Маънолар таржимаси Сура Лайл сураси - Қуръон Карим маъноларининг ўзбекча таржимаси, мутаржим: Руввадут таржама маркази таржимонлари (Дорул Ислом вебсаҳифаси ҳамкорлигида). - Қуръони Карим қомуси

Лайл сураси

Оят: 1

وَٱلَّيۡلِ إِذَا يَغۡشَىٰ

Ўраб-яширган кечага қасам;

Оят: 2

وَٱلنَّهَارِ إِذَا تَجَلَّىٰ

Ёришиб келган кундузга қасам;

Оят: 3

وَمَا خَلَقَ ٱلذَّكَرَ وَٱلۡأُنثَىٰٓ

Эркак ва аёлнинг яратилишига қасам.

Оят: 4

إِنَّ سَعۡيَكُمۡ لَشَتَّىٰ

Албатта, сизларнинг ҳаракатларингиз хилма-хилдир.

Оят: 5

فَأَمَّا مَنۡ أَعۡطَىٰ وَٱتَّقَىٰ

Энди ким саховат кўрсатса ва тақво қилса;

Оят: 6

وَصَدَّقَ بِٱلۡحُسۡنَىٰ

Ҳамда гўзал оқибатни тасдиқ этса;

Оят: 7

فَسَنُيَسِّرُهُۥ لِلۡيُسۡرَىٰ

Бас, Биз уни осон йўлга муяссар қилурмиз.

Оят: 8

وَأَمَّا مَنۢ بَخِلَ وَٱسۡتَغۡنَىٰ

Энди ким бахиллик қилса ва ўзини беҳожат билса;

Оят: 9

وَكَذَّبَ بِٱلۡحُسۡنَىٰ

Ҳамда гўзал оқибатни ёлғон деса;

Оят: 10

فَسَنُيَسِّرُهُۥ لِلۡعُسۡرَىٰ

Бас, уни оғир йўлга «муяссар» қилурмиз!

Оят: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

У қулаган вақтида унга мол-мулки фойда бермас.

Оят: 12

إِنَّ عَلَيۡنَا لَلۡهُدَىٰ

Албатта, ҳидоятга бошлаш Бизнинг зиммамиздадир.

Оят: 13

وَإِنَّ لَنَا لَلۡأٓخِرَةَ وَٱلۡأُولَىٰ

Шак-шубҳасиз, охират ҳам, дунё ҳам ёлғиз Бизникидир.

Оят: 14

فَأَنذَرۡتُكُمۡ نَارٗا تَلَظَّىٰ

Бас, Мен сизларни ловуллаган ўтдан огоҳлантирдим.

Оят: 15

لَا يَصۡلَىٰهَآ إِلَّا ٱلۡأَشۡقَى

Унга бадбахтдан бошқаси кирмас.

Оят: 16

ٱلَّذِي كَذَّبَ وَتَوَلَّىٰ

Ёлғон деган ва юз ўгирган (бадбахт).

Оят: 17

وَسَيُجَنَّبُهَا ٱلۡأَتۡقَى

Тақводор банда эса ундан четлатилур.

Оят: 18

ٱلَّذِي يُؤۡتِي مَالَهُۥ يَتَزَكَّىٰ

Бойлигини сарфлаган ва ўзини поклаган (тақводор).

Оят: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Унинг бўйнида қайтарилиши керак бўлган бирон кишининг ҳақи йўқ эди.

Оят: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

У энг олий Парвардигорининг Юзини истабгина (саховат кўрсатганди).

Оят: 21

وَلَسَوۡفَ يَرۡضَىٰ

У яқинда рози бўлади.