Prijevod značenja Sura El-Vakia - Prijevod djela

Ajet: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Аларга кызмат кылуу үчүн картайбаган жана жок болуп кетпеген жаш жигиттер тегеренип жүрүшөт.

Ajet: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Алар кармоочсуз чөйчөктөр, кармоочу бар кумуралар жана бейиште токтобой агып турган шараптар куюлган чынылар менен айланып турушат.

Ajet: 19

لَّا يُصَدَّعُونَ عَنۡهَا وَلَا يُنزِفُونَ

Ал дүйнөнүн шарабына окшош эмес, анын ичкен адамдын башы оорубайт жана акылын да жоготуп койбойт.

Ajet: 20

وَفَٰكِهَةٖ مِّمَّا يَتَخَيَّرُونَ

Ал жаш жигиттер алар каалагандай мөмө-жемиштер менен аларды тегеренип жүрүшөт.

Ajet: 21

وَلَحۡمِ طَيۡرٖ مِّمَّا يَشۡتَهُونَ

Жана алар каалагандай куштардын эттери менен айланып жүрүшөт.

Ajet: 22

وَحُورٌ عِينٞ

Бейиште алар үчүн бакыраң көз сулуу аялдар бар.

Ajet: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Алар седепте жашырылган берметтер сыяктуу.

Ajet: 24

جَزَآءَۢ بِمَا كَانُواْ يَعۡمَلُونَ

Бул алардын дүйнөдө кылган жакшылык иштеринин сыйлыгы.

Ajet: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Алар бейиште уят сөздөрдү жана адамды күнөөгө түрткөн нерселерди угушпайт.

Ajet: 26

إِلَّا قِيلٗا سَلَٰمٗا سَلَٰمٗا

Алар периштелердин аларга айткан саламдарын жана алардын өз ара саламдашуусун гана угушат.

Ajet: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Амал китептери оң тарабынан берилгендердин Аллахтын алдындагы абалы жана кадыры кандай улуу.

Ajet: 28

فِي سِدۡرٖ مَّخۡضُودٖ

Алар тикенектери кесилген, зыянсыз Сидрдын арасында.

Ajet: 29

وَطَلۡحٖ مَّنضُودٖ

Үстү-үстүнө тизилген банандардын астында.

Ajet: 30

وَظِلّٖ مَّمۡدُودٖ

Үзүлбөстөн узакка созулган көлөкөлөрдө.

Ajet: 31

وَمَآءٖ مَّسۡكُوبٖ

Токтобой аккан суулардын боюнда.

Ajet: 32

وَفَٰكِهَةٖ كَثِيرَةٖ

Сансыз көп мөмө-жемиштер ичинде.

Ajet: 33

لَّا مَقۡطُوعَةٖ وَلَا مَمۡنُوعَةٖ

Алар эч качан түгөнбөйт, анын мезгили да болбойт жана алар аны кайсы убакта кааласа, аларга эч кандай тоскоолдук жаралбайт.

Ajet: 34

وَفُرُشٖ مَّرۡفُوعَةٍ

Алар сөрүлөргө коюлган бийик көтөрүлгөн төшөктөрдө.

Ajet: 35

إِنَّآ أَنشَأۡنَٰهُنَّ إِنشَآءٗ

Чындыгында Биз жогоруда айтылган Хур кыздарды адаттан тыш кылып жараттык.

Ajet: 36

فَجَعَلۡنَٰهُنَّ أَبۡكَارًا

Аларды буга чейин эч бир кол тийбеген кыздар кылдык.

Ajet: 37

عُرُبًا أَتۡرَابٗا

Алар күйөөлөрүнө сүйүктүү жана жаштары бирдей.

Ajet: 38

لِّأَصۡحَٰبِ ٱلۡيَمِينِ

Биз аларды бактысынын белгиси катары оң тарап алынып кеткен оң тарап ээлери үчүн жараттык.

Ajet: 39

ثُلَّةٞ مِّنَ ٱلۡأَوَّلِينَ

Алар абалкы пайгамбарлардын үммөттөрүнөн болгон жамааттар.

Ajet: 40

وَثُلَّةٞ مِّنَ ٱلۡأٓخِرِينَ

Жана акыркы үммөт болгон Мухаммаддын үммөтүнөн болгон жамааттар.

Ajet: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Амал китеби сол тарабынан берилгендердин абалы жана бара турган жайы кандай жаман.

Ajet: 42

فِي سَمُومٖ وَحَمِيمٖ

Алар өтө ысык шамалда жана өтө ысык сууда.

Ajet: 43

وَظِلّٖ مِّن يَحۡمُومٖ

Капкара түтүндүн көлөкөсүндө.

Ajet: 44

لَّا بَارِدٖ وَلَا كَرِيمٍ

Соккон жели да жагымсыз, көрүнүшү да жагымсыз.

Ajet: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Алар азапка келерден мурун дүйнөдө кумардан башка эч нерсени ойлобостон жыргап жашашкан.

Ajet: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Алар Аллахка каапырлык кылуудан жана Андан башка кудайларга сыйынуудан баш таштышкан жок.

Ajet: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Алар кайра тирилүүнү четке кагышты жана аны мүмкүн эмес дегендей шылдыңдап мындай деп айтышты: «Биз өлүп топуракка жана чириген сөөккө айлангандан кийин кайрадан тирилет бекенбиз?

Ajet: 48

أَوَءَابَآؤُنَا ٱلۡأَوَّلُونَ

Же бизден мурун өлгөн абалкы ата-бабаларыбыз кайрадан тирилишет бекен?».

Ajet: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Оо, пайгамбар! Кайра тирилүүнү четкен каккандарга айт: «Чындыгында адамдардын абалкылары да, акыркылары да,

Ajet: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Кыямат күнү сурак берүү жана сыйлык-жаза алуу үчүн сөзсүз түрдө чогултулат.

Poruke i pouke ajeta na ovoj stranici:

• العمل الصالح سبب لنيل النعيم في الآخرة.

Жакшылык иш акыретте жыргалчылыкка жетүүгө себеп болот.

• الترف والتنعم من أسباب الوقوع في المعاصي.

Ашкере барчылыкта жана жыргалчылыкта жашоо күнөөгө батуунун себептеринен.

• خطر الإصرار على الذنب.

Күнөөдөн баш тартпай жүрүүнүн коркунучу.