மொழிபெயர்ப்பு அத்தியாயம் ஸூரா அபஸ - ஹவுஸா மொழிபெயர்ப்பு - அபூபக்கர் ஜுமி - அல்குர்ஆன் கலைக்களஞ்சியம்

Suratu Abasa

வசனம்: 1

عَبَسَ وَتَوَلَّىٰٓ

Yã game huska* kuma ya jũya bãya.

* Wani makãho, Abdullahi bin Ummi Maktũm ya je wurin Annabi dõmin ya musulunta, sai ya iske a lõkacin nan Annabi na ƙõƙarin shiryar da wasu manyan mutãne na Ƙuraishãwa, sai wannan makãhon ya yanke maganar Annabi da su, bã da saninsa ba, alhãli Annabi na bũrin su musulunta dõmin darajarsu ga idon mutãnensu. Saboda haka Annabi, (tsira da amincin Allah su tabbata a gare shi), ya ɓata Fuska, ya tafi dõmin ɓacin ransa, saboda rashin musuluntarsu. Bãyan haka Annabi nã girmama Abdullahi ƙwarai, idan ya je wurinsa sai ya ce masa "Maraba da wanda Ubangijina Ya zarge ni sabõda shi." Kuma ya shimfiɗa masa mayafinsa, idan ya fita tafiya, yakan sanya shi riƙon garin Madina, ƙissar tana nũna girmamawar Allah ga Annabi da Ya ce: "Ya game Fuska." Bai ce masa: "Domin ka game Fuska" ba, sai ya faɗa a cikin hali mai sauƙi.".

வசனம்: 2

أَن جَآءَهُ ٱلۡأَعۡمَىٰ

Sabõda makãho yã je masa.

வசனம்: 3

وَمَا يُدۡرِيكَ لَعَلَّهُۥ يَزَّكَّىٰٓ

To, me ya sanar da kai cẽwa watakila shi ne zai tsarkaka.

வசனம்: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Ko ya tuna, dõmin tunãwar ta amfane shi?

வசனம்: 5

أَمَّا مَنِ ٱسۡتَغۡنَىٰ

Amma wanda ya wadãtu da dũkiya.

வசனம்: 6

فَأَنتَ لَهُۥ تَصَدَّىٰ

Sa'an nan kai kuma ka ɗora bijira zuwa gare shi!

வசனம்: 7

وَمَا عَلَيۡكَ أَلَّا يَزَّكَّىٰ

To, me zai cũce ka idan bai tsarkaka ba?

வசனம்: 8

وَأَمَّا مَن جَآءَكَ يَسۡعَىٰ

Kuma, amma wanda ya zomaka yana gaugãwa.

வசனம்: 9

وَهُوَ يَخۡشَىٰ

Alhãli shĩ yanã jin tsõrõn Allah.

வசனம்: 10

فَأَنتَ عَنۡهُ تَلَهَّىٰ

Kai kuma kã shagala ga barinsa!

வசனம்: 11

كَلَّآ إِنَّهَا تَذۡكِرَةٞ

A'aha! Lalle ne, wannan tunãtarwa ce.

வசனம்: 12

فَمَن شَآءَ ذَكَرَهُۥ

Sabõda wanda ya so ya tuna Shi (Allah).

வசனம்: 13

فِي صُحُفٖ مُّكَرَّمَةٖ

(Tunãtarwa ce) ta cikin littafai abãban girmamãwa,

வசனம்: 14

مَّرۡفُوعَةٖ مُّطَهَّرَةِۭ

Abãban ɗaukakãwa, abãban tsarkakẽwa.

வசனம்: 15

بِأَيۡدِي سَفَرَةٖ

A cikin hannãyen mala'iku marubũta.

வசனம்: 16

كِرَامِۭ بَرَرَةٖ

Mãsu daraja, mãsu ɗã'a ga Allah.

வசனம்: 17

قُتِلَ ٱلۡإِنسَٰنُ مَآ أَكۡفَرَهُۥ

An la'ani mutum (kafiri). Mẽ yã yi kãfircinsa!

வசனம்: 18

مِنۡ أَيِّ شَيۡءٍ خَلَقَهُۥ

Daga wane abu, (Allah) Ya halitta shi?

வசனம்: 19

مِن نُّطۡفَةٍ خَلَقَهُۥ فَقَدَّرَهُۥ

Daga ɗigon maniyyi, Ya halitta shi sa'an nan Ya ƙaddarã shi (ga halaye).

வசனம்: 20

ثُمَّ ٱلسَّبِيلَ يَسَّرَهُۥ

Sa'an nan, hanyarsa ta fita Ya sauƙaƙe masa.

வசனம்: 21

ثُمَّ أَمَاتَهُۥ فَأَقۡبَرَهُۥ

Sa'an nan, Ya matar da shi sai Ya sanya shi a cikin kabari.

வசனம்: 22

ثُمَّ إِذَا شَآءَ أَنشَرَهُۥ

Sa'an nan, idan Ya so lalle ne zai tãyar da shi.

வசனம்: 23

كَلَّا لَمَّا يَقۡضِ مَآ أَمَرَهُۥ

Haƙĩƙa bai i da aikata abin da Allah Ya umurce shi ba (lõkacin sanya shi a cikin kabari).

வசனம்: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

To, mutum ya dũba zuwa ga abincinsa.

வசனம்: 25

أَنَّا صَبَبۡنَا ٱلۡمَآءَ صَبّٗا

Lalle ne Mũ, Mun zuo ruwa, zubõwa.

வசனம்: 26

ثُمَّ شَقَقۡنَا ٱلۡأَرۡضَ شَقّٗا

Sa'an nan, Muka tsattsãge ƙasa tsattsagewa.

வசனம்: 27

فَأَنۢبَتۡنَا فِيهَا حَبّٗا

Sa'an nan, Muka tsirar da ƙwaya, a cikinta.

வசனம்: 28

وَعِنَبٗا وَقَضۡبٗا

Da inabi da ciyãwa.

வசனம்: 29

وَزَيۡتُونٗا وَنَخۡلٗا

Da zaitũni da itãcen dabĩno.

வசனம்: 30

وَحَدَآئِقَ غُلۡبٗا

Da lambuna, mãsu yawan itãce.

வசனம்: 31

وَفَٰكِهَةٗ وَأَبّٗا

Da 'yã'yan itãcen marmari, da makiyãyã ta dabbõbi.

வசனம்: 32

مَّتَٰعٗا لَّكُمۡ وَلِأَنۡعَٰمِكُمۡ

Domin jin dãɗi a gare ku, ku da dabbobinku.

வசனம்: 33

فَإِذَا جَآءَتِ ٱلصَّآخَّةُ

To, idan mai tsãwa (busa ta biyu) ta zo.

வசனம்: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Rãnar da mutum yake gudu daga ɗan'uwansa.

வசனம்: 35

وَأُمِّهِۦ وَأَبِيهِ

Da uwarsa da ubansa.

வசனம்: 36

وَصَٰحِبَتِهِۦ وَبَنِيهِ

Da mãtarsa da ɗiyansa.

வசனம்: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Ga kõwane mutum daga cikinsu, a rãnar nan akwai wani sha'ani da ya ishe shi.

வசனம்: 38

وُجُوهٞ يَوۡمَئِذٖ مُّسۡفِرَةٞ

Wasu huskõki, a rãnar nan, mãsu haske ne.

வசனம்: 39

ضَاحِكَةٞ مُّسۡتَبۡشِرَةٞ

Mãsu dãriya ne, mãsu bushãra.

வசனம்: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Wasu huskõki, a rãnar nan, akwai ƙũra a kansu.

வசனம்: 41

تَرۡهَقُهَا قَتَرَةٌ

Baƙi zai rufe su.

வசனம்: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Waɗannan sũ ne kãfirai fãjirai (ga ayyukansu).