معانی کا ترجمہ سورت سورۂ بَلَد - یاو ترجمہ - قرآن کریم انسائیکلوپیڈیا

Al-Balad

آیت: 1

لَآ أُقۡسِمُ بِهَٰذَا ٱلۡبَلَدِ

Nguulumbila awu musi (wa Maaka).

آیت: 2

وَأَنتَ حِلُّۢ بِهَٰذَا ٱلۡبَلَدِ

Soni mmwe (Muhammadi ﷺ) tinchiŵa ŵakundisyidwa (kuputa ngondo) mu wele musiwu.

آیت: 3

وَوَالِدٖ وَمَا وَلَدَ

Ni ngullumbila soni nangolo ni uŵelesi wajuŵeleche.

آیت: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Chisimu pamasile patun'gumbile mundu m’matabu.

آیت: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Ana juganichisya yanti pangali ŵampaka ankombole (kumpa ilagasyo)?

آیت: 6

يَقُولُ أَهۡلَكۡتُ مَالٗا لُّبَدًا

Jukuŵecheta (mwakutwanga kuti): “Njonasile yipanje yejinji (kuti Usilamu usilale).”

آیت: 7

أَيَحۡسَبُ أَن لَّمۡ يَرَهُۥٓ أَحَدٌ

Ana juganichisya kuti pangali ŵaakun'bona?

آیت: 8

أَلَمۡ نَجۡعَل لَّهُۥ عَيۡنَيۡنِ

Ana nganitun'gumbila meso gaŵili (gajukulolela)?

آیت: 9

وَلِسَانٗا وَشَفَتَيۡنِ

Ni lulimi kwisa soni ngomo siŵili (syajukuŵechetela)?

آیت: 10

وَهَدَيۡنَٰهُ ٱلنَّجۡدَيۡنِ

Ni tun’jongolele matala gaŵili (lyambone ni lyakusakala, kuti jusagule lyajukusaka).

آیت: 11

فَلَا ٱقۡتَحَمَ ٱلۡعَقَبَةَ

Ana pakwete pajujesile litala lyamwitumbi (lyalikam’bikasye ku Mbepo)?

آیت: 12

وَمَآ أَدۡرَىٰكَ مَا ٱلۡعَقَبَةُ

Ana ni chichi champaka chimmanyisye ya litala lyamwitumbi?

آیت: 13

فَكُّ رَقَبَةٍ

(Litala lyamwitumbi nimasengo gambone nambo gakunonopa, mpela): gopola kapolo.^[1]

(90:1) Akusimulila Abȗ Hurairah رضى الله عنه yanti: Ntume ﷺ jwatite: “Mundu jwalijose jwagopwele kapolo jwachisilamu, Allah tachin’jokola (nkugopola kapolojo) ku Moto (wa Jahannama), chiŵalo chilichose cha jwalakwejo ligongo lya chiŵalo chilichose cha kapolo jwaŵan’gopwele jula.” (Swahîh Al-Bukhârî, Hadith No. 2381. Aji Hadisiji jigumbalichisya ukoto wagopola kapolo, mpela mwajiŵechetele Ȃya ja (90:13). Ayi ikulosya kuti Usilamu ni wawayiche kukumasya ukapolo wamundu kwa mundu n’jakwe, nambo kuti mundu juŵe kapolo jwa Allah pe basi. Sano jwaakwaaputa ngondo Asilamu pakusaka kumasya Usilamuo, jwele komboleka kunkamula nikuŵa kapolo jwetu, ligongo jukanile kuŵa kapolo jwa Allah.

آیت: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Kapena kupeleka yakulya palisiku lyasala.

آیت: 15

يَتِيمٗا ذَا مَقۡرَبَةٍ

(Kumpa) jwawina jwapaulongo.

آیت: 16

أَوۡ مِسۡكِينٗا ذَا مَتۡرَبَةٖ

Kapena masikini jwaluwunduwundupe (ligongo lyakulaga nnope).

آیت: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Soni nikuŵa (nkutola yakulyajo) jumpepe mwa aŵala ŵaakulupilile, ni kulimbikasyanaga ya kupilila soni ni kulimbikasyanaga ya kutendelana chanasa.

آیت: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Ŵanganyao niŵandu ŵakun'dyo (ŵali ŵambone).

آیت: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Nambo ŵandu ŵaagakaaniile ma Ȃya Getu ŵanganyao niŵandu ŵakunchiji (ŵali ŵakusakala).

آیت: 20

عَلَيۡهِمۡ نَارٞ مُّؤۡصَدَةُۢ

Kwaŵanganyao kuchiŵa kwana Moto Wakuunichila ni kutika (wangali pakopochela).