٰ

Indoro (y’Intumwa y’Imana) ntiyigeze itana, cyangwa ngo irengere (imbibi yari yashyiriweho).

ئايەت: 18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Mu by’ukuri (Intumwa Muhamadi) yabonye bimwe mu bitangaza bihambaye bya Nyagasani wayo.

ئايەت: 19

أَفَرَءَيۡتُمُ ٱللَّٰتَ وَٱلۡعُزَّىٰ

Ese ntimutekereza (ku bigirwamana musenga); Laata na Uza,

ئايەت: 20

وَمَنَوٰةَ ٱلثَّالِثَةَ ٱلۡأُخۡرَىٰٓ

Ndetse na Manaata, ikindi (kigirwamana) cya gatatu?

ئايەت: 21

أَلَكُمُ ٱلذَّكَرُ وَلَهُ ٱلۡأُنثَىٰ

Ese mwibwira ko mufite abana b’abahungu naho We (Allah) akagira ab’abakobwa?

ئايەت: 22

تِلۡكَ إِذٗا قِسۡمَةٞ ضِيزَىٰٓ

Iryo ryaba ari igabana ribogamye.

ئايەت: 23

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Ibyo (bigirwamana) nta kindi biri cyo usibye kuba ari amazina masa mwabihimbiye, mwe n’abakurambere banyu, Allah atigeze abahera uburenganzira. Rwose nta kindi bakurikira kitari ugukekeranya ndetse n’ibyo imitima (yabo) irarikira. Kandi mu by’ukuri bagezweho n’umuyoboro uturutse kwa Nyagasani wabo.

ئايەت: 24

أَمۡ لِلۡإِنسَٰنِ مَا تَمَنَّىٰ

Ese (mutekereza ko) umuntu yabona ibyo yifuza byose?

ئايەت: 25

فَلِلَّهِ ٱلۡأٓخِرَةُ وَٱلۡأُولَىٰ

Allah ni We Mugenga w’ubuzima bw’imperuka n’ubw’isi.

ئايەت: 26

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

None se ni bangahe mu bamalayika bari mu birere, ubuvugizi bwabo butazigera bugira icyo bumara Allah atabanje kubitangira uburenganzira bikagirira akamaro uwo ashatse kandi yishimira?

ئايەت: 27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Mu by’ukuri abatemera imperuka bita abamalayika amazina y’igitsina gore,

ئايەت: 28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا

Kandi ibyo nta bumenyi babifitiye. Ndetse nta kindi bakurikira kitari ugukekeranya, kandi rwose ugukeka nta cyo kuvuze imbere y’ukuri.

ئايەت: 29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Bityo, irengagize wa wundi wateye umugongo urwibutso rwacu nta kindi ashaka uretse ubuzima bw’isi.

ئايەت: 30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

(Ibyo bavuga) ni ho ubumenyi bwabo bugarukira. Mu by’ukuri Nyagasani wawe ni We uzi neza uwayobye inzira ye, kandi ni na We uzi neza abayobotse.

ئايەت: 31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Kandi ibiri mu birere n’ibiri mu isi ni ibya Allah, (yashyizeho ayo mategeko) kugira ngo ahane inkozi z’ibibi kubera ibyo zakoze, ndetse anahembe ibyiza (ijuru) abakora ibyiza,

ئايەت: 32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Ba bandi birinda ibyaha bikomeye n’ibikozasoni uretse kuba bagwa mu byaha byoroshye; mu by’ukuri imbabazi za Nyagasani wawe ziragutse. Ni We ubazi neza kuva yabarema abakuye mu gitaka, n’igihe mwari insoro muri nyababyeyi za ba nyoko. Bityo, ntimukigire abere kuko ari We uzi neza umugandukira.

ئايەت: 33

أَفَرَءَيۡتَ ٱلَّذِي تَوَلَّىٰ

Ese (yewe Muhamadi) wabonye wa wundi wateye umugongo (akanga kumvira Allah)?

ئايەت: 34

وَأَعۡطَىٰ قَلِيلٗا وَأَكۡدَىٰٓ

Akanatanga bike (mu byo twamuhaye), nyuma akabireka burundu?

ئايەت: 35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Ese yaba afite ubumenyi bw’ibitagaragara akaba abona (ko ibyo Intumwa Muhamadi yahishuriwe atari ukuri)?

ئايەت: 36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Cyangwa ntiyabwiwe ibiri mu bitabo bya Musa,

ئايەت: 37

وَإِبۡرَٰهِيمَ ٱلَّذِي وَفَّىٰٓ

Ndetse n’ibiri mu bya Ibrahimu wasohoje ubutumwa,

ئايەت: 38

أَلَّا تَزِرُ وَازِرَةٞ وِزۡرَ أُخۡرَىٰ

Ko nta we uzikorera umutwaro w’undi,

ئايەت: 39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Kandi ko nta cyo umuntu azabona (ku munsi w’imperuka) usibye ibyo yashyizemo umuhate,

ئايەت: 40

وَأَنَّ سَعۡيَهُۥ سَوۡفَ يُرَىٰ

Kandi ko umuhate we uzagaragara (ku munsi w’imperuka).

ئايەت: 41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Maze akazabihemberwa ibihembo byuzuye.

ئايەت: 42

وَأَنَّ إِلَىٰ رَبِّكَ ٱلۡمُنتَهَىٰ

Kandi ko iherezo (rya buri kintu) ari kwa Nyagasani wawe.

ئايەت: 43

وَأَنَّهُۥ هُوَ أَضۡحَكَ وَأَبۡكَىٰ

Kandi ko ari We (Allah) utera guseka (kwishima) no kurira (kubabara).

ئايەت: 44

وَأَنَّهُۥ هُوَ أَمَاتَ وَأَحۡيَا

No kuba ari We wisubiza ubuzima ndetse akanabutanga.

ئايەت: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

No kuba ari we waremye ibitsina byombi, gabo na gore,

ئايەت: 46

مِن نُّطۡفَةٍ إِذَا تُمۡنَىٰ

Mu ntanga igihe zisohowe.

ئايەت: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

No kuba ari We uzarema bundi bushya (azura abapfuye),

ئايەت: 48

وَأَنَّهُۥ هُوَ أَغۡنَىٰ وَأَقۡنَىٰ

No kuba ari We utanga ubukungu akanatuma abantu bagira ibyo bigezaho,

ئايەت: 49

وَأَنَّهُۥ هُوَ رَبُّ ٱلشِّعۡرَىٰ

No kuba ari We Nyagasani wa Shi’ira,^[1]

[1] Shi’ira ni inyenyeri Abarabu b’ababangikanyamana bajyaga basenga mbere y’Ubuyisilamu.

ئايەت: 50

وَأَنَّهُۥٓ أَهۡلَكَ عَادًا ٱلۡأُولَىٰ

No kuba ari We woretse aba Adi bo hambere,

ئايەت: 51

وَثَمُودَاْ فَمَآ أَبۡقَىٰ

N’aba Thamudu ntiyagira uwo asigaza,

ئايەت: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Na mbere yabo, (yoretse) abantu ba Nuhu. Mu by’ukuri bari inkozi z’ibibi bakaba n’abarengera (amategeko ya Allah) bikabije.

ئايەت: 53

وَٱلۡمُؤۡتَفِكَةَ أَهۡوَىٰ

Ndetse n’imidugudu (ya Sodoma) yabirinduwe, ni We wayibirinduye (ibyari hasi bijya hejuru n’ibyari hejuru bijya hasi).

ئايەت: 54

فَغَشَّىٰهَا مَا غَشَّىٰ

Nuko (iyo midugudu) itwikirwa n’ibyayitwikiriye (ibihano bigizwe n’amabuye).

ئايەت: 55

فَبِأَيِّ ءَالَآءِ رَبِّكَ تَتَمَارَىٰ

None se (yewe muntu) ni izihe nema za Nyagasani wawe ushidikanyaho (ko atari ize)?

ئايەت: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Uyu (Muhamadi) ni umwe mu (ruhererekane rw’) ababurizi bo hambere.

ئايەت: 57

أَزِفَتِ ٱلۡأٓزِفَةُ

Umunsi w’imperuka uregereje.

ئايەت: 58

لَيۡسَ لَهَا مِن دُونِ ٱللَّهِ كَاشِفَةٌ

Nta kindi cyawukumira usibye Allah (ushobora kuwihutisha cyangwa akawutinza).

ئايەت: 59

أَفَمِنۡ هَٰذَا ٱلۡحَدِيثِ تَعۡجَبُونَ

None se mutangajwe n’aya magambo (ya Qur’an)?

ئايەت: 60

وَتَضۡحَكُونَ وَلَا تَبۡكُونَ

Mukaba museka (muyihakana) aho kurira!

ئايەت: 61

وَأَنتُمۡ سَٰمِدُونَ

Muhugiye mu bibarangaza!

ئايەت: 62

فَٱسۡجُدُواْۤ لِلَّهِۤ وَٱعۡبُدُواْ۩

Bityo, nimwubamire Allah munamugaragire (wenyine).