অৰ্থানুবাদ ছুৰা ছুৰা আবাছা - হাওছা অনুবাদ- আবু বকৰ জুমি - আল-কোৰআনুল কাৰীমৰ বিশ্বকোষ

Suratu Abasa

আয়াত: 1

عَبَسَ وَتَوَلَّىٰٓ

Yã game huska* kuma ya jũya bãya.

* Wani makãho, Abdullahi bin Ummi Maktũm ya je wurin Annabi dõmin ya musulunta, sai ya iske a lõkacin nan Annabi na ƙõƙarin shiryar da wasu manyan mutãne na Ƙuraishãwa, sai wannan makãhon ya yanke maganar Annabi da su, bã da saninsa ba, alhãli Annabi na bũrin su musulunta dõmin darajarsu ga idon mutãnensu. Saboda haka Annabi, (tsira da amincin Allah su tabbata a gare shi), ya ɓata Fuska, ya tafi dõmin ɓacin ransa, saboda rashin musuluntarsu. Bãyan haka Annabi nã girmama Abdullahi ƙwarai, idan ya je wurinsa sai ya ce masa "Maraba da wanda Ubangijina Ya zarge ni sabõda shi." Kuma ya shimfiɗa masa mayafinsa, idan ya fita tafiya, yakan sanya shi riƙon garin Madina, ƙissar tana nũna girmamawar Allah ga Annabi da Ya ce: "Ya game Fuska." Bai ce masa: "Domin ka game Fuska" ba, sai ya faɗa a cikin hali mai sauƙi.".

আয়াত: 2

أَن جَآءَهُ ٱلۡأَعۡمَىٰ

Sabõda makãho yã je masa.

আয়াত: 3

وَمَا يُدۡرِيكَ لَعَلَّهُۥ يَزَّكَّىٰٓ

To, me ya sanar da kai cẽwa watakila shi ne zai tsarkaka.

আয়াত: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Ko ya tuna, dõmin tunãwar ta amfane shi?

আয়াত: 5

أَمَّا مَنِ ٱسۡتَغۡنَىٰ

Amma wanda ya wadãtu da dũkiya.

আয়াত: 6

فَأَنتَ لَهُۥ تَصَدَّىٰ

Sa'an nan kai kuma ka ɗora bijira zuwa gare shi!

আয়াত: 7

وَمَا عَلَيۡكَ أَلَّا يَزَّكَّىٰ

To, me zai cũce ka idan bai tsarkaka ba?

আয়াত: 8

وَأَمَّا مَن جَآءَكَ يَسۡعَىٰ

Kuma, amma wanda ya zomaka yana gaugãwa.

আয়াত: 9

وَهُوَ يَخۡشَىٰ

Alhãli shĩ yanã jin tsõrõn Allah.

আয়াত: 10

فَأَنتَ عَنۡهُ تَلَهَّىٰ

Kai kuma kã shagala ga barinsa!

আয়াত: 11

كَلَّآ إِنَّهَا تَذۡكِرَةٞ

A'aha! Lalle ne, wannan tunãtarwa ce.

আয়াত: 12

فَمَن شَآءَ ذَكَرَهُۥ

Sabõda wanda ya so ya tuna Shi (Allah).

আয়াত: 13

فِي صُحُفٖ مُّكَرَّمَةٖ

(Tunãtarwa ce) ta cikin littafai abãban girmamãwa,

আয়াত: 14

مَّرۡفُوعَةٖ مُّطَهَّرَةِۭ

Abãban ɗaukakãwa, abãban tsarkakẽwa.

আয়াত: 15

بِأَيۡدِي سَفَرَةٖ

A cikin hannãyen mala'iku marubũta.

আয়াত: 16

كِرَامِۭ بَرَرَةٖ

Mãsu daraja, mãsu ɗã'a ga Allah.

আয়াত: 17

قُتِلَ ٱلۡإِنسَٰنُ مَآ أَكۡفَرَهُۥ

An la'ani mutum (kafiri). Mẽ yã yi kãfircinsa!

আয়াত: 18

مِنۡ أَيِّ شَيۡءٍ خَلَقَهُۥ

Daga wane abu, (Allah) Ya halitta shi?

আয়াত: 19

مِن نُّطۡفَةٍ خَلَقَهُۥ فَقَدَّرَهُۥ

Daga ɗigon maniyyi, Ya halitta shi sa'an nan Ya ƙaddarã shi (ga halaye).

আয়াত: 20

ثُمَّ ٱلسَّبِيلَ يَسَّرَهُۥ

Sa'an nan, hanyarsa ta fita Ya sauƙaƙe masa.

আয়াত: 21

ثُمَّ أَمَاتَهُۥ فَأَقۡبَرَهُۥ

Sa'an nan, Ya matar da shi sai Ya sanya shi a cikin kabari.

আয়াত: 22

ثُمَّ إِذَا شَآءَ أَنشَرَهُۥ

Sa'an nan, idan Ya so lalle ne zai tãyar da shi.

আয়াত: 23

كَلَّا لَمَّا يَقۡضِ مَآ أَمَرَهُۥ

Haƙĩƙa bai i da aikata abin da Allah Ya umurce shi ba (lõkacin sanya shi a cikin kabari).

আয়াত: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

To, mutum ya dũba zuwa ga abincinsa.

আয়াত: 25

أَنَّا صَبَبۡنَا ٱلۡمَآءَ صَبّٗا

Lalle ne Mũ, Mun zuo ruwa, zubõwa.

আয়াত: 26

ثُمَّ شَقَقۡنَا ٱلۡأَرۡضَ شَقّٗا

Sa'an nan, Muka tsattsãge ƙasa tsattsagewa.

আয়াত: 27

فَأَنۢبَتۡنَا فِيهَا حَبّٗا

Sa'an nan, Muka tsirar da ƙwaya, a cikinta.

আয়াত: 28

وَعِنَبٗا وَقَضۡبٗا

Da inabi da ciyãwa.

আয়াত: 29

وَزَيۡتُونٗا وَنَخۡلٗا

Da zaitũni da itãcen dabĩno.

আয়াত: 30

وَحَدَآئِقَ غُلۡبٗا

Da lambuna, mãsu yawan itãce.

আয়াত: 31

وَفَٰكِهَةٗ وَأَبّٗا

Da 'yã'yan itãcen marmari, da makiyãyã ta dabbõbi.

আয়াত: 32

مَّتَٰعٗا لَّكُمۡ وَلِأَنۡعَٰمِكُمۡ

Domin jin dãɗi a gare ku, ku da dabbobinku.

আয়াত: 33

فَإِذَا جَآءَتِ ٱلصَّآخَّةُ

To, idan mai tsãwa (busa ta biyu) ta zo.

আয়াত: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Rãnar da mutum yake gudu daga ɗan'uwansa.

আয়াত: 35

وَأُمِّهِۦ وَأَبِيهِ

Da uwarsa da ubansa.

আয়াত: 36

وَصَٰحِبَتِهِۦ وَبَنِيهِ

Da mãtarsa da ɗiyansa.

আয়াত: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Ga kõwane mutum daga cikinsu, a rãnar nan akwai wani sha'ani da ya ishe shi.

আয়াত: 38

وُجُوهٞ يَوۡمَئِذٖ مُّسۡفِرَةٞ

Wasu huskõki, a rãnar nan, mãsu haske ne.

আয়াত: 39

ضَاحِكَةٞ مُّسۡتَبۡشِرَةٞ

Mãsu dãriya ne, mãsu bushãra.

আয়াত: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Wasu huskõki, a rãnar nan, akwai ƙũra a kansu.

আয়াত: 41

تَرۡهَقُهَا قَتَرَةٌ

Baƙi zai rufe su.

আয়াত: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Waɗannan sũ ne kãfirai fãjirai (ga ayyukansu).