ترجمة معاني سورة الإنشقاق - الترجمة الكيروندية - موسوعة القرآن الكريم

سورة الإنشقاق - SURATU L-INSHIQAAQ

آية: 1

إِذَا ٱلسَّمَآءُ ٱنشَقَّتۡ

Igihe ijuru ryasadutse rigatabuka ku musi w’umuhero w’isi;

آية: 2

وَأَذِنَتۡ لِرَبِّهَا وَحُقَّتۡ

Rikumvira Imana yaryo Rurema Allah, kandi ritegerezwa nta kibuza;

آية: 3

وَإِذَا ٱلۡأَرۡضُ مُدَّتۡ

Igihe n’isi yasanjwe;

آية: 4

وَأَلۡقَتۡ مَا فِيهَا وَتَخَلَّتۡ

Igasohora abantu n’ubutare biri muri yo, igasigara igaragara;

آية: 5

وَأَذِنَتۡ لِرَبِّهَا وَحُقَّتۡ

Ikumvira Imana yayo Rurema Allah, kandi itegerezwa nta kibuza.

آية: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Ewe muntu! Mu vy’ukuri wewe, ugana ku Mana Allah, ukita ku rutare mu bikorwa, vyaba vyiza canke bibi, kugeza aho uzohura n’Imana yawe Rurema Allah Ikabiguhembera.

آية: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Uwo wese rero azohabwa igitabu c’ibikorwa vyiwe mu kuboko kwiwe kw’iburyo;

آية: 8

فَسَوۡفَ يُحَاسَبُ حِسَابٗا يَسِيرٗا

Uyo, ni we azoharurirwa ibiharuro vyoroshe;

آية: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Maze agasubira mu bantu biwe mu Bwami bw’ijuru akanyamuneza kamusya.

آية: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Nayo uwuzohabwa igitabu c’ibikorwa vyiwe inyuma y’umugongo wiwe;

آية: 11

فَسَوۡفَ يَدۡعُواْ ثُبُورٗا

Uyo rero, azoheza yisabire urupfu;

آية: 12

وَيَصۡلَىٰ سَعِيرًا

Yinjire no mu muriro wama wegenyejwe;

آية: 13

إِنَّهُۥ كَانَ فِيٓ أَهۡلِهِۦ مَسۡرُورًا

Kuko mu vy’ukuri, yahorana akanyamuneza mu muryango wiwe akiri kw’isi, nta co yategekanirije uyu musi.

آية: 14

إِنَّهُۥ ظَنَّ أَن لَّن يَحُورَ

Mu vy’ukuri, yibaza ko atazosubira ku Mana yiwe Allah ngo Imuharurire.

آية: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Yobuzwa n’iki gusubira ku Mana Allah! Mu vy’ukuri Imana yiwe Rurema Allah, Yamye ari Nyenukubona, Yaramubona we n’ivyo yakora.

آية: 16

فَلَآ أُقۡسِمُ بِٱلشَّفَقِ

Jewe Allah, Ndarahiye ku bicu bitukura bugorovye!

آية: 17

وَٱلَّيۡلِ وَمَا وَسَقَ

No kw’ijoro n’ivyo rinyegeje!

آية: 18

وَٱلۡقَمَرِ إِذَا ٱتَّسَقَ

No ku kwezi iyo gukwijije umuco mu mfato!

آية: 19

لَتَرۡكَبُنَّ طَبَقًا عَن طَبَقٖ

Bantu! Ni ukuri muzohura n’ibihe bigoye bisumbasumbana^[726].

[726] Umuntu wese aremwa mw’ima ry’intanga, rigahinduka amaraso avuze; nya maraso avuze agahinduka igihimba c’inyama; hanyuma nya gihimba c’inyama kigahuhirwamwo inkomoko y’ubuzima “Roho”. Yamara kuvuka akabaho, hanyuma agapfa, akazozuka, agashorerwa kw’iyegeranirizo ry’ibiremwa, hanyuma agaharurirwa.

آية: 20

فَمَا لَهُمۡ لَا يُؤۡمِنُونَ

Mbega, abantu babuzwa n’iki kwemera Imana Allah n’umusi w’iherezo, kandi basomerwa Aayah za Qor’ani zitomoye!

آية: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

N’iyo basomewe Qor’ani, ntibubamira Imana Allah ngo bemere amabwirizwa yayo.

آية: 22

بَلِ ٱلَّذِينَ كَفَرُواْ يُكَذِّبُونَ

Ahubwo abagararije bahakana Qor’ani bivuye inyuma, izuka n’iharurirwa ry’ibiremwa.

آية: 23

وَٱللَّهُ أَعۡلَمُ بِمَا يُوعُونَ

Burya Imana Allah, ni Yo Izi neza ivyo bahishije mu mishaha yabo.

آية: 24

فَبَشِّرۡهُم بِعَذَابٍ أَلِيمٍ

Ntumwa y’Imana! Bashikirize rero inkuru y'incamugongo yo guhabwa ibihano bibabaza.

آية: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Ariko abantu bemeye Imana Allah n’Intumwa yayo bakanakora n'ivyiza bitegetswe, barafise impembo idahera bagenewe mu buzima bw’inyuma yo gupfa.