Traduction des sens Sourate AL-WÂQI’AH - Traduction en azéri - 'Alî Khân Mosaïev - Encyclopédie du Noble Coran

əl-Vaqiə

Verset: 1

إِذَا وَقَعَتِ ٱلۡوَاقِعَةُ

Qiyamət vaqe olacağı zaman.

Verset: 2

لَيۡسَ لِوَقۡعَتِهَا كَاذِبَةٌ

Onun vaqe olacağına heç bir şübhə yoxdur.

Verset: 3

خَافِضَةٞ رَّافِعَةٌ

O, (kafirləri) alçaldacaq, (möminləri) ucaldacaq.

Verset: 4

إِذَا رُجَّتِ ٱلۡأَرۡضُ رَجّٗا

Yer şiddətlə titrədiyi zaman,

Verset: 5

وَبُسَّتِ ٱلۡجِبَالُ بَسّٗا

Dağlar parça-parça olub ovxalandığı

Verset: 6

فَكَانَتۡ هَبَآءٗ مُّنۢبَثّٗا

(Ətrafa) səpələnmiş toz-torpağa döndüyü zaman,

Verset: 7

وَكُنتُمۡ أَزۡوَٰجٗا ثَلَٰثَةٗ

siz üç dəstəyə ayrılacaqsınız.

Verset: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Sağ tərəf sahibləri. Nə xoşbəxtdir sağ tərəf sahibləri!

Verset: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Sol tərəf sahibləri. Nə bədbəxtdir sol tərəf sahibləri!

Verset: 10

وَٱلسَّٰبِقُونَ ٱلسَّٰبِقُونَ

(Dünyada xeyirxah işlərdə) öndə gedənlər, (axirətdə də) öndədirlər!

Verset: 11

أُوْلَٰٓئِكَ ٱلۡمُقَرَّبُونَ

Onlar (Allaha) yaxınlaşdırılmış kimsələrdir.

Verset: 12

فِي جَنَّٰتِ ٱلنَّعِيمِ

Onlar Nəim cənnətlərində olacaqlar.

Verset: 13

ثُلَّةٞ مِّنَ ٱلۡأَوَّلِينَ

Onların bir qismi əvvəlki ümmətlərlərdən.

Verset: 14

وَقَلِيلٞ مِّنَ ٱلۡأٓخِرِينَ

ِAz bir qismi də axırıncılardandır.

Verset: 15

عَلَىٰ سُرُرٖ مَّوۡضُونَةٖ

(Onlar qızıl-gümüşlə) bəzənmiş taxtlar üstündə

Verset: 16

مُّتَّكِـِٔينَ عَلَيۡهَا مُتَقَٰبِلِينَ

qarşı-qarşıya əyləşib dirsəklənəcəklər.

Verset: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Onların ətrafında həmişəcavan (xidmətçi) oğlanlar dolanacaqlar –

Verset: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

çeşmə şərabı ilə dolu badələr, bardaqlar və qədəhlərlə –

Verset: 19

لَّا يُصَدَّعُونَ عَنۡهَا وَلَا يُنزِفُونَ

ondan başları ağrımaz və məst olmazlar,

Verset: 20

وَفَٰكِهَةٖ مِّمَّا يَتَخَيَّرُونَ

bəyənib seçdikləri meyvələr

Verset: 21

وَلَحۡمِ طَيۡرٖ مِّمَّا يَشۡتَهُونَ

və istədikləri quş əti ilə (onların ətrafında hərlənəcəklər).

Verset: 22

وَحُورٌ عِينٞ

(Onlar üçün orada) iri qara gözlü hurilər vardır –

Verset: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Sanki (sədəf içində) qorunub-saxlanmış mirvariyə bənzər (hurilər).

Verset: 24

جَزَآءَۢ بِمَا كَانُواْ يَعۡمَلُونَ

(Bu, onlara) etdikləri əməllərin mükafatı olaraq (veriləcəkdir).

Verset: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Onlar orada nə boş söz, nə də günaha səbəb olan söhbət eşidəcəklər.

Verset: 26

إِلَّا قِيلٗا سَلَٰمٗا سَلَٰمٗا

Yalnız: “Salam! Salam!”– sözləri (eşidəcəklər).

Verset: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Sağ tərəf sahibləri. Nə xoşbəxtdir sağ tərəf sahibləri!

Verset: 28

فِي سِدۡرٖ مَّخۡضُودٖ

(Onlar) tikansız sidr ağacları,

Verset: 29

وَطَلۡحٖ مَّنضُودٖ

meyvələri salxım-salxım asılmış banan ağacları altında,

Verset: 30

وَظِلّٖ مَّمۡدُودٖ

daimi kölgədə,

Verset: 31

وَمَآءٖ مَّسۡكُوبٖ

daim axan su (kənarında),

Verset: 32

وَفَٰكِهَةٖ كَثِيرَةٖ

çoxlu meyvələr –

Verset: 33

لَّا مَقۡطُوعَةٖ وَلَا مَمۡنُوعَةٖ

tükənməyən və qadağan edilməyən (meyvələr içində)

Verset: 34

وَفُرُشٖ مَّرۡفُوعَةٍ

və hündür döşəklər üstündə (olacaqlar).

Verset: 35

إِنَّآ أَنشَأۡنَٰهُنَّ إِنشَآءٗ

Biz onları (huriləri) yeni bir biçimdə yaratdıq.

Verset: 36

فَجَعَلۡنَٰهُنَّ أَبۡكَارًا

Biz onları bakirə qızlar etdik –

Verset: 37

عُرُبًا أَتۡرَابٗا

ərlərini sevən, həmyaşıdlar.

Verset: 38

لِّأَصۡحَٰبِ ٱلۡيَمِينِ

(Bunlar) sağ tərəf sahibləri üçündür.

Verset: 39

ثُلَّةٞ مِّنَ ٱلۡأَوَّلِينَ

Onların bir qismi əvvəlkilərdən,

Verset: 40

وَثُلَّةٞ مِّنَ ٱلۡأٓخِرِينَ

bir qismi də axırıncılardandır.

Verset: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Sol tərəf sahibləri. Nə bədbəxtdir sol tərəf sahibləri!

Verset: 42

فِي سَمُومٖ وَحَمِيمٖ

Onlar qızmar yel və qaynar su içində,

Verset: 43

وَظِلّٖ مِّن يَحۡمُومٖ

qapqara duman kölgəsində olacaqlar.

Verset: 44

لَّا بَارِدٖ وَلَا كَرِيمٍ

(Bu duman) nə sərin, nə də xoşagələndir.

Verset: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Onlar bundan əvvəl (dünyada) cah-calal içində idilər,

Verset: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

böyük günah işləməkdə (Allaha şərik qoşmaqda) israr edirdilər

Verset: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

və deyirdilər: “Məgər biz ölüb torpaq və sür-sümük olduqdan sonra yenidən dirildiləcəyik?

Verset: 48

أَوَءَابَآؤُنَا ٱلۡأَوَّلُونَ

Yaxud əvvəlki atalarımızda (dirildiləcəklərmi)?!”

Verset: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

(Ey Peyğəmbər!) De: “Şübhəsiz ki, əvvəlkilər də, sonrakılar da,

Verset: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

bəlli bir günün (Qiyamət gününün) müəyyən vaxtında mütləq cəm ediləcəklər.

Verset: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Sonra, siz ey (doğru yoldan) azanlar, (haqqı) yalan sayanlar!

Verset: 52

لَأٓكِلُونَ مِن شَجَرٖ مِّن زَقُّومٖ

Siz mütləq zəqqum ağacından yeyəcəksiniz,

Verset: 53

فَمَالِـُٔونَ مِنۡهَا ٱلۡبُطُونَ

qarınlarınızı onunla dolduracaqsınız,

Verset: 54

فَشَٰرِبُونَ عَلَيۡهِ مِنَ ٱلۡحَمِيمِ

üstündən də qaynar su içəcəksiniz.

Verset: 55

فَشَٰرِبُونَ شُرۡبَ ٱلۡهِيمِ

Siz (onu) susuzluq xəstəliyinə tutulmuş dəvə kimi içəcəksiniz”.

Verset: 56

هَٰذَا نُزُلُهُمۡ يَوۡمَ ٱلدِّينِ

Bu, onların Din günündəki ziyafətidir.

Verset: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Sizi Biz yaratdıq. Kaş ki (dirildiləcəyinizi) təsdiq etsəniz!

Verset: 58

أَفَرَءَيۡتُم مَّا تُمۡنُونَ

Axıtdığınız nütfəni gördünüzmü?!

Verset: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Onu siz yaradırsınız, yoxsa Bizik yaradan?!

Verset: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Sizin aranızda ölümü Biz müəyyən etdik və heç nə Bizim qarşımızı ala bilməz.

Verset: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Sizin yerinizə bənzərlərinizi gətirmək və sizi özünüz bilmədiyiniz başqa bir şəkildə yenidən yaratmağa (Bizə mane olan tapılmaz).

Verset: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Siz ilk yaradılışı bilirsiniz. Kaş ki (dirildiləcəyiniz barədə) düşünsəniz!

Verset: 63

أَفَرَءَيۡتُم مَّا تَحۡرُثُونَ

Əkdiyinizi gördünüzmü?!

Verset: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Onu siz bitirirsiniz, yoxsa Bizik bitirən?!

Verset: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Əgər Biz istəsəydik, onu bir saman çöpünə döndərər, siz də təəccüb edərdiniz,

Verset: 66

إِنَّا لَمُغۡرَمُونَ

(və deyərdiniz:) “Biz ziyana uğradıq.

Verset: 67

بَلۡ نَحۡنُ مَحۡرُومُونَ

Xeyr, biz (ruzidən) məhrum olanlardanıq!”

Verset: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

İçdiyiniz suyu gördünüzmü?!

Verset: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Onu buluddan siz endirirsiniz, yoxsa Bizik endirən!

Verset: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Əgər istəsəydik, onu acı edərdik. Kaş ki şükür etsəniz!

Verset: 71

أَفَرَءَيۡتُمُ ٱلنَّارَ ٱلَّتِي تُورُونَ

Yandırdığınız odu gördünüzmü?!

Verset: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Onun ağacını siz yaradırsınız, yoxsa Bizik yaradan!

Verset: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Biz onu (Cəhənnəmi) xatırlamaq və müsafirlərin faydalanması üçün yaratdıq.

Verset: 74

فَسَبِّحۡ بِٱسۡمِ رَبِّكَ ٱلۡعَظِيمِ

(Ey Peyğəmbər!) Elə isə əzəmətli Rəbbinin adı ilə təsbih et!

Verset: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Ulduzların batdığı yerlərə and olsun!

Verset: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Şübhəsiz ki, bu, böyük bir anddır. Kaş ki biləydiniz.

Verset: 77

إِنَّهُۥ لَقُرۡءَانٞ كَرِيمٞ

Həqiqətən, o, çox dəyərli Qurandır,

Verset: 78

فِي كِتَٰبٖ مَّكۡنُونٖ

qorunub saxlanılan kitabdadır (lövhi-məhfuzdadır).

Verset: 79

لَّا يَمَسُّهُۥٓ إِلَّا ٱلۡمُطَهَّرُونَ

Ona yalnız pak olanlar toxunar.

Verset: 80

تَنزِيلٞ مِّن رَّبِّ ٱلۡعَٰلَمِينَ

O, aləmlərin Rəbbi tərəfindən nazil edilmişdir.

Verset: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

(Ey müşriklər!) Siz bu kəlamı yalanmı sayırsınız?!

Verset: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Sizə verilən ruziyə şükür etməyi, onu yalan saymaqlamı edirsiniz?!

Verset: 83

فَلَوۡلَآ إِذَا بَلَغَتِ ٱلۡحُلۡقُومَ

(Can) boğaza yetişdiyi zaman –

Verset: 84

وَأَنتُمۡ حِينَئِذٖ تَنظُرُونَ

həmin an siz (qarşınızda can verən kimsəyə) baxırsınız.

Verset: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Biz ona (elmimiz və ya mələklərimizlə) sizdən daha yaxınıq, lakin siz isə (bunu) görmürsünüz.

Verset: 86

فَلَوۡلَآ إِن كُنتُمۡ غَيۡرَ مَدِينِينَ

Madam ki, siz (iddianıza görə) haqq-hesab olunmayacaqsınız

Verset: 87

تَرۡجِعُونَهَآ إِن كُنتُمۡ صَٰدِقِينَ

əgər doğru danışanlarsınızsa, onda, o canı geri qaytarın.

Verset: 88

فَأَمَّآ إِن كَانَ مِنَ ٱلۡمُقَرَّبِينَ

Amma əgər o, (ölən kimsə Allaha) yaxın olanlardandırsa,

Verset: 89

فَرَوۡحٞ وَرَيۡحَانٞ وَجَنَّتُ نَعِيمٖ

onda rahatlıq, gözəl ruzi və Nəim Cənnəti vardır.

Verset: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Əgər o, sağ tərəf sahiblərindəndirsə,

Verset: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

(ona:) “Sağ tərəf sahiblərindən sənə salam olsun!”– (deyiləcəkdir).

Verset: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Yox əgər o, (haqqı) yalan sayanlardan və (doğru yoldan) azanlardandırsa,

Verset: 93

فَنُزُلٞ مِّنۡ حَمِيمٖ

(onun) ziyafəti qaynar su olacaq,

Verset: 94

وَتَصۡلِيَةُ جَحِيمٍ

özü də Cəhənnəmdə yanacaqdır.

Verset: 95

إِنَّ هَٰذَا لَهُوَ حَقُّ ٱلۡيَقِينِ

Həqiqətən, bu (qullara əməllərinin əvəzi verilməsi), açıq-aydın bir haqqdır.

Verset: 96

فَسَبِّحۡ بِٱسۡمِ رَبِّكَ ٱلۡعَظِيمِ

(Ey Peyğəmbər!) Elə isə əzəmətli Rəbbinin adı ilə təsbih et!