Ý nghĩa nội dung Câu 61 Chương Chương Al-Nur - الترجمة الفولانية للمختصر في تفسير القرآن الكريم - Bách khoa Toàn thư về Kinh Qur'an

Câu: 61

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞ وَلَا عَلَىٰٓ أَنفُسِكُمۡ أَن تَأۡكُلُواْ مِنۢ بُيُوتِكُمۡ أَوۡ بُيُوتِ ءَابَآئِكُمۡ أَوۡ بُيُوتِ أُمَّهَٰتِكُمۡ أَوۡ بُيُوتِ إِخۡوَٰنِكُمۡ أَوۡ بُيُوتِ أَخَوَٰتِكُمۡ أَوۡ بُيُوتِ أَعۡمَٰمِكُمۡ أَوۡ بُيُوتِ عَمَّٰتِكُمۡ أَوۡ بُيُوتِ أَخۡوَٰلِكُمۡ أَوۡ بُيُوتِ خَٰلَٰتِكُمۡ أَوۡ مَا مَلَكۡتُم مَّفَاتِحَهُۥٓ أَوۡ صَدِيقِكُمۡۚ لَيۡسَ عَلَيۡكُمۡ جُنَاحٌ أَن تَأۡكُلُواْ جَمِيعًا أَوۡ أَشۡتَاتٗاۚ فَإِذَا دَخَلۡتُم بُيُوتٗا فَسَلِّمُواْ عَلَىٰٓ أَنفُسِكُمۡ تَحِيَّةٗ مِّنۡ عِندِ ٱللَّهِ مُبَٰرَكَةٗ طَيِّبَةٗۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَعۡقِلُونَ

Junuubu fawaaki on bunɗo waasaaɗo giiɗe mu'un; junuubu fawaaki kadi laƴuɗo on, junuubu fawaaki kadi nawnuɗo on; si ɓe ɗalii ko ɓe hattantaake kon daranagol ɗum immorde e ko fawii ɓe waɗugol wano Jihaadi ka Laawol Alla. Junuubu fawaaki on -onon gomɗinɓe ɓen- fii ñaamugol ka cuuɗi mooɗon, no jeyaa e majji cuuɗi ɓiɗɓe mooaon, wanaa kadi fii ñaamugol ka cuuɗi baabiraaɓe mooɗon, maaɗum neeniraaɓe mooɗon, maaɗun musiɗɓe mooɗon, maaɗum musiɗɓe mooɗon rewɓe, maaɗum bappiraaɓe mooɗon, maaɗum yaayiraaɓe mooɗon, maaɗum kawiraaɓe mooɗon, maaɗum neeniraaɓe mooɗon ka dewol, maaɗum cuuɗi ɗi halfinaɗon reenugol ɗin wano aynuɗo awru. Junuuɓu alaa e ñaamugol ka cuuɗi yiɗɓe mooɗon sabu weleede wonkii makko e ɗum, junuubu fawaaki on nde ñaamoton ko on mooɓiiɓe maaɗum ñaamiron gooto-gooto. Si on natay e cuuɗi sifa ɗii cuuɗi jaŋtaaɗi ɗoo e tanaa majji haray salminee ɓen wonuɓe e nder majji ɗum woni wi'on: "Kisiyee e mon" Si tawii goɗɗo alah e nder majji; haray salminee e dow wonkiiji mooɗon, ɗum woni wi'on: "Kisiyee e amen e jeyaaɓe Alla moƴƴuɓe ɓen". Ɗum ko hiwraango immorde ka Alla ngo O Sar'inani on barkinaango; sabu ko ngo saakata kon immorde e giggol e woowoniral hakkunde mooɗon, laaɓungo no laaɓira sabu maggo wonkii nanuɗo ngo on, ko yeru ngol ɓannginngol aditiingol ka Simoore Alla ɓannginirta Aayeeje jortagol on hakkilanay ɗe, gollitiron ko woni kon e nder majje.

Trong những bài học trích được của các câu Kinh trên trang này:

• جواز وضع العجائز بعض ثيابهنّ لانتفاء الريبة من ذلك.

Hino daganii nayeeɓe ɓen ittugol comci maɓɓe dowuuji ɗin tawde goɗɗo sikke alah e mabɓe.

• الاحتياط في الدين شأن المتقين.

Howindagol ngol ka diina woni fiyaake hulooɓe Alla ɓen.

• الأعذار سبب في تخفيف التكليف.

Ko ngantooji ɗin woni sabu hayfineede ko Alla fawata ko.

• المجتمع المسلم مجتمع التكافل والتآزر والتآخي.

Renndo Julɓe ngon ko renndo yurmondiral e wallindiral e neene-gootoyaagal.