අර්ථ කථනය පරිච්ඡේදය සූරා අල් බුරූජ් - الترجمة الكيروندية - පාරිශුද්ධ අල් කුර්ආනයේ විශ්ව කෝෂය

SURATU L-BURUUJI

වාක්‍යය: 1

وَٱلسَّمَآءِ ذَاتِ ٱلۡبُرُوجِ

Jewe Allah, Ndarahiye kw’ijuru rifise inzira-ntasobwa z’izuba n’ukwezi!

වාක්‍යය: 2

وَٱلۡيَوۡمِ ٱلۡمَوۡعُودِ

No ku musi w’isango ryategekanijwe ry’izuka ry’ibiremwa!

වාක්‍යය: 3

وَشَاهِدٖ وَمَشۡهُودٖ

No ku cabona cagiriza no ku wagirizwa^[1]!

[1] Imana Allah, Irahira ku co Ishatse mu biremwa, nayo ikiremwa ntikirekuriwe kurahira kiretse kw’izina ry’Imana Allah, kurahira ku kitari Imana Allah, ni ibangikanyamana.

වාක්‍යය: 4

قُتِلَ أَصۡحَٰبُ ٱلۡأُخۡدُودِ

Harahonejwe abantu Benibinogo amahanga bimbiye abemeramana;

වාක්‍යය: 5

ٱلنَّارِ ذَاتِ ٱلۡوَقُودِ

Baraheza bavyatsamwo umuriro wenyegejwe;

වාක්‍යය: 6

إِذۡ هُمۡ عَلَيۡهَا قُعُودٞ

Igihe bari bicaye hambavu yavyo;

වාක්‍යය: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Bitegereza ivyo bakorera abemeramana mu bihano.

වාක්‍යය: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Nta na kimwe babahoye atari uko bemera Imana Imwe Rudende Allah, Nyenintsinzi-Mutaneshwa, Nyenugushimwa, Ishimwa ku mazina, amatazirano n’ibikorwa vyayo mu bihe vyose.

වාක්‍යය: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Ni Yo Nyenubwami, Igaba Ikaganza amajuru n’isi n’ibiri muri vyo vyose. Burya Imana Allah, Irazi ikintu ico ari co cose.

වාක්‍යය: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Mu vy’ukuri, abatoteje abemeramana n’abemeramanakazi mu kubaturira kugira bavavanure n’idini ry’Imana Allah, hanyuma ntibigaya ku Mana Allah ngo basabe imbabazi, abo bazohanwa mu muriro wa Jahannamu, baranategekanirijwe ibihano vyo guturirwa.

වාක්‍යය: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Mu vy’ukuri, abemeye Imana Allah n’Intumwa yayo bakanakora n'ivyiza bitegetswe, barategekanirijwe imirima itotahaye mu Bwami bw’ijuru, musi y’ibiti n’inyubakwa vyabwo hatemba inzuzi. Iyo, ni yo ntsinzi ihambaye.

වාක්‍යය: 12

إِنَّ بَطۡشَ رَبِّكَ لَشَدِيدٌ

Mu vy’ukuri, uguhana kw’Imana yawe Rurema Allah kurahambaye.

වාක්‍යය: 13

إِنَّهُۥ هُوَ يُبۡدِئُ وَيُعِيدُ

Mu vy’ukuri, ni Yo Yatanguje kurema ibiremwa vyose ata co Irinze gufatirako, kandi ni Yo Izobisubiza ubuzima, biheze bizuke.

වාක්‍යය: 14

وَهُوَ ٱلۡغَفُورُ ٱلۡوَدُودُ

Ni na Yo Nyenimbabazi-ntangere ku bigaya, Nyenurukundo-ntangere ku batoni bayo.

වාක්‍යය: 15

ذُو ٱلۡعَرۡشِ ٱلۡمَجِيدُ

Nyenubuhangamo, Nyeniteka.

වාක්‍යය: 16

فَعَّالٞ لِّمَا يُرِيدُ

Ikorana ubwira ico Ishatse, ntakiyinanira.

වාක්‍යය: 17

هَلۡ أَتَىٰكَ حَدِيثُ ٱلۡجُنُودِ

Ntumwa y’Imana! Mbega, woba warashikiriwe n’inkuru y’ivyashikiye ingabo z’abagarariji!

වාක්‍යය: 18

فِرۡعَوۡنَ وَثَمُودَ

Ingabo za Firawuni n’iza Bene Thamuudi!

වාක්‍යය: 19

بَلِ ٱلَّذِينَ كَفَرُواْ فِي تَكۡذِيبٖ

Ahubwo abagararije Imana Allah bishinga kubandanya bahakana nk’ab’aho hambere.

වාක්‍යය: 20

وَٱللَّهُ مِن وَرَآئِهِم مُّحِيطُۢ

Burya Imana Allah na Yo ku bushobozi n’ubumenyi vyayo, Irabakikuje ku mpande zose, nta buhungiro.

වාක්‍යය: 21

بَلۡ هُوَ قُرۡءَانٞ مَّجِيدٞ

Iyo Qor’ani bahakana, si amajambo y’abantu! Ahubwo, ni Qor’ani ntagatifu;

වාක්‍යය: 22

فِي لَوۡحٖ مَّحۡفُوظِۭ

Yanditswe ku kibaho kibungabunzwe neza “Lawhu Mahfuudhw”.