含义的翻译 章 印舍嘎格 - 亚兰语翻译 - 《古兰经》合辑

Al-Inshiqâq

段: 1

إِذَا ٱلسَّمَآءُ ٱنشَقَّتۡ

Pandema jalichipapuka liwunde.

段: 2

وَأَذِنَتۡ لِرَبِّهَا وَحُقَّتۡ

Ni kwisa kunda lilamusi lya M’mbujeegwe, soni liichiŵajilwa (kuti likunde).

段: 3

وَإِذَا ٱلۡأَرۡضُ مُدَّتۡ

Ni ndema jalichijasyisyidwa litaka (pakusyaga matumbi ni ikwesya).

段: 4

وَأَلۡقَتۡ مَا فِيهَا وَتَخَلَّتۡ

Ni kwisa kuponya kusa (litakalyo) yayaliji nkati mwakwe nikuŵa mwangali chachipali.

段: 5

وَأَذِنَتۡ لِرَبِّهَا وَحُقَّتۡ

Ni kwisa kunda lilamusi lya M’mbujeegwe, soni liichiŵajilwa (kuti likunde).

段: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

E mmwe amundu! Chisimutu mmwe nkukangamala wa kwa Ambuje ŵenu (Allah) nchilimbichilaga (kutenda itendo yambone kapena yakusakala), basi ni tinchisimangana nayo (pa lisiku lya Kiyamalyo).

段: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Sano mundu jwatachipedwa chitabu chakwe ku nkono wakwe wan'dyo.

段: 8

فَسَوۡفَ يُحَاسَبُ حِسَابٗا يَسِيرٗا

Basi jwalakwe tachiŵalanjidwa kuŵalanjidwa kwakwepepala.

段: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Soni ni tachiujila kwa achalongo achin'jakwe ali jwakusengwa.

段: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Nambo mundu jwatachipedwa chitabu chakwe cha kunyuma kwa n'gongo wakwe.

段: 11

فَسَوۡفَ يَدۡعُواْ ثُبُورٗا

Basi jwalakwe, tachichiŵilanga chonasiko (kuti bola agambe kuwa, nambo ngasiyikomboleka).

段: 12

وَيَصۡلَىٰ سَعِيرًا

Ni tachijinjila ku Moto Wakulapuka.

段: 13

إِنَّهُۥ كَانَ فِيٓ أَهۡلِهِۦ مَسۡرُورًا

Chisimu jwalakwe jwaliji jwakusengwa (pajwaliji) ni achalongo achin'jakwe (ku duniya).

段: 14

إِنَّهُۥ ظَنَّ أَن لَّن يَحُورَ

Chisimu jwalakwe jwasimichisyaga kuti ngasaujila (kwa Allah).

段: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Elo! Chisimu Ambujegwe ŵaliji ali nkunnolechesya.

段: 16

فَلَآ أُقۡسِمُ بِٱلشَّفَقِ

Basi ngukulumbila kuchejela kwegulo.

段: 17

وَٱلَّيۡلِ وَمَا وَسَقَ

Kwisa soni chilo ni yachikusonganganyaga.

段: 18

وَٱلۡقَمَرِ إِذَا ٱتَّسَقَ

Ni mwesi ndema jaukwanila lilanguka (lyakwe).

段: 19

لَتَرۡكَبُنَّ طَبَقًا عَن طَبَقٖ

Chisimu ŵanganyammwe chinsimanganeje nako kaŵe kane kutyochela pa kaŵe kane (paumi wa duniya uno mpaka kwa Akhera).

段: 20

فَمَا لَهُمۡ لَا يُؤۡمِنُونَ

Ana akwete chichi ŵanganyao chikwatendekasya kuti akakulupilila?

段: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Soni pati jichisoomedwaga kukwao Qur’an ŵangasujudu!

段: 22

بَلِ ٱلَّذِينَ كَفَرُواْ يُكَذِّبُونَ

Nambo kuti achimakafili agamba kanila basi.

段: 23

وَٱللَّهُ أَعۡلَمُ بِمَا يُوعُونَ

Sano Allah ni jwaakuyimanya chenene yaakusonganganya ŵanganyao.

段: 24

فَبَشِّرۡهُم بِعَذَابٍ أَلِيمٍ

Basi mwatagulilani ya ilagasyo yakupoteka nnope.

段: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Ikaŵeje aŵala ŵaakulupilile ni kutendaga yambone, akwete kupata ŵanganyao malipilo gangamala.