معانی کا ترجمہ سورت عادیات - پشتو ترجمہ - ابو زکریا - قرآن کریم انسائیکلوپیڈیا

عادیات

آیت: 1

وَالْعٰدِیٰتِ ضَبْحًا ۟ۙ

100-1 قسم دى په تېزو ځغلېدونكو اسونو، چې له سینو او ګېډو نه اواز ایستونكي دي

آیت: 2

فَالْمُوْرِیٰتِ قَدْحًا ۟ۙ

100-2 پس (قسم دى) په هغو اسونو چې په خپلو سُمانو سره تیږې وهي او اور را ایستونكي دي

آیت: 3

فَالْمُغِیْرٰتِ صُبْحًا ۟ۙ

100-3 پس (قسم دى) په هغو اسونو چې د سبا په وخت كې لوټمار كوونكي دي

آیت: 4

فَاَثَرْنَ بِهٖ نَقْعًا ۟ۙ

100-4 نو په دغه وخت كې دغه (اسونه) ګرد پورته كوي

آیت: 5

فَوَسَطْنَ بِهٖ جَمْعًا ۟ۙ

100-5 پس په دغه وخت كې د لويې ډلې په مینځ كې ننوځي

آیت: 6

اِنَّ الْاِنْسَانَ لِرَبِّهٖ لَكَنُوْدٌ ۟ۚ

100-6 چې بېشكه انسان د خپل رب ډېر ناشكره دى

آیت: 7

وَاِنَّهٗ عَلٰی ذٰلِكَ لَشَهِیْدٌ ۟ۚ

100-7 او بېشكه دى په دې خبره یقینًا ښه خبردار (او ګواه) دى

آیت: 8

وَاِنَّهٗ لِحُبِّ الْخَیْرِ لَشَدِیْدٌ ۟ؕ

100-8 او بېشكه دى د مال په مینه كې یقینًا ډېر سخت دى

آیت: 9

اَفَلَا یَعْلَمُ اِذَا بُعْثِرَ مَا فِی الْقُبُوْرِ ۟ۙ

100-9 ایا نو دى نه پوهېږي كله چې هغه (مړي) راوښكل شي چې په قبرونو كې دي؟

آیت: 10

وَحُصِّلَ مَا فِی الصُّدُوْرِ ۟ۙ

100-10 او هغه څه راښكاره كړى شي چې په سینو كې دي

آیت: 11

اِنَّ رَبَّهُمْ بِهِمْ یَوْمَىِٕذٍ لَّخَبِیْرٌ ۟۠

100-11 بېشكه د دوى رب په دغې ورځ كې په دوى باندې یقینًا ښه خبردار دى