Reikšmių vertimas Sūra Sūra An-Naba’ - الترجمة الكيروندية - Kilniojo Korano enciklopedija

SURATU NNABA-I

Aja (Korano eilutė): 1

عَمَّ يَتَسَآءَلُونَ

Ababangikanyamana, babazanya ku nkuru nyabaki?

Aja (Korano eilutė): 2

عَنِ ٱلنَّبَإِ ٱلۡعَظِيمِ

Babazanya ku nkuru ihambaye y’umusi w’izuka ry’ibiremwa, ivugwa muri Qor’ani ntagatifu;

Aja (Korano eilutė): 3

ٱلَّذِي هُمۡ فِيهِ مُخۡتَلِفُونَ

Ari yo badahurizako bigatuma bayihakana bivuye inyuma.

Aja (Korano eilutė): 4

كَلَّا سَيَعۡلَمُونَ

Nibateshwe bate, barahumba! Bitebe bitebuke, bazomenya ukuri kw’iyo nkuru igihe babonye inkurikizi z’igarariza ryabo ku musi w’izuka.

Aja (Korano eilutė): 5

ثُمَّ كَلَّا سَيَعۡلَمُونَ

Eka, nibateshwe bate, barahumba! Kandi nibageze aho uguhakana! Bitebe bitebuke, bazomenya ukuri kwa Qor’ani n’ukw’izuka rivugwa muri yo.

Aja (Korano eilutė): 6

أَلَمۡ نَجۡعَلِ ٱلۡأَرۡضَ مِهَٰدٗا

Mbega Twebwe Allah, ntitwagize isi nk’isaso!

Aja (Korano eilutė): 7

وَٱلۡجِبَالَ أَوۡتَادٗا

Tugira n’imisozi nk’imambo ziyigumya!

Aja (Korano eilutė): 8

وَخَلَقۡنَٰكُمۡ أَزۡوَٰجٗا

Tubaremamwo imigwi ibiri; igitsina-gabo n’igitsina-gore!

Aja (Korano eilutė): 9

وَجَعَلۡنَا نَوۡمَكُمۡ سُبَاتٗا

Tugira n’itiro ryanyu kuba uburuhuro bw’umubiri n’umutima!

Aja (Korano eilutė): 10

وَجَعَلۡنَا ٱلَّيۡلَ لِبَاسٗا

Tugira n’ijoro kuba nk’impuzu ipfuka umubiri, iyo umwijima waryo ubanyegeje!

Aja (Korano eilutė): 11

وَجَعَلۡنَا ٱلنَّهَارَ مَعَاشٗا

Tugira n’umurango kuba umwanya wo kurondera ikibabeshaho!

Aja (Korano eilutė): 12

وَبَنَيۡنَا فَوۡقَكُمۡ سَبۡعٗا شِدَادٗا

Twubaka n’amajuru indwi akomakomeye mu kirere hejuru yanyu!

Aja (Korano eilutė): 13

وَجَعَلۡنَا سِرَاجٗا وَهَّاجٗا

Tugira n’izuba riba nk’itara ribasusurutsa!

Aja (Korano eilutė): 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Tumanura n’amazi menshi y’imvura ava mu bicu;

Aja (Korano eilutė): 15

لِّنُخۡرِجَ بِهِۦ حَبّٗا وَنَبَاتٗا

Kugira Tuyanagishe imbuto zifungurwa n’abantu, n’ivyatsi birishwa n’ibikoko;

Aja (Korano eilutė): 16

وَجَنَّٰتٍ أَلۡفَافًا

N’amashamba atotahaye, arimwo ibiti vy’amashami azitanye.

Aja (Korano eilutė): 17

إِنَّ يَوۡمَ ٱلۡفَصۡلِ كَانَ مِيقَٰتٗا

Mu vy’ukuri, umusi w’izuka wo gutunganiriza ibiremwa urafise isango ntarengwa;

Aja (Korano eilutė): 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ni umusi hazovuzwa inzamba igira kabiri, mugaca muzuka mu migwimigwi^[1];

[1] Umugwi wose w’abantu, uzoza uri kumwe n’indongozi yawo mu Ntumwa.

Aja (Korano eilutė): 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Amajuru na yo akugururwa, akagira imiryango myinshi;

Aja (Korano eilutė): 20

وَسُيِّرَتِ ٱلۡجِبَالُ فَكَانَتۡ سَرَابًا

Imisozi na yo igakurwaho, ikaba icirungu^[2].

[2] Icirungu, ni kurya kuntu ubona ibuheramaso nk’uko hoba hari amazi, ariko wamara kuhagera ntuhasange nya mazi.

Aja (Korano eilutė): 21

إِنَّ جَهَنَّمَ كَانَتۡ مِرۡصَادٗا

Mu vy’ukuri umuriro wa Jahannamu kuri uwo musi, ni uburerekero bw’abahakanyi;

Aja (Korano eilutė): 22

لِّلطَّٰغِينَ مَـَٔابٗا

Ku barenga ku mabwirizwa y’Imana Allah, ni bwo buruhukiro bwabo;

Aja (Korano eilutė): 23

لَّٰبِثِينَ فِيهَآ أَحۡقَابٗا

Bazowubamwo ibihe n’ibihe bidahera.

Aja (Korano eilutė): 24

لَّا يَذُوقُونَ فِيهَا بَرۡدٗا وَلَا شَرَابًا

Nta mbeho bazokwumvamwo ngo basame akayaga, eka nta n’ikinyobwa bazohabwa ngo bice inyota;

Aja (Korano eilutė): 25

إِلَّا حَمِيمٗا وَغَسَّاقٗا

Atari amazi yasebuye akaryimara, urwuya hamwe n’amashira bitemba biva mu mibiri y’abantu bo mu muriro udahera.

Aja (Korano eilutė): 26

جَزَآءٗ وِفَاقًا

Iyo, ni yo mpembo ikwiranye n’ivyo bakoze.

Aja (Korano eilutė): 27

إِنَّهُمۡ كَانُواْ لَا يَرۡجُونَ حِسَابٗا

Mu vy’ukuri, ntibigeze batinya umusi w’iharurirwa ngo bawitegurire;

Aja (Korano eilutė): 28

وَكَذَّبُواْ بِـَٔايَٰتِنَا كِذَّابٗا

Baraheza barahakana bivuye inyuma Aayah zacu Twebwe Allah, Twarungikanye Intumwa.

Aja (Korano eilutė): 29

وَكُلَّ شَيۡءٍ أَحۡصَيۡنَٰهُ كِتَٰبٗا

Ibintu vyose rero, Twarabibungabunze mu kuvyandika mu Gitabu nyezina canditswemwo ivyagezwe n’ishirwa mu ngiro ryavyo “Lawhu Mahfuudhw”.

Aja (Korano eilutė): 30

فَذُوقُواْ فَلَن نَّزِيدَكُمۡ إِلَّا عَذَابًا

Kubera ivyo rero bagarariji, nimwumvirize indishi y’ivyo mwakoze. Nta n’ico Tuzobongererako atari ibihano ku bindi.

Aja (Korano eilutė): 31

إِنَّ لِلۡمُتَّقِينَ مَفَازًا

Mu vy’ukuri, abatinya ibihano vy'Imana Allah mu kwubahiriza amabwirizwa yayo, bazoronka intsinzi y’Ubwami bw’ijuru;

Aja (Korano eilutė): 32

حَدَآئِقَ وَأَعۡنَٰبٗا

Bazoronkamwo imirima itotahaye hamwe n’imizabibu;

Aja (Korano eilutė): 33

وَكَوَاعِبَ أَتۡرَابٗا

N’inkumi zigishinze amabere, ziri mu runganwe rumwe;

Aja (Korano eilutė): 34

وَكَأۡسٗا دِهَاقٗا

N’ibirahuri vyuzuye inzoga zitaboreza.

Aja (Korano eilutė): 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Muri ubwo Bwami bw’ijuru, ntibazokwigera bumvamwo amajambo y’imburakimazi, eka ntibazonabeshuzanya.

Aja (Korano eilutė): 36

جَزَآءٗ مِّن رَّبِّكَ عَطَآءً حِسَابٗا

Ivyo vyose rero, ni impembo ivuye ku Mana yawe Rurema Allah, impembo ikwiye ibereye;

Aja (Korano eilutė): 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ni impembo ivuye ku Mana Allah, Mubungabunzi w’amajuru n’isi hamwe n’ibiri hagati yavyo, Nyenimpuhwe ku biremwa. Ntibazoshobora kugira ico bayibajije, kiretse ku vyo Itanzeko uburenganzira;

Aja (Korano eilutė): 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Ku musi Mutimamweranda Jibrili (nyakugira amahoro y’Imana Allah) hamwe n’abandi bamalayika bazotonda ku murongo, nta n’umwe bazovugira, kiretse uwuzohabwa na Nyenimpuhwe Allah uburenganzira bwo kuvugirwa, agaheza akavuga ibitomoye.

Aja (Korano eilutė): 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Uwo ni wo musi w’ukuri, ata makenga ko uzoshika. Uwushaka gukira intureka zawo rero, nakurikire inzira y’ibikorwa vyiza, imushikana ku Mana yiwe Rurema Allah.

Aja (Korano eilutė): 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Mu vy’ukuri Twebwe Allah, Twarabagabishije ku bihano biri hafi gushika. Umusi umuntu azobona ivyakozwe n’amaboko yiwe, vyaba ivyiza canke ibibi, maze umugarariji agashoka avuga ati: “Yoo! Amagorwa arama yemwe! Iyo nari gupfuma nibera ivu, simpeze ngo nzuke”.