Check out the new design

Translation of the Meanings of the Noble Qur'an - Fulani translation of Al-Mukhtsar in interpretation of the Noble Quran * - Translations’ Index

Translation of the meanings Surah: Ash-Shu‘arā’   Ayah:
Surahs’ Index Page Number HTML

Ayah: 207

مَآ أَغۡنَىٰ عَنۡهُم مَّا كَانُواْ يُمَتَّعُونَ
Ko honɗum nafi ɓe ɗin neemaaji ɗi ɓe wonunoo e muuɗum ka aduna?! Gomɗii ɗin neemaaji taƴii, ɗum nafaali hay e huunde.
Arabic explanations of the Qur’an:

Ayah: 208

وَمَآ أَهۡلَكۡنَا مِن قَرۡيَةٍ إِلَّا لَهَا مُنذِرُونَ
Men halkataa mofte woo si wanaa ɓaawo ngantinirgol e majje nulugol Nulaaɓe ɓen e jippinngol defte ɗen.
Arabic explanations of the Qur’an:

Ayah: 209

ذِكۡرَىٰ وَمَا كُنَّا ظَٰلِمِينَ
Waaju e anndintingol ɓe, Men wonaali tooñirɓe leptugol ɓe ɓaawo ngantinorgol e maɓɓe nulugol Nulaaɓe ɓen e jippinngol defte ɗen.
Arabic explanations of the Qur’an:

Ayah: 210

وَمَا تَنَزَّلَتۡ بِهِ ٱلشَّيَٰطِينُ
Seytanuuji ɗin jippinaali ndee Alqur'aanaare ka ɓernde Nulaaɗo on (yo Alla juulu e makko hisna).
Arabic explanations of the Qur’an:

Ayah: 211

وَمَا يَنۢبَغِي لَهُمۡ وَمَا يَسۡتَطِيعُونَ
Sellataa nde ɗi jippinta ka ɓernde makko, wurin ɗi hattanaaka ɗum.
Arabic explanations of the Qur’an:

Ayah: 212

إِنَّهُمۡ عَنِ ٱلسَّمۡعِ لَمَعۡزُولُونَ
Ɗi hattantaake ɗum, sabu kannji ko ɗi woɗɗinti- naaɗi gaayi nokku mayre on immorde ka kammu, ko honno ɗi yottorta e mayre, sakko ɗi jippina nde?!
Arabic explanations of the Qur’an:

Ayah: 213

فَلَا تَدۡعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلۡمُعَذَّبِينَ
Wata a rewu wonndude e Alla reweteeɗo goo kafidaa mo e Makko, sakko wonaa sabu ɗum jeyaaɗo e leptoyteeɓe ɓen.
Arabic explanations of the Qur’an:

Ayah: 214

وَأَنذِرۡ عَشِيرَتَكَ ٱلۡأَقۡرَبِينَ
Jertin -an Nulaaɗo- ɓurɗo ɓadaade refti ɓurɗo ɓadaade ka yimɓe maaɗa, fii wata heɓu ɓe Lepte Alla si ɓe heddike e dow sirku ngun.
Arabic explanations of the Qur’an:

Ayah: 215

وَٱخۡفِضۡ جَنَاحَكَ لِمَنِ ٱتَّبَعَكَ مِنَ ٱلۡمُؤۡمِنِينَ
Newinan banŋe maaɗa konngol e kuugal wonan- nde ɓen jokkuɓe ma immorde e gomɗinɓe ɓen ka yurminngol ɓe newanoo ɓe.
Arabic explanations of the Qur’an:

Ayah: 216

فَإِنۡ عَصَوۡكَ فَقُلۡ إِنِّي بَرِيٓءٞ مِّمَّا تَعۡمَلُونَ
Si ɓe yeddii ma, hara ɓe jaabaaki ko yamirɗaaɓe kon e muuɗum immorde e Ngootimbaaku Alla e ɗoftagol Mo, haray maakan ɓe: Min dey, ko mi pottitiiɗo kon ko golloton immorde e sirku ngun e geddi ɗin.
Arabic explanations of the Qur’an:

Ayah: 217

وَتَوَكَّلۡ عَلَى ٱلۡعَزِيزِ ٱلرَّحِيمِ
Tuugo e fiyakuuji maaɗin fow e On Tedduɗo yoɓtotooɗo ayɓe Makko ɓen, Yurmeteeɗo ɓen ruttiiɓe e maɓɓe faade ka Makko.
Arabic explanations of the Qur’an:

Ayah: 218

ٱلَّذِي يَرَىٰكَ حِينَ تَقُومُ
On sutiiɗo ma O Senike fewndo darantoɗaa Julde nden.
Arabic explanations of the Qur’an:

Ayah: 219

وَتَقَلُّبَكَ فِي ٱلسَّٰجِدِينَ
Seniiɗo On no sutii waylitagol maaɗa iwa e alahaali yaha e alhaali goo e hakkude juulooɓe ɓe, suuɗanaaki Mo hay huunde e ko waɗataa kon, wanaa kadi ko tanaa maaɗa waɗata kon.
Arabic explanations of the Qur’an:

Ayah: 220

إِنَّهُۥ هُوَ ٱلسَّمِيعُ ٱلۡعَلِيمُ
Pellet, ko Kanko woni Nanoowo ko janngataa kon immorde e Alqur'aana e jaŋta ka nder Julde maaɗa, Annduɗo On, annuyee maaɗa.
Arabic explanations of the Qur’an:

Ayah: 221

هَلۡ أُنَبِّئُكُمۡ عَلَىٰ مَن تَنَزَّلُ ٱلشَّيَٰطِينُ
Taw si on accay mi humpita on, ko e hoore hommbo Seytanuuji ɗin jippotoo, ɗin ɗi aaƴiɗon wonndema kannji ɗi jippinii ndee Alqur'aanaare?
Arabic explanations of the Qur’an:

Ayah: 222

تَنَزَّلُ عَلَىٰ كُلِّ أَفَّاكٍ أَثِيمٖ
Seytanuuji ɗin no jippoo e dow kala heewuɗo penaale ɗuuɗuɗo bakkaatu e geddi immorde e ndureeɓe(wageebe) ɓen.
Arabic explanations of the Qur’an:

Ayah: 223

يُلۡقُونَ ٱلسَّمۡعَ وَأَكۡثَرُهُمۡ كَٰذِبُونَ
Seytanuuji ɗin no wujja nanɗe ɗen immorde ka mbatu ɓurngu toowude, ɗi werlo ɗum faade e weldiiɓe majji immorde e ndureeɓe ɓen, ɓurɓe heewude e ndureeɓe ɓen ko ɓe fenooɓe, hay si ɓe goongii e nder konngol, ɓe fenay ɓe wattida e maggol penaale teemedere.
Arabic explanations of the Qur’an:

Ayah: 224

وَٱلشُّعَرَآءُ يَتَّبِعُهُمُ ٱلۡغَاوُۥنَ
Ɓen yimooɓe ɓe aaƴiɗon wonndema Muhammadu (yo Alla juulu e makko hisna) ko jeyaaɗo e maɓɓe, ko jokki ɓen, ko seluɓe ɓen peewal ngal e laawol focciingol ngol, hiɓe fillitoo ko ɓen wowlata kon immorde e gimi.
Arabic explanations of the Qur’an:

Ayah: 225

أَلَمۡ تَرَ أَنَّهُمۡ فِي كُلِّ وَادٖ يَهِيمُونَ
Kaa a tinaali -an Nulaaɗo- wonndema no jeyaa e feeñirde bewre maɓɓe nden wonnde kamɓe hiɓe wemmboo e nder kala aynde nde ɓe feƴƴi, tuma goo e mantugol, tumagoo kadi e ŋiñugol, e tanaa majji kannji ɗiɗi tumagoo kadi.
Arabic explanations of the Qur’an:

Ayah: 226

وَأَنَّهُمۡ يَقُولُونَ مَا لَا يَفۡعَلُونَ
E tawde kamɓe hiɓe fena, ɓe wi'a: Men waɗii huunde kaari, hara ɓe waɗaali nde.
Arabic explanations of the Qur’an:

Ayah: 227

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَذَكَرُواْ ٱللَّهَ كَثِيرٗا وَٱنتَصَرُواْ مِنۢ بَعۡدِ مَا ظُلِمُواْۗ وَسَيَعۡلَمُ ٱلَّذِينَ ظَلَمُوٓاْ أَيَّ مُنقَلَبٖ يَنقَلِبُونَ
Si wanaa ɓen gomɗinɓe immorde e yimooɓe ɓen ɓe golli golle moƴƴe ɗen, ɓe jaŋtii Alla jaŋtagol heewungol, ɓe fooli ayɓe Alla ɓen ɓaawo ɓe tooñii ɓe wano Hassaanu geɗal Saabitu (yo Alla weltor mo). Ɓen tooñirɓe sirkanngol Alla e jaggitugol e hoore jeyaaɓe Makko ɓen, aray ka ɓe annda ko hennde e ruttorde ɓe ruttotoo faade e muuɗum, aray ɓe ruttoo faade e darorde mawnde, e hasboore sewunde.
Arabic explanations of the Qur’an:
Benefits of the verses in this page:
• إثبات العدل لله، ونفي الظلم عنه.
Tabintinangol Alla Nunɗal ngal, e riiwugol tooñe ɗen e Makko.
• تنزيه القرآن عن قرب الشياطين منه.
Seninngol Alqur'aanaare nden e ɓadagol Seytanuuji ɗin e mayre.
• أهمية اللين والرفق للدعاة إلى الله.
Himmude newagol noddooɓe ɓen faade e Alla.
• الشعر حَسَنُهُ حَسَن، وقبيحه قبيح.
Gimi ɗin moƴƴi majji ɗin no moƴƴi, kaanuɗi majji ɗin no kaani.
 
Translation of the meanings Surah: Ash-Shu‘arā’
Surahs’ Index Page Number
 
Translation of the Meanings of the Noble Qur'an - Fulani translation of Al-Mukhtsar in interpretation of the Noble Quran - Translations’ Index

Issued by Tafsir Center for Quranic Studies

close