Translation of the Meanings of the Noble Qur'an - Yau Translation * - Translations’ Index

Translation of the meanings Surah: An-Nāzi‘āt   Ayah:
Surahs’ Index Page Number HTML

An-Nâz‘ât

Ayah: 1

وَٱلنَّٰزِعَٰتِ غَرۡقٗا
Ngwaalumbila (Achimalaika) ŵaakuchuŵaga (mitima ja makafili) mwamachili.
Arabic explanations of the Qur’an:

Ayah: 2

وَٱلنَّٰشِطَٰتِ نَشۡطٗا
Ngwaalumbila soni (Achimalaika) ŵaakutyosyaga (mitima ja ŵandu ŵakulupilila) mwambolembole.
Arabic explanations of the Qur’an:

Ayah: 3

وَٱلسَّٰبِحَٰتِ سَبۡحٗا
Nguilumbila soni yaying'ambila mwangalechesya (munnengaleenga, mpela Achimalaika ni ndondwa).
Arabic explanations of the Qur’an:

Ayah: 4

فَٱلسَّٰبِقَٰتِ سَبۡقٗا
Ni ŵaakutendesyana mpikisano (pakwanilisya malamusi ga Allah).
Arabic explanations of the Qur’an:

Ayah: 5

فَٱلۡمُدَبِّرَٰتِ أَمۡرٗا
Ni (Achimalaika) ŵaakuŵalaganya malamusi (ga Allah pakugaŵika m’mangwakwe).
Arabic explanations of the Qur’an:

Ayah: 6

يَوۡمَ تَرۡجُفُ ٱلرَّاجِفَةُ
Lisiku lyalichigombedwa lipenga lyandanda (lyaliichitenganya chilichose ni kuwa).
Arabic explanations of the Qur’an:

Ayah: 7

تَتۡبَعُهَا ٱلرَّادِفَةُ
Lichilikuichisya lipenga lyaaŵili (yosope yene nikwimuka ni kola umi).
Arabic explanations of the Qur’an:

Ayah: 8

قُلُوبٞ يَوۡمَئِذٖ وَاجِفَةٌ
Lyele lisikulyo mitima (jine) jichitetemela ni woga.
Arabic explanations of the Qur’an:

Ayah: 9

أَبۡصَٰرُهَا خَٰشِعَةٞ
Meso ga (achinsyene) mitimajo gachiteteŵala.
Arabic explanations of the Qur’an:

Ayah: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
(Makafili) gakasatiji: “Ana uwwe yakuona chachituuchisya mukaŵe ketu kakala (nikuŵa niumi soni)?
Arabic explanations of the Qur’an:

Ayah: 11

أَءِذَا كُنَّا عِظَٰمٗا نَّخِرَةٗ
Kutendaga uwwe tuli maupa gepukuswe-pukuswe?”
Arabic explanations of the Qur’an:

Ayah: 12

قَالُواْ تِلۡكَ إِذٗا كَرَّةٌ خَاسِرَةٞ
Ŵatite (mwachisyawumi ni mwakuchindimbula): “Nakuŵaga kwele kuujilaako kusyene, basi kuchiŵa kuujila kwachasiko (kwangali ukoto kukwetu).”
Arabic explanations of the Qur’an:

Ayah: 13

فَإِنَّمَا هِيَ زَجۡرَةٞ وَٰحِدَةٞ
Chisimu walakweo ni n'gumiilo umpepe.
Arabic explanations of the Qur’an:

Ayah: 14

فَإِذَا هُم بِٱلسَّاهِرَةِ
Basi ajile sayi ŵanganyao tachigamba kuona ali pachanya petaka.
Arabic explanations of the Qur’an:

Ayah: 15

هَلۡ أَتَىٰكَ حَدِيثُ مُوسَىٰٓ
Ana jinyyiche abali ja Musa?
Arabic explanations of the Qur’an:

Ayah: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Pandema jaŵam'bilaasile Ambujegwe (Allah) pachiŵata chakutakata (chakuŵilanjikwa) Tuwaa.
Arabic explanations of the Qur’an:

Ayah: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
(Nikuntenda kuti): Jaawulani kwa Firiauna, chisimu jwalakwejo jusumbile mpika.
Arabic explanations of the Qur’an:

Ayah: 18

فَقُلۡ هَل لَّكَ إِلَىٰٓ أَن تَزَكَّىٰ
Ni nkajile: “Ana nkusaka kuti n'diiswejesye?”
Arabic explanations of the Qur’an:

Ayah: 19

وَأَهۡدِيَكَ إِلَىٰ رَبِّكَ فَتَخۡشَىٰ
“Ni nan'jongolele kwa Ambuje ŵenu kuti mwaajogopeje?”
Arabic explanations of the Qur’an:

Ayah: 20

فَأَرَىٰهُ ٱلۡأٓيَةَ ٱلۡكُبۡرَىٰ
Basi niŵannosisye chisimosimo chekulungwa.
Arabic explanations of the Qur’an:

Ayah: 21

فَكَذَّبَ وَعَصَىٰ
Nambo jwaakaaniile nikunyosya.
Arabic explanations of the Qur’an:

Ayah: 22

ثُمَّ أَدۡبَرَ يَسۡعَىٰ
Kaneka jwachitundumalile (chikulupi) aku junankulimbichila (kwasiŵilila ŵandu kwa Allah).
Arabic explanations of the Qur’an:

Ayah: 23

فَحَشَرَ فَنَادَىٰ
Basi jwaasonganganyisye (asaŵi) nikwaŵilanga (ŵandu).
Arabic explanations of the Qur’an:

Ayah: 24

فَقَالَ أَنَا۠ رَبُّكُمُ ٱلۡأَعۡلَىٰ
Ni jwatite: “Une ni nam'mbuje gwenu jwapenani kusyene!”
Arabic explanations of the Qur’an:

Ayah: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Basi Allah ni ŵankwembekenye ni ipotesi ligongo lya maloŵe gakwe gambesi[1] ni gandanda[2].
(79:1)[ Maloŵe gakwe gambesi galiji ganti: “Une ni nam'mbuje gwenu jwapenani kusyene.” (79:24). (79:2) Maloŵe gakwe gandanda galiji ganti: “E jenumanja achinduna! Ngangummanyilila kukwenu nnungu jwinejwakwe jwangaŵaga une, basi mungolechesyani mmwe Hamana (moto wakochela njelwa) syelongo, ni mundaŵile chipilala kuti mwine une ngan’dingule nnungu jwa Musa, soni chisimu une ngun’ganichisya jwalakwe kuti juli mwa akulambusya.” (28:38).
Arabic explanations of the Qur’an:

Ayah: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ
Chisimu mu yalakweyi mwana chaamuko kwa mundu jwaakun'jogopa (Allah).
Arabic explanations of the Qur’an:

Ayah: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Ana ŵanganyammwe niŵakusausya nnope kagumbidwe (kenu) kapena liwunde lyaŵalitaŵile?
Arabic explanations of the Qur’an:

Ayah: 28

رَفَعَ سَمۡكَهَا فَسَوَّىٰهَا
Ŵalinyakwile nsingu wakwe nikulikolosya.
Arabic explanations of the Qur’an:

Ayah: 29

وَأَغۡطَشَ لَيۡلَهَا وَأَخۡرَجَ ضُحَىٰهَا
Ni ŵachiunichile chilo chakwe (nichipi) nikulikoposya lilanguka lyakwe (muusi).
Arabic explanations of the Qur’an:

Ayah: 30

وَٱلۡأَرۡضَ بَعۡدَ ذَٰلِكَ دَحَىٰهَآ
Nombe litaka panyuma payalakweyo ŵalitandiche.
Arabic explanations of the Qur’an:

Ayah: 31

أَخۡرَجَ مِنۡهَا مَآءَهَا وَمَرۡعَىٰهَا
Ŵakopwesye mwalakwemo mesi gakwe ni mopo wakwe.
Arabic explanations of the Qur’an:

Ayah: 32

وَٱلۡجِبَالَ أَرۡسَىٰهَا
Nombe matumbi ŵagasimiiche.
Arabic explanations of the Qur’an:

Ayah: 33

مَتَٰعٗا لَّكُمۡ وَلِأَنۡعَٰمِكُمۡ
(Kuŵa) yakunsengwasya ŵanganyammwe ni ilango yenu.
Arabic explanations of the Qur’an:

Ayah: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ
Basi ndema jaliichiika likungu lyekulungwa nnope (Kiyama).
Arabic explanations of the Qur’an:

Ayah: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ
Lyele lisikulyo mundu tachikumbuchila yaŵapanganyisye.
Arabic explanations of the Qur’an:

Ayah: 36

وَبُرِّزَتِ ٱلۡجَحِيمُ لِمَن يَرَىٰ
Nombe Moto Waukali wuchiŵichidwa palangulangu kwa nkulola (jwalijose).
Arabic explanations of the Qur’an:

Ayah: 37

فَأَمَّا مَن طَغَىٰ
Sano mundu jwaŵasumbile mpika.
Arabic explanations of the Qur’an:

Ayah: 38

وَءَاثَرَ ٱلۡحَيَوٰةَ ٱلدُّنۡيَا
Ni kulongosya umi wa duniya.
Arabic explanations of the Qur’an:

Ayah: 39

فَإِنَّ ٱلۡجَحِيمَ هِيَ ٱلۡمَأۡوَىٰ
Chisimu Moto Waukali basi ni liuto lyakwe.
Arabic explanations of the Qur’an:

Ayah: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Sano jwaakogopa kuti tachija kwima pameso pa Ambujegwe (Allah), nikuwukanyaga ntima ku isako yakusakala.
Arabic explanations of the Qur’an:

Ayah: 41

فَإِنَّ ٱلۡجَنَّةَ هِيَ ٱلۡمَأۡوَىٰ
Chisimu Litimbe lya ku Mbepo basi ni liuto lyakwe.
Arabic explanations of the Qur’an:

Ayah: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Akum'buusya (mmwe Muhammadi ﷺ) ya ndema (jakwichila Kiyama kuti): “Jichiŵa chakachi?”
Arabic explanations of the Qur’an:

Ayah: 43

فِيمَ أَنتَ مِن ذِكۡرَىٰهَآ
Mmwe nganinkola umanyilisi wanti nikujitomeka.
Arabic explanations of the Qur’an:

Ayah: 44

إِلَىٰ رَبِّكَ مُنتَهَىٰهَآ
Kwa Ambuje ŵenupe (Allah) ni kuchipelela kwakwe (kwa umanyilisi wa Kiyama).
Arabic explanations of the Qur’an:

Ayah: 45

إِنَّمَآ أَنتَ مُنذِرُ مَن يَخۡشَىٰهَا
Mmwe masengo genu ni kwaatetela ŵaakujijogopa (Kiyamajo).
Arabic explanations of the Qur’an:

Ayah: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Chisimu ŵanganyao lisiku lyatachijiona (Kiyamajo) tachiŵa nti chisawu nganatama (pa duniya) ikaŵeje ligulo limo kapena kundaŵi kwakwe.
Arabic explanations of the Qur’an:
 
Translation of the meanings Surah: An-Nāzi‘āt
Surahs’ Index Page Number
 
Translation of the Meanings of the Noble Qur'an - Yau Translation - Translations’ Index

Translation of the Quran meanings into Yau by Muhammad bin Abdul Hamid Silika.

close