अर्थों का अनुवाद सूरा सूरा अन्-नबा - الترجمة الكيروندية - पवित्र क़ुरआ विश्वकोश

SURATU NNABA-I

आयत: 1

عَمَّ يَتَسَآءَلُونَ

Ababangikanyamana, babazanya ku nkuru nyabaki?

आयत: 2

عَنِ ٱلنَّبَإِ ٱلۡعَظِيمِ

Babazanya ku nkuru ihambaye y’umusi w’izuka ry’ibiremwa, ivugwa muri Qor’ani ntagatifu;

आयत: 3

ٱلَّذِي هُمۡ فِيهِ مُخۡتَلِفُونَ

Ari yo badahurizako bigatuma bayihakana bivuye inyuma.

आयत: 4

كَلَّا سَيَعۡلَمُونَ

Nibateshwe bate, barahumba! Bitebe bitebuke, bazomenya ukuri kw’iyo nkuru igihe babonye inkurikizi z’igarariza ryabo ku musi w’izuka.

आयत: 5

ثُمَّ كَلَّا سَيَعۡلَمُونَ

Eka, nibateshwe bate, barahumba! Kandi nibageze aho uguhakana! Bitebe bitebuke, bazomenya ukuri kwa Qor’ani n’ukw’izuka rivugwa muri yo.

आयत: 6

أَلَمۡ نَجۡعَلِ ٱلۡأَرۡضَ مِهَٰدٗا

Mbega Twebwe Allah, ntitwagize isi nk’isaso!

आयत: 7

وَٱلۡجِبَالَ أَوۡتَادٗا

Tugira n’imisozi nk’imambo ziyigumya!

आयत: 8

وَخَلَقۡنَٰكُمۡ أَزۡوَٰجٗا

Tubaremamwo imigwi ibiri; igitsina-gabo n’igitsina-gore!

आयत: 9

وَجَعَلۡنَا نَوۡمَكُمۡ سُبَاتٗا

Tugira n’itiro ryanyu kuba uburuhuro bw’umubiri n’umutima!

आयत: 10

وَجَعَلۡنَا ٱلَّيۡلَ لِبَاسٗا

Tugira n’ijoro kuba nk’impuzu ipfuka umubiri, iyo umwijima waryo ubanyegeje!

आयत: 11

وَجَعَلۡنَا ٱلنَّهَارَ مَعَاشٗا

Tugira n’umurango kuba umwanya wo kurondera ikibabeshaho!

आयत: 12

وَبَنَيۡنَا فَوۡقَكُمۡ سَبۡعٗا شِدَادٗا

Twubaka n’amajuru indwi akomakomeye mu kirere hejuru yanyu!

आयत: 13

وَجَعَلۡنَا سِرَاجٗا وَهَّاجٗا

Tugira n’izuba riba nk’itara ribasusurutsa!

आयत: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Tumanura n’amazi menshi y’imvura ava mu bicu;

आयत: 15

لِّنُخۡرِجَ بِهِۦ حَبّٗا وَنَبَاتٗا

Kugira Tuyanagishe imbuto zifungurwa n’abantu, n’ivyatsi birishwa n’ibikoko;

आयत: 16

وَجَنَّٰتٍ أَلۡفَافًا

N’amashamba atotahaye, arimwo ibiti vy’amashami azitanye.

आयत: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Mu vy’ukuri, umusi w’izuka wo gutunganiriza ibiremwa urafise isango ntarengwa;

आयत: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ni umusi hazovuzwa inzamba igira kabiri, mugaca muzuka mu migwimigwi^[1];

[1] Umugwi wose w’abantu, uzoza uri kumwe n’indongozi yawo mu Ntumwa.

आयत: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Amajuru na yo akugururwa, akagira imiryango myinshi;

आयत: 20

وَسُيِّرَتِ ٱلۡجِبَالُ فَكَانَتۡ سَرَابًا

Imisozi na yo igakurwaho, ikaba icirungu^[2].

[2] Icirungu, ni kurya kuntu ubona ibuheramaso nk’uko hoba hari amazi, ariko wamara kuhagera ntuhasange nya mazi.

आयत: 21

إِنَّ جَهَنَّمَ كَانَتۡ مِرۡصَادٗا

Mu vy’ukuri umuriro wa Jahannamu kuri uwo musi, ni uburerekero bw’abahakanyi;

आयत: 22

لِّلطَّٰغِينَ مَـَٔابٗا

Ku barenga ku mabwirizwa y’Imana Allah, ni bwo buruhukiro bwabo;

आयत: 23

لَّٰبِثِينَ فِيهَآ أَحۡقَابٗا

Bazowubamwo ibihe n’ibihe bidahera.

आयत: 24

لَّا يَذُوقُونَ فِيهَا بَرۡدٗا وَلَا شَرَابًا

Nta mbeho bazokwumvamwo ngo basame akayaga, eka nta n’ikinyobwa bazohabwa ngo bice inyota;

आयत: 25

إِلَّا حَمِيمٗا وَغَسَّاقٗا

Atari amazi yasebuye akaryimara, urwuya hamwe n’amashira bitemba biva mu mibiri y’abantu bo mu muriro udahera.

आयत: 26

جَزَآءٗ وِفَاقًا

Iyo, ni yo mpembo ikwiranye n’ivyo bakoze.

आयत: 27

إِنَّهُمۡ كَانُواْ لَا يَرۡجُونَ حِسَابٗا

Mu vy’ukuri, ntibigeze batinya umusi w’iharurirwa ngo bawitegurire;

आयत: 28

وَكَذَّبُواْ بِـَٔايَٰتِنَا كِذَّابٗا

Baraheza barahakana bivuye inyuma Aayah zacu Twebwe Allah, Twarungikanye Intumwa.

आयत: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Ibintu vyose rero, Twarabibungabunze mu kuvyandika mu Gitabu nyezina canditswemwo ivyagezwe n’ishirwa mu ngiro ryavyo “Lawhu Mahfuudhw”.

आयत: 30

فَذُوقُواْ فَلَن نَّزِيدَكُمۡ إِلَّا عَذَابًا

Kubera ivyo rero bagarariji, nimwumvirize indishi y’ivyo mwakoze. Nta n’ico Tuzobongererako atari ibihano ku bindi.

आयत: 31

إِنَّ لِلۡمُتَّقِينَ مَفَازًا

Mu vy’ukuri, abatinya ibihano vy'Imana Allah mu kwubahiriza amabwirizwa yayo, bazoronka intsinzi y’Ubwami bw’ijuru;

आयत: 32

حَدَآئِقَ وَأَعۡنَٰبٗا

Bazoronkamwo imirima itotahaye hamwe n’imizabibu;

आयत: 33

وَكَوَاعِبَ أَتۡرَابٗا

N’inkumi zigishinze amabere, ziri mu runganwe rumwe;

आयत: 34

وَكَأۡسٗا دِهَاقٗا

N’ibirahuri vyuzuye inzoga zitaboreza.

आयत: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Muri ubwo Bwami bw’ijuru, ntibazokwigera bumvamwo amajambo y’imburakimazi, eka ntibazonabeshuzanya.

आयत: 36

جَزَآءٗ مِّن رَّبِّكَ عَطَآءً حِسَابٗا

Ivyo vyose rero, ni impembo ivuye ku Mana yawe Rurema Allah, impembo ikwiye ibereye;

आयत: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

Ni impembo ivuye ku Mana Allah, Mubungabunzi w’amajuru n’isi hamwe n’ibiri hagati yavyo, Nyenimpuhwe ku biremwa. Ntibazoshobora kugira ico bayibajije, kiretse ku vyo Itanzeko uburenganzira;

आयत: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Ku musi Mutimamweranda Jibrili (nyakugira amahoro y’Imana Allah) hamwe n’abandi bamalayika bazotonda ku murongo, nta n’umwe bazovugira, kiretse uwuzohabwa na Nyenimpuhwe Allah uburenganzira bwo kuvugirwa, agaheza akavuga ibitomoye.

आयत: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Uwo ni wo musi w’ukuri, ata makenga ko uzoshika. Uwushaka gukira intureka zawo rero, nakurikire inzira y’ibikorwa vyiza, imushikana ku Mana yiwe Rurema Allah.

आयत: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Mu vy’ukuri Twebwe Allah, Twarabagabishije ku bihano biri hafi gushika. Umusi umuntu azobona ivyakozwe n’amaboko yiwe, vyaba ivyiza canke ibibi, maze umugarariji agashoka avuga ati: “Yoo! Amagorwa arama yemwe! Iyo nari gupfuma nibera ivu, simpeze ngo nzuke”.