含义的翻译 章 莱仪拉 - الترجمة الكيروندية - 《古兰经》合辑

SURATU LLAYLI

段: 1

وَٱلَّيۡلِ إِذَا يَغۡشَىٰ

Jewe Allah, Ndarahiye kw’ijoro iyo ripfutse ibintu vyose kw’isi!

段: 2

وَٱلنَّهَارِ إِذَا تَجَلَّىٰ

No ku murango iyo hakeye, hakabona!

段: 3

وَمَا خَلَقَ ٱلذَّكَرَ وَٱلۡأُنثَىٰٓ

No kw’irema ry’igitsina-gabo n’igitsina-gore!

段: 4

إِنَّ سَعۡيَكُمۡ لَشَتَّىٰ

Bantu! Mu vy’ukuri ibikorwa vyanyu biri kwinshi; muri mwebwe harimwo uwukorera isi, hakabamwo n’uwukorera ubuzima bw’inyuma yo gupfa.

段: 5

فَأَمَّا مَنۡ أَعۡطَىٰ وَٱتَّقَىٰ

Uwo wese rero azotanga atiziganya mu matungo yiwe ku bw’Imana Allah, akanagamburuka;

段: 6

وَصَدَّقَ بِٱلۡحُسۡنَىٰ

Akanemera ijambo “LAA ILAAHA ILLA LLAAH^[1]”, ivyo ryigisha, ivyo risaba n’indishi zaryo;

[1] Nta mana ibwirijwe gusengwa vy’ukuri atari Imana Imwe Rudende Allah.

段: 7

فَسَنُيَسِّرُهُۥ لِلۡيُسۡرَىٰ

Uyo rero Twebwe Allah, Tuzomworohereza mu buzima bwo kw’isi, Tunamushoboze gukora ivyiza bimushikana mu Bwami bw’ijuru.

段: 8

وَأَمَّا مَنۢ بَخِلَ وَٱسۡتَغۡنَىٰ

Nayo uwuzoba ingumyi mu gutanga, ntanakenere indishi ku Mana Allah;

段: 9

وَكَذَّبَ بِٱلۡحُسۡنَىٰ

Agahakana n’ijambo “LAA ILAAHA ILLA LLAAH”, ivyo ryigisha, ivyo risaba n’indishi zaryo;

段: 10

فَسَنُيَسِّرُهُۥ لِلۡعُسۡرَىٰ

Uyo, Twebwe Allah Tuzomworohereza gukora ibimushikana ku magorwa yo mu muriro udahera;

段: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Amatungo yiwe, nta n’ico azomumarira igihe yahanantukiye mu muriro udahera.

段: 12

إِنَّ عَلَيۡنَا لَلۡهُدَىٰ

Mu vy’ukuri Twebwe Allah, Tujejwe kwerekana inzira igororotse iganisha mu Bwami bw’ijuru.

段: 13

وَإِنَّ لَنَا لَلۡأٓخِرَةَ وَٱلۡأُولَىٰ

Kandi mu vy’ukuri, ni Twe Tugaba Tukaganza ubuzima bw’inyuma yo gupfa n’ubwo kw’isi.

段: 14

فَأَنذَرۡتُكُمۡ نَارٗا تَلَظَّىٰ

Ni na co gituma Ndababuriye - bantu - Ndanabatinyisha n’ibihano vyo mu muriro ururumba.

段: 15

لَا يَصۡلَىٰهَآ إِلَّا ٱلۡأَشۡقَى

Nta wuwinjiramwo ubutavayo atari uwimonogoje mu bugarariji;

段: 16

ٱلَّذِي كَذَّبَ وَتَوَلَّىٰ

Uwuhakana Umuvugishwamana Muhamadi (nyakugira amahoro n’impuhwe z’Imana Allah), agaheza akagenza umugongo yirengagiza ukwemera Imana Allah n’Intumwa yayo.

段: 17

وَسَيُجَنَّبُهَا ٱلۡأَتۡقَى

Hazokwegezwa kure y’uwo muriro, uwugamburukira Imana Allah bikwiye;

段: 18

ٱلَّذِي يُؤۡتِي مَالَهُۥ يَتَزَكَّىٰ

Uwutanga amatungo yiwe ku bw’Imana Allah, arondera kubandanya yiyeza;

段: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Kandi nta n’umwe agirira ineza mu ntumbero yo gusubirizwa mu ndumane;

段: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ariko agira ineza arondera gushimwa n’Imana yiwe Rurema Allah, Nyenicubahiro-ntangere.

段: 21

وَلَسَوۡفَ يَرۡضَىٰ

Kandi nta kibuza ko azoshima impera n’inema zayo mu Bwami bw’ijuru.