ترجمة معاني سورة البروج - الترجمة الكيروندية - موسوعة القرآن الكريم

سورة البروج - SURATU L-BURUUJI

آية: 1

وَٱلسَّمَآءِ ذَاتِ ٱلۡبُرُوجِ

Jewe Allah, Ndarahiye kw’ijuru rifise inzira-ntasobwa z’izuba n’ukwezi!

آية: 2

وَٱلۡيَوۡمِ ٱلۡمَوۡعُودِ

No ku musi w’isango ryategekanijwe ry’izuka ry’ibiremwa!

آية: 3

وَشَاهِدٖ وَمَشۡهُودٖ

No ku cabona cagiriza no ku wagirizwa^[1]!

[1] Imana Allah, Irahira ku co Ishatse mu biremwa, nayo ikiremwa ntikirekuriwe kurahira kiretse kw’izina ry’Imana Allah, kurahira ku kitari Imana Allah, ni ibangikanyamana.

آية: 4

قُتِلَ أَصۡحَٰبُ ٱلۡأُخۡدُودِ

Harahonejwe abantu Benibinogo amahanga bimbiye abemeramana;

آية: 5

ٱلنَّارِ ذَاتِ ٱلۡوَقُودِ

Baraheza bavyatsamwo umuriro wenyegejwe;

آية: 6

إِذۡ هُمۡ عَلَيۡهَا قُعُودٞ

Igihe bari bicaye hambavu yavyo;

آية: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Bitegereza ivyo bakorera abemeramana mu bihano.

آية: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Nta na kimwe babahoye atari uko bemera Imana Imwe Rudende Allah, Nyenintsinzi-Mutaneshwa, Nyenugushimwa, Ishimwa ku mazina, amatazirano n’ibikorwa vyayo mu bihe vyose.

آية: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Ni Yo Nyenubwami, Igaba Ikaganza amajuru n’isi n’ibiri muri vyo vyose. Burya Imana Allah, Irazi ikintu ico ari co cose.

آية: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Mu vy’ukuri, abatoteje abemeramana n’abemeramanakazi mu kubaturira kugira bavavanure n’idini ry’Imana Allah, hanyuma ntibigaya ku Mana Allah ngo basabe imbabazi, abo bazohanwa mu muriro wa Jahannamu, baranategekanirijwe ibihano vyo guturirwa.

آية: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Mu vy’ukuri, abemeye Imana Allah n’Intumwa yayo bakanakora n'ivyiza bitegetswe, barategekanirijwe imirima itotahaye mu Bwami bw’ijuru, musi y’ibiti n’inyubakwa vyabwo hatemba inzuzi. Iyo, ni yo ntsinzi ihambaye.

آية: 12

إِنَّ بَطۡشَ رَبِّكَ لَشَدِيدٌ

Mu vy’ukuri, uguhana kw’Imana yawe Rurema Allah kurahambaye.

آية: 13

إِنَّهُۥ هُوَ يُبۡدِئُ وَيُعِيدُ

Mu vy’ukuri, ni Yo Yatanguje kurema ibiremwa vyose ata co Irinze gufatirako, kandi ni Yo Izobisubiza ubuzima, biheze bizuke.

آية: 14

وَهُوَ ٱلۡغَفُورُ ٱلۡوَدُودُ

Ni na Yo Nyenimbabazi-ntangere ku bigaya, Nyenurukundo-ntangere ku batoni bayo.

آية: 15

ذُو ٱلۡعَرۡشِ ٱلۡمَجِيدُ

Nyenubuhangamo, Nyeniteka.

آية: 16

فَعَّالٞ لِّمَا يُرِيدُ

Ikorana ubwira ico Ishatse, ntakiyinanira.

آية: 17

هَلۡ أَتَىٰكَ حَدِيثُ ٱلۡجُنُودِ

Ntumwa y’Imana! Mbega, woba warashikiriwe n’inkuru y’ivyashikiye ingabo z’abagarariji!

آية: 18

فِرۡعَوۡنَ وَثَمُودَ

Ingabo za Firawuni n’iza Bene Thamuudi!

آية: 19

بَلِ ٱلَّذِينَ كَفَرُواْ فِي تَكۡذِيبٖ

Ahubwo abagararije Imana Allah bishinga kubandanya bahakana nk’ab’aho hambere.

آية: 20

وَٱللَّهُ مِن وَرَآئِهِم مُّحِيطُۢ

Burya Imana Allah na Yo ku bushobozi n’ubumenyi vyayo, Irabakikuje ku mpande zose, nta buhungiro.

آية: 21

بَلۡ هُوَ قُرۡءَانٞ مَّجِيدٞ

Iyo Qor’ani bahakana, si amajambo y’abantu! Ahubwo, ni Qor’ani ntagatifu;

آية: 22

فِي لَوۡحٖ مَّحۡفُوظِۭ

Yanditswe ku kibaho kibungabunzwe neza “Lawhu Mahfuudhw”.