Prijevod značenja Sura Sura el-Gašija - Azerbejdžanski prijevod - Enciklopedija Kur'ana

əl-Ğaşiyə

Ajet: 1

هَلۡ أَتَىٰكَ حَدِيثُ ٱلۡغَٰشِيَةِ

(Ey Peyğəmbər!) Qiyamətin xəbəri sənə gəlib çatdımı?

Ajet: 2

وُجُوهٞ يَوۡمَئِذٍ خَٰشِعَةٌ

O gün (neçə-neçə) üzlər (qorxudan) zəlil bir görkəm alacaqdır.

Ajet: 3

عَامِلَةٞ نَّاصِبَةٞ

Çalışıb, yorulacaq,

Ajet: 4

تَصۡلَىٰ نَارًا حَامِيَةٗ

qızmar oda girəcək,

Ajet: 5

تُسۡقَىٰ مِنۡ عَيۡنٍ ءَانِيَةٖ

qaynar çeşmədən (su) içirdiləcək.

Ajet: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Onların daridən (acı və pis qoxulu tikanlı bitkidən) başqa bir yeməyi olmayacaqdır.

Ajet: 7

لَّا يُسۡمِنُ وَلَا يُغۡنِي مِن جُوعٖ

(O yemək onları) nə doydurar, nə də aclıqdan qurtarar.

Ajet: 8

وُجُوهٞ يَوۡمَئِذٖ نَّاعِمَةٞ

O gün (neçə-neçə) üzlər sevinəcək,

Ajet: 9

لِّسَعۡيِهَا رَاضِيَةٞ

(dünyadakı) səylərindən razı qalacaq,

Ajet: 10

فِي جَنَّةٍ عَالِيَةٖ

uca Cənnətdə olacaq,

Ajet: 11

لَّا تَسۡمَعُ فِيهَا لَٰغِيَةٗ

orada faydasız bir söz eşitməyəcək.

Ajet: 12

فِيهَا عَيۡنٞ جَارِيَةٞ

Orada axar çeşmələr vardır;

Ajet: 13

فِيهَا سُرُرٞ مَّرۡفُوعَةٞ

Orada hündür taxtlar,

Ajet: 14

وَأَكۡوَابٞ مَّوۡضُوعَةٞ

qoyulmuş piyalələr,

Ajet: 15

وَنَمَارِقُ مَصۡفُوفَةٞ

yan-yana düzülmüş yastıqlar,

Ajet: 16

وَزَرَابِيُّ مَبۡثُوثَةٌ

və sərilmiş xalçalar var.

Ajet: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Məgər dəvəyə baxmırlar ki, necə yaradılmışdır?

Ajet: 18

وَإِلَى ٱلسَّمَآءِ كَيۡفَ رُفِعَتۡ

Göyə (baxmırlar ki) necə ucaldılmışdır?

Ajet: 19

وَإِلَى ٱلۡجِبَالِ كَيۡفَ نُصِبَتۡ

Dağlara (baxmırlar ki) necə dikəldilmişdir?

Ajet: 20

وَإِلَى ٱلۡأَرۡضِ كَيۡفَ سُطِحَتۡ

Yerə (baxmırlar ki) necə döşədilmişdir?

Ajet: 21

فَذَكِّرۡ إِنَّمَآ أَنتَ مُذَكِّرٞ

(Ey Peyğəmbər!) Sən öyüd-nəsihət ver! Sən yalnız öyüd-nəsihət verənsən.

Ajet: 22

لَّسۡتَ عَلَيۡهِم بِمُصَيۡطِرٍ

Sən onların üzərində hökmdar deyilsən.

Ajet: 23

إِلَّا مَن تَوَلَّىٰ وَكَفَرَ

Lakin kim üz döndərib küfr edərsə,

Ajet: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Allah onu ən böyük əzabla cəzalandırar.

Ajet: 25

إِنَّ إِلَيۡنَآ إِيَابَهُمۡ

Şübhəsiz ki, onların dönüşü Bizədir.

Ajet: 26

ثُمَّ إِنَّ عَلَيۡنَا حِسَابَهُم

Sonra onları hesaba çəkmək də Bizə aiddir.