معانی کا ترجمہ سورت اِنفطار - المختصر فی تفسیر القرآن الکریم کا پشتو ترجمہ - صفحہ نمبر 587 - قرآن کریم انسائیکلوپیڈیا

انفطار

سورہ کے بعض مقاصد:

تحذير الإنسان من الاغترار ونسيان يوم القيامة.

د انسان له غروره او د قيامت د ورځې له هېرولو څخه ډارول.

---

آیت: 1

اِذَا السَّمَآءُ انْفَطَرَتْ ۟ۙ

او کله چې آسمان د پریښتو د راکوزیدو لپاره څيرې کړل شي.

آیت: 2

وَاِذَا الْكَوَاكِبُ انْتَثَرَتْ ۟ۙ

او کله چې ستوري تيت او شيندلي را ولوېږي.

آیت: 3

وَاِذَا الْبِحَارُ فُجِّرَتْ ۟ۙ

او کله چې دريابونه يو پر بل پرانېستل شي او سره ګډوډ شي.

آیت: 4

وَاِذَا الْقُبُوْرُ بُعْثِرَتْ ۟ۙ

او هر کله چې د قبرونو خاورې لاندې باندې شي د هغه چا د راپورته کېدو په موخه چې پکې دي.

آیت: 5

عَلِمَتْ نَفْسٌ مَّا قَدَّمَتْ وَاَخَّرَتْ ۟ؕ

هغه مهال به هر نفس پر هغه عمل پوه شي چې مخکې يې کړی دی او پر هغه څه چې ترې پاتې دی او نه يې دی کړی.

آیت: 6

یٰۤاَیُّهَا الْاِنْسَانُ مَا غَرَّكَ بِرَبِّكَ الْكَرِیْمِ ۟ۙ

اې پر خپل پالونکي کافر انسانه! څه شي داسې ګرځولی يې چې د خپل پالونکي له امر سرغړونه کوې کله چې هغه مهلت درکړ او په سزا درکولو کې يې له خپل لوري د مهربانۍ له مخې بيړه ونه کړه.

آیت: 7

الَّذِیْ خَلَقَكَ فَسَوّٰىكَ فَعَدَلَكَ ۟ۙ

هغه ذات چې ته يې وروسته ستا له نشتون څخه را منځته کړی يې او بيا يې د برابرو او معتدلو غړو والا ګرځولی يې.

آیت: 8

فِیْۤ اَیِّ صُوْرَةٍ مَّا شَآءَ رَكَّبَكَ ۟ؕ

په کومه بڼه يې چې ستا پيداکول غوښتل همغسې يې پيداکړې، او پر تا يې دا پېرزوينه وکړه چې د خره، بېزو، سپي يا بل څه په شکل کې پيدا نه کړې.

آیت: 9

كَلَّا بَلْ تُكَذِّبُوْنَ بِالدِّیْنِ ۟ۙ

اې دوکه شويو خلکو! داسې نه ده لکه تاسې چې فکر کړئ، بلکې تاسې د بدلې ورځ درواغ ګڼئ؛ نو د هغې لپاره عمل نه کوئ.

آیت: 10

وَاِنَّ عَلَیْكُمْ لَحٰفِظِیْنَ ۟ۙ

او پر تاسې داسې پرېښتې ګومارل شوې چې ستاسو اعمال ساتي.

آیت: 11

كِرَامًا كٰتِبِیْنَ ۟ۙ

د الله په وړاندې عزتمنې دي، ليکونکې دي چې ستاسې اعمال ليکي.

آیت: 12

یَعْلَمُوْنَ مَا تَفْعَلُوْنَ ۟

پر هغو کارونو پوهيږي چې تاسې يې کوئ؛ نو ليکي يې.

آیت: 13

اِنَّ الْاَبْرَارَ لَفِیْ نَعِیْمٍ ۟ۙ

او د ډېر خير او پيروۍ کوونکي به د قيامت په ورځ په تلپاتې نعمتونو کې وي.

آیت: 14

وَاِنَّ الْفُجَّارَ لَفِیْ جَحِیْمٍ ۟ۙ

او د بې لارۍ څښتنان به په داسې اور کې وي چې پرې بليږي به.

آیت: 15

یَّصْلَوْنَهَا یَوْمَ الدِّیْنِ ۟

د بدلې په ورځ به ور ننوځي چې ګرمي به يې زغمي.

آیت: 16

وَمَا هُمْ عَنْهَا بِغَآىِٕبِیْنَ ۟ؕ

او هيڅکله به له هغې پټېدونکي نه وي، بلکې تل به پکې وي.

آیت: 17

وَمَاۤ اَدْرٰىكَ مَا یَوْمُ الدِّیْنِ ۟ۙ

او اې رسوله! ته څه پوه يې چې د بدلې ورځ څه ده؟!.

آیت: 18

ثُمَّ مَاۤ اَدْرٰىكَ مَا یَوْمُ الدِّیْنِ ۟ؕ

بيا ته څه پوهېږې چې د بدلې ورځ څه ده؟!.

آیت: 19

یَوْمَ لَا تَمْلِكُ نَفْسٌ لِّنَفْسٍ شَیْـًٔا ؕ— وَالْاَمْرُ یَوْمَىِٕذٍ لِّلّٰهِ ۟۠

په کومه ورځ چې هيڅوک به هيچاته ګټه نه شي رسولای، او دغه ورځ به امر ټول يوازې الله لره وي، څنګه چې غواړي تصرف به کوي، بل به هيچا لره نه وي.

حالیہ صفحہ میں آیات کے فوائد:

• التحذير من الغرور المانع من اتباع الحق.

له هغې لویۍ څخه منع کول چې د حق د پیروۍ لامل ګرځي.

• الجشع من الأخلاق الذميمة في التجار ولا يسلم منه إلا من يخاف الله.

بد حرص په سوداګرو کې له ناوړه خويونو څخه دی يوازې هغه څوک ترې خوندي وي چې له الله څخه وېريږي.

• تذكر هول القيامة من أعظم الروادع عن المعصية.

د قيامت سختۍ ور په يادول له ګناه څخه تر ټولو لوی منع کوونکی دی.