Translation of the meanings Surah Al-Anfāl - Filipino Translation (Maguindanaon) - Rowad Translation Center - Page Number 182 - The Noble Qur'an Encyclopedia

Ayah: 41

۞ وَٱعۡلَمُوٓاْ أَنَّمَا غَنِمۡتُم مِّن شَيۡءٖ فَأَنَّ لِلَّهِ خُمُسَهُۥ وَلِلرَّسُولِ وَلِذِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينِ وَٱبۡنِ ٱلسَّبِيلِ إِن كُنتُمۡ ءَامَنتُم بِٱللَّهِ وَمَآ أَنزَلۡنَا عَلَىٰ عَبۡدِنَا يَوۡمَ ٱلۡفُرۡقَانِ يَوۡمَ ٱلۡتَقَى ٱلۡجَمۡعَانِۗ وَٱللَّهُ عَلَىٰ كُلِّ شَيۡءٖ قَدِيرٌ

Endu tuntayi nu i apya ngin a tamuk i nakwa nu sa kinambunwa (ganimah) na kanu Allah endu su sinugu nin i ika-lima bad 1/5 kanu tamuk, endu manga pagali nin endu su manga yateem endu su manga miskinan endu su taw nu (natangen sa dalpa a di pakauli) amayka bangimbenal kanu sa Allah, endu su initulun nami (Qur’an) kanu ulipen nami (Muhammad) kanu gay a natawan su baatil kanu haqq, kanu gay a nakadsugkub su haqq endu su baatil (lu sa Bad'r), endu su Allah na kanu enggaga-isa na kagaga nin.

Ayah: 42

إِذۡ أَنتُم بِٱلۡعُدۡوَةِ ٱلدُّنۡيَا وَهُم بِٱلۡعُدۡوَةِ ٱلۡقُصۡوَىٰ وَٱلرَّكۡبُ أَسۡفَلَ مِنكُمۡۚ وَلَوۡ تَوَاعَدتُّمۡ لَٱخۡتَلَفۡتُمۡ فِي ٱلۡمِيعَٰدِ وَلَٰكِن لِّيَقۡضِيَ ٱللَّهُ أَمۡرٗا كَانَ مَفۡعُولٗا لِّيَهۡلِكَ مَنۡ هَلَكَ عَنۢ بَيِّنَةٖ وَيَحۡيَىٰ مَنۡ حَيَّ عَنۢ بَيِّنَةٖۗ وَإِنَّ ٱللَّهَ لَسَمِيعٌ عَلِيمٌ

Sekanu (manga Muslim) na nakambaken kanu (nakadtangen kanu) sa bawgan na masupeg (sa Madinah), su manga Kafir na sya menem sa bawgan a mawatan, su manga taw a belalakaw (sila Abu Sufyan) na tampal sa baba nu, u mibpasaday kanu bu (sa mamagilaya) na di kanu mamagayun sa pasad, ugayd na kukumen nu Allah su galbek a manggula, ka binasan nin su kafir endu mawyag su bamamaginugut sa tindeg a mapayag, endu su Allah na pakakineg a mataw.

Ayah: 43

إِذۡ يُرِيكَهُمُ ٱللَّهُ فِي مَنَامِكَ قَلِيلٗاۖ وَلَوۡ أَرَىٰكَهُمۡ كَثِيرٗا لَّفَشِلۡتُمۡ وَلَتَنَٰزَعۡتُمۡ فِي ٱلۡأَمۡرِ وَلَٰكِنَّ ٱللَّهَ سَلَّمَۚ إِنَّهُۥ عَلِيمُۢ بِذَاتِ ٱلصُّدُورِ

Ipabpagilay nu Allah sa leka (Muhammad) silan a (manga kafir) sya kanu kapedtulug nengka a paydu silan (bilangan nilan) na u mana bu ka madakel i kinaylay nengka sa kanilan na egkalubay kanu endu di kanu mamagayun sa galbek (italus ataw ka di) ugayd na linepas nu Allah, ka sekanin a Allah i mataw kanu dalem nu manga pamusungan nu.

Ayah: 44

وَإِذۡ يُرِيكُمُوهُمۡ إِذِ ٱلۡتَقَيۡتُمۡ فِيٓ أَعۡيُنِكُمۡ قَلِيلٗا وَيُقَلِّلُكُمۡ فِيٓ أَعۡيُنِهِمۡ لِيَقۡضِيَ ٱللَّهُ أَمۡرٗا كَانَ مَفۡعُولٗاۗ وَإِلَى ٱللَّهِ تُرۡجَعُ ٱلۡأُمُورُ

Ipabpagilay nu Allah sa lekanu (a mga bamaginugut) i kanu kinambalatemway nu i paydu silan (a manga kafir), na paydu bun i kaylay nilan sa lekanu (a bamamaginugut) ka endu makatalus su hukuman nu Allah endu lu bun sa Allah i kaulyan nu manga ula-ula (ka endu nin makukum).

Ayah: 45

يَٰٓأَيُّهَا ٱلَّذِينَ ءَامَنُوٓاْ إِذَا لَقِيتُمۡ فِئَةٗ فَٱثۡبُتُواْ وَٱذۡكُرُواْ ٱللَّهَ كَثِيرٗا لَّعَلَّكُمۡ تُفۡلِحُونَ

Hay sekanu a manga bamaginugut! Amayka makambalatemway nu su manga kafir sa kambunuwa na tigkel (sabar) kanu endu tadem kanu sa Allah sa madakel, ka malemu-lemu sa lekanu i maka-untung kanu.