Маънолар таржимаси Сура Ториқ сураси - Тожикча таржима, мутаржим: Орифий - Қуръони Карим қомуси

Сураи Ториқ (Ончӣ дар шаб ояд)

Оят: 1

وَٱلسَّمَآءِ وَٱلطَّارِقِ

Савганд ба осмон ва савганд ба ситораи шабгард

Оят: 2

وَمَآ أَدۡرَىٰكَ مَا ٱلطَّارِقُ

Ва чи медонӣ, ки ситораи шабгард чист?

Оят: 3

ٱلنَّجۡمُ ٱلثَّاقِبُ

[Ҳамон] Ситораи фурӯзон аст

Оят: 4

إِن كُلُّ نَفۡسٖ لَّمَّا عَلَيۡهَا حَافِظٞ

Ҳеҷ кас нест магар он ки бар ӯ нигаҳбоне [аз фариштагон гумошта шуда] аст

Оят: 5

فَلۡيَنظُرِ ٱلۡإِنسَٰنُ مِمَّ خُلِقَ

Инсон бояд бингарад, ки аз чӣ чиз офарида шудааст

Оят: 6

خُلِقَ مِن مَّآءٖ دَافِقٖ

Аз як оби ҷаҳанда офарида шудааст

Оят: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Ки аз миёни [устухони] пушт [-и мард] ва сина [-и зан] берун меояд

Оят: 8

إِنَّهُۥ عَلَىٰ رَجۡعِهِۦ لَقَادِرٞ

Бе гумон, Аллоҳ таоло бар бозгардондани ӯ [пас аз марг] тавоност

Оят: 9

يَوۡمَ تُبۡلَى ٱلسَّرَآئِرُ

Рӯзе, ки розҳо ошкор гардад

Оят: 10

فَمَا لَهُۥ مِن قُوَّةٖ وَلَا نَاصِرٖ

[Дар он рӯз] Инсон ҳеҷ тавону ёваре надорад

Оят: 11

وَٱلسَّمَآءِ ذَاتِ ٱلرَّجۡعِ

Савганд ба осмони пурборон

Оят: 12

وَٱلۡأَرۡضِ ذَاتِ ٱلصَّدۡعِ

Ва савганд ба замини пуршикоф [ки гиёҳон аз он сар бармеоваранд]

Оят: 13

إِنَّهُۥ لَقَوۡلٞ فَصۡلٞ

Бе гумон, ин Қуръон сухани ҷудокунандаи ҳақ аз ботил аст

Оят: 14

وَمَا هُوَ بِٱلۡهَزۡلِ

Ва [сухани] ҳазлу беҳуда нест

Оят: 15

إِنَّهُمۡ يَكِيدُونَ كَيۡدٗا

Онон [кофирон] пайваста ҳила ва найранг мекунанд

Оят: 16

وَأَكِيدُ كَيۡدٗا

Ва ман [низ] ҳила [ва тадбир] мекунам

Оят: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Пас, кофиронро муҳлат деҳ, [ва] андаке раҳояшон кун [то ғарқи гуноҳ бошанд]