معانی کا ترجمہ سورت توبہ - شَرکَسی ترجمہ - مرکز رواد الترجمہ - قرآن کریم انسائیکلوپیڈیا

توبہ

آیت: 1

بَرَآءَةٞ مِّنَ ٱللَّهِ وَرَسُولِهِۦٓ إِلَى ٱلَّذِينَ عَٰهَدتُّم مِّنَ ٱلۡمُشۡرِكِينَ

Алыхьымрэ и лIыкIуэмрэ зыкIи пыщIакъым тхьэ куэдым хуэпщылIхэмрэ фэрэ зэфта псалъэ быдэхэм

آیت: 2

فَسِيحُواْ فِي ٱلۡأَرۡضِ أَرۡبَعَةَ أَشۡهُرٖ وَٱعۡلَمُوٓاْ أَنَّكُمۡ غَيۡرُ مُعۡجِزِي ٱللَّهِ وَأَنَّ ٱللَّهَ مُخۡزِي ٱلۡكَٰفِرِينَ

Аращи мазиплIкIэ щIым фыщызекIуэ икIи зэвгъащIэ Алыхьым зызэрыщывмыгъэпщкIуфынур, Алыхьым джаурхэр игъэпудынущ

آیت: 3

وَأَذَٰنٞ مِّنَ ٱللَّهِ وَرَسُولِهِۦٓ إِلَى ٱلنَّاسِ يَوۡمَ ٱلۡحَجِّ ٱلۡأَكۡبَرِ أَنَّ ٱللَّهَ بَرِيٓءٞ مِّنَ ٱلۡمُشۡرِكِينَ وَرَسُولُهُۥۚ فَإِن تُبۡتُمۡ فَهُوَ خَيۡرٞ لَّكُمۡۖ وَإِن تَوَلَّيۡتُمۡ فَٱعۡلَمُوٓاْ أَنَّكُمۡ غَيۡرُ مُعۡجِزِي ٱللَّهِۗ وَبَشِّرِ ٱلَّذِينَ كَفَرُواْ بِعَذَابٍ أَلِيمٍ

Хьэж махуэшхуэм Алыхьымрэ и лIыкIуэмрэ цIыхухэм ирагъэщIэнущ Алыхьыр къызэрабгъэдэкIыр тхьэ куэдым хуэпщылIхэм. Тобэ къэфхьыжмэ фэркIэ нэхъыфIщ ар, ауэ фи щIыбхэр къэвгъазэмэ зэвгъащIэ Алыхьым зызэрыщывмыхъумэфынур. Джаурхэр атIэ гъэгуфIэ хьэзаб гуащIэм и хъыбарымкIэ

آیت: 4

إِلَّا ٱلَّذِينَ عَٰهَدتُّم مِّنَ ٱلۡمُشۡرِكِينَ ثُمَّ لَمۡ يَنقُصُوكُمۡ شَيۡـٔٗا وَلَمۡ يُظَٰهِرُواْ عَلَيۡكُمۡ أَحَدٗا فَأَتِمُّوٓاْ إِلَيۡهِمۡ عَهۡدَهُمۡ إِلَىٰ مُدَّتِهِمۡۚ إِنَّ ٱللَّهَ يُحِبُّ ٱلۡمُتَّقِينَ

Абы хэтхэкъым псалъэ быдэ зэфтауэ щыта тхьэ куэдым хуэпщылIхэр, ахэр зыкIи емыпцIыжахэмэ абы икIи зыми дэмыIэпыкъуахэмэ фэ фыхагъэщIэну. Абыхэм псалъэу яфтам фытет и пIалъэр икIыху, Алыхьым тхьэшынагъуэ зыхэлъхэр фIыуэ елъагъур

آیت: 5

فَإِذَا ٱنسَلَخَ ٱلۡأَشۡهُرُ ٱلۡحُرُمُ فَٱقۡتُلُواْ ٱلۡمُشۡرِكِينَ حَيۡثُ وَجَدتُّمُوهُمۡ وَخُذُوهُمۡ وَٱحۡصُرُوهُمۡ وَٱقۡعُدُواْ لَهُمۡ كُلَّ مَرۡصَدٖۚ فَإِن تَابُواْ وَأَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ فَخَلُّواْ سَبِيلَهُمۡۚ إِنَّ ٱللَّهَ غَفُورٞ رَّحِيمٞ

Хьэрэм мазэхэр зэрызэфIэкIым тету тхьэ куэдым хуэпщылIхэр дэнэ фахуэмызами фыукIхэ, гъэр фщIыхэ, къэфтIысыхьхэ, дэни факъыпэтIысхэ. Абыхэм тобэ къахьыжу, нэмэз ящIу, сэджыт ятмэ фыутIыпщыжхэ, Алыхьыр Зыгъэгъущ, ГущIэгъущIщ

آیت: 6

وَإِنۡ أَحَدٞ مِّنَ ٱلۡمُشۡرِكِينَ ٱسۡتَجَارَكَ فَأَجِرۡهُ حَتَّىٰ يَسۡمَعَ كَلَٰمَ ٱللَّهِ ثُمَّ أَبۡلِغۡهُ مَأۡمَنَهُۥۚ ذَٰلِكَ بِأَنَّهُمۡ قَوۡمٞ لَّا يَعۡلَمُونَ

Тхьэ куэд хуэпщылIхэм щыщ гуэр уи деж гъэпщкIупIэ лъыхъуэу къакIуэмэ, абы гъэпщкIупIэ ет, Алыхьым и псалъэ зэхихын папщIэ. ИтIанэ щIыпIэ шынагъуэншэм нэгъэсыж ар, ахэр щIэныгъэншэ лъэпкъщ

آیت: 7

كَيۡفَ يَكُونُ لِلۡمُشۡرِكِينَ عَهۡدٌ عِندَ ٱللَّهِ وَعِندَ رَسُولِهِۦٓ إِلَّا ٱلَّذِينَ عَٰهَدتُّمۡ عِندَ ٱلۡمَسۡجِدِ ٱلۡحَرَامِۖ فَمَا ٱسۡتَقَٰمُواْ لَكُمۡ فَٱسۡتَقِيمُواْ لَهُمۡۚ إِنَّ ٱللَّهَ يُحِبُّ ٱلۡمُتَّقِينَ

Дауэрэ Алыхьымрэ и лIыкIуэмрэ псалъэ быдэ тхьэ куэдым хуэпщылIхэм хуаIэну мэжджыт Хьэрэмым и деж псалъэ быдэ зэфтахэм мыхъумэ? Фэ къыфхуэпэжыхукIэрэ ахэр, фэри фахуэпэж. Алыхьым тхьэшынагъуэ зыхэлъхэр фIыуэ елъагъур

آیت: 8

كَيۡفَ وَإِن يَظۡهَرُواْ عَلَيۡكُمۡ لَا يَرۡقُبُواْ فِيكُمۡ إِلّٗا وَلَا ذِمَّةٗۚ يُرۡضُونَكُم بِأَفۡوَٰهِهِمۡ وَتَأۡبَىٰ قُلُوبُهُمۡ وَأَكۡثَرُهُمۡ فَٰسِقُونَ

Ар дауэрэ? Фэ къыфтекIуэхэмэ Iыхьлыгъи, псалъэ быди тетынухэкъым. Я бзэкIэ фагъэарэзыну пылъхэщ, ауэ я гум идэкъым ар. Абыхэм я нэхъыбэр фасикъхэщ

آیت: 9

ٱشۡتَرَوۡاْ بِـَٔايَٰتِ ٱللَّهِ ثَمَنٗا قَلِيلٗا فَصَدُّواْ عَن سَبِيلِهِۦٓۚ إِنَّهُمۡ سَآءَ مَا كَانُواْ يَعۡمَلُونَ

Алыхьым и нэщэнэхэр уасэ мащIэкIэ ящащ, Абы и гъуэгуми трахур. Сыту Iеищэ абыхэм ящIэхэр!

آیت: 10

لَا يَرۡقُبُونَ فِي مُؤۡمِنٍ إِلّٗا وَلَا ذِمَّةٗۚ وَأُوْلَٰٓئِكَ هُمُ ٱلۡمُعۡتَدُونَ

МыIуминхэм ехьэлIауэ Iыхьлыгъи, псалъэ быди тетхэкъым. Ахэр мыхъумыщIагъэ зыгъахъэхэщ

آیت: 11

فَإِن تَابُواْ وَأَقَامُواْ ٱلصَّلَوٰةَ وَءَاتَوُاْ ٱلزَّكَوٰةَ فَإِخۡوَٰنُكُمۡ فِي ٱلدِّينِۗ وَنُفَصِّلُ ٱلۡأٓيَٰتِ لِقَوۡمٖ يَعۡلَمُونَ

Ауэ тобэ къахьыжмэ, нэмэз ящIмэ, сэджытри хатыкIмэ - ахэр динкIэ фи къуэшхэщ. Дэ Ди нэщэнэхэр цIыху зыщIэхэращ зыгурыдгъаIуэр

آیت: 12

وَإِن نَّكَثُوٓاْ أَيۡمَٰنَهُم مِّنۢ بَعۡدِ عَهۡدِهِمۡ وَطَعَنُواْ فِي دِينِكُمۡ فَقَٰتِلُوٓاْ أَئِمَّةَ ٱلۡكُفۡرِ إِنَّهُمۡ لَآ أَيۡمَٰنَ لَهُمۡ لَعَلَّهُمۡ يَنتَهُونَ

Ауэ я тхьэрыIуэхэм епцIыжхэмэ псалъэ быдэ къывата иужь, фи динми къыхэпыджэхэмэ, джаурхэм я нэхъыщхьэхэр фыукIхэ, абыхэм тхьэрыIуэ жыхуаIэр яIэкъым, итIанэ щагъэтынкIэ мэхъур абыхэм

آیت: 13

أَلَا تُقَٰتِلُونَ قَوۡمٗا نَّكَثُوٓاْ أَيۡمَٰنَهُمۡ وَهَمُّواْ بِإِخۡرَاجِ ٱلرَّسُولِ وَهُم بَدَءُوكُمۡ أَوَّلَ مَرَّةٍۚ أَتَخۡشَوۡنَهُمۡۚ فَٱللَّهُ أَحَقُّ أَن تَخۡشَوۡهُ إِن كُنتُم مُّؤۡمِنِينَ

Фемызэуэну ара атIэ зи псалъэ быдэхэм епцIыж цIыхухэм, абыхэм икIи лIыкIуэр дахуну хуейхэу? ИкIи езыхэращ япэу къезыгъэжьатэр. Абыхэм фащышынэу ара? АтIэ Алыхьым нэхъ фыщышынэн хуейщ мыIуминхэу фыщытмэ

آیت: 14

قَٰتِلُوهُمۡ يُعَذِّبۡهُمُ ٱللَّهُ بِأَيۡدِيكُمۡ وَيُخۡزِهِمۡ وَيَنصُرۡكُمۡ عَلَيۡهِمۡ وَيَشۡفِ صُدُورَ قَوۡمٖ مُّؤۡمِنِينَ

Фазауэ абыхэм. Алыхьым фи IэкIэ хьэзаб ятрилъхьэнущ, игъэпудынухэщ, фэри фатригъэкIуэнущ абыхэм. МыIуминхэм ягухэр Абы игъэфIынущ апхуэдэу

آیت: 15

وَيُذۡهِبۡ غَيۡظَ قُلُوبِهِمۡۗ وَيَتُوبُ ٱللَّهُ عَلَىٰ مَن يَشَآءُۗ وَٱللَّهُ عَلِيمٌ حَكِيمٌ

Абыхэм ягухэм губжьри ирихынущ. Алыхьым зыхуейм хуегъэгъур, Алыхьыр ЗыщIэщ, АкъылыфIэщ

آیت: 16

أَمۡ حَسِبۡتُمۡ أَن تُتۡرَكُواْ وَلَمَّا يَعۡلَمِ ٱللَّهُ ٱلَّذِينَ جَٰهَدُواْ مِنكُمۡ وَلَمۡ يَتَّخِذُواْ مِن دُونِ ٱللَّهِ وَلَا رَسُولِهِۦ وَلَا ٱلۡمُؤۡمِنِينَ وَلِيجَةٗۚ وَٱللَّهُ خَبِيرُۢ بِمَا تَعۡمَلُونَ

Е фыкъагъэнэну фыгугъауэ ара фэ, Алыхьым зэхимыцIыхукIауэ фэ фщыщу зэуахэр, дэIэпыкъуэгъуу зыри зымыщтахэр Алыхьым, Абы и лIыкIуэм, мыIуминхэм нэгъуэщI? Алыхьыр щыгъуазэщ фэ фщIэхэм

آیت: 17

مَا كَانَ لِلۡمُشۡرِكِينَ أَن يَعۡمُرُواْ مَسَٰجِدَ ٱللَّهِ شَٰهِدِينَ عَلَىٰٓ أَنفُسِهِم بِٱلۡكُفۡرِۚ أُوْلَٰٓئِكَ حَبِطَتۡ أَعۡمَٰلُهُمۡ وَفِي ٱلنَّارِ هُمۡ خَٰلِدُونَ

Тхьэ куэдым хуэпщылIхэм яхуэфащэкъым Алыхьым и мэжджытхэр къагъэужьыну зэрыджаурхэмкIэ я щхьэхэм щыхьэт хуэхъужхэу. Абыхэм я лэжьыгъэхэр псори хэкIуэдащ, мафIэми игъащIэкIэ къыхэнэнухэщ

آیت: 18

إِنَّمَا يَعۡمُرُ مَسَٰجِدَ ٱللَّهِ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَأَقَامَ ٱلصَّلَوٰةَ وَءَاتَى ٱلزَّكَوٰةَ وَلَمۡ يَخۡشَ إِلَّا ٱللَّهَۖ فَعَسَىٰٓ أُوْلَٰٓئِكَ أَن يَكُونُواْ مِنَ ٱلۡمُهۡتَدِينَ

Алыхьым и мэжджытхэм зыкъезгъэужьын хуейр Алыхьри, ахърэт махуэри зи фIэщ хъуаращ, нэмэзыр зыщIращ, сэджытыр хэзытыкIращ, Алыхьым нэгъуэщIуи зыми щымышынэр. Мис ахэр гъуэгу захуэм трашахэм щыщ хъункIэ мэхъур

آیت: 19

۞ أَجَعَلۡتُمۡ سِقَايَةَ ٱلۡحَآجِّ وَعِمَارَةَ ٱلۡمَسۡجِدِ ٱلۡحَرَامِ كَمَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَجَٰهَدَ فِي سَبِيلِ ٱللَّهِۚ لَا يَسۡتَوُۥنَ عِندَ ٱللَّهِۗ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ

ХэжыщI кIуахэр псы егъэфэнымрэ, мэжджыт Хьэрэмыр зехьэнымрэ хуэвгъадэу ара Алыхьымрэ ахърэт махуэмрэ зи фIэщ хъуам, Алыхьым и гъуэгум тету зэуам? Зэхуэдэкъым ахэр Алыхьым и пащхьэм, Алыхьым гъуэгу захуэм тригъэувэркъым залымыгъэ зезыхьэ цIыхухэр

آیت: 20

ٱلَّذِينَ ءَامَنُواْ وَهَاجَرُواْ وَجَٰهَدُواْ فِي سَبِيلِ ٱللَّهِ بِأَمۡوَٰلِهِمۡ وَأَنفُسِهِمۡ أَعۡظَمُ دَرَجَةً عِندَ ٱللَّهِۚ وَأُوْلَٰٓئِكَ هُمُ ٱلۡفَآئِزُونَ

Iиман къэзыхьахэм, куэшахэм, Алыхьым и гъуэгум тету зэуахэм я мылъкури, я псэхэри щIатурэ Алыхьым и пащхьэ нэхъ увыпIэ лъагэхэр яхуэфащэщ, ахэращ ехъулIахэр

آیت: 21

يُبَشِّرُهُمۡ رَبُّهُم بِرَحۡمَةٖ مِّنۡهُ وَرِضۡوَٰنٖ وَجَنَّٰتٖ لَّهُمۡ فِيهَا نَعِيمٞ مُّقِيمٌ

Ахэр я Тхьэм игъэгуфIэнухэщ и гущIэгъуныгъэмкIэ, и арэзыныгъэмкIэ, жэнэтхэмкIэ, абдежым фIыгъуэ мыухыжу яхуигъэхьэзырахэмкIэ

آیت: 22

خَٰلِدِينَ فِيهَآ أَبَدًاۚ إِنَّ ٱللَّهَ عِندَهُۥٓ أَجۡرٌ عَظِيمٞ

Абдежым игъащIэкIэ къинэнухэщ, ипэжыпIэкIэ Алыхьым псапэшхуэ яхуегъэфащэр

آیت: 23

يَٰٓأَيُّهَا ٱلَّذِينَ ءَامَنُواْ لَا تَتَّخِذُوٓاْ ءَابَآءَكُمۡ وَإِخۡوَٰنَكُمۡ أَوۡلِيَآءَ إِنِ ٱسۡتَحَبُّواْ ٱلۡكُفۡرَ عَلَى ٱلۡإِيمَٰنِۚ وَمَن يَتَوَلَّهُم مِّنكُمۡ فَأُوْلَٰٓئِكَ هُمُ ٱلظَّٰلِمُونَ

Уэ, Iиман къэзыхьахэ, фымыщтэ фи адэхэри, фи къуэшхэри уэлийхэу абыхэм джаурыгъэр нэхъ къыхахамэ Iиманым нэхърэ. Фэ фщыщу ахэр уэлийуэ зыщтэхэр залымыгъэ зезыхьэхэращ

آیت: 24

قُلۡ إِن كَانَ ءَابَآؤُكُمۡ وَأَبۡنَآؤُكُمۡ وَإِخۡوَٰنُكُمۡ وَأَزۡوَٰجُكُمۡ وَعَشِيرَتُكُمۡ وَأَمۡوَٰلٌ ٱقۡتَرَفۡتُمُوهَا وَتِجَٰرَةٞ تَخۡشَوۡنَ كَسَادَهَا وَمَسَٰكِنُ تَرۡضَوۡنَهَآ أَحَبَّ إِلَيۡكُم مِّنَ ٱللَّهِ وَرَسُولِهِۦ وَجِهَادٖ فِي سَبِيلِهِۦ فَتَرَبَّصُواْ حَتَّىٰ يَأۡتِيَ ٱللَّهُ بِأَمۡرِهِۦۗ وَٱللَّهُ لَا يَهۡدِي ٱلۡقَوۡمَ ٱلۡفَٰسِقِينَ

ЖыIэ: "Фи адэхэр, фи бынхэр, фи къуэшхэр, фи щхьэгъусэхэр, фи Iыхьлыхэр, мылъкуу къызэхуэфхьэсар, сату къызэтеувыIэну фызтешыныхьыр, унэхэу фи гум пымыкIхэр нэхъ лъапIэмэ фэр щхьэкIэ, Алыхьым нэхърэ, Абы и лIыкIуэм нэхърэ, Абы и гъуэгум тету зэуэным нэхърэ, фежьэ атIэ Алыхьым и унафэр ищIыху. Алыхьым гъуэгу захуэм тригъэувэркъым цIыху фасикъхэр"

آیت: 25

لَقَدۡ نَصَرَكُمُ ٱللَّهُ فِي مَوَاطِنَ كَثِيرَةٖ وَيَوۡمَ حُنَيۡنٍ إِذۡ أَعۡجَبَتۡكُمۡ كَثۡرَتُكُمۡ فَلَمۡ تُغۡنِ عَنكُمۡ شَيۡـٔٗا وَضَاقَتۡ عَلَيۡكُمُ ٱلۡأَرۡضُ بِمَا رَحُبَتۡ ثُمَّ وَلَّيۡتُم مُّدۡبِرِينَ

Алыхьым щIыпIэ куэдым фыщытригъэкIуащ, Хьунейн махуэми аращ фызэрыкуэдым фыщигъэгуфIатэм, ауэ ар зыкIи къыфщхьэпатэкъым. ЩIыр цIыкIу хъуа къыфщыхъуат зэрыубгъуауэ инышхуэу, итIанэ фи щIыбхэр къэвгъазэри фикIуэтащ

آیت: 26

ثُمَّ أَنزَلَ ٱللَّهُ سَكِينَتَهُۥ عَلَىٰ رَسُولِهِۦ وَعَلَى ٱلۡمُؤۡمِنِينَ وَأَنزَلَ جُنُودٗا لَّمۡ تَرَوۡهَا وَعَذَّبَ ٱلَّذِينَ كَفَرُواْۚ وَذَٰلِكَ جَزَآءُ ٱلۡكَٰفِرِينَ

ИтIанэ Алыхьым гу псэхугъуэр яхуригъэхащ и лIыкIуэми, мыIуминхэми, фэ фымылъагъу дзэи къригъэхащ, джаурхэми хьэзаб ятрилъхьащ. Аращ джаурхэм яхуэфащэр

آیت: 27

ثُمَّ يَتُوبُ ٱللَّهُ مِنۢ بَعۡدِ ذَٰلِكَ عَلَىٰ مَن يَشَآءُۗ وَٱللَّهُ غَفُورٞ رَّحِيمٞ

Абы иужькIэ Алыхьым хуигъэгъунущ зыхуейхэм, Алыхьыр Зыгъэгъущ, ГущIэгъущIщ

آیت: 28

يَٰٓأَيُّهَا ٱلَّذِينَ ءَامَنُوٓاْ إِنَّمَا ٱلۡمُشۡرِكُونَ نَجَسٞ فَلَا يَقۡرَبُواْ ٱلۡمَسۡجِدَ ٱلۡحَرَامَ بَعۡدَ عَامِهِمۡ هَٰذَاۚ وَإِنۡ خِفۡتُمۡ عَيۡلَةٗ فَسَوۡفَ يُغۡنِيكُمُ ٱللَّهُ مِن فَضۡلِهِۦٓ إِن شَآءَۚ إِنَّ ٱللَّهَ عَلِيمٌ حَكِيمٞ

Уэ Iиман къэзыхьахэ, тхьэ куэдым хуэпщылIхэр ипэжыпIэкIэ фIейхэщ. Мы илъэсым иужь мэжджыт Хьэрэмым гъунэгъуу бгъэдыремыхьэхэ. ТхьэмыщкIагъуэм фыщышынэмэ, атIэ Алыхьым хуеймэ къулей фищIынщ и фIыгъэхэм щыщкIэ, Алыхьыр ЗыщIэщ, АкъылыфIщ

آیت: 29

قَٰتِلُواْ ٱلَّذِينَ لَا يُؤۡمِنُونَ بِٱللَّهِ وَلَا بِٱلۡيَوۡمِ ٱلۡأٓخِرِ وَلَا يُحَرِّمُونَ مَا حَرَّمَ ٱللَّهُ وَرَسُولُهُۥ وَلَا يَدِينُونَ دِينَ ٱلۡحَقِّ مِنَ ٱلَّذِينَ أُوتُواْ ٱلۡكِتَٰبَ حَتَّىٰ يُعۡطُواْ ٱلۡجِزۡيَةَ عَن يَدٖ وَهُمۡ صَٰغِرُونَ

ЗэтевукIэхэ Алыхьри, ахърэт махуэри зи фIэщ мыхъухэр, Алыхьымрэ и лIыкIуэмрэ хьэрэму ягъэувахэр хьэрэм зымыщIхэр, дин пэжми темытхэр Тхылъ зратауэ щытахэм щыщхэр. Фазауэ абыхэм джизйер къатыхукIэрэ езыхэр гъэцIыкIуауэ

آیت: 30

وَقَالَتِ ٱلۡيَهُودُ عُزَيۡرٌ ٱبۡنُ ٱللَّهِ وَقَالَتِ ٱلنَّصَٰرَى ٱلۡمَسِيحُ ٱبۡنُ ٱللَّهِۖ ذَٰلِكَ قَوۡلُهُم بِأَفۡوَٰهِهِمۡۖ يُضَٰهِـُٔونَ قَوۡلَ ٱلَّذِينَ كَفَرُواْ مِن قَبۡلُۚ قَٰتَلَهُمُ ٱللَّهُۖ أَنَّىٰ يُؤۡفَكُونَ

Журтхэм жаIащ: "Гъузейр Алыхьым и къуэщ". Чыристэнхэми жаIащ: "Мэсихьыр Алыхьым и къуэщ". Езыхэм я бзэкIэ жаIа псалъэщ ар. Джаурхэм ипэкIэ жаIам хуэдэ къабзэщ ар. Алыхьым иукI ахэр, сытым хуэдэу егъэзэкIахэ!

آیت: 31

ٱتَّخَذُوٓاْ أَحۡبَارَهُمۡ وَرُهۡبَٰنَهُمۡ أَرۡبَابٗا مِّن دُونِ ٱللَّهِ وَٱلۡمَسِيحَ ٱبۡنَ مَرۡيَمَ وَمَآ أُمِرُوٓاْ إِلَّا لِيَعۡبُدُوٓاْ إِلَٰهٗا وَٰحِدٗاۖ لَّآ إِلَٰهَ إِلَّا هُوَۚ سُبۡحَٰنَهُۥ عَمَّا يُشۡرِكُونَ

Журтхэм я дин щIэныгъэлIхэмрэ, щоджэнхэмрэ тхьэхэу ящтахэт Алыхьым нэгъуэщIу, Мэрям и къуэ Мэсихьри аращ. Абыхэм унафэу хуащIатэр Алыхь закъуэм хуэпщылIыну, Абы нэгъуэщI тхьэ щыIэкъым, щхьэщыIэтыкIащ Ар гъусэ хуащIу хъуам

آیت: 32

يُرِيدُونَ أَن يُطۡفِـُٔواْ نُورَ ٱللَّهِ بِأَفۡوَٰهِهِمۡ وَيَأۡبَى ٱللَّهُ إِلَّآ أَن يُتِمَّ نُورَهُۥ وَلَوۡ كَرِهَ ٱلۡكَٰفِرُونَ

Алыхьым и нэхур ягъэункIыфIыну хуейхэщ я бзэхэмкIэ, ауэ Алыхьым идэкъым и нэхур нэгъэсауэ фIэкIа, джаурхэм ар ялъагъу мыхъуми

آیت: 33

هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦ وَلَوۡ كَرِهَ ٱلۡمُشۡرِكُونَ

Аращ къэзыгъэкIуар и лIыкIуэр гъуэгу захуэмрэ, дин пэжымрэ къригъэхьри, ар дину хъуам ящхьэ ищIын папщIэ, ар тхьэ куэдым хуэпщылIхэм ялъагъу мыхъуми

آیت: 34

۞ يَٰٓأَيُّهَا ٱلَّذِينَ ءَامَنُوٓاْ إِنَّ كَثِيرٗا مِّنَ ٱلۡأَحۡبَارِ وَٱلرُّهۡبَانِ لَيَأۡكُلُونَ أَمۡوَٰلَ ٱلنَّاسِ بِٱلۡبَٰطِلِ وَيَصُدُّونَ عَن سَبِيلِ ٱللَّهِۗ وَٱلَّذِينَ يَكۡنِزُونَ ٱلذَّهَبَ وَٱلۡفِضَّةَ وَلَا يُنفِقُونَهَا فِي سَبِيلِ ٱللَّهِ فَبَشِّرۡهُم بِعَذَابٍ أَلِيمٖ

Уэ Iиман къэзыхьахэ, журтхэм я дин щIэныгъэлIхэмрэ, щоджэнхэмрэ ящыщ куэдым цIыхухэм я мылъкур пцIыкIэ яшхыр, Алыхьми и гъуэгум пэрыуэгъу хуохъухэр. АтIэ дыщэрэ, дыжьынрэ зыгъэтIылъхэр, ар Алыхьым и гъуэгум тезмыгъэкIуадэхэр гъэгуфIэ хьэзаб гуащIэкIэ

آیت: 35

يَوۡمَ يُحۡمَىٰ عَلَيۡهَا فِي نَارِ جَهَنَّمَ فَتُكۡوَىٰ بِهَا جِبَاهُهُمۡ وَجُنُوبُهُمۡ وَظُهُورُهُمۡۖ هَٰذَا مَا كَنَزۡتُمۡ لِأَنفُسِكُمۡ فَذُوقُواْ مَا كُنتُمۡ تَكۡنِزُونَ

А махуэм жыхьэнэмэ мафIэм щагъэплъынущи ахэр, я натIэхэри, я джабэхэри, я щIыбхэри ирагъэсынущ: "Мыращ фи щхьэхэм щхьэкIэ яхуэвгъэтIылъар, феплъ атIэ иджы а вгъэтIылъам"

آیت: 36

إِنَّ عِدَّةَ ٱلشُّهُورِ عِندَ ٱللَّهِ ٱثۡنَا عَشَرَ شَهۡرٗا فِي كِتَٰبِ ٱللَّهِ يَوۡمَ خَلَقَ ٱلسَّمَٰوَٰتِ وَٱلۡأَرۡضَ مِنۡهَآ أَرۡبَعَةٌ حُرُمٞۚ ذَٰلِكَ ٱلدِّينُ ٱلۡقَيِّمُۚ فَلَا تَظۡلِمُواْ فِيهِنَّ أَنفُسَكُمۡۚ وَقَٰتِلُواْ ٱلۡمُشۡرِكِينَ كَآفَّةٗ كَمَا يُقَٰتِلُونَكُمۡ كَآفَّةٗۚ وَٱعۡلَمُوٓاْ أَنَّ ٱللَّهَ مَعَ ٱلۡمُتَّقِينَ

Алыхьым и деж мазэхэр пщыкIутI мэхъур. Алыхьым и тхылъым аращ зэритхар, уафэхэмрэ щIылъэмрэ къыщигъэщIа махуэм. Абыхэм щыщ плIыр хьэрэмщ, аращ дин захуэр. Апхуэдэу щыщыткIэ а мазэхэм зыми залымыгъэ евмых. Тхьэ куэдым хуэпщылIхэр псори зэтевукIэ, фэ фызэраукIым хуэдэу, икIи зэвгъащIэ: Алыхьыр тхьэшынагъуэ зыхэлъхэм я гъусэщ

آیت: 37

إِنَّمَا ٱلنَّسِيٓءُ زِيَادَةٞ فِي ٱلۡكُفۡرِۖ يُضَلُّ بِهِ ٱلَّذِينَ كَفَرُواْ يُحِلُّونَهُۥ عَامٗا وَيُحَرِّمُونَهُۥ عَامٗا لِّيُوَاطِـُٔواْ عِدَّةَ مَا حَرَّمَ ٱللَّهُ فَيُحِلُّواْ مَا حَرَّمَ ٱللَّهُۚ زُيِّنَ لَهُمۡ سُوٓءُ أَعۡمَٰلِهِمۡۗ وَٱللَّهُ لَا يَهۡدِي ٱلۡقَوۡمَ ٱلۡكَٰفِرِينَ

А мазэхэм я пIалъэр зэхъуэкIыныр джаурыгъэр хэзыгъахъуэщ, абыкIэ джаурхэр щоуэхэр. Зы илъэсым хьэлэл ящIыр, адрей илъэсым хьэрэм ящIыр, Алыхьым хьэрэм ищIахэр ирагъэкъун папщIэ. Алыхьым хьэрэм ищIар езыхэм хьэлэл ящIыр, абыхэм я Iуэхухэм и Iеягъэр яфIэдахэщ, ауэ Алыхьым гъуэгу захуэм тришэкъым джаур лъэпкъыр

آیت: 38

يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ

Уэ Iиман къэзыхьахэ, Алыхьым и гъуэгум фытеуви фыкъыдэкI къыщывжаIэкIэ, щхьэ щIым хьэлъэу зытевдзэрэ? Мы дунейм и щыIэныгъэр нэхъ къыхэфхыу ара ахърэтым нэхърэ? АтIэ мы дунейм и фIыгъуэхэр ахърэтым елъытами зыми ищIыскъым

آیت: 39

إِلَّا تَنفِرُواْ يُعَذِّبۡكُمۡ عَذَابًا أَلِيمٗا وَيَسۡتَبۡدِلۡ قَوۡمًا غَيۡرَكُمۡ وَلَا تَضُرُّوهُ شَيۡـٔٗاۗ وَٱللَّهُ عَلَىٰ كُلِّ شَيۡءٖ قَدِيرٌ

ФыкъыдэмыкIмэ зекIуэм хьэзаб гуащIэ къыфтрилъхьэнщ, нэгъуэщI лъэпкъкIи фызэрихъуэкIынщ. ЗыкIи зэран ефхыфынукъым Абы, Алыхьращ сытри зыхузэфIэкIыр

آیت: 40

إِلَّا تَنصُرُوهُ فَقَدۡ نَصَرَهُ ٱللَّهُ إِذۡ أَخۡرَجَهُ ٱلَّذِينَ كَفَرُواْ ثَانِيَ ٱثۡنَيۡنِ إِذۡ هُمَا فِي ٱلۡغَارِ إِذۡ يَقُولُ لِصَٰحِبِهِۦ لَا تَحۡزَنۡ إِنَّ ٱللَّهَ مَعَنَاۖ فَأَنزَلَ ٱللَّهُ سَكِينَتَهُۥ عَلَيۡهِ وَأَيَّدَهُۥ بِجُنُودٖ لَّمۡ تَرَوۡهَا وَجَعَلَ كَلِمَةَ ٱلَّذِينَ كَفَرُواْ ٱلسُّفۡلَىٰۗ وَكَلِمَةُ ٱللَّهِ هِيَ ٱلۡعُلۡيَاۗ وَٱللَّهُ عَزِيزٌ حَكِيمٌ

Фэ фыдэмыIэпыкъумэ абы, атIэ Алыхьыр дэIэпыкъуащ, ар джаурхэм къыщыдахуатэм тIум язу, тIури бгъуэнщIагъым щIэсхэу и гъусэм щыжриIам: "Умынэщхъей, Алыхьыр ди гъусэщ дэ". Алыхьым и гупсэхугъэр къыхуригъэхащ абы, мынэрылъагъу дзэи дэIэпыкъуэгъуу къыхуигъэкIуащ. Джаурхэм я псалъэри ищIагъ ищIри, Алыхьым и псалъэр ищхьэ ищIащ, Алыхьыр Лъэщщ, АкъылыфIщ

آیت: 41

ٱنفِرُواْ خِفَافٗا وَثِقَالٗا وَجَٰهِدُواْ بِأَمۡوَٰلِكُمۡ وَأَنفُسِكُمۡ فِي سَبِيلِ ٱللَّهِۚ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ

ФыкъыдэкI зекIуэм ар къывэпсынщIэкIми, къывэхьэлъэкIми, фи мылъкумкIи, фи псэхэмкIи Алыхьым и гъуэгум фыщызауэ, аращ фэркIэ нэхъыфIыр, фщIэмэ аратэкъэ ар

آیت: 42

لَوۡ كَانَ عَرَضٗا قَرِيبٗا وَسَفَرٗا قَاصِدٗا لَّٱتَّبَعُوكَ وَلَٰكِنۢ بَعُدَتۡ عَلَيۡهِمُ ٱلشُّقَّةُۚ وَسَيَحۡلِفُونَ بِٱللَّهِ لَوِ ٱسۡتَطَعۡنَا لَخَرَجۡنَا مَعَكُمۡ يُهۡلِكُونَ أَنفُسَهُمۡ وَٱللَّهُ يَعۡلَمُ إِنَّهُمۡ لَكَٰذِبُونَ

Мылъку псынщIэ е гъуэгу тынштэмэ япэщылъыр, уи ужьым къиувэнухэт ахэр. Ауэ жыжьагъэр яфIэинащ, Алыхьым и цIэкIэ жаIэр: "ТхуэлъэкIатэмэ фи гъусэу дыдэкIынт". Я щхьэхэр хагъэкIуадэр абыхэм, Алыхьым ещIэр ахэр зэрыпцIыупсхэр

آیت: 43

عَفَا ٱللَّهُ عَنكَ لِمَ أَذِنتَ لَهُمۡ حَتَّىٰ يَتَبَيَّنَ لَكَ ٱلَّذِينَ صَدَقُواْ وَتَعۡلَمَ ٱلۡكَٰذِبِينَ

Алыхьым къыпхуигъэгъу уэ! Сыт абыхэм щIахуэбдар нахуэ мыхъуа щIыкIэ хэт пэж жиIамэ, пцIы зыупсахэри умыщIэ щIыкIэ?

آیت: 44

لَا يَسۡتَـٔۡذِنُكَ ٱلَّذِينَ يُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ أَن يُجَٰهِدُواْ بِأَمۡوَٰلِهِمۡ وَأَنفُسِهِمۡۗ وَٱللَّهُ عَلِيمُۢ بِٱلۡمُتَّقِينَ

Алыхьымрэ, ахърэт махуэмрэ зи фIэщ хъухэм Iизын къыпIырахкъым зэуэнхэ щхьэкIэ я мылъкукIи, я щхьэкIи, Алыхьым ещIэхэр тхьэшынагъуэ зыхэлъхэр

آیت: 45

إِنَّمَا يَسۡتَـٔۡذِنُكَ ٱلَّذِينَ لَا يُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ وَٱرۡتَابَتۡ قُلُوبُهُمۡ فَهُمۡ فِي رَيۡبِهِمۡ يَتَرَدَّدُونَ

АтIэ Iизын къыпIизыххэр Алыхьри, ахърэт махуэри зи фIэщ мыхъухэращ, абыхэм ягухэм шэч илъщ, я Тхьэми шэч къытрахьэхэр

آیت: 46

۞ وَلَوۡ أَرَادُواْ ٱلۡخُرُوجَ لَأَعَدُّواْ لَهُۥ عُدَّةٗ وَلَٰكِن كَرِهَ ٱللَّهُ ٱنۢبِعَاثَهُمۡ فَثَبَّطَهُمۡ وَقِيلَ ٱقۡعُدُواْ مَعَ ٱلۡقَٰعِدِينَ

Ахэр дэкIыну хуейхэтэмэ загъэхьэзырынут, ауэ Алыхьыр хуеякъым ахэр дигъэкIынуи заригъэIэжьащ. ЖраIащ: "Фыдэс къыдэмыкIахэм ящIыгъуу"

آیت: 47

لَوۡ خَرَجُواْ فِيكُم مَّا زَادُوكُمۡ إِلَّا خَبَالٗا وَلَأَوۡضَعُواْ خِلَٰلَكُمۡ يَبۡغُونَكُمُ ٱلۡفِتۡنَةَ وَفِيكُمۡ سَمَّٰعُونَ لَهُمۡۗ وَٱللَّهُ عَلِيمُۢ بِٱلظَّٰلِمِينَ

Ахэр фи гъусэу къыдэкIатэмэ фызэхатхъуэнут нэхъри, фи яку дэтынухэт псынщIэу фэсэдым зырагъэубгъуу. Фэ къыфхэтхэщ абыхэм ядэIуэнухэр, икIи Алыхьым залымыгъэ зезыхьэхэр нэхъыфIу ещIэр

آیت: 48

لَقَدِ ٱبۡتَغَوُاْ ٱلۡفِتۡنَةَ مِن قَبۡلُ وَقَلَّبُواْ لَكَ ٱلۡأُمُورَ حَتَّىٰ جَآءَ ٱلۡحَقُّ وَظَهَرَ أَمۡرُ ٱللَّهِ وَهُمۡ كَٰرِهُونَ

Ахэр ипэкIи хуейхэт зэгурымыIуэныгъэр къыфхалъхьэну, Iуэхухэр пхузэрадзэкIащ пэжыр къэнахуэу, Алыхьым и Iэмырыр къэлъэгъуэху, ахэр хуэмейхэ пэт

آیت: 49

وَمِنۡهُم مَّن يَقُولُ ٱئۡذَن لِّي وَلَا تَفۡتِنِّيٓۚ أَلَا فِي ٱلۡفِتۡنَةِ سَقَطُواْۗ وَإِنَّ جَهَنَّمَ لَمُحِيطَةُۢ بِٱلۡكَٰفِرِينَ

Абыхэм яхэтщ жызыIэ: "Iизын къызэти фитIнэм сыхомыгъахуэ". АтIэ фитIнэкъэ ахэр зыхэхуар? Жыхьэнэмэм джаурхэр зэщIащтэр лъэныкъуэ псомкIи

آیت: 50

إِن تُصِبۡكَ حَسَنَةٞ تَسُؤۡهُمۡۖ وَإِن تُصِبۡكَ مُصِيبَةٞ يَقُولُواْ قَدۡ أَخَذۡنَآ أَمۡرَنَا مِن قَبۡلُ وَيَتَوَلَّواْ وَّهُمۡ فَرِحُونَ

ФIы къохъулIэмэ, ахэр нэщхъей мэхъухэр, ауэ гузэвэгъуэм ухэхуэмэ, абыхэм жаIэр: "Дэ ипэкIэ зытхъумэжащ", - итIанэ тхъэхэурэ IуокIыжхэр

آیت: 51

قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوۡلَىٰنَاۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

ЖыIэ: "Алыхьым къытхуитхам фIэкIа зыри къыдэхъулIэкъым, Аращ дэ ди дэIэпыкъуэгъур, Алыхьращ мыIуминхэр зыщыгугъыр"

آیت: 52

قُلۡ هَلۡ تَرَبَّصُونَ بِنَآ إِلَّآ إِحۡدَى ٱلۡحُسۡنَيَيۡنِۖ وَنَحۡنُ نَتَرَبَّصُ بِكُمۡ أَن يُصِيبَكُمُ ٱللَّهُ بِعَذَابٖ مِّنۡ عِندِهِۦٓ أَوۡ بِأَيۡدِينَاۖ فَتَرَبَّصُوٓاْ إِنَّا مَعَكُم مُّتَرَبِّصُونَ

ЖыIэ: "ФIыгъуитIым нэгъуэщI зыри къыдэмыхъулIэну фемыжьэу ара? АтIэ дэ дожьэр Алыхьым и хьэзабыр къыфтригъэхуэну е дэ ди IэкIэ къыфтригъэхуэну. Фежьэ атIэ, дэри фи гъусэу дежьэнщ"

آیت: 53

قُلۡ أَنفِقُواْ طَوۡعًا أَوۡ كَرۡهٗا لَّن يُتَقَبَّلَ مِنكُمۡ إِنَّكُمۡ كُنتُمۡ قَوۡمٗا فَٰسِقِينَ

ЖыIэ: "Фыхуейми фыхуэмейми тевгъэкIуадэ фи мылъкур, къабылу фIахынукъым ар, лъэпкъ фасикъхэу фыщытащ фэ"

آیت: 54

وَمَا مَنَعَهُمۡ أَن تُقۡبَلَ مِنۡهُمۡ نَفَقَٰتُهُمۡ إِلَّآ أَنَّهُمۡ كَفَرُواْ بِٱللَّهِ وَبِرَسُولِهِۦ وَلَا يَأۡتُونَ ٱلصَّلَوٰةَ إِلَّا وَهُمۡ كُسَالَىٰ وَلَا يُنفِقُونَ إِلَّا وَهُمۡ كَٰرِهُونَ

Абыхэм ягъэкIуэдар я мылъкум щыщу къабыл хъуакъым, абыхэм Алыхьымрэ и лIыкIуэмрэ я фIэщ зэрымыхъуам щхьэкIэ, нэмэзми щхьэххэурэ фIэкIа зэремыкIуалIэм щхьэкIэ, я мылъкуу ятри хуэмейхэурэ зэратым щхьэкIэ

آیت: 55

فَلَا تُعۡجِبۡكَ أَمۡوَٰلُهُمۡ وَلَآ أَوۡلَٰدُهُمۡۚ إِنَّمَا يُرِيدُ ٱللَّهُ لِيُعَذِّبَهُم بِهَا فِي ٱلۡحَيَوٰةِ ٱلدُّنۡيَا وَتَزۡهَقَ أَنفُسُهُمۡ وَهُمۡ كَٰفِرُونَ

Абыхэм я мылъкухэмрэ, я бынхэмрэ умыгъэщIагъуэ уэ, Алыхьым абыкIэ хьэзаб ятрилъхьэну хуейщи аращ мы дунейм, я псэхэри хэкIыным папщIэ ахэр джаурхэу

آیت: 56

وَيَحۡلِفُونَ بِٱللَّهِ إِنَّهُمۡ لَمِنكُمۡ وَمَا هُم مِّنكُمۡ وَلَٰكِنَّهُمۡ قَوۡمٞ يَفۡرَقُونَ

Абыхэм Алыхьым и цIэкIэ тхьэ яIуэр фэ фщыщхэу жаIэри, ауэ ахэр фэ фщыщхэкъым, ахэр лъэпкъ шынэкъэрабгъэщ

آیت: 57

لَوۡ يَجِدُونَ مَلۡجَـًٔا أَوۡ مَغَٰرَٰتٍ أَوۡ مُدَّخَلٗا لَّوَلَّوۡاْ إِلَيۡهِ وَهُمۡ يَجۡمَحُونَ

Абыхэм бгъуэнщIагъ, е зыхъумапIэ, е гъэпщкIупIэ ягъуэтатэмэ, ахэр епIэщIэкIыу абым кIуэнухэт

آیت: 58

وَمِنۡهُم مَّن يَلۡمِزُكَ فِي ٱلصَّدَقَٰتِ فَإِنۡ أُعۡطُواْ مِنۡهَا رَضُواْ وَإِن لَّمۡ يُعۡطَوۡاْ مِنۡهَآ إِذَا هُمۡ يَسۡخَطُونَ

Абыхэм яхэтщ сэдэкъэхэм щхьэкIэ узгъэкъуаншэхэр. Абым щыщ яптмэ арэзы мэхъухэр, ауэ абы щыщ ирамытамэ мэгубжьхэр

آیت: 59

وَلَوۡ أَنَّهُمۡ رَضُواْ مَآ ءَاتَىٰهُمُ ٱللَّهُ وَرَسُولُهُۥ وَقَالُواْ حَسۡبُنَا ٱللَّهُ سَيُؤۡتِينَا ٱللَّهُ مِن فَضۡلِهِۦ وَرَسُولُهُۥٓ إِنَّآ إِلَى ٱللَّهِ رَٰغِبُونَ

НэхъыфIт ахэр аразы хъуахэтэмэ Алыхьымрэ и лIыкIуэмрэ къратамкIэ, икIи жаIатэмэ арат: "Алыхьыр тхурокъур дэ, Алыхьым и фIыгъуэхэм щыщ къытхуигъэфэщэнущ, и лIыкIуэми аращ, дэ Алыхьым дыхущIокъур"

آیت: 60

۞ إِنَّمَا ٱلصَّدَقَٰتُ لِلۡفُقَرَآءِ وَٱلۡمَسَٰكِينِ وَٱلۡعَٰمِلِينَ عَلَيۡهَا وَٱلۡمُؤَلَّفَةِ قُلُوبُهُمۡ وَفِي ٱلرِّقَابِ وَٱلۡغَٰرِمِينَ وَفِي سَبِيلِ ٱللَّهِ وَٱبۡنِ ٱلسَّبِيلِۖ فَرِيضَةٗ مِّنَ ٱللَّهِۗ وَٱللَّهُ عَلِيمٌ حَكِيمٞ

Сэджытыр зыхуэфащэр факъырэхэращ, тхьэмыщкIэхэращ, абым елэжьхэращ, гухэр дегъэхьэхыныращ, пщылI къэщэхунращ, гъэр къэщэхужыныращ, Алыхьым и гъуэгум тегъэкIуэдэныращ, гъуэгурыкIуэращ. Алыхьым и фарзыр аращ, Алыхьыр ЗыщIэщ, АкъылыфIщ

آیت: 61

وَمِنۡهُمُ ٱلَّذِينَ يُؤۡذُونَ ٱلنَّبِيَّ وَيَقُولُونَ هُوَ أُذُنٞۚ قُلۡ أُذُنُ خَيۡرٖ لَّكُمۡ يُؤۡمِنُ بِٱللَّهِ وَيُؤۡمِنُ لِلۡمُؤۡمِنِينَ وَرَحۡمَةٞ لِّلَّذِينَ ءَامَنُواْ مِنكُمۡۚ وَٱلَّذِينَ يُؤۡذُونَ رَسُولَ ٱللَّهِ لَهُمۡ عَذَابٌ أَلِيمٞ

Абыхэм яхэтщ бегъымбарым и жагъуэ зыщIхэр, жаIэр: "Ар тхьэкIумэщ". ЯжеIэ: "Абым фIыращ зэхихыр, Алыхьыр и фIэщ мэхъури мыIуминхэми жаIэр и фIэщ мэхъур. Фэ фщыщу Iиман къэзыхьам щхьэкIэ гущIэгъущIщ ар". АтIэ Алыхьым и лIыкIуэм и жагъуэ зыщIхэм хьэзаб гуащIэ яхуэфащэщ

آیت: 62

يَحۡلِفُونَ بِٱللَّهِ لَكُمۡ لِيُرۡضُوكُمۡ وَٱللَّهُ وَرَسُولُهُۥٓ أَحَقُّ أَن يُرۡضُوهُ إِن كَانُواْ مُؤۡمِنِينَ

Абыхэм Алыхьым и цIэкIэ тхьэ къыфхуаIуэр фагъэарэзыну, ауэ Алыхьымрэ и лIыкIуэмрэ ягъэарэзыну нэхъ яхуэфащэщ мыIуминхэу щытыр пэжмэ ахэр

آیت: 63

أَلَمۡ يَعۡلَمُوٓاْ أَنَّهُۥ مَن يُحَادِدِ ٱللَّهَ وَرَسُولَهُۥ فَأَنَّ لَهُۥ نَارَ جَهَنَّمَ خَٰلِدٗا فِيهَاۚ ذَٰلِكَ ٱلۡخِزۡيُ ٱلۡعَظِيمُ

Абыхэм ямыщIэу ара Алыхьымрэ и лIыкIуэмрэ я бийхэр жыхьэнэмэ мафIэм игъащIэкIэ къызэрыхэнэнур? Ар гъэпудыныгъэшхуэщ атIэ

آیت: 64

يَحۡذَرُ ٱلۡمُنَٰفِقُونَ أَن تُنَزَّلَ عَلَيۡهِمۡ سُورَةٞ تُنَبِّئُهُم بِمَا فِي قُلُوبِهِمۡۚ قُلِ ٱسۡتَهۡزِءُوٓاْ إِنَّ ٱللَّهَ مُخۡرِجٞ مَّا تَحۡذَرُونَ

Мунафикъхэр мэшынэр сурэ къахуехынкIэ ягухэм илъыр зэуэ нахуэ ищIу, яжеIэ: "ФыщIэнакIэ фэ, Алыхьым къыкъуихынщ а фызыщышынэхэр"

آیت: 65

وَلَئِن سَأَلۡتَهُمۡ لَيَقُولُنَّ إِنَّمَا كُنَّا نَخُوضُ وَنَلۡعَبُۚ قُلۡ أَبِٱللَّهِ وَءَايَٰتِهِۦ وَرَسُولِهِۦ كُنتُمۡ تَسۡتَهۡزِءُونَ

Абыхэм уаупщIмэ жаIэнущ: "Дэ щхьэ дгъавэурэ дыджэгуу арат". ЖыIэ: "Алыхьымрэ и аятхэмрэ, и лIыкIуэмрэ ауан фщIыуэ арат?

آیت: 66

لَا تَعۡتَذِرُواْ قَدۡ كَفَرۡتُم بَعۡدَ إِيمَٰنِكُمۡۚ إِن نَّعۡفُ عَن طَآئِفَةٖ مِّنكُمۡ نُعَذِّبۡ طَآئِفَةَۢ بِأَنَّهُمۡ كَانُواْ مُجۡرِمِينَ

ФымылъаIуэ къыфхуагъэгъуну, Iиман къэфхьа иужь джаур фыхъужахэщ фэ". Фэ фщыщ гуэрхэм яхуэдгъэгъуми, адрейхэм хьэзаб гуащIэр ятедгъэхуэнущ, ахэр гуэныхьыщIэхэу щытахэщи

آیت: 67

ٱلۡمُنَٰفِقُونَ وَٱلۡمُنَٰفِقَٰتُ بَعۡضُهُم مِّنۢ بَعۡضٖۚ يَأۡمُرُونَ بِٱلۡمُنكَرِ وَيَنۡهَوۡنَ عَنِ ٱلۡمَعۡرُوفِ وَيَقۡبِضُونَ أَيۡدِيَهُمۡۚ نَسُواْ ٱللَّهَ فَنَسِيَهُمۡۚ إِنَّ ٱلۡمُنَٰفِقِينَ هُمُ ٱلۡفَٰسِقُونَ

Мунафикъ цIыхухъухэри, мунафикъ цIыхубзхэри зыр адрейм щыщхэщ, Iейм къыхураджэри фIыр ямыщIэну унафэ ящIыр, я Iэхэри зэтраубыдэр. Алыхьыр ящыгъупщэжри, Абыи ахэр зыщигъэгъупщахэщ. ИпэжыпIэкIэ мунафикъхэращ фасикъхэр

آیت: 68

وَعَدَ ٱللَّهُ ٱلۡمُنَٰفِقِينَ وَٱلۡمُنَٰفِقَٰتِ وَٱلۡكُفَّارَ نَارَ جَهَنَّمَ خَٰلِدِينَ فِيهَاۚ هِيَ حَسۡبُهُمۡۚ وَلَعَنَهُمُ ٱللَّهُۖ وَلَهُمۡ عَذَابٞ مُّقِيمٞ

Алыхьым къигъэгугъащ мунафикъ цIыхухъухэри, мунафикъ цIыхубзхэри, джаурхэри жыхьэнэмэ мафIэкIэ, игъащIэкIэ къыхэнэнухэщ абы, ар яхурикъунущ абыхэм. Алыхьми абыхэм нэлат ярихащ, абыхэм хьэзаб мыухыж яхуэфащэщ

آیت: 69

كَٱلَّذِينَ مِن قَبۡلِكُمۡ كَانُوٓاْ أَشَدَّ مِنكُمۡ قُوَّةٗ وَأَكۡثَرَ أَمۡوَٰلٗا وَأَوۡلَٰدٗا فَٱسۡتَمۡتَعُواْ بِخَلَٰقِهِمۡ فَٱسۡتَمۡتَعۡتُم بِخَلَٰقِكُمۡ كَمَا ٱسۡتَمۡتَعَ ٱلَّذِينَ مِن قَبۡلِكُم بِخَلَٰقِهِمۡ وَخُضۡتُمۡ كَٱلَّذِي خَاضُوٓاْۚ أُوْلَٰٓئِكَ حَبِطَتۡ أَعۡمَٰلُهُمۡ فِي ٱلدُّنۡيَا وَٱلۡأٓخِرَةِۖ وَأُوْلَٰٓئِكَ هُمُ ٱلۡخَٰسِرُونَ

Фи япэкIэ псэуахэм хуэдэхэщ, ахэр фэр нэхърэ нэхъ лъэщхэт, мылъкуи быни нэхъыбэу яIэт. Абыхэм яхуэфащэм иритхъахэщ. Фэри фхуэфащэм фритхъащ, фи япэкIэ щыIахэр яхуэфащэм зэрыритхъам хуэдэу. Щхьэубатэными фыхихьащ, адрейхэр зэрыхихьам хуэдэу. Абыхэм я Iуэхухэр мы дунейми ахърэтми щыхэкIуэдэжащ, ахэращ атIэ хэкIуэдэжахэр

آیت: 70

أَلَمۡ يَأۡتِهِمۡ نَبَأُ ٱلَّذِينَ مِن قَبۡلِهِمۡ قَوۡمِ نُوحٖ وَعَادٖ وَثَمُودَ وَقَوۡمِ إِبۡرَٰهِيمَ وَأَصۡحَٰبِ مَدۡيَنَ وَٱلۡمُؤۡتَفِكَٰتِۚ أَتَتۡهُمۡ رُسُلُهُم بِٱلۡبَيِّنَٰتِۖ فَمَا كَانَ ٱللَّهُ لِيَظۡلِمَهُمۡ وَلَٰكِن كَانُوٓاْ أَنفُسَهُمۡ يَظۡلِمُونَ

Абыхэм янэмысауэ ара япэкIэ псэуахэм я хъыбархэр: Нухь и лъэпкъыр, Хьадрэ Сэмудрэ, Ибрахьим и лъэпкъыр, Мэдйэн щыпсэуахэр, зэщхьэпрадзахэр. Абыхэм лIыкIуэхэр къахуэкIуат, нэщэнэ нахуэхэр къахьри. Алыхьым залымыгъэ ярихакъым абыхэм, атIэ я щхьэ залымыгъэ ирахыжауэ аращ

آیت: 71

وَٱلۡمُؤۡمِنُونَ وَٱلۡمُؤۡمِنَٰتُ بَعۡضُهُمۡ أَوۡلِيَآءُ بَعۡضٖۚ يَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِ وَيُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَيُطِيعُونَ ٱللَّهَ وَرَسُولَهُۥٓۚ أُوْلَٰٓئِكَ سَيَرۡحَمُهُمُ ٱللَّهُۗ إِنَّ ٱللَّهَ عَزِيزٌ حَكِيمٞ

МыIумин цIыхухъухэри, мыIумин цIыхубзхэри зыр адрейм и уэлийхэщ, фIым къыхураджэри Iейм пэжыжьэ ящIыну унафэ ящIыр, нэмэзыр ящIыр, сэджыт ятыр, Алыхьымрэ и лIыкIуэмрэ хуэжыIэщIэхэщ. Абыхэм Алыхьым гущIэгъу яхуищIынущ, Алыхьыр Лъэщщ, АкъылыфIщ

آیت: 72

وَعَدَ ٱللَّهُ ٱلۡمُؤۡمِنِينَ وَٱلۡمُؤۡمِنَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا وَمَسَٰكِنَ طَيِّبَةٗ فِي جَنَّٰتِ عَدۡنٖۚ وَرِضۡوَٰنٞ مِّنَ ٱللَّهِ أَكۡبَرُۚ ذَٰلِكَ هُوَ ٱلۡفَوۡزُ ٱلۡعَظِيمُ

Алыхьым къигъэгугъащ мыIумин цIыхухъухэри, мыIумин цIыхубзхэри жэнэткIэ, абым псыхэр къыщIэжу, игъащIэкIэ къинэну. ИтIани унэ лъапIэхэмкIэ жэнэт Хьэдным къигъэгугъащ. АтIэ Алыхьым и арэзыныгъэр нэхъ инщ, аращ ехъулIэныгъэшхуэр

آیت: 73

يَٰٓأَيُّهَا ٱلنَّبِيُّ جَٰهِدِ ٱلۡكُفَّارَ وَٱلۡمُنَٰفِقِينَ وَٱغۡلُظۡ عَلَيۡهِمۡۚ وَمَأۡوَىٰهُمۡ جَهَنَّمُۖ وَبِئۡسَ ٱلۡمَصِيرُ

Уэ, бегъымбар, джаурхэмрэ мунафикъхэмрэ езауэ, яхуэткIий абыхэм. Абыхэм я екIуэлIэжыпIэр жыхьэнэмэщ, сытым хуэдэу Iей а кIуапIэр!

آیت: 74

يَحۡلِفُونَ بِٱللَّهِ مَا قَالُواْ وَلَقَدۡ قَالُواْ كَلِمَةَ ٱلۡكُفۡرِ وَكَفَرُواْ بَعۡدَ إِسۡلَٰمِهِمۡ وَهَمُّواْ بِمَا لَمۡ يَنَالُواْۚ وَمَا نَقَمُوٓاْ إِلَّآ أَنۡ أَغۡنَىٰهُمُ ٱللَّهُ وَرَسُولُهُۥ مِن فَضۡلِهِۦۚ فَإِن يَتُوبُواْ يَكُ خَيۡرٗا لَّهُمۡۖ وَإِن يَتَوَلَّوۡاْ يُعَذِّبۡهُمُ ٱللَّهُ عَذَابًا أَلِيمٗا فِي ٱلدُّنۡيَا وَٱلۡأٓخِرَةِۚ وَمَا لَهُمۡ فِي ٱلۡأَرۡضِ مِن وَلِيّٖ وَلَا نَصِيرٖ

Абыхэм Алыхьым и цIэкIэ тхьэ яIуэр зыри жамыIауэ, ауэ джаур псалъэр жаIакIэщ, джаури хъуахэщ, ислам диныр къащта иужь. ЯхузэфIэмыкIар ящIэну хуеяхэщ ахэр. Алыхьымрэ и лIыкIуэмрэ фIыгъуэхэм щыщу къратахэращ лей щIыщIэжыр. Абыхэм тобэ къахьыжатэмэ езыхэмкIэ нэхъыфIт, ауэ я щIыбхэр къагъазэмэ, Алыхьым хьэзаб гуащIэ ятрилъхьэнущ мы дунейми ахърэтми, яIэнукъым икIи щIылъэм уэлийрэ, дэIэпыкъуэгъурэ

آیت: 75

۞ وَمِنۡهُم مَّنۡ عَٰهَدَ ٱللَّهَ لَئِنۡ ءَاتَىٰنَا مِن فَضۡلِهِۦ لَنَصَّدَّقَنَّ وَلَنَكُونَنَّ مِنَ ٱلصَّٰلِحِينَ

Абыхэм яхэтщ псалъэ быдэ Алыхьым езытахэр: "Абы и фIыгъуэхэм щыщ къыдитмэ, сэдэкъэри дгуэшынущ, фIым тетхэми ящыщ дыхъунущ"

آیت: 76

فَلَمَّآ ءَاتَىٰهُم مِّن فَضۡلِهِۦ بَخِلُواْ بِهِۦ وَتَوَلَّواْ وَّهُم مُّعۡرِضُونَ

Ауэ и фIыгъуэхэм щыщ щаритым, нэпсей хъуахэщ, я щIыбхэри хуэмыарэзыуэ къагъэзахэщ

آیت: 77

فَأَعۡقَبَهُمۡ نِفَاقٗا فِي قُلُوبِهِمۡ إِلَىٰ يَوۡمِ يَلۡقَوۡنَهُۥ بِمَآ أَخۡلَفُواْ ٱللَّهَ مَا وَعَدُوهُ وَبِمَا كَانُواْ يَكۡذِبُونَ

Арати яхурикъуащ абыхэм ягухэм фэрыщIыгъэр ирилъхьэри Абы щыхуэзэжыну махуэм нэс. Ар Алыхьым псалъэ быдэу иратам зэрепцIыжахэм щхьэкIэ, икIи пцIыуэ яупсам щхьэкIэ

آیت: 78

أَلَمۡ يَعۡلَمُوٓاْ أَنَّ ٱللَّهَ يَعۡلَمُ سِرَّهُمۡ وَنَجۡوَىٰهُمۡ وَأَنَّ ٱللَّهَ عَلَّٰمُ ٱلۡغُيُوبِ

Абыхэм ямыщIэу ара Алыхьым я нахуэри, яущэхури зэрищIэр? Алыхьращ ущэхуахэр зыщIэр

آیت: 79

ٱلَّذِينَ يَلۡمِزُونَ ٱلۡمُطَّوِّعِينَ مِنَ ٱلۡمُؤۡمِنِينَ فِي ٱلصَّدَقَٰتِ وَٱلَّذِينَ لَا يَجِدُونَ إِلَّا جُهۡدَهُمۡ فَيَسۡخَرُونَ مِنۡهُمۡ سَخِرَ ٱللَّهُ مِنۡهُمۡ وَلَهُمۡ عَذَابٌ أَلِيمٌ

Абыхэм ауан къащIыр мыIуминхэм щыщу я хуеиныгъэкIэ сэдэкъэ зытхэри, гугъуехьым хэтурэ итыныр къэзыгъуэтхэри. Абыхэм ящодыхьэшххэр, Алыхьри езыхэм ящыдыхьэшхыжынущ. Абыхэм хьэзаб гуащIэр яхуэфащэщ

آیت: 80

ٱسۡتَغۡفِرۡ لَهُمۡ أَوۡ لَا تَسۡتَغۡفِرۡ لَهُمۡ إِن تَسۡتَغۡفِرۡ لَهُمۡ سَبۡعِينَ مَرَّةٗ فَلَن يَغۡفِرَ ٱللَّهُ لَهُمۡۚ ذَٰلِكَ بِأَنَّهُمۡ كَفَرُواْ بِٱللَّهِ وَرَسُولِهِۦۗ وَٱللَّهُ لَا يَهۡدِي ٱلۡقَوۡمَ ٱلۡفَٰسِقِينَ

Абыхэм яхуигъэгъуну ухуеймэ щIэлъэIу е ущIэмылъэIу, блыщIрэ уащIэлъэIуами Алыхьым яхуигъэгъунукъым абыхэм. Апхуэдэу щIыщытыр абыхэм Алыхьри и лIыкIуэри я фIэщ зэрымыхъуаращ. Алыхьым гъуэгу захуэм тришэкъым лъэпкъ фасикъхэр

آیت: 81

فَرِحَ ٱلۡمُخَلَّفُونَ بِمَقۡعَدِهِمۡ خِلَٰفَ رَسُولِ ٱللَّهِ وَكَرِهُوٓاْ أَن يُجَٰهِدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِ وَقَالُواْ لَا تَنفِرُواْ فِي ٱلۡحَرِّۗ قُلۡ نَارُ جَهَنَّمَ أَشَدُّ حَرّٗاۚ لَّوۡ كَانُواْ يَفۡقَهُونَ

Къэнахэр гуфIэхэт Алыхьым и лIыкIуэм зэрыщIымыгъухэм щхьэкIэ. Абыхэм яфIэфIкъым Алыхьым и гъуэгум тетхэу щызэуэну я мылъкумкIи, я псэхэмкIи. Абыхэм жаIащ: "Мы хуэбейм фемыжьэкъэ". ЯжеIэ: "Жыхьэнэмэ мафIэр нэхъ пщтырыжщ!" Ар къагурыIуэмэ аратэкъэ

آیت: 82

فَلۡيَضۡحَكُواْ قَلِيلٗا وَلۡيَبۡكُواْ كَثِيرٗا جَزَآءَۢ بِمَا كَانُواْ يَكۡسِبُونَ

МащIэу иредэхьэшххэ, куэдурэ ирегъхэ, аращ къалэжьар ящIахэмкIэ

آیت: 83

فَإِن رَّجَعَكَ ٱللَّهُ إِلَىٰ طَآئِفَةٖ مِّنۡهُمۡ فَٱسۡتَـٔۡذَنُوكَ لِلۡخُرُوجِ فَقُل لَّن تَخۡرُجُواْ مَعِيَ أَبَدٗا وَلَن تُقَٰتِلُواْ مَعِيَ عَدُوًّاۖ إِنَّكُمۡ رَضِيتُم بِٱلۡقُعُودِ أَوَّلَ مَرَّةٖ فَٱقۡعُدُواْ مَعَ ٱلۡخَٰلِفِينَ

Алыхьым абыхэм ящыщ гупым и деж уигъэгъэзэжу къыдэкIынухэу Iизын къыпIырахыну хуежьэхэмэ, яжеIэ: "Зэи си гъусэу фыдэкIынукъым, икIи зэи си гъусэу бийм фезэуэнукъым. Фэ ипэм щыгъуэ фыкъыдэнэну фыхуэарэзыт къэнахэм фрагъусэу"

آیت: 84

وَلَا تُصَلِّ عَلَىٰٓ أَحَدٖ مِّنۡهُم مَّاتَ أَبَدٗا وَلَا تَقُمۡ عَلَىٰ قَبۡرِهِۦٓۖ إِنَّهُمۡ كَفَرُواْ بِٱللَّهِ وَرَسُولِهِۦ وَمَاتُواْ وَهُمۡ فَٰسِقُونَ

ИкIи абыхэм щыщ гуэр дунейм ехыжамэ, зэи нэмэз томыщIэ, и кхъэми ущхьэщымыт, абыхэм Алыхьымрэ и лIыкIуэмрэ я фIэщ хъуакъым, икIи фасикъхэу дунейм ехыжахэщ

آیت: 85

وَلَا تُعۡجِبۡكَ أَمۡوَٰلُهُمۡ وَأَوۡلَٰدُهُمۡۚ إِنَّمَا يُرِيدُ ٱللَّهُ أَن يُعَذِّبَهُم بِهَا فِي ٱلدُّنۡيَا وَتَزۡهَقَ أَنفُسُهُمۡ وَهُمۡ كَٰفِرُونَ

Абыхэм я мылъкухэмрэ, я бынхэмрэ умыгъэщIагъуэ уэ, Алыхьым абыкIэ хьэзаб ятрилъхьэну хуейщи аращ мы дунейм, я псэхэри хэкIыным папщIэ ахэр джаурхэу

آیت: 86

وَإِذَآ أُنزِلَتۡ سُورَةٌ أَنۡ ءَامِنُواْ بِٱللَّهِ وَجَٰهِدُواْ مَعَ رَسُولِهِ ٱسۡتَـٔۡذَنَكَ أُوْلُواْ ٱلطَّوۡلِ مِنۡهُمۡ وَقَالُواْ ذَرۡنَا نَكُن مَّعَ ٱلۡقَٰعِدِينَ

Сурэ къыщехатэм иту Алыхьыр я фIэщ ящIыну, Абы и лIыкIуэм щIыгъухэу зэуэну, Iэмал зиIэу абыхэм щыщхэм Iизын къыпIырахыу ирагъэжьащ, жаIэурэ: "Дыкъэгъанэ дэсхэм я гъусэу"

آیت: 87

رَضُواْ بِأَن يَكُونُواْ مَعَ ٱلۡخَوَالِفِ وَطُبِعَ عَلَىٰ قُلُوبِهِمۡ فَهُمۡ لَا يَفۡقَهُونَ

Ахэр арэзы хъуахэщ иужь къинахэм ящIыгъуу къыдэнэну, абыхэм ягухэр гъэбыдащ, абыхэм къагурыIуэркъым

آیت: 88

لَٰكِنِ ٱلرَّسُولُ وَٱلَّذِينَ ءَامَنُواْ مَعَهُۥ جَٰهَدُواْ بِأَمۡوَٰلِهِمۡ وَأَنفُسِهِمۡۚ وَأُوْلَٰٓئِكَ لَهُمُ ٱلۡخَيۡرَٰتُۖ وَأُوْلَٰٓئِكَ هُمُ ٱلۡمُفۡلِحُونَ

Ауэ лIыкIуэмрэ, абы и гъусэу Iиман къэзыхьахэмрэ я мылъкухэмрэ, я псэхэмрэ халъхьэурэ зэуахэщ. Абыхэм фIыгъуэхэр яхуэгъэхьэзыращ, ахэращ ехъулIахэр

آیت: 89

أَعَدَّ ٱللَّهُ لَهُمۡ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ ذَٰلِكَ ٱلۡفَوۡزُ ٱلۡعَظِيمُ

Алыхьым абыхэм яритащ жэнэтхэр, псы ежэххэр къыщIэжу, игъащIэкIэ абым къинэнухэщ, аращ ехъулIэныгъэшхуэр

آیت: 90

وَجَآءَ ٱلۡمُعَذِّرُونَ مِنَ ٱلۡأَعۡرَابِ لِيُؤۡذَنَ لَهُمۡ وَقَعَدَ ٱلَّذِينَ كَذَبُواْ ٱللَّهَ وَرَسُولَهُۥۚ سَيُصِيبُ ٱلَّذِينَ كَفَرُواْ مِنۡهُمۡ عَذَابٌ أَلِيمٞ

Бедуин зыпыIуздзахэр къэкIуахэщ Iизын Iахыну, Алыхьымрэ и лIыкIуэмрэ пцIы хуэзупсахэри къэнахэщ. Абыхэм щыщу джаур хъуахэм хьэзаб гуащIэр къатехуэнущ

آیت: 91

لَّيۡسَ عَلَى ٱلضُّعَفَآءِ وَلَا عَلَى ٱلۡمَرۡضَىٰ وَلَا عَلَى ٱلَّذِينَ لَا يَجِدُونَ مَا يُنفِقُونَ حَرَجٌ إِذَا نَصَحُواْ لِلَّهِ وَرَسُولِهِۦۚ مَا عَلَى ٱلۡمُحۡسِنِينَ مِن سَبِيلٖۚ وَٱللَّهُ غَفُورٞ رَّحِيمٞ

Гуэныхь къатехуэкъым лъэкI зимыIэхэм, сымаджэхэм, ятын зымыгъуэтхэм, ахэр Алыхьымрэ и лIыкIуэмрэ хуэпэжхэмэ гукIэ. ФIы зыщIэхэм бэлыхь къатехуэнукъым. Алыхьыр Зыгъэгъущ, ГущIэгъущIщ

آیت: 92

وَلَا عَلَى ٱلَّذِينَ إِذَا مَآ أَتَوۡكَ لِتَحۡمِلَهُمۡ قُلۡتَ لَآ أَجِدُ مَآ أَحۡمِلُكُمۡ عَلَيۡهِ تَوَلَّواْ وَّأَعۡيُنُهُمۡ تَفِيضُ مِنَ ٱلدَّمۡعِ حَزَنًا أَلَّا يَجِدُواْ مَا يُنفِقُونَ

ИкIи гуэныхь къатехуэкъым уи деж къакIуэхэу здэшэсын зыгуэр яптыну къолъэIуахэу, "СиIэкъым фыздэзгъэшэсын", - зыжепIахэм. Ахэр IукIыжахэщ, я нэхэм нэпс къытелъэдауэ, нэщхъей хъуахэу, ятын мылъку зэрамыIэм щхьэкIэ

آیت: 93

۞ إِنَّمَا ٱلسَّبِيلُ عَلَى ٱلَّذِينَ يَسۡتَـٔۡذِنُونَكَ وَهُمۡ أَغۡنِيَآءُۚ رَضُواْ بِأَن يَكُونُواْ مَعَ ٱلۡخَوَالِفِ وَطَبَعَ ٱللَّهُ عَلَىٰ قُلُوبِهِمۡ فَهُمۡ لَا يَعۡلَمُونَ

АтIэ лажьэ къызтехуэхэр Iизын къыпIизыххэращ, ахэр къулейхэ пэтми. Ахэр арэзы хъуахэщ къыдэнахэм ягъусэну. Алыхьым абыхэм ягухэр игъэбыдащи, абыхэм зыри къагурыIуэкъым

آیت: 94

يَعۡتَذِرُونَ إِلَيۡكُمۡ إِذَا رَجَعۡتُمۡ إِلَيۡهِمۡۚ قُل لَّا تَعۡتَذِرُواْ لَن نُّؤۡمِنَ لَكُمۡ قَدۡ نَبَّأَنَا ٱللَّهُ مِنۡ أَخۡبَارِكُمۡۚ وَسَيَرَى ٱللَّهُ عَمَلَكُمۡ وَرَسُولُهُۥ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

Абыхэм я деж фыкъэкIуэжмэ хей защIыжыну пылъхэщ. ЯжеIэ: "Хей зыфщIыжыну фыпымылъ, ди фIэщ фыхъукъым фэ, алыхьым фи хъыбархэм щыгъуазэ дищIащ. Алыхьымрэ и лIыкIуэмрэ фи лэжьыгъэхэр ялъагъунщ, итIанэ ущэхуари нахуэри зыщIэм и деж фагъэгъэзэжынущи къыфхуиIуэтэнущ фщIауэ хъуар"

آیت: 95

سَيَحۡلِفُونَ بِٱللَّهِ لَكُمۡ إِذَا ٱنقَلَبۡتُمۡ إِلَيۡهِمۡ لِتُعۡرِضُواْ عَنۡهُمۡۖ فَأَعۡرِضُواْ عَنۡهُمۡۖ إِنَّهُمۡ رِجۡسٞۖ وَمَأۡوَىٰهُمۡ جَهَنَّمُ جَزَآءَۢ بِمَا كَانُواْ يَكۡسِبُونَ

Абыхэм я деж къэвгъэзэжмэ, Алыхьым и цIэкIэ тхьэ къыфхуаIуэу щIадзэнущ, къэвгъэнэнхэ щхьэкIэ. АтIэ къэвгъанэ ахэр, ахэр фIейхэщ. Абыхэм къалэжьам хуэфащэу жыхьэнэмэр я увыIэпIэ хъунущ

آیت: 96

يَحۡلِفُونَ لَكُمۡ لِتَرۡضَوۡاْ عَنۡهُمۡۖ فَإِن تَرۡضَوۡاْ عَنۡهُمۡ فَإِنَّ ٱللَّهَ لَا يَرۡضَىٰ عَنِ ٱلۡقَوۡمِ ٱلۡفَٰسِقِينَ

Абыхэм тхьэ къыфхуаIуэр, аразы фахуэхъун щхьэкIэ. Ауэ Алыхьыр арэзы хуэхъукъым фасикъ лъэпкъым

آیت: 97

ٱلۡأَعۡرَابُ أَشَدُّ كُفۡرٗا وَنِفَاقٗا وَأَجۡدَرُ أَلَّا يَعۡلَمُواْ حُدُودَ مَآ أَنزَلَ ٱللَّهُ عَلَىٰ رَسُولِهِۦۗ وَٱللَّهُ عَلِيمٌ حَكِيمٞ

Бедуинхэм я джаурыгъэри, я фэрыщIыгъэри нэхъ лъэщщ. ИкIи нэхъыбэрэ ядэну хуейхэкъым Алыхьым и лIыкIуэм къахуригъэхам и гъунэхэр. Алыхьыр атIэ ЗыщIэщ, АкъылыфIщ

آیت: 98

وَمِنَ ٱلۡأَعۡرَابِ مَن يَتَّخِذُ مَا يُنفِقُ مَغۡرَمٗا وَيَتَرَبَّصُ بِكُمُ ٱلدَّوَآئِرَۚ عَلَيۡهِمۡ دَآئِرَةُ ٱلسَّوۡءِۗ وَٱللَّهُ سَمِيعٌ عَلِيمٞ

Бедуинхэм яхэтщ трагъэкIуадэр хэкIуэдэжауэ зыбжхэр, ахэр поплъэр Iей къыфщыщIыным. Езыхэм къатехуэнщ Iейр. Алыхьыр Зэхэзыхщ, ЗыщIэщ

آیت: 99

وَمِنَ ٱلۡأَعۡرَابِ مَن يُؤۡمِنُ بِٱللَّهِ وَٱلۡيَوۡمِ ٱلۡأٓخِرِ وَيَتَّخِذُ مَا يُنفِقُ قُرُبَٰتٍ عِندَ ٱللَّهِ وَصَلَوَٰتِ ٱلرَّسُولِۚ أَلَآ إِنَّهَا قُرۡبَةٞ لَّهُمۡۚ سَيُدۡخِلُهُمُ ٱللَّهُ فِي رَحۡمَتِهِۦٓۚ إِنَّ ٱللَّهَ غَفُورٞ رَّحِيمٞ

Бедуинхэм яхэтщ Алыхьымрэ ахърэт махуэмрэ зи фIэщ хъухэр, абыхэм ябжыр ятахэм Алыхьым пэгъунэгъу ищIыну, лIыкIуэми и лъэIур къахуихьыну. АтIэ ипэжыпIэкIэ ар Алыхьым пэгъунэгъу зыщIщ. Алыхьым и гущIэгъум хишэнущ ахэр. Алыхьыр Зыгъэгъущ, ГущIэгъущIщ

آیت: 100

وَٱلسَّٰبِقُونَ ٱلۡأَوَّلُونَ مِنَ ٱلۡمُهَٰجِرِينَ وَٱلۡأَنصَارِ وَٱلَّذِينَ ٱتَّبَعُوهُم بِإِحۡسَٰنٖ رَّضِيَ ٱللَّهُ عَنۡهُمۡ وَرَضُواْ عَنۡهُ وَأَعَدَّ لَهُمۡ جَنَّٰتٖ تَجۡرِي تَحۡتَهَا ٱلۡأَنۡهَٰرُ خَٰلِدِينَ فِيهَآ أَبَدٗاۚ ذَٰلِكَ ٱلۡفَوۡزُ ٱلۡعَظِيمُ

Алыхьыр яхуэарэзыщ япэрей мухьэжырхэмрэ Iэнсархэмрэ, абыхэм яужь къэкIуахэми ягухэр къабзэу. Езыхэри Алыхьым хуэарэзыщ ахэр. Абыхэм яхуигъэхьэзыращ жэнэт псы ежэххэр къызыщIэжхэр, игъащIэкIэ къинэнухэщ абдеж. Аращ ехъулIэныгъэшхуэр

آیت: 101

وَمِمَّنۡ حَوۡلَكُم مِّنَ ٱلۡأَعۡرَابِ مُنَٰفِقُونَۖ وَمِنۡ أَهۡلِ ٱلۡمَدِينَةِ مَرَدُواْ عَلَى ٱلنِّفَاقِ لَا تَعۡلَمُهُمۡۖ نَحۡنُ نَعۡلَمُهُمۡۚ سَنُعَذِّبُهُم مَّرَّتَيۡنِ ثُمَّ يُرَدُّونَ إِلَىٰ عَذَابٍ عَظِيمٖ

Фи хъуреягъкIэ щыIэ бедуинхэми, Мэдинэм дэсхэми яхэтщ мунафикъхэр. Ахэр быдэу фэрыщIыным тетхэщ, ауэ уэ пщIэркъым ахэр, атIэ Дэ дощIэхэр ахэр. ТIэурэ хьэзаб ятетлъхьэнущ, итIанэ хьэзабышхуэм ягъэзэжынущ

آیت: 102

وَءَاخَرُونَ ٱعۡتَرَفُواْ بِذُنُوبِهِمۡ خَلَطُواْ عَمَلٗا صَٰلِحٗا وَءَاخَرَ سَيِّئًا عَسَى ٱللَّهُ أَن يَتُوبَ عَلَيۡهِمۡۚ إِنَّ ٱللَّهَ غَفُورٞ رَّحِيمٌ

НэгъуэщI цIыхухэри щыIэщ гуэныхьхэр зэращIамкIэ зыкъаумысыжауэ, абыхэм лэжьыгъэ дэгъуэмрэ нэгъуэщI мыхъумыщIэмрэ зэхагъэкIухьащ. Абыхэм Алыхьым яхуигъэгъункIэрэ мэхъур, ипэжыпIэкIэ Алыхьыр Зыгъэгъущ, ГущIэгъущIщ

آیت: 103

خُذۡ مِنۡ أَمۡوَٰلِهِمۡ صَدَقَةٗ تُطَهِّرُهُمۡ وَتُزَكِّيهِم بِهَا وَصَلِّ عَلَيۡهِمۡۖ إِنَّ صَلَوٰتَكَ سَكَنٞ لَّهُمۡۗ وَٱللَّهُ سَمِيعٌ عَلِيمٌ

Абыхэм я мылъкум къыхэх сэдэкъэ зырагъэкъэбзэжыну, нэхъ хэIэтыкIаи ирихъунухэу. Абыхэм щхьэкIэ щIэлъэIу, уэ уазэрыщIэлъэIум ахэр иропсэхур. Алыхьри Зэхэзыхщ, ЗыщIэщ

آیت: 104

أَلَمۡ يَعۡلَمُوٓاْ أَنَّ ٱللَّهَ هُوَ يَقۡبَلُ ٱلتَّوۡبَةَ عَنۡ عِبَادِهِۦ وَيَأۡخُذُ ٱلصَّدَقَٰتِ وَأَنَّ ٱللَّهَ هُوَ ٱلتَّوَّابُ ٱلرَّحِيمُ

Абыхэм ямыщIэу ара Алыхьым и пщылIхэм я тобэр къабыл зэрищIыр, абыхэм я сэдэкъэхэри зэраIихыр, Алыхьыр тобэ къабыл зыщIу, ГущIэгъущIу зэрыщытыр?

آیت: 105

وَقُلِ ٱعۡمَلُواْ فَسَيَرَى ٱللَّهُ عَمَلَكُمۡ وَرَسُولُهُۥ وَٱلۡمُؤۡمِنُونَۖ وَسَتُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ

ЖыIэ: "Фылажьи Алыхьми, и лIыкIуэми, мыIуминхэми фи лэжьыгъэр ялъагъунщ. ИтIанэ щэхури унэхуари зыщIэм и деж вгъэзэжынщи къыфхуиIуэтэнщ фщIауэ щытахэр"

آیت: 106

وَءَاخَرُونَ مُرۡجَوۡنَ لِأَمۡرِ ٱللَّهِ إِمَّا يُعَذِّبُهُمۡ وَإِمَّا يَتُوبُ عَلَيۡهِمۡۗ وَٱللَّهُ عَلِيمٌ حَكِيمٞ

НэгъуэщIхэри йожьэхэр Алыхьым и унафэм: е хьэзаб ятрилъхьэнущ, е яхуигъэгъунущ. Алыхьыр ЗыщIэщ, АкъылыфIщ

آیت: 107

وَٱلَّذِينَ ٱتَّخَذُواْ مَسۡجِدٗا ضِرَارٗا وَكُفۡرٗا وَتَفۡرِيقَۢا بَيۡنَ ٱلۡمُؤۡمِنِينَ وَإِرۡصَادٗا لِّمَنۡ حَارَبَ ٱللَّهَ وَرَسُولَهُۥ مِن قَبۡلُۚ وَلَيَحۡلِفُنَّ إِنۡ أَرَدۡنَآ إِلَّا ٱلۡحُسۡنَىٰۖ وَٱللَّهُ يَشۡهَدُ إِنَّهُمۡ لَكَٰذِبُونَ

Мэжджыт зыщIахэр зэраныгъэ ящIэн папщIэ, джаурыгъэм папщIэ, мыIуминхэм яку зэгурымыIуэныгъэ далъхьэн папщIэ, Алыхьымрэ и лIыкIуэмрэ язауэхэм ипэкIи я быдапIэ хъуным папщIэ, абыхэм, дауикI, тхьэ къыпхуаIуэнущ: "Дэ фIы фIэкIа дыхуеякъым". Ауэ Алыхьыр и щыхьэтщ абыхэм пцIы зэраупсым

آیت: 108

لَا تَقُمۡ فِيهِ أَبَدٗاۚ لَّمَسۡجِدٌ أُسِّسَ عَلَى ٱلتَّقۡوَىٰ مِنۡ أَوَّلِ يَوۡمٍ أَحَقُّ أَن تَقُومَ فِيهِۚ فِيهِ رِجَالٞ يُحِبُّونَ أَن يَتَطَهَّرُواْۚ وَٱللَّهُ يُحِبُّ ٱلۡمُطَّهِّرِينَ

Абдежым зэи нэмэз щомыщI. Япэрей махуэм щегъэжьауэ тхьэ шынагъуэм тету ящIа мэжджытым нэхъ хуэфащэщ абдежым нэмэз щыпщIыну. Абдежым щыIэхэщ зызыгъэкъэбзэну зыфIэфI лIыхэр, Алыхьми фIыуэ елъагъур зызыгъэкъабзэхэр

آیت: 109

أَفَمَنۡ أَسَّسَ بُنۡيَٰنَهُۥ عَلَىٰ تَقۡوَىٰ مِنَ ٱللَّهِ وَرِضۡوَٰنٍ خَيۡرٌ أَم مَّنۡ أَسَّسَ بُنۡيَٰنَهُۥ عَلَىٰ شَفَا جُرُفٍ هَارٖ فَٱنۡهَارَ بِهِۦ فِي نَارِ جَهَنَّمَۗ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ

Алыхьым щышынэу и арэзыныгъэ лъыхъуэу зи унэм и лъапсэр зыщIара нэхъыфIыр, е зи унэм и лъапсэр къуэладжэм и Iуфэ дыдэм тезыщIыхьу ари щIыгъуу езыри жыхьэнэмэ мафIэм хэхуара? АтIэ Алыхьым залымыгъэ зезыхьэ лъэпкъыр гъуэгу захуэм тригъэувэкъым

آیت: 110

لَا يَزَالُ بُنۡيَٰنُهُمُ ٱلَّذِي بَنَوۡاْ رِيبَةٗ فِي قُلُوبِهِمۡ إِلَّآ أَن تَقَطَّعَ قُلُوبُهُمۡۗ وَٱللَّهُ عَلِيمٌ حَكِيمٌ

А ящIа псэуалъэм шэч ирилъхьэнущ ягухэм, зэпымычу ягухэр зэгуэмыудыху, Алыхьыр ЗыщIэщ, АкъылыфIщ

آیت: 111

۞ إِنَّ ٱللَّهَ ٱشۡتَرَىٰ مِنَ ٱلۡمُؤۡمِنِينَ أَنفُسَهُمۡ وَأَمۡوَٰلَهُم بِأَنَّ لَهُمُ ٱلۡجَنَّةَۚ يُقَٰتِلُونَ فِي سَبِيلِ ٱللَّهِ فَيَقۡتُلُونَ وَيُقۡتَلُونَۖ وَعۡدًا عَلَيۡهِ حَقّٗا فِي ٱلتَّوۡرَىٰةِ وَٱلۡإِنجِيلِ وَٱلۡقُرۡءَانِۚ وَمَنۡ أَوۡفَىٰ بِعَهۡدِهِۦ مِنَ ٱللَّهِۚ فَٱسۡتَبۡشِرُواْ بِبَيۡعِكُمُ ٱلَّذِي بَايَعۡتُم بِهِۦۚ وَذَٰلِكَ هُوَ ٱلۡفَوۡزُ ٱلۡعَظِيمُ

Алыхьым мыIуминхэм я псэхэмрэ, я мылъкумрэ къищэхуащ, жэнэтым и уасэкIэ. Алыхьым и гъуэгум щызэуэнухэщ, яукIынущ икIи езыхэри къаукIынущ. Абы и псалъэ быдэу ар икIи и къалэну Тэуратми, Инджылми, КъурIэнми къэкIуащ. Алыхьым нэхърэ хэт нэхъыфIу зи псалъэр зыIыгъыжыр? АтIэ фыхуэгуфIэ сату фщIам, аращ ехъулIэныгъэшхуэр

آیت: 112

ٱلتَّٰٓئِبُونَ ٱلۡعَٰبِدُونَ ٱلۡحَٰمِدُونَ ٱلسَّٰٓئِحُونَ ٱلرَّٰكِعُونَ ٱلسَّٰجِدُونَ ٱلۡأٓمِرُونَ بِٱلۡمَعۡرُوفِ وَٱلنَّاهُونَ عَنِ ٱلۡمُنكَرِ وَٱلۡحَٰفِظُونَ لِحُدُودِ ٱللَّهِۗ وَبَشِّرِ ٱلۡمُؤۡمِنِينَ

ГъэгуфIэ мыIуминхэр, тобэ къэзыхьхэр, хуэпщылIхэр, щытхъур хуэзыIэтхэр, нэщI зыIыгъхэр, нэмэз зыщIхэр загъэшурэ, я щхьэхэри хуагъэтIылъурэ, фIым къыхуезыджэхэр, Iейм пэжыжьэ хъуну унафэ зыщIхэр, Алыхьым игъэува гъунэхэм емыбакъуэхэр

آیت: 113

مَا كَانَ لِلنَّبِيِّ وَٱلَّذِينَ ءَامَنُوٓاْ أَن يَسۡتَغۡفِرُواْ لِلۡمُشۡرِكِينَ وَلَوۡ كَانُوٓاْ أُوْلِي قُرۡبَىٰ مِنۢ بَعۡدِ مَا تَبَيَّنَ لَهُمۡ أَنَّهُمۡ أَصۡحَٰبُ ٱلۡجَحِيمِ

Бегъымбарымрэ Iиман къэзыхьахэмрэ тхьэ куэдым хуэпщылIхэм яхуигъэгъуну щIэлъэIуну щыткъым, ахэр я Iыхьлыуэ щытми нахуэ яхуэхъуа иужь, ахэр жыхьэнэмэм щыщ зэрыхъунухэр

آیت: 114

وَمَا كَانَ ٱسۡتِغۡفَارُ إِبۡرَٰهِيمَ لِأَبِيهِ إِلَّا عَن مَّوۡعِدَةٖ وَعَدَهَآ إِيَّاهُ فَلَمَّا تَبَيَّنَ لَهُۥٓ أَنَّهُۥ عَدُوّٞ لِّلَّهِ تَبَرَّأَ مِنۡهُۚ إِنَّ إِبۡرَٰهِيمَ لَأَوَّٰهٌ حَلِيمٞ

Ибрахьим и адэм хуагъэгъуну щIыщIэлъэIуар ипэкIэ къызэригъэгугъауэ щытаращ, ауэ абы щилъагъум ар Алыхьым зэрибийр, зыпыIуидзащ абы. ИпэжыпIэкIэ Ибрахьим Алыхьым куэдрэ елъэIуу, щабэу щытащ

آیت: 115

وَمَا كَانَ ٱللَّهُ لِيُضِلَّ قَوۡمَۢا بَعۡدَ إِذۡ هَدَىٰهُمۡ حَتَّىٰ يُبَيِّنَ لَهُم مَّا يَتَّقُونَۚ إِنَّ ٱللَّهَ بِكُلِّ شَيۡءٍ عَلِيمٌ

Алыхьым щигъауэкъым лъэпкъ гъуэгу захуэм тригъэувар, ахэм яхуимыгъэунэхуауэ зыщышынэну щытыр. ИпэжыпIэкIэ Алыхьыр сытми щыгъуазэщ

آیت: 116

إِنَّ ٱللَّهَ لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۚ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ

ИпэжыпIэкIэ Алыхьым уафэхэри щIылъэри и IэмыщIэм илъщ, къегъэхъур икIи егъалIэр, Алыхьым нэгъуэщIу уэлийрэ дэIэпыкъуэгъурэ фиIэкъым фэ

آیت: 117

لَّقَد تَّابَ ٱللَّهُ عَلَى ٱلنَّبِيِّ وَٱلۡمُهَٰجِرِينَ وَٱلۡأَنصَارِ ٱلَّذِينَ ٱتَّبَعُوهُ فِي سَاعَةِ ٱلۡعُسۡرَةِ مِنۢ بَعۡدِ مَا كَادَ يَزِيغُ قُلُوبُ فَرِيقٖ مِّنۡهُمۡ ثُمَّ تَابَ عَلَيۡهِمۡۚ إِنَّهُۥ بِهِمۡ رَءُوفٞ رَّحِيمٞ

Алыхьым къабыл ищIащ я тобэр бегъымбарми, мухьэжырхэми, Iэнсархэми, сыхьэт хьэлъэм иужьым иту кIуахэм, абыхэм ящыщ гупым ягухэр лъэныкъуэкIэ текIыну пэт. ИтIанэ Алыхьым абыхэм яхуигъэгъуащ, Ар абыхэм яхуэгузавэщ, яхуэгущIэгъущIщ

آیت: 118

وَعَلَى ٱلثَّلَٰثَةِ ٱلَّذِينَ خُلِّفُواْ حَتَّىٰٓ إِذَا ضَاقَتۡ عَلَيۡهِمُ ٱلۡأَرۡضُ بِمَا رَحُبَتۡ وَضَاقَتۡ عَلَيۡهِمۡ أَنفُسُهُمۡ وَظَنُّوٓاْ أَن لَّا مَلۡجَأَ مِنَ ٱللَّهِ إِلَّآ إِلَيۡهِ ثُمَّ تَابَ عَلَيۡهِمۡ لِيَتُوبُوٓاْۚ إِنَّ ٱللَّهَ هُوَ ٱلتَّوَّابُ ٱلرَّحِيمُ

Къыдэна щыми яхуигъэгъуащ, абыхэм щIыр яхуэзэв хъуат, и бгъуагъыр зэрибгъуагъыу. Абыхэм ягухэри цIыкIу хъуат, къагурыIуащ Алыхьым зыми узэрыщимыхъумэфынур езы Алыхьым мыхъумэ. ИтIанэ абыхэм яхуигъэгъуащ, езыхэм тобэ къахьын щхьэкIэ, Алыхьыр Зыгъэгъущ, ГущIэгъущIщ

آیت: 119

يَٰٓأَيُّهَا ٱلَّذِينَ ءَامَنُواْ ٱتَّقُواْ ٱللَّهَ وَكُونُواْ مَعَ ٱلصَّٰدِقِينَ

Уэ 1иман къэзыхьахэ, Алыхьым фыщышыни пэж жызы1эхэм фащ1ыгъу

آیت: 120

مَا كَانَ لِأَهۡلِ ٱلۡمَدِينَةِ وَمَنۡ حَوۡلَهُم مِّنَ ٱلۡأَعۡرَابِ أَن يَتَخَلَّفُواْ عَن رَّسُولِ ٱللَّهِ وَلَا يَرۡغَبُواْ بِأَنفُسِهِمۡ عَن نَّفۡسِهِۦۚ ذَٰلِكَ بِأَنَّهُمۡ لَا يُصِيبُهُمۡ ظَمَأٞ وَلَا نَصَبٞ وَلَا مَخۡمَصَةٞ فِي سَبِيلِ ٱللَّهِ وَلَا يَطَـُٔونَ مَوۡطِئٗا يَغِيظُ ٱلۡكُفَّارَ وَلَا يَنَالُونَ مِنۡ عَدُوّٖ نَّيۡلًا إِلَّا كُتِبَ لَهُم بِهِۦ عَمَلٞ صَٰلِحٌۚ إِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ

Мэдинэм дэсхэмрэ абы и хъуреягъкIэ псэу бедуинхэмрэ Алыхьым и лIыкIуэм къыкIэрыху хъунухэтэкъым, езыхэм я псэхэр ипэ ирагъэщу, абы и псэм нэхърэ. Апхуэдэу щIыщытыр абыхэм псыхуэлIэуи, ешыныгъэуи, мэжалIэуи къатехуэр Алыхьым и гъуэгум тетхэу, джаурхэри къэзыгъэгубжь лъэбакъуэу хъуари, бийм зэрытекIуауэ хъуари абыхэм хуатхынущ фIыгъуэу ящIауэ, Алыхьым хигъэкIуадэкъым фIы зыщIэхэм я псапэр

آیت: 121

وَلَا يُنفِقُونَ نَفَقَةٗ صَغِيرَةٗ وَلَا كَبِيرَةٗ وَلَا يَقۡطَعُونَ وَادِيًا إِلَّا كُتِبَ لَهُمۡ لِيَجۡزِيَهُمُ ٱللَّهُ أَحۡسَنَ مَا كَانُواْ يَعۡمَلُونَ

МащIэуи, куэдуи абыхэм трагъэкIуэдари, сыт хуэдэ аузи зэпачами зэуэ хуатхынущ, Алыхьым ящIам нэхърэ нэхъыфIыж къаритыжыным папщIэ

آیت: 122

۞ وَمَا كَانَ ٱلۡمُؤۡمِنُونَ لِيَنفِرُواْ كَآفَّةٗۚ فَلَوۡلَا نَفَرَ مِن كُلِّ فِرۡقَةٖ مِّنۡهُمۡ طَآئِفَةٞ لِّيَتَفَقَّهُواْ فِي ٱلدِّينِ وَلِيُنذِرُواْ قَوۡمَهُمۡ إِذَا رَجَعُوٓاْ إِلَيۡهِمۡ لَعَلَّهُمۡ يَحۡذَرُونَ

МуыIуминхэр псори зэгъусэу дэкIыну щыткъым. Гуп къэс зыбжанэ къахэкIыурэ диныр зрагъэщIэным папщIэ кIуэхэу, къэкIуэжа иужькIэ я лъэпкъым яущийхэмэ ирикъунущ. Ахэр сакъынкIэ мэхъур

آیت: 123

يَٰٓأَيُّهَا ٱلَّذِينَ ءَامَنُواْ قَٰتِلُواْ ٱلَّذِينَ يَلُونَكُم مِّنَ ٱلۡكُفَّارِ وَلۡيَجِدُواْ فِيكُمۡ غِلۡظَةٗۚ وَٱعۡلَمُوٓاْ أَنَّ ٱللَّهَ مَعَ ٱلۡمُتَّقِينَ

Уэ, Iиман къэзыхьахэ, фи гъунэгъуу щыIэ джаурхэм фезауэ, фи лъэщыгъэми ахэр щывгъэгъуазэ. ИкIи зэвгъащIэ: Алыхьыр тхьэ шынагъуэ зыхэлъхэращ зи гъусэр

آیت: 124

وَإِذَا مَآ أُنزِلَتۡ سُورَةٞ فَمِنۡهُم مَّن يَقُولُ أَيُّكُمۡ زَادَتۡهُ هَٰذِهِۦٓ إِيمَٰنٗاۚ فَأَمَّا ٱلَّذِينَ ءَامَنُواْ فَزَادَتۡهُمۡ إِيمَٰنٗا وَهُمۡ يَسۡتَبۡشِرُونَ

Сурэ къыщехкIэ щыIэщ жызыIэ: "Хэт и Iиманыр хигъэхъуа мыбы?" АтIэ Iиман къэзыхьахэм я Iиманыр хегъахъуэр абы, ахэр абы щогуфIыкI

آیت: 125

وَأَمَّا ٱلَّذِينَ فِي قُلُوبِهِم مَّرَضٞ فَزَادَتۡهُمۡ رِجۡسًا إِلَىٰ رِجۡسِهِمۡ وَمَاتُواْ وَهُمۡ كَٰفِرُونَ

Ауэ зигу сымаджэхэм я фIеягъым фIеягъэ хигъэхъуащ, икIи ахэр джауру лIэжащ

آیت: 126

أَوَلَا يَرَوۡنَ أَنَّهُمۡ يُفۡتَنُونَ فِي كُلِّ عَامٖ مَّرَّةً أَوۡ مَرَّتَيۡنِ ثُمَّ لَا يَتُوبُونَ وَلَا هُمۡ يَذَّكَّرُونَ

Абыхэм ямылъагъуу ара илъэс къэс зэ е тIэу зэрагъэунэхур? ИтIани тобэ къахьыжкъым, ягуи къагъэкIыжкъым

آیت: 127

وَإِذَا مَآ أُنزِلَتۡ سُورَةٞ نَّظَرَ بَعۡضُهُمۡ إِلَىٰ بَعۡضٍ هَلۡ يَرَىٰكُم مِّنۡ أَحَدٖ ثُمَّ ٱنصَرَفُواْۚ صَرَفَ ٱللَّهُ قُلُوبَهُم بِأَنَّهُمۡ قَوۡمٞ لَّا يَفۡقَهُونَ

Сурэ къыщехкIэ ахэр зыр зым йоплъыжхэр: "Зыгуэрым дыкъилъагъуу пIэрэ?" ИтIанэ зэбгрокIыжхэр. Алыхьым ягухэр бгъэдигъэкI, ахэр къызгурымыIуэ лъэпкъщ

آیت: 128

لَقَدۡ جَآءَكُمۡ رَسُولٞ مِّنۡ أَنفُسِكُمۡ عَزِيزٌ عَلَيۡهِ مَا عَنِتُّمۡ حَرِيصٌ عَلَيۡكُم بِٱلۡمُؤۡمِنِينَ رَءُوفٞ رَّحِيمٞ

Фэ фщыщу лIыкIуэ къыфхуэкIуащ, фи гугъуехьыр къохьэлъэкIыр абы, фэ щхьэкIэ мэгузавэр, мыIуминхэм щхьэкIэ щабэщ, гущIэгъущIщ

آیت: 129

فَإِن تَوَلَّوۡاْ فَقُلۡ حَسۡبِيَ ٱللَّهُ لَآ إِلَٰهَ إِلَّا هُوَۖ عَلَيۡهِ تَوَكَّلۡتُۖ وَهُوَ رَبُّ ٱلۡعَرۡشِ ٱلۡعَظِيمِ

Абыхэм я щIыбхэр къагъазэмэ атIэ жыIэ: " Алыхьыр схурокъур сэ, Абы нэгъуэщI тхьэ щыIэкъым, Аращ Тахътэ ЛъапIэм и Тхьэр"