Terjemahan makna Surah Surah An-Nāzi'āt - Terjemahan Berbahasa Yau - Ensiklopedia Alquran Alkarim

An-Nâz‘ât

Ayah: 1

وَٱلنَّٰزِعَٰتِ غَرۡقٗا

Ngwaalumbila (Achimalaika) ŵaakuchuŵaga (mitima ja makafili) mwamachili.

Ayah: 2

وَٱلنَّٰشِطَٰتِ نَشۡطٗا

Ngwaalumbila soni (Achimalaika) ŵaakutyosyaga (mitima ja ŵandu ŵakulupilila) mwambolembole.

Ayah: 3

وَٱلسَّٰبِحَٰتِ سَبۡحٗا

Nguilumbila soni yaying'ambila mwangalechesya (munnengaleenga, mpela Achimalaika ni ndondwa).

Ayah: 4

فَٱلسَّٰبِقَٰتِ سَبۡقٗا

Ni ŵaakutendesyana mpikisano (pakwanilisya malamusi ga Allah).

Ayah: 5

فَٱلۡمُدَبِّرَٰتِ أَمۡرٗا

Ni (Achimalaika) ŵaakuŵalaganya malamusi (ga Allah pakugaŵika m’mangwakwe).

Ayah: 6

يَوۡمَ تَرۡجُفُ ٱلرَّاجِفَةُ

Lisiku lyalichigombedwa lipenga lyandanda (lyaliichitenganya chilichose ni kuwa).

Ayah: 7

تَتۡبَعُهَا ٱلرَّادِفَةُ

Lichilikuichisya lipenga lyaaŵili (yosope yene nikwimuka ni kola umi).

Ayah: 8

قُلُوبٞ يَوۡمَئِذٖ وَاجِفَةٌ

Lyele lisikulyo mitima (jine) jichitetemela ni woga.

Ayah: 9

أَبۡصَٰرُهَا خَٰشِعَةٞ

Meso ga (achinsyene) mitimajo gachiteteŵala.

Ayah: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Makafili) gakasatiji: “Ana uwwe yakuona chachituuchisya mukaŵe ketu kakala (nikuŵa niumi soni)?

Ayah: 11

أَءِذَا كُنَّا عِظَٰمٗا نَّخِرَةٗ

Kutendaga uwwe tuli maupa gepukuswe-pukuswe?”

Ayah: 12

قَالُواْ تِلۡكَ إِذٗا كَرَّةٌ خَاسِرَةٞ

Ŵatite (mwachisyawumi ni mwakuchindimbula): “Nakuŵaga kwele kuujilaako kusyene, basi kuchiŵa kuujila kwachasiko (kwangali ukoto kukwetu).”

Ayah: 13

فَإِنَّمَا هِيَ زَجۡرَةٞ وَٰحِدَةٞ

Chisimu walakweo ni n'gumiilo umpepe.

Ayah: 14

فَإِذَا هُم بِٱلسَّاهِرَةِ

Basi ajile sayi ŵanganyao tachigamba kuona ali pachanya petaka.

Ayah: 15

هَلۡ أَتَىٰكَ حَدِيثُ مُوسَىٰٓ

Ana jinyyiche abali ja Musa?

Ayah: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Pandema jaŵam'bilaasile Ambujegwe (Allah) pachiŵata chakutakata (chakuŵilanjikwa) Tuwaa.

Ayah: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

(Nikuntenda kuti): Jaawulani kwa Firiauna, chisimu jwalakwejo jusumbile mpika.

Ayah: 18

فَقُلۡ هَل لَّكَ إِلَىٰٓ أَن تَزَكَّىٰ

Ni nkajile: “Ana nkusaka kuti n'diiswejesye?”

Ayah: 19

وَأَهۡدِيَكَ إِلَىٰ رَبِّكَ فَتَخۡشَىٰ

“Ni nan'jongolele kwa Ambuje ŵenu kuti mwaajogopeje?”

Ayah: 20

فَأَرَىٰهُ ٱلۡأٓيَةَ ٱلۡكُبۡرَىٰ

Basi niŵannosisye chisimosimo chekulungwa.

Ayah: 21

فَكَذَّبَ وَعَصَىٰ

Nambo jwaakaaniile nikunyosya.

Ayah: 22

ثُمَّ أَدۡبَرَ يَسۡعَىٰ

Kaneka jwachitundumalile (chikulupi) aku junankulimbichila (kwasiŵilila ŵandu kwa Allah).

Ayah: 23

فَحَشَرَ فَنَادَىٰ

Basi jwaasonganganyisye (asaŵi) nikwaŵilanga (ŵandu).

Ayah: 24

فَقَالَ أَنَا۠ رَبُّكُمُ ٱلۡأَعۡلَىٰ

Ni jwatite: “Une ni nam'mbuje gwenu jwapenani kusyene!”

Ayah: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Basi Allah ni ŵankwembekenye ni ipotesi ligongo lya maloŵe gakwe gambesi^[1] ni gandanda^[2].

(79:1)[ Maloŵe gakwe gambesi galiji ganti: “Une ni nam'mbuje gwenu jwapenani kusyene.” (79:24). (79:2) Maloŵe gakwe gandanda galiji ganti: “E jenumanja achinduna! Ngangummanyilila kukwenu nnungu jwinejwakwe jwangaŵaga une, basi mungolechesyani mmwe Hamana (moto wakochela njelwa) syelongo, ni mundaŵile chipilala kuti mwine une ngan’dingule nnungu jwa Musa, soni chisimu une ngun’ganichisya jwalakwe kuti juli mwa akulambusya.” (28:38).

Ayah: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Chisimu mu yalakweyi mwana chaamuko kwa mundu jwaakun'jogopa (Allah).

Ayah: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ana ŵanganyammwe niŵakusausya nnope kagumbidwe (kenu) kapena liwunde lyaŵalitaŵile?

Ayah: 28

رَفَعَ سَمۡكَهَا فَسَوَّىٰهَا

Ŵalinyakwile nsingu wakwe nikulikolosya.

Ayah: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ni ŵachiunichile chilo chakwe (nichipi) nikulikoposya lilanguka lyakwe (muusi).

Ayah: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Nombe litaka panyuma payalakweyo ŵalitandiche.

Ayah: 31

أَخۡرَجَ مِنۡهَا مَآءَهَا وَمَرۡعَىٰهَا

Ŵakopwesye mwalakwemo mesi gakwe ni mopo wakwe.

Ayah: 32

وَٱلۡجِبَالَ أَرۡسَىٰهَا

Nombe matumbi ŵagasimiiche.

Ayah: 33

مَتَٰعٗا لَّكُمۡ وَلِأَنۡعَٰمِكُمۡ

(Kuŵa) yakunsengwasya ŵanganyammwe ni ilango yenu.

Ayah: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Basi ndema jaliichiika likungu lyekulungwa nnope (Kiyama).

Ayah: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Lyele lisikulyo mundu tachikumbuchila yaŵapanganyisye.

Ayah: 36

وَبُرِّزَتِ ٱلۡجَحِيمُ لِمَن يَرَىٰ

Nombe Moto Waukali wuchiŵichidwa palangulangu kwa nkulola (jwalijose).

Ayah: 37

فَأَمَّا مَن طَغَىٰ

Sano mundu jwaŵasumbile mpika.

Ayah: 38

وَءَاثَرَ ٱلۡحَيَوٰةَ ٱلدُّنۡيَا

Ni kulongosya umi wa duniya.

Ayah: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Chisimu Moto Waukali basi ni liuto lyakwe.

Ayah: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Sano jwaakogopa kuti tachija kwima pameso pa Ambujegwe (Allah), nikuwukanyaga ntima ku isako yakusakala.

Ayah: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Chisimu Litimbe lya ku Mbepo basi ni liuto lyakwe.

Ayah: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Akum'buusya (mmwe Muhammadi ﷺ) ya ndema (jakwichila Kiyama kuti): “Jichiŵa chakachi?”

Ayah: 43

فِيمَ أَنتَ مِن ذِكۡرَىٰهَآ

Mmwe nganinkola umanyilisi wanti nikujitomeka.

Ayah: 44

إِلَىٰ رَبِّكَ مُنتَهَىٰهَآ

Kwa Ambuje ŵenupe (Allah) ni kuchipelela kwakwe (kwa umanyilisi wa Kiyama).

Ayah: 45

إِنَّمَآ أَنتَ مُنذِرُ مَن يَخۡشَىٰهَا

Mmwe masengo genu ni kwaatetela ŵaakujijogopa (Kiyamajo).

Ayah: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Chisimu ŵanganyao lisiku lyatachijiona (Kiyamajo) tachiŵa nti chisawu nganatama (pa duniya) ikaŵeje ligulo limo kapena kundaŵi kwakwe.