Mənaların tərcüməsi Surə ən-Nəbə - الترجمة الكيروندية - Qurani Kərim ensiklopediyası

SURATU NNABA-I

Ayə: 1

عَمَّ يَتَسَآءَلُونَ

Ababangikanyamana, babazanya ku nkuru nyabaki?

Ayə: 2

عَنِ ٱلنَّبَإِ ٱلۡعَظِيمِ

Babazanya ku nkuru ihambaye y’umusi w’izuka ry’ibiremwa, ivugwa muri Qor’ani ntagatifu;

Ayə: 3

ٱلَّذِي هُمۡ فِيهِ مُخۡتَلِفُونَ

Ari yo badahurizako bigatuma bayihakana bivuye inyuma.

Ayə: 4

كَلَّا سَيَعۡلَمُونَ

Nibateshwe bate, barahumba! Bitebe bitebuke, bazomenya ukuri kw’iyo nkuru igihe babonye inkurikizi z’igarariza ryabo ku musi w’izuka.

Ayə: 5

ثُمَّ كَلَّا سَيَعۡلَمُونَ

Eka, nibateshwe bate, barahumba! Kandi nibageze aho uguhakana! Bitebe bitebuke, bazomenya ukuri kwa Qor’ani n’ukw’izuka rivugwa muri yo.

Ayə: 6

أَلَمۡ نَجۡعَلِ ٱلۡأَرۡضَ مِهَٰدٗا

Mbega Twebwe Allah, ntitwagize isi nk’isaso!

Ayə: 7

وَٱلۡجِبَالَ أَوۡتَادٗا

Tugira n’imisozi nk’imambo ziyigumya!

Ayə: 8

وَخَلَقۡنَٰكُمۡ أَزۡوَٰجٗا

Tubaremamwo imigwi ibiri; igitsina-gabo n’igitsina-gore!

Ayə: 9

وَجَعَلۡنَا نَوۡمَكُمۡ سُبَاتٗا

Tugira n’itiro ryanyu kuba uburuhuro bw’umubiri n’umutima!

Ayə: 10

وَجَعَلۡنَا ٱلَّيۡلَ لِبَاسٗا

Tugira n’ijoro kuba nk’impuzu ipfuka umubiri, iyo umwijima waryo ubanyegeje!

Ayə: 11

وَجَعَلۡنَا ٱلنَّهَارَ مَعَاشٗا

Tugira n’umurango kuba umwanya wo kurondera ikibabeshaho!

Ayə: 12

وَبَنَيۡنَا فَوۡقَكُمۡ سَبۡعٗا شِدَادٗا

Twubaka n’amajuru indwi akomakomeye mu kirere hejuru yanyu!

Ayə: 13

وَجَعَلۡنَا سِرَاجٗا وَهَّاجٗا

Tugira n’izuba riba nk’itara ribasusurutsa!

Ayə: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Tumanura n’amazi menshi y’imvura ava mu bicu;

Ayə: 15

لِّنُخۡرِجَ بِهِۦ حَبّٗا وَنَبَاتٗا

Kugira Tuyanagishe imbuto zifungurwa n’abantu, n’ivyatsi birishwa n’ibikoko;

Ayə: 16

وَجَنَّٰتٍ أَلۡفَافًا

N’amashamba atotahaye, arimwo ibiti vy’amashami azitanye.

Ayə: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Mu vy’ukuri, umusi w’izuka wo gutunganiriza ibiremwa urafise isango ntarengwa;

Ayə: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ni umusi hazovuzwa inzamba igira kabiri, mugaca muzuka mu migwimigwi^[1];

[1] Umugwi wose w’abantu, uzoza uri kumwe n’indongozi yawo mu Ntumwa.

Ayə: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Amajuru na yo akugururwa, akagira imiryango myinshi;

Ayə: 20

وَسُيِّرَتِ ٱلۡجِبَالُ فَكَانَتۡ سَرَابًا

Imisozi na yo igakurwaho, ikaba icirungu^[2].

[2] Icirungu, ni kurya kuntu ubona ibuheramaso nk’uko hoba hari amazi, ariko wamara kuhagera ntuhasange nya mazi.

Ayə: 21

إِنَّ جَهَنَّمَ كَانَتۡ مِرۡصَادٗا

Mu vy’ukuri umuriro wa Jahannamu kuri uwo musi, ni uburerekero bw’abahakanyi;

Ayə: 22

لِّلطَّٰغِينَ مَـَٔابٗا

Ku barenga ku mabwirizwa y’Imana Allah, ni bwo buruhukiro bwabo;

Ayə: 23

لَّٰبِثِينَ فِيهَآ أَحۡقَابٗا

Bazowubamwo ibihe n’ibihe bidahera.

Ayə: 24

لَّا يَذُوقُونَ فِيهَا بَرۡدٗا وَلَا شَرَابًا

Nta mbeho bazokwumvamwo ngo basame akayaga, eka nta n’ikinyobwa bazohabwa ngo bice inyota;

Ayə: 25

إِلَّا حَمِيمٗا وَغَسَّاقٗا

Atari amazi yasebuye akaryimara, urwuya hamwe n’amashira bitemba biva mu mibiri y’abantu bo mu muriro udahera.

Ayə: 26

جَزَآءٗ وِفَاقًا

Iyo, ni yo mpembo ikwiranye n’ivyo bakoze.

Ayə: 27

إِنَّهُمۡ كَانُواْ لَا يَرۡجُونَ حِسَابٗا

Mu vy’ukuri, ntibigeze batinya umusi w’iharurirwa ngo bawitegurire;

Ayə: 28

وَكَذَّبُواْ بِـَٔايَٰتِنَا كِذَّابٗا

Baraheza barahakana bivuye inyuma Aayah zacu Twebwe Allah, Twarungikanye Intumwa.

Ayə: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Ibintu vyose rero, Twarabibungabunze mu kuvyandika mu Gitabu nyezina canditswemwo ivyagezwe n’ishirwa mu ngiro ryavyo “Lawhu Mahfuudhw”.

Ayə: 30

فَذُوقُواْ فَلَن نَّزِيدَكُمۡ إِلَّا عَذَابًا

Kubera ivyo rero bagarariji, nimwumvirize indishi y’ivyo mwakoze. Nta n’ico Tuzobongererako atari ibihano ku bindi.

Ayə: 31

إِنَّ لِلۡمُتَّقِينَ مَفَازًا

Mu vy’ukuri, abatinya ibihano vy'Imana Allah mu kwubahiriza amabwirizwa yayo, bazoronka intsinzi y’Ubwami bw’ijuru;

Ayə: 32

حَدَآئِقَ وَأَعۡنَٰبٗا

Bazoronkamwo imirima itotahaye hamwe n’imizabibu;

Ayə: 33

وَكَوَاعِبَ أَتۡرَابٗا

N’inkumi zigishinze amabere, ziri mu runganwe rumwe;

Ayə: 34

وَكَأۡسٗا دِهَاقٗا

N’ibirahuri vyuzuye inzoga zitaboreza.

Ayə: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Muri ubwo Bwami bw’ijuru, ntibazokwigera bumvamwo amajambo y’imburakimazi, eka ntibazonabeshuzanya.

Ayə: 36

جَزَآءٗ مِّن رَّبِّكَ عَطَآءً حِسَابٗا

Ivyo vyose rero, ni impembo ivuye ku Mana yawe Rurema Allah, impembo ikwiye ibereye;

Ayə: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ni impembo ivuye ku Mana Allah, Mubungabunzi w’amajuru n’isi hamwe n’ibiri hagati yavyo, Nyenimpuhwe ku biremwa. Ntibazoshobora kugira ico bayibajije, kiretse ku vyo Itanzeko uburenganzira;

Ayə: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Ku musi Mutimamweranda Jibrili (nyakugira amahoro y’Imana Allah) hamwe n’abandi bamalayika bazotonda ku murongo, nta n’umwe bazovugira, kiretse uwuzohabwa na Nyenimpuhwe Allah uburenganzira bwo kuvugirwa, agaheza akavuga ibitomoye.

Ayə: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Uwo ni wo musi w’ukuri, ata makenga ko uzoshika. Uwushaka gukira intureka zawo rero, nakurikire inzira y’ibikorwa vyiza, imushikana ku Mana yiwe Rurema Allah.

Ayə: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Mu vy’ukuri Twebwe Allah, Twarabagabishije ku bihano biri hafi gushika. Umusi umuntu azobona ivyakozwe n’amaboko yiwe, vyaba ivyiza canke ibibi, maze umugarariji agashoka avuga ati: “Yoo! Amagorwa arama yemwe! Iyo nari gupfuma nibera ivu, simpeze ngo nzuke”.