Translation of the meanings Surah Muhammad - Circassian language - Rowwad Translation Center - The Noble Qur'an Encyclopedia

Muhammad

Ayah: 1

ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ أَضَلَّ أَعۡمَٰلَهُمۡ

Я Iуэхухэр хигъэкIуэдащ джаурхэу нэгъуэщIхэри Алыхьым и гъуэгу захуэм тезыхуу щытахэм.

Ayah: 2

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَءَامَنُواْ بِمَا نُزِّلَ عَلَىٰ مُحَمَّدٖ وَهُوَ ٱلۡحَقُّ مِن رَّبِّهِمۡ كَفَّرَ عَنۡهُمۡ سَيِّـَٔاتِهِمۡ وَأَصۡلَحَ بَالَهُمۡ

Iейуэ ящIахэри яхуигъэгъуащ икIи я Iуэхухэр зэтригъэуващ Iиман къэзыхьахэм, фIыхэр зыщIахэм, Мухьэммэд къыхуехари зи фIэщ хъуахэм, атIэ ар пэжщ, я Тхьэм и деж къикIауэ.

Ayah: 3

ذَٰلِكَ بِأَنَّ ٱلَّذِينَ كَفَرُواْ ٱتَّبَعُواْ ٱلۡبَٰطِلَ وَأَنَّ ٱلَّذِينَ ءَامَنُواْ ٱتَّبَعُواْ ٱلۡحَقَّ مِن رَّبِّهِمۡۚ كَذَٰلِكَ يَضۡرِبُ ٱللَّهُ لِلنَّاسِ أَمۡثَٰلَهُمۡ

Апхуэдэу щIыщытыр джаурхэр пцIым зэрыкIэлъыкIуам щхьэкIэ, Iиман къэзыхьахэр атIэ пэж дыдэу я Тхьэм и деж къикIам кIэлъыкIуахэщ. Апхуэдэу Алыхьым я щапхъэхэр къахуехьыр цIыхухэм.

Ayah: 4

فَإِذَا لَقِيتُمُ ٱلَّذِينَ كَفَرُواْ فَضَرۡبَ ٱلرِّقَابِ حَتَّىٰٓ إِذَآ أَثۡخَنتُمُوهُمۡ فَشُدُّواْ ٱلۡوَثَاقَ فَإِمَّا مَنَّۢا بَعۡدُ وَإِمَّا فِدَآءً حَتَّىٰ تَضَعَ ٱلۡحَرۡبُ أَوۡزَارَهَاۚ ذَٰلِكَۖ وَلَوۡ يَشَآءُ ٱللَّهُ لَٱنتَصَرَ مِنۡهُمۡ وَلَٰكِن لِّيَبۡلُوَاْ بَعۡضَكُم بِبَعۡضٖۗ وَٱلَّذِينَ قُتِلُواْ فِي سَبِيلِ ٱللَّهِ فَلَن يُضِلَّ أَعۡمَٰلَهُمۡ

Джаурхэм фапэщIэувамэ пывуд я щхьэхэр, ахэр хэвгъэщIахэмэ, Iэхъулъэхъухэр вгъэбыдэхэ. Абы иужькIэ фыхуеймэ гущIэгъу яхуэфщI, фыхуеймэ зыкъавгъэщэхуж, зауэр ужьыхыжыху. Аращ! Алыхьыр хуеямэ, Езыр яхурикъунут абыхэм, ауэ фэ фегъэунэхухэри аращ зыхэр адрейхэмкIэ. Алыхьым и цIэкIэ зауэхэу яукIахэм я Iуэхухэр зэи хигъэкIуэдэнукъым.

Ayah: 5

سَيَهۡدِيهِمۡ وَيُصۡلِحُ بَالَهُمۡ

Ахэр гъуэгу захуэм тригъэувахэщ, я Iуэхухэри зэтригъэувэжахэщ.

Ayah: 6

وَيُدۡخِلُهُمُ ٱلۡجَنَّةَ عَرَّفَهَا لَهُمۡ

Ахэр яригъэщIа Жэнэтым иришэнухэщ.

Ayah: 7

يَٰٓأَيُّهَا ٱلَّذِينَ ءَامَنُوٓاْ إِن تَنصُرُواْ ٱللَّهَ يَنصُرۡكُمۡ وَيُثَبِّتۡ أَقۡدَامَكُمۡ

Уэ, Iиман къэзыхьахэ, Алыхьым дэIэпыкъуэгъу фыхуэхъумэ, Езыри къывдэIэпыкъунущ икIи фи лъэхэр игъэбыдэнущ.

Ayah: 8

وَٱلَّذِينَ كَفَرُواْ فَتَعۡسٗا لَّهُمۡ وَأَضَلَّ أَعۡمَٰلَهُمۡ

Унэхъуахэщ джаурхэр! Абыхэм я Iуэхухэри хигъэкIуэдэжащ.

Ayah: 9

ذَٰلِكَ بِأَنَّهُمۡ كَرِهُواْ مَآ أَنزَلَ ٱللَّهُ فَأَحۡبَطَ أَعۡمَٰلَهُمۡ

Апхуэдэу щIэхъуар абыхэм Алыхьым къригъэхар яфIэмыфI зэрыхъуаращ, я Iуэхухэри хигъэкIуэдащ.

Ayah: 10

۞ أَفَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۖ دَمَّرَ ٱللَّهُ عَلَيۡهِمۡۖ وَلِلۡكَٰفِرِينَ أَمۡثَٰلُهَا

Ахэр щIым ирикIуэу ямылъэгъуауэ ара абыхэм япэ псэуахэм я кIэух хъуам? Алыхьым зэтрикъутахэщ, джаурхэми аращ къапэщылъыр.

Ayah: 11

ذَٰلِكَ بِأَنَّ ٱللَّهَ مَوۡلَى ٱلَّذِينَ ءَامَنُواْ وَأَنَّ ٱلۡكَٰفِرِينَ لَا مَوۡلَىٰ لَهُمۡ

Апхуэдэу щIыщытыр Алыхьыр Iиман къэзыхьахэм я Тепщэщи аращ, джаурхэм атIэ яIэкъым тепщэ.

Ayah: 12

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ وَٱلَّذِينَ كَفَرُواْ يَتَمَتَّعُونَ وَيَأۡكُلُونَ كَمَا تَأۡكُلُ ٱلۡأَنۡعَٰمُ وَٱلنَّارُ مَثۡوٗى لَّهُمۡ

Алыхьым Iиман къэзыхьуауэ фIы зыщIахэр иригъэхьэнущ Жэнэт жыг хадэхэм, псы ежэххэр къыщIэжу. Джаурхэм атIэ загъатхъэр икIи машхэхэр былымыр зэрышхэм хуэдэу, атIэ я екIуэлIэжыпIэр МафIэщ.

Ayah: 13

وَكَأَيِّن مِّن قَرۡيَةٍ هِيَ أَشَدُّ قُوَّةٗ مِّن قَرۡيَتِكَ ٱلَّتِيٓ أَخۡرَجَتۡكَ أَهۡلَكۡنَٰهُمۡ فَلَا نَاصِرَ لَهُمۡ

Дапщэ къуажэу дгъэкIуэдар Дэ уэ уи къуажэу, укъыдэзыхуам нэхърэ нэхъ къарууфIэу? ЯIэкъым абыхэм дэIэпыкъуэгъу.

Ayah: 14

أَفَمَن كَانَ عَلَىٰ بَيِّنَةٖ مِّن رَّبِّهِۦ كَمَن زُيِّنَ لَهُۥ سُوٓءُ عَمَلِهِۦ وَٱتَّبَعُوٓاْ أَهۡوَآءَهُم

И Тхьэм и щыхьэт нахуэм тетыр хуэдэу ара и Iуэху Iейхэр зыхуэгъэщIэрэщIауэ я хуеиныгъэхэм кIэлъыкIуэхэм?

Ayah: 15

مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ فِيهَآ أَنۡهَٰرٞ مِّن مَّآءٍ غَيۡرِ ءَاسِنٖ وَأَنۡهَٰرٞ مِّن لَّبَنٖ لَّمۡ يَتَغَيَّرۡ طَعۡمُهُۥ وَأَنۡهَٰرٞ مِّنۡ خَمۡرٖ لَّذَّةٖ لِّلشَّٰرِبِينَ وَأَنۡهَٰرٞ مِّنۡ عَسَلٖ مُّصَفّٗىۖ وَلَهُمۡ فِيهَا مِن كُلِّ ٱلثَّمَرَٰتِ وَمَغۡفِرَةٞ مِّن رَّبِّهِمۡۖ كَمَنۡ هُوَ خَٰلِدٞ فِي ٱلنَّارِ وَسُقُواْ مَآءً حَمِيمٗا فَقَطَّعَ أَمۡعَآءَهُمۡ

Тхьэшынагъуэ зыхэлъхэр къызэригъэгугъа Жэнэтым и теплъэр мыпхуэдэщ: абдежым щожэхыр псы ежэххэр, я псым зимыхъуэжу, щожэхыр шэ зэрыт псыхэр, абы и IэфIым зимыхъуэжу, щожэхыр фадэ псыхэр IэфIхэу ефэхэм щхьэкIэ, фо къэбзащэ зэрыт псыежэххэри; абыхэм яхуэгъэхьэзыращ дэтхэнэ пхъэщхьэмыщхьэхэри, я Тхьэм и гъэгъуныгъэри. Ахэр хуэдэу ара мафIэм игъащIэкIэ къыхэнэнум, псывэ я кIэтIийхэр зэпкърызытхъым ирагъафэхэм?

Ayah: 16

وَمِنۡهُم مَّن يَسۡتَمِعُ إِلَيۡكَ حَتَّىٰٓ إِذَا خَرَجُواْ مِنۡ عِندِكَ قَالُواْ لِلَّذِينَ أُوتُواْ ٱلۡعِلۡمَ مَاذَا قَالَ ءَانِفًاۚ أُوْلَٰٓئِكَ ٱلَّذِينَ طَبَعَ ٱللَّهُ عَلَىٰ قُلُوبِهِمۡ وَٱتَّبَعُوٓاْ أَهۡوَآءَهُمۡ

Абыхэм яхэтщ уэ къодэIухэри, итIанэ къыщыщIэкIыжхэкIэ уи дежым жраIэ щIэныгъэ зритахэм: "Сыт абы иджыпсту жиIар?" Ахэращ Алыхьым зигухэм мыхъур тригъэувахэр, я хуеиныгъэхэм кIэлъыкIуахэр.

Ayah: 17

وَٱلَّذِينَ ٱهۡتَدَوۡاْ زَادَهُمۡ هُدٗى وَءَاتَىٰهُمۡ تَقۡوَىٰهُمۡ

Гъуэгу захуэм ирикIуэхэм Абы яхухегъахъуэр гъуэгу захуэм зэрырикIуэн лъэкIыныгъэр, абыхэм тхьэшынагъуэ яретыр.

Ayah: 18

فَهَلۡ يَنظُرُونَ إِلَّا ٱلسَّاعَةَ أَن تَأۡتِيَهُم بَغۡتَةٗۖ فَقَدۡ جَآءَ أَشۡرَاطُهَاۚ فَأَنَّىٰ لَهُمۡ إِذَا جَآءَتۡهُمۡ ذِكۡرَىٰهُمۡ

Ахэр зыгуэр ежьэу ара, Сыхьэтыр напIэзыпIэу къанэсыным фIэкIа? Абы и сэфэтхэр къэсагъэххэщ. Ар къыщыскIэ ягу къагъэкIыжыфыну ара абыхэм?

Ayah: 19

فَٱعۡلَمۡ أَنَّهُۥ لَآ إِلَٰهَ إِلَّا ٱللَّهُ وَٱسۡتَغۡفِرۡ لِذَنۢبِكَ وَلِلۡمُؤۡمِنِينَ وَٱلۡمُؤۡمِنَٰتِۗ وَٱللَّهُ يَعۡلَمُ مُتَقَلَّبَكُمۡ وَمَثۡوَىٰكُمۡ

ЗэгъащIэ Алыхьым нэгъуэщI тхьэ зэрыщымыIэр, уи гуэныхьхэри, Iиман къэзыхьа хъулъхугъэхэми, бзылъхугъэхэми яхуигъэгъуну елъэIу, Алыхьым ещIэр фызэрызекIуэхэри, фыздекIуэлIэжынури.

Ayah: 20

وَيَقُولُ ٱلَّذِينَ ءَامَنُواْ لَوۡلَا نُزِّلَتۡ سُورَةٞۖ فَإِذَآ أُنزِلَتۡ سُورَةٞ مُّحۡكَمَةٞ وَذُكِرَ فِيهَا ٱلۡقِتَالُ رَأَيۡتَ ٱلَّذِينَ فِي قُلُوبِهِم مَّرَضٞ يَنظُرُونَ إِلَيۡكَ نَظَرَ ٱلۡمَغۡشِيِّ عَلَيۡهِ مِنَ ٱلۡمَوۡتِۖ فَأَوۡلَىٰ لَهُمۡ

Iиман къэзыхьахэм жаIэнут: "Сурэ къехатэмэ аракъэ (зауэм теухуауэ)". АтIэ сурэ гурыIуэгъуэр къыщехым абдежым зауэм и гугъу ищIауэ, плъагъунущ зигу уз илъхэр къызэроплъыр, лIэным ипэ зэхэщIыкIыр зыфIэкIуэдахэм хуэдэу. Абыхэм щхьэкIэ нэхъыфIщ

Ayah: 21

طَاعَةٞ وَقَوۡلٞ مَّعۡرُوفٞۚ فَإِذَا عَزَمَ ٱلۡأَمۡرُ فَلَوۡ صَدَقُواْ ٱللَّهَ لَكَانَ خَيۡرٗا لَّهُمۡ

жыIэдаIуэхэу псалъэ екIур жаIэмэ. Iуэхур зэфIэкIа иужь ахэр Алыхьым хуэпэжхэмэ нэхъыфIщ, езыхэм щхьэкIэ.

Ayah: 22

فَهَلۡ عَسَيۡتُمۡ إِن تَوَلَّيۡتُمۡ أَن تُفۡسِدُواْ فِي ٱلۡأَرۡضِ وَتُقَطِّعُوٓاْ أَرۡحَامَكُمۡ

Фэ унафэр къыфIэщIыхьэмэ щIым фэсэд зевгъэубгъункIэ мэхъур, Iыхьлыхэми факIэлъымыкIуэжынкIэ мэхъур.

Ayah: 23

أُوْلَٰٓئِكَ ٱلَّذِينَ لَعَنَهُمُ ٱللَّهُ فَأَصَمَّهُمۡ وَأَعۡمَىٰٓ أَبۡصَٰرَهُمۡ

Апхуэдэхэм Алыхьым нэлат ятрилъхьащ, дэгу ищIахэщ, я нэхэри нэф ищIахэщ.

Ayah: 24

أَفَلَا يَتَدَبَّرُونَ ٱلۡقُرۡءَانَ أَمۡ عَلَىٰ قُلُوبٍ أَقۡفَالُهَآ

Ахэр КъурIэным емыгупсысхэу ара? Е ягухэр IункIыбзэкIэ етауэ ара?

Ayah: 25

إِنَّ ٱلَّذِينَ ٱرۡتَدُّواْ عَلَىٰٓ أَدۡبَٰرِهِم مِّنۢ بَعۡدِ مَا تَبَيَّنَ لَهُمُ ٱلۡهُدَى ٱلشَّيۡطَٰنُ سَوَّلَ لَهُمۡ وَأَمۡلَىٰ لَهُمۡ

Гъуэгу захуэр нахуэ яхуэхъуа иужь зи щIыбхэр къэзыгъазэу икIуэтыжахэр шейтIаным игъэхъуэпсауэ аращ икIи гъащIэ кIыхь яIэну игъэгугъауэ аращ.

Ayah: 26

ذَٰلِكَ بِأَنَّهُمۡ قَالُواْ لِلَّذِينَ كَرِهُواْ مَا نَزَّلَ ٱللَّهُ سَنُطِيعُكُمۡ فِي بَعۡضِ ٱلۡأَمۡرِۖ وَٱللَّهُ يَعۡلَمُ إِسۡرَارَهُمۡ

Апхуэдэу щIэхъуар абыхэм жраIати аращ Алыхьым къригъэхар зыфIэмыфIхэм: "Iуэху гуэрэхэмкIэ фэ дыфхуэжыIэщIэнущ". Алыхьым ещIэр абыхэм яущэхур.

Ayah: 27

فَكَيۡفَ إِذَا تَوَفَّتۡهُمُ ٱلۡمَلَٰٓئِكَةُ يَضۡرِبُونَ وُجُوهَهُمۡ وَأَدۡبَٰرَهُمۡ

МелыIычхэм абыхэм я псэхэр щыхахкIэ я нэгухэми, я щIыбхэми еуэхэурэ, дауэ хъунухэ ахэр?

Ayah: 28

ذَٰلِكَ بِأَنَّهُمُ ٱتَّبَعُواْ مَآ أَسۡخَطَ ٱللَّهَ وَكَرِهُواْ رِضۡوَٰنَهُۥ فَأَحۡبَطَ أَعۡمَٰلَهُمۡ

Ар къалэжьащ Алыхьым и губжьыр къэзыхьым зэрытеувахэм щхьэкIэ, Ар зыхуэарэзыр ялъагъу зэрымыхъум щхьэкIэ. ХигъэкIуэдащ абыхэм я Iуэхухэр.

Ayah: 29

أَمۡ حَسِبَ ٱلَّذِينَ فِي قُلُوبِهِم مَّرَضٌ أَن لَّن يُخۡرِجَ ٱللَّهُ أَضۡغَٰنَهُمۡ

Зигу уз илъхэм ягугъауэ ара Алыхьым къимыгъэлъагъуэну абыхэм я бзаджагъэр?

Ayah: 30

وَلَوۡ نَشَآءُ لَأَرَيۡنَٰكَهُمۡ فَلَعَرَفۡتَهُم بِسِيمَٰهُمۡۚ وَلَتَعۡرِفَنَّهُمۡ فِي لَحۡنِ ٱلۡقَوۡلِۚ وَٱللَّهُ يَعۡلَمُ أَعۡمَٰلَكُمۡ

Дэ дыхуеймэ, ахэр псори уэдгъэлъагъунухэщи къэпщIэнхэщ я сыфэтхэмкIэ. Ауэ уэ къэпщIэнущ ахэр я псалъэм къыхэхуэ щыуагъэхэмкIэ. Алыхьым ещIэр фи Iуэхухэр.

Ayah: 31

وَلَنَبۡلُوَنَّكُمۡ حَتَّىٰ نَعۡلَمَ ٱلۡمُجَٰهِدِينَ مِنكُمۡ وَٱلصَّٰبِرِينَ وَنَبۡلُوَاْ أَخۡبَارَكُمۡ

Дэ фыдгъэунэхунущ къэтщIэху фэ фщыщу зауэхэр, шэчыныгъэ зыхэзыгъэлъхэр, фи хъыбархэри шэч хэмылъу дгъэунэхунущ.

Ayah: 32

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ وَشَآقُّواْ ٱلرَّسُولَ مِنۢ بَعۡدِ مَا تَبَيَّنَ لَهُمُ ٱلۡهُدَىٰ لَن يَضُرُّواْ ٱللَّهَ شَيۡـٔٗا وَسَيُحۡبِطُ أَعۡمَٰلَهُمۡ

ИпэжыпIэкIэ, Iиман къэзымыхьахэр, Алыхьым и гъуэгум пэувахэр, лIыкIуэм гуэкIахэр гъуэгу захуэр нахуэу къагурыIуа иужь, ахэм Алыхьым зыкIи зэран ирахынукъым, я Iуэхухэри хигъэкIуэдэнущ.

Ayah: 33

۞ يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَلَا تُبۡطِلُوٓاْ أَعۡمَٰلَكُمۡ

Уэ, Iиман къэзыхьахэ, Алыхьым фыхуэжыIэщIэ, лIыкIуэми фыхуэжыIэщIэ, фи Iуэхухэри хэвмыгъэкIуадэ.

Ayah: 34

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ ثُمَّ مَاتُواْ وَهُمۡ كُفَّارٞ فَلَن يَغۡفِرَ ٱللَّهُ لَهُمۡ

ИпэжыпIэкIэ, Алыхьым яхуигъэгъунукъым Iиман къэзмыхьауэ, Алыхьым и гуэгум пэувахэу, итIанэ лIахэм джаурхэу.

Ayah: 35

فَلَا تَهِنُواْ وَتَدۡعُوٓاْ إِلَى ٱلسَّلۡمِ وَأَنتُمُ ٱلۡأَعۡلَوۡنَ وَٱللَّهُ مَعَكُمۡ وَلَن يَتِرَكُمۡ أَعۡمَٰلَكُمۡ

Гу мащIагъэ къэвмыгъэлъагъуэ зэгурыIуэныгъэм къыхуевджэу, фэ фынэхъ лъагэщи, Алыхьри фэ фи гъусэщи, фи Iуэхухэри игъэпудынукъыми.

Ayah: 36

إِنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞۚ وَإِن تُؤۡمِنُواْ وَتَتَّقُواْ يُؤۡتِكُمۡ أُجُورَكُمۡ وَلَا يَسۡـَٔلۡكُمۡ أَمۡوَٰلَكُمۡ

ИпэжыпIэкIэ, мы дунейр джэгунрэ зытегъэунрэщ. Iиман къэфхьу тхьэшынагъуэ фхэлъмэ атIэ фи псапэхэр къывитыжынщ, фи мылъкури къыфIихынукъым.

Ayah: 37

إِن يَسۡـَٔلۡكُمُوهَا فَيُحۡفِكُمۡ تَبۡخَلُواْ وَيُخۡرِجۡ أَضۡغَٰنَكُمۡ

Ар къыфIихыну хуейуэ фригъэзмэ атIэ фыщысхьынущи Абы фи бзаджагъэр къыщIигъэщынущ.

Ayah: 38

هَٰٓأَنتُمۡ هَٰٓؤُلَآءِ تُدۡعَوۡنَ لِتُنفِقُواْ فِي سَبِيلِ ٱللَّهِ فَمِنكُم مَّن يَبۡخَلُۖ وَمَن يَبۡخَلۡ فَإِنَّمَا يَبۡخَلُ عَن نَّفۡسِهِۦۚ وَٱللَّهُ ٱلۡغَنِيُّ وَأَنتُمُ ٱلۡفُقَرَآءُۚ وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم

Мис фэ фыкъыхураджэр Алыхьым и цIэкIэ фтыну зыгуэр. Фэ къыфхокIыр щысхьыр, атIэ щысхьар езым и щхьэращ зыхущысхьар. Алыхьыр къулейщ, фэращ факъырэхэр. Фэ фи щIыбхэр къэвгъазэмэ, нэгъуэщI лъэпкъкIэ фызэрихъуэкIынущ, икIи ахэр фэр хуэдэу щытынухэкъым.