ترجمة معاني سورة الواقعة - الترجمة الأذرية - علي خان موساييف - موسوعة القرآن الكريم

سورة الواقعة - əl-Vaqiə

آية: 1

إِذَا وَقَعَتِ ٱلۡوَاقِعَةُ

Qiyamət vaqe olacağı zaman.

آية: 2

لَيۡسَ لِوَقۡعَتِهَا كَاذِبَةٌ

Onun vaqe olacağına heç bir şübhə yoxdur.

آية: 3

خَافِضَةٞ رَّافِعَةٌ

O, (kafirləri) alçaldacaq, (möminləri) ucaldacaq.

آية: 4

إِذَا رُجَّتِ ٱلۡأَرۡضُ رَجّٗا

Yer şiddətlə titrədiyi zaman,

آية: 5

وَبُسَّتِ ٱلۡجِبَالُ بَسّٗا

Dağlar parça-parça olub ovxalandığı

آية: 6

فَكَانَتۡ هَبَآءٗ مُّنۢبَثّٗا

(Ətrafa) səpələnmiş toz-torpağa döndüyü zaman,

آية: 7

وَكُنتُمۡ أَزۡوَٰجٗا ثَلَٰثَةٗ

siz üç dəstəyə ayrılacaqsınız.

آية: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Sağ tərəf sahibləri. Nə xoşbəxtdir sağ tərəf sahibləri!

آية: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Sol tərəf sahibləri. Nə bədbəxtdir sol tərəf sahibləri!

آية: 10

وَٱلسَّٰبِقُونَ ٱلسَّٰبِقُونَ

(Dünyada xeyirxah işlərdə) öndə gedənlər, (axirətdə də) öndədirlər!

آية: 11

أُوْلَٰٓئِكَ ٱلۡمُقَرَّبُونَ

Onlar (Allaha) yaxınlaşdırılmış kimsələrdir.

آية: 12

فِي جَنَّٰتِ ٱلنَّعِيمِ

Onlar Nəim cənnətlərində olacaqlar.

آية: 13

ثُلَّةٞ مِّنَ ٱلۡأَوَّلِينَ

Onların bir qismi əvvəlki ümmətlərlərdən.

آية: 14

وَقَلِيلٞ مِّنَ ٱلۡأٓخِرِينَ

ِAz bir qismi də axırıncılardandır.

آية: 15

عَلَىٰ سُرُرٖ مَّوۡضُونَةٖ

(Onlar qızıl-gümüşlə) bəzənmiş taxtlar üstündə

آية: 16

مُّتَّكِـِٔينَ عَلَيۡهَا مُتَقَٰبِلِينَ

qarşı-qarşıya əyləşib dirsəklənəcəklər.

آية: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Onların ətrafında həmişəcavan (xidmətçi) oğlanlar dolanacaqlar –

آية: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

çeşmə şərabı ilə dolu badələr, bardaqlar və qədəhlərlə –

آية: 19

لَّا يُصَدَّعُونَ عَنۡهَا وَلَا يُنزِفُونَ

ondan başları ağrımaz və məst olmazlar,

آية: 20

وَفَٰكِهَةٖ مِّمَّا يَتَخَيَّرُونَ

bəyənib seçdikləri meyvələr

آية: 21

وَلَحۡمِ طَيۡرٖ مِّمَّا يَشۡتَهُونَ

və istədikləri quş əti ilə (onların ətrafında hərlənəcəklər).

آية: 22

وَحُورٌ عِينٞ

(Onlar üçün orada) iri qara gözlü hurilər vardır –

آية: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Sanki (sədəf içində) qorunub-saxlanmış mirvariyə bənzər (hurilər).

آية: 24

جَزَآءَۢ بِمَا كَانُواْ يَعۡمَلُونَ

(Bu, onlara) etdikləri əməllərin mükafatı olaraq (veriləcəkdir).

آية: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Onlar orada nə boş söz, nə də günaha səbəb olan söhbət eşidəcəklər.

آية: 26

إِلَّا قِيلٗا سَلَٰمٗا سَلَٰمٗا

Yalnız: “Salam! Salam!”– sözləri (eşidəcəklər).

آية: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Sağ tərəf sahibləri. Nə xoşbəxtdir sağ tərəf sahibləri!

آية: 28

فِي سِدۡرٖ مَّخۡضُودٖ

(Onlar) tikansız sidr ağacları,

آية: 29

وَطَلۡحٖ مَّنضُودٖ

meyvələri salxım-salxım asılmış banan ağacları altında,

آية: 30

وَظِلّٖ مَّمۡدُودٖ

daimi kölgədə,

آية: 31

وَمَآءٖ مَّسۡكُوبٖ

daim axan su (kənarında),

آية: 32

وَفَٰكِهَةٖ كَثِيرَةٖ

çoxlu meyvələr –

آية: 33

لَّا مَقۡطُوعَةٖ وَلَا مَمۡنُوعَةٖ

tükənməyən və qadağan edilməyən (meyvələr içində)

آية: 34

وَفُرُشٖ مَّرۡفُوعَةٍ

və hündür döşəklər üstündə (olacaqlar).

آية: 35

إِنَّآ أَنشَأۡنَٰهُنَّ إِنشَآءٗ

Biz onları (huriləri) yeni bir biçimdə yaratdıq.

آية: 36

فَجَعَلۡنَٰهُنَّ أَبۡكَارًا

Biz onları bakirə qızlar etdik –

آية: 37

عُرُبًا أَتۡرَابٗا

ərlərini sevən, həmyaşıdlar.

آية: 38

لِّأَصۡحَٰبِ ٱلۡيَمِينِ

(Bunlar) sağ tərəf sahibləri üçündür.

آية: 39

ثُلَّةٞ مِّنَ ٱلۡأَوَّلِينَ

Onların bir qismi əvvəlkilərdən,

آية: 40

وَثُلَّةٞ مِّنَ ٱلۡأٓخِرِينَ

bir qismi də axırıncılardandır.

آية: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Sol tərəf sahibləri. Nə bədbəxtdir sol tərəf sahibləri!

آية: 42

فِي سَمُومٖ وَحَمِيمٖ

Onlar qızmar yel və qaynar su içində,

آية: 43

وَظِلّٖ مِّن يَحۡمُومٖ

qapqara duman kölgəsində olacaqlar.

آية: 44

لَّا بَارِدٖ وَلَا كَرِيمٍ

(Bu duman) nə sərin, nə də xoşagələndir.

آية: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Onlar bundan əvvəl (dünyada) cah-calal içində idilər,

آية: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

böyük günah işləməkdə (Allaha şərik qoşmaqda) israr edirdilər

آية: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

və deyirdilər: “Məgər biz ölüb torpaq və sür-sümük olduqdan sonra yenidən dirildiləcəyik?

آية: 48

أَوَءَابَآؤُنَا ٱلۡأَوَّلُونَ

Yaxud əvvəlki atalarımızda (dirildiləcəklərmi)?!”

آية: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

(Ey Peyğəmbər!) De: “Şübhəsiz ki, əvvəlkilər də, sonrakılar da,

آية: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

bəlli bir günün (Qiyamət gününün) müəyyən vaxtında mütləq cəm ediləcəklər.

آية: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Sonra, siz ey (doğru yoldan) azanlar, (haqqı) yalan sayanlar!

آية: 52

لَأٓكِلُونَ مِن شَجَرٖ مِّن زَقُّومٖ

Siz mütləq zəqqum ağacından yeyəcəksiniz,

آية: 53

فَمَالِـُٔونَ مِنۡهَا ٱلۡبُطُونَ

qarınlarınızı onunla dolduracaqsınız,

آية: 54

فَشَٰرِبُونَ عَلَيۡهِ مِنَ ٱلۡحَمِيمِ

üstündən də qaynar su içəcəksiniz.

آية: 55

فَشَٰرِبُونَ شُرۡبَ ٱلۡهِيمِ

Siz (onu) susuzluq xəstəliyinə tutulmuş dəvə kimi içəcəksiniz”.

آية: 56

هَٰذَا نُزُلُهُمۡ يَوۡمَ ٱلدِّينِ

Bu, onların Din günündəki ziyafətidir.

آية: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Sizi Biz yaratdıq. Kaş ki (dirildiləcəyinizi) təsdiq etsəniz!

آية: 58

أَفَرَءَيۡتُم مَّا تُمۡنُونَ

Axıtdığınız nütfəni gördünüzmü?!

آية: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Onu siz yaradırsınız, yoxsa Bizik yaradan?!

آية: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Sizin aranızda ölümü Biz müəyyən etdik və heç nə Bizim qarşımızı ala bilməz.

آية: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Sizin yerinizə bənzərlərinizi gətirmək və sizi özünüz bilmədiyiniz başqa bir şəkildə yenidən yaratmağa (Bizə mane olan tapılmaz).

آية: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Siz ilk yaradılışı bilirsiniz. Kaş ki (dirildiləcəyiniz barədə) düşünsəniz!

آية: 63

أَفَرَءَيۡتُم مَّا تَحۡرُثُونَ

Əkdiyinizi gördünüzmü?!

آية: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Onu siz bitirirsiniz, yoxsa Bizik bitirən?!

آية: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Əgər Biz istəsəydik, onu bir saman çöpünə döndərər, siz də təəccüb edərdiniz,

آية: 66

إِنَّا لَمُغۡرَمُونَ

(və deyərdiniz:) “Biz ziyana uğradıq.

آية: 67

بَلۡ نَحۡنُ مَحۡرُومُونَ

Xeyr, biz (ruzidən) məhrum olanlardanıq!”

آية: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

İçdiyiniz suyu gördünüzmü?!

آية: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Onu buluddan siz endirirsiniz, yoxsa Bizik endirən!

آية: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Əgər istəsəydik, onu acı edərdik. Kaş ki şükür etsəniz!

آية: 71

أَفَرَءَيۡتُمُ ٱلنَّارَ ٱلَّتِي تُورُونَ

Yandırdığınız odu gördünüzmü?!

آية: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Onun ağacını siz yaradırsınız, yoxsa Bizik yaradan!

آية: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Biz onu (Cəhənnəmi) xatırlamaq və müsafirlərin faydalanması üçün yaratdıq.

آية: 74

فَسَبِّحۡ بِٱسۡمِ رَبِّكَ ٱلۡعَظِيمِ

(Ey Peyğəmbər!) Elə isə əzəmətli Rəbbinin adı ilə təsbih et!

آية: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Ulduzların batdığı yerlərə and olsun!

آية: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Şübhəsiz ki, bu, böyük bir anddır. Kaş ki biləydiniz.

آية: 77

إِنَّهُۥ لَقُرۡءَانٞ كَرِيمٞ

Həqiqətən, o, çox dəyərli Qurandır,

آية: 78

فِي كِتَٰبٖ مَّكۡنُونٖ

qorunub saxlanılan kitabdadır (lövhi-məhfuzdadır).

آية: 79

لَّا يَمَسُّهُۥٓ إِلَّا ٱلۡمُطَهَّرُونَ

Ona yalnız pak olanlar toxunar.

آية: 80

تَنزِيلٞ مِّن رَّبِّ ٱلۡعَٰلَمِينَ

O, aləmlərin Rəbbi tərəfindən nazil edilmişdir.

آية: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

(Ey müşriklər!) Siz bu kəlamı yalanmı sayırsınız?!

آية: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Sizə verilən ruziyə şükür etməyi, onu yalan saymaqlamı edirsiniz?!

آية: 83

فَلَوۡلَآ إِذَا بَلَغَتِ ٱلۡحُلۡقُومَ

(Can) boğaza yetişdiyi zaman –

آية: 84

وَأَنتُمۡ حِينَئِذٖ تَنظُرُونَ

həmin an siz (qarşınızda can verən kimsəyə) baxırsınız.

آية: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Biz ona (elmimiz və ya mələklərimizlə) sizdən daha yaxınıq, lakin siz isə (bunu) görmürsünüz.

آية: 86

فَلَوۡلَآ إِن كُنتُمۡ غَيۡرَ مَدِينِينَ

Madam ki, siz (iddianıza görə) haqq-hesab olunmayacaqsınız

آية: 87

تَرۡجِعُونَهَآ إِن كُنتُمۡ صَٰدِقِينَ

əgər doğru danışanlarsınızsa, onda, o canı geri qaytarın.

آية: 88

فَأَمَّآ إِن كَانَ مِنَ ٱلۡمُقَرَّبِينَ

Amma əgər o, (ölən kimsə Allaha) yaxın olanlardandırsa,

آية: 89

فَرَوۡحٞ وَرَيۡحَانٞ وَجَنَّتُ نَعِيمٖ

onda rahatlıq, gözəl ruzi və Nəim Cənnəti vardır.

آية: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Əgər o, sağ tərəf sahiblərindəndirsə,

آية: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

(ona:) “Sağ tərəf sahiblərindən sənə salam olsun!”– (deyiləcəkdir).

آية: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Yox əgər o, (haqqı) yalan sayanlardan və (doğru yoldan) azanlardandırsa,

آية: 93

فَنُزُلٞ مِّنۡ حَمِيمٖ

(onun) ziyafəti qaynar su olacaq,

آية: 94

وَتَصۡلِيَةُ جَحِيمٍ

özü də Cəhənnəmdə yanacaqdır.

آية: 95

إِنَّ هَٰذَا لَهُوَ حَقُّ ٱلۡيَقِينِ

Həqiqətən, bu (qullara əməllərinin əvəzi verilməsi), açıq-aydın bir haqqdır.

آية: 96

فَسَبِّحۡ بِٱسۡمِ رَبِّكَ ٱلۡعَظِيمِ

(Ey Peyğəmbər!) Elə isə əzəmətli Rəbbinin adı ilə təsbih et!