Translation of the meanings Surah Al-Anfāl - Filipino Translation (Maguindanaon) - Rowad Translation Center - Page Number 181 - The Noble Qur'an Encyclopedia

Ayah: 34

وَمَا لَهُمۡ أَلَّا يُعَذِّبَهُمُ ٱللَّهُ وَهُمۡ يَصُدُّونَ عَنِ ٱلۡمَسۡجِدِ ٱلۡحَرَامِ وَمَا كَانُوٓاْ أَوۡلِيَآءَهُۥٓۚ إِنۡ أَوۡلِيَآؤُهُۥٓ إِلَّا ٱلۡمُتَّقُونَ وَلَٰكِنَّ أَكۡثَرَهُمۡ لَا يَعۡلَمُونَ

Endu da ka nilan i di siksan nu Allah, na silan na pedsapalan nilan (su manga taw) sa kaludep sa Masjidil Haram endu di kena silan i masupeg sa Allah ka dala masupeg sa lekanin (Allah) ya tabya na su manga taw a magilek sa lekanin, ugad na ya madakel i da sabut nin (sa namba).

Ayah: 35

وَمَا كَانَ صَلَاتُهُمۡ عِندَ ٱلۡبَيۡتِ إِلَّا مُكَآءٗ وَتَصۡدِيَةٗۚ فَذُوقُواْ ٱلۡعَذَابَ بِمَا كُنتُمۡ تَكۡفُرُونَ

Endu da sambayang nilan san sa Masjidil Haram (paganay a timpu) ya tabya na kabpaguni na ngali endu kapedtawpay, na nanami nu i siksa sabap kanu kapeg-kafir nu.

Ayah: 36

إِنَّ ٱلَّذِينَ كَفَرُواْ يُنفِقُونَ أَمۡوَٰلَهُمۡ لِيَصُدُّواْ عَن سَبِيلِ ٱللَّهِۚ فَسَيُنفِقُونَهَا ثُمَّ تَكُونُ عَلَيۡهِمۡ حَسۡرَةٗ ثُمَّ يُغۡلَبُونَۗ وَٱلَّذِينَ كَفَرُوٓاْ إِلَىٰ جَهَنَّمَ يُحۡشَرُونَ

Saben-sabenal su manga kafir na pembaranggyan nilan i manga tamuk nilan sa makasapal kanu agama nu Allah, na imbaranggyan nu den, mawli na silan induwa- duwa, mawli na silan i talawn, endu silan a manga kafir na lu silan mabulig sa apuy sa jahannam (naraka).

Ayah: 37

لِيَمِيزَ ٱللَّهُ ٱلۡخَبِيثَ مِنَ ٱلطَّيِّبِ وَيَجۡعَلَ ٱلۡخَبِيثَ بَعۡضَهُۥ عَلَىٰ بَعۡضٖ فَيَرۡكُمَهُۥ جَمِيعٗا فَيَجۡعَلَهُۥ فِي جَهَنَّمَۚ أُوْلَٰٓئِكَ هُمُ ٱلۡخَٰسِرُونَ

Padsenggayan nu Allah su mawag sa mapya endu baluwin nin su manga mawag sa pamedtagapeda na makadtatambaka langun, na baluwin nin tanan lu sa apuy sa jahannam, silan i manga taw a nangalugi.

Ayah: 38

قُل لِّلَّذِينَ كَفَرُوٓاْ إِن يَنتَهُواْ يُغۡفَرۡ لَهُم مَّا قَدۡ سَلَفَ وَإِن يَعُودُواْ فَقَدۡ مَضَتۡ سُنَّتُ ٱلۡأَوَّلِينَ

Edtalu ka kanu manga kafir, amayka menda silan (kanu galebekan a supak) na ampunen i manga kadusan nilan a nawna, na amayka edsaluman menem silan (na aden den upaman a nanggula) a naypus den a pinakaydan nu Allah kanu manga kafir a nangawna.

Ayah: 39

وَقَٰتِلُوهُمۡ حَتَّىٰ لَا تَكُونَ فِتۡنَةٞ وَيَكُونَ ٱلدِّينُ كُلُّهُۥ لِلَّهِۚ فَإِنِ ٱنتَهَوۡاْ فَإِنَّ ٱللَّهَ بِمَا يَعۡمَلُونَ بَصِيرٞ

Endu imbunuwa nu silan a manga kafir taman sa dala den sakutu endu maaden su agama na kanu Allah bu (sya kanu dunya) na amayka minenda silan (kanu manga sakutu) na su Allah na gaylay nin i langun a penggelbaken nu.

Ayah: 40

وَإِن تَوَلَّوۡاْ فَٱعۡلَمُوٓاْ أَنَّ ٱللَّهَ مَوۡلَىٰكُمۡۚ نِعۡمَ ٱلۡمَوۡلَىٰ وَنِعۡمَ ٱلنَّصِيرُ

Endu amayka da bun talima su manga kafir (sa Islam) na tuntayi nu i saben-sabenal na su Allah i pedtuldu sa lekanu a mapya a pedtuldu endu mapya gayd a padtabang.