የይዘት ትርጉም ምዕራፍ ሱረቱ አል ቡሩጅ - الترجمة الكيروندية - የቅዱስ ቁርዓን ማህደር

SURATU L-BURUUJI

አንቀጽ: 1

وَٱلسَّمَآءِ ذَاتِ ٱلۡبُرُوجِ

Jewe Allah, Ndarahiye kw’ijuru rifise inzira-ntasobwa z’izuba n’ukwezi!

አንቀጽ: 2

وَٱلۡيَوۡمِ ٱلۡمَوۡعُودِ

No ku musi w’isango ryategekanijwe ry’izuka ry’ibiremwa!

አንቀጽ: 3

وَشَاهِدٖ وَمَشۡهُودٖ

No ku cabona cagiriza no ku wagirizwa^[1]!

[1] Imana Allah, Irahira ku co Ishatse mu biremwa, nayo ikiremwa ntikirekuriwe kurahira kiretse kw’izina ry’Imana Allah, kurahira ku kitari Imana Allah, ni ibangikanyamana.

አንቀጽ: 4

قُتِلَ أَصۡحَٰبُ ٱلۡأُخۡدُودِ

Harahonejwe abantu Benibinogo amahanga bimbiye abemeramana;

አንቀጽ: 5

ٱلنَّارِ ذَاتِ ٱلۡوَقُودِ

Baraheza bavyatsamwo umuriro wenyegejwe;

አንቀጽ: 6

إِذۡ هُمۡ عَلَيۡهَا قُعُودٞ

Igihe bari bicaye hambavu yavyo;

አንቀጽ: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Bitegereza ivyo bakorera abemeramana mu bihano.

አንቀጽ: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Nta na kimwe babahoye atari uko bemera Imana Imwe Rudende Allah, Nyenintsinzi-Mutaneshwa, Nyenugushimwa, Ishimwa ku mazina, amatazirano n’ibikorwa vyayo mu bihe vyose.

አንቀጽ: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Ni Yo Nyenubwami, Igaba Ikaganza amajuru n’isi n’ibiri muri vyo vyose. Burya Imana Allah, Irazi ikintu ico ari co cose.

አንቀጽ: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Mu vy’ukuri, abatoteje abemeramana n’abemeramanakazi mu kubaturira kugira bavavanure n’idini ry’Imana Allah, hanyuma ntibigaya ku Mana Allah ngo basabe imbabazi, abo bazohanwa mu muriro wa Jahannamu, baranategekanirijwe ibihano vyo guturirwa.

አንቀጽ: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Mu vy’ukuri, abemeye Imana Allah n’Intumwa yayo bakanakora n'ivyiza bitegetswe, barategekanirijwe imirima itotahaye mu Bwami bw’ijuru, musi y’ibiti n’inyubakwa vyabwo hatemba inzuzi. Iyo, ni yo ntsinzi ihambaye.

አንቀጽ: 12

إِنَّ بَطۡشَ رَبِّكَ لَشَدِيدٌ

Mu vy’ukuri, uguhana kw’Imana yawe Rurema Allah kurahambaye.

አንቀጽ: 13

إِنَّهُۥ هُوَ يُبۡدِئُ وَيُعِيدُ

Mu vy’ukuri, ni Yo Yatanguje kurema ibiremwa vyose ata co Irinze gufatirako, kandi ni Yo Izobisubiza ubuzima, biheze bizuke.

አንቀጽ: 14

وَهُوَ ٱلۡغَفُورُ ٱلۡوَدُودُ

Ni na Yo Nyenimbabazi-ntangere ku bigaya, Nyenurukundo-ntangere ku batoni bayo.

አንቀጽ: 15

ذُو ٱلۡعَرۡشِ ٱلۡمَجِيدُ

Nyenubuhangamo, Nyeniteka.

አንቀጽ: 16

فَعَّالٞ لِّمَا يُرِيدُ

Ikorana ubwira ico Ishatse, ntakiyinanira.

አንቀጽ: 17

هَلۡ أَتَىٰكَ حَدِيثُ ٱلۡجُنُودِ

Ntumwa y’Imana! Mbega, woba warashikiriwe n’inkuru y’ivyashikiye ingabo z’abagarariji!

አንቀጽ: 18

فِرۡعَوۡنَ وَثَمُودَ

Ingabo za Firawuni n’iza Bene Thamuudi!

አንቀጽ: 19

بَلِ ٱلَّذِينَ كَفَرُواْ فِي تَكۡذِيبٖ

Ahubwo abagararije Imana Allah bishinga kubandanya bahakana nk’ab’aho hambere.

አንቀጽ: 20

وَٱللَّهُ مِن وَرَآئِهِم مُّحِيطُۢ

Burya Imana Allah na Yo ku bushobozi n’ubumenyi vyayo, Irabakikuje ku mpande zose, nta buhungiro.

አንቀጽ: 21

بَلۡ هُوَ قُرۡءَانٞ مَّجِيدٞ

Iyo Qor’ani bahakana, si amajambo y’abantu! Ahubwo, ni Qor’ani ntagatifu;

አንቀጽ: 22

فِي لَوۡحٖ مَّحۡفُوظِۭ

Yanditswe ku kibaho kibungabunzwe neza “Lawhu Mahfuudhw”.