Маънолар таржимаси Сура Шамс сураси - Қуръон Карим маъноларининг ўзбекча таржимаси, мутаржим: Руввадут таржама маркази таржимонлари (Дорул Ислом вебсаҳифаси ҳамкорлигида). - Қуръони Карим қомуси

Шамс сураси

Оят: 1

وَٱلشَّمۡسِ وَضُحَىٰهَا

Қуёш ва унинг ёғдусига қасам.

Оят: 2

وَٱلۡقَمَرِ إِذَا تَلَىٰهَا

Унинг ортидан келган ойга қасам.

Оят: 3

وَٱلنَّهَارِ إِذَا جَلَّىٰهَا

Уни равшан қилиб кўрсатган кундузга қасам.

Оят: 4

وَٱلَّيۡلِ إِذَا يَغۡشَىٰهَا

Уни ўраб-яширган кечага қасам.

Оят: 5

وَٱلسَّمَآءِ وَمَا بَنَىٰهَا

Осмонга ва уни бино қилган Зотга қасам.

Оят: 6

وَٱلۡأَرۡضِ وَمَا طَحَىٰهَا

Ерга ва уни тўшаб қўйган Зотга қасам.

Оят: 7

وَنَفۡسٖ وَمَا سَوَّىٰهَا

Жонга ва уни расо қилиб яратган Зотга қасам.

Оят: 8

فَأَلۡهَمَهَا فُجُورَهَا وَتَقۡوَىٰهَا

Кейин унга фисқ-фужурини ҳам, тақвосини ҳам илҳом қилиб қўйган Зотга қасам.

Оят: 9

قَدۡ أَفۡلَحَ مَن زَكَّىٰهَا

Дарҳақиқат, уни поклаган киши нажот топди.

Оят: 10

وَقَدۡ خَابَ مَن دَسَّىٰهَا

Уни кўмиб хорлаган кимса эса ноумид бўлди.

Оят: 11

كَذَّبَتۡ ثَمُودُ بِطَغۡوَىٰهَآ

Самуд ҳаддидан ошиб (пайғамбарлари Солиҳ алайҳиссаломни) ёлғонга чиқарди.

Оят: 12

إِذِ ٱنۢبَعَثَ أَشۡقَىٰهَا

Эсланг, уларнинг энг бадбахти қўзғалганида,

Оят: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Аллоҳнинг пайғамбари уларга деди: «Аллоҳнинг туясидан ва уни суғоришдан тийилинглар!»

Оят: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Бас, уни ёлғончи қилишиб, туяни сўйиб юбордилар. Шундан кейин Парвардигорлари гуноҳлари туфайли уларнинг устига қирғин юбориб, уни (барчаларига) баробар қилди.

Оят: 15

وَلَا يَخَافُ عُقۡبَٰهَا

У Зот ишнинг оқибатидан қўрқмас.