ترجمهٔ معانی سوره سوره بلد - ترجمه ى هوساوى - ابوبكر جومى - دایرة المعارف قرآن کریم

Suratu Al'balad

آیه: 1

لَآ أُقۡسِمُ بِهَٰذَا ٱلۡبَلَدِ

Bã sai Na yi rantsuwa da wannan gari* ba.

* Allah Ya ce ba sai Ya yi rantsuwa da Makka ba, sa'an nan zã a san darajarta a lõkacinda Annabi yake a cikinta, kuma shi yana da haƙƙin zama a cikinta mahaifansa da zurriyarsa duka, ko da yake zai yi hijira sabõda fitinar kãfirai mãsu halaka dũkiyarsu kan adãwa da shi. Dã sun yi amfãni da dukiyar ga ayyukan alheri, dã yã fi musu.

آیه: 2

وَأَنتَ حِلُّۢ بِهَٰذَا ٱلۡبَلَدِ

Alhãli kai kanã mai sauka a cikin wannan gari.

آیه: 3

وَوَالِدٖ وَمَا وَلَدَ

Da mahaifi da abin da ya haifa.

آیه: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Lalle ne, Mun halitta mutum cikin wahala.

آیه: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Kõ yanã zaton bãbu wani mai iya sãmun iko, a kansa?

آیه: 6

يَقُولُ أَهۡلَكۡتُ مَالٗا لُّبَدًا

Yana cẽwa "Na* halakarda dũkiya mai yawa,"

* Nã halaka dukiya mai yawa dõmin faɗã da addĩni.

آیه: 7

أَيَحۡسَبُ أَن لَّمۡ يَرَهُۥٓ أَحَدٌ

Shin, yana zaton cewa wani bai gan shi ba?

آیه: 8

أَلَمۡ نَجۡعَل لَّهُۥ عَيۡنَيۡنِ

Shin, ba Mu sanya masa idãnu biyu ba?

آیه: 9

وَلِسَانٗا وَشَفَتَيۡنِ

Da harshe, da leɓɓa biyu.

آیه: 10

وَهَدَيۡنَٰهُ ٱلنَّجۡدَيۡنِ

Kuma ba Mu shiryar da shi ga hanyõyi* biyu ba?

* Hanyar alheri da ta sharri.

آیه: 11

فَلَا ٱقۡتَحَمَ ٱلۡعَقَبَةَ

To, don mene ne bai shiga Aƙabã ba?

آیه: 12

وَمَآ أَدۡرَىٰكَ مَا ٱلۡعَقَبَةُ

Kuma mene ne ya sanar da kai abin da ake cẽ wa Aƙabã?

آیه: 13

فَكُّ رَقَبَةٍ

Ita ce fansar wuyan bãwa.

آیه: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Ko kuwa ciyarwa, a cikin yini ma'abũcin yunwa.

آیه: 15

يَتِيمٗا ذَا مَقۡرَبَةٍ

Ga marãya ma'abũcin zumunta.

آیه: 16

أَوۡ مِسۡكِينٗا ذَا مَتۡرَبَةٖ

Ko kuwa wani matalauci ma'abũcin turɓãya.

آیه: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Sa'an nan kuma ya kasance daga waɗanda suka yi ĩmãni, kuma suka yi wa jũna wasiyya da yin haƙuri, kuma suka yi wa jũna wasiyya da tausayi.

آیه: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Waɗannan ne ma'abũta albarka*

* Ko kuwa waɗanda ake bai wa takardunsu da dãma, a Lãhira.

آیه: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Kuma waɗanda suka kãfirta da ãyõyin Mu, sũ ne ma'abũta shu'umci*

* Ko kuwa waɗanda ake bai wa takardunsu da hagu, a Lãhira.

آیه: 20

عَلَيۡهِمۡ نَارٞ مُّؤۡصَدَةُۢ

A kansu akwai wata wuta abar kullewa.