ترجمهٔ معانی سوره سوره بروج - ترجمه ى پشتو - دایرة المعارف قرآن کریم

البروج

آیه: 1

وَالسَّمَآءِ ذَاتِ الْبُرُوْجِ ۟ۙ

85-1 قسم دى په اسمان چې خاوند د برجونو دى

آیه: 2

وَالْیَوْمِ الْمَوْعُوْدِ ۟ۙ

85-2 او په وعده كړى شوې ورځې(د قيامت)

آیه: 3

وَشَاهِدٍ وَّمَشْهُوْدٍ ۟ؕ

85-3 او په ګواه يا حاضرېدونكي او په هغې (ورځې) چې هغې ته حاضري كولى شي (چې د قيامت ورځ ده)

آیه: 4

قُتِلَ اَصْحٰبُ الْاُخْدُوْدِ ۟ۙ

85-4 هلاك دې كړى شي خاوندان د خندق

آیه: 5

النَّارِ ذَاتِ الْوَقُوْدِ ۟ۙ

85-5 چې (په كې) اور و د بلېدلو (او لرګو) والا

آیه: 6

اِذْ هُمْ عَلَیْهَا قُعُوْدٌ ۟ۙ

85-6 كله چې دوى په (غاړو د) هغو ناست وو

آیه: 7

وَّهُمْ عَلٰی مَا یَفْعَلُوْنَ بِالْمُؤْمِنِیْنَ شُهُوْدٌ ۟ؕ

85-7 او دوى هغه څه ته چې دوى به په مومنانو باندې كول؛ حاضر وو

آیه: 8

وَمَا نَقَمُوْا مِنْهُمْ اِلَّاۤ اَنْ یُّؤْمِنُوْا بِاللّٰهِ الْعَزِیْزِ الْحَمِیْدِ ۟ۙ

85-8 او دوى له دغو (مومنانو) نه هېڅ عیب نه لیده مګر دا چې دوى په الله باندې ایمان راوړى و، چې ډېر غالب، ښه ستايل شوى دى

آیه: 9

الَّذِیْ لَهٗ مُلْكُ السَّمٰوٰتِ وَالْاَرْضِ ؕ— وَاللّٰهُ عَلٰی كُلِّ شَیْءٍ شَهِیْدٌ ۟ؕ

85-9 هغه (الله) چې خاص د هغه لپاره د اسمانونو او ځمكې بادشاهي ده او الله په هر شي باندې ښه خبردار (او ګواه) دى

آیه: 10

اِنَّ الَّذِیْنَ فَتَنُوا الْمُؤْمِنِیْنَ وَالْمُؤْمِنٰتِ ثُمَّ لَمْ یَتُوْبُوْا فَلَهُمْ عَذَابُ جَهَنَّمَ وَلَهُمْ عَذَابُ الْحَرِیْقِ ۟ؕ

85-10 بېشكه هغه كسان چې مومنان سړي او مومنې ښځې يې په فتنه (عذاب) كې اچولي وي، بیا يې توبه نه وي ایستلې، نو د دوى لپاره د جهنم (دوزخ) عذاب دى او د دوى لپاره د ډېر سوځوونكي اور عذاب دى

آیه: 11

اِنَّ الَّذِیْنَ اٰمَنُوْا وَعَمِلُوا الصّٰلِحٰتِ لَهُمْ جَنّٰتٌ تَجْرِیْ مِنْ تَحْتِهَا الْاَنْهٰرُ ؕ— ذٰلِكَ الْفَوْزُ الْكَبِیْرُ ۟ؕ

85-11 بېشكه هغه كسان چې ایمان يې راوړى دى او نېك عملونه يې كړي دي د دوى لپاره داسې جنتونه دي چې د هغو له لاندې ولې بهېږي، همدغه ډېره لویه كامیابي ده

آیه: 12

اِنَّ بَطْشَ رَبِّكَ لَشَدِیْدٌ ۟ؕ

85-12 بېشكه ستا د رب نیول یقینًا ډېر سخت دي

آیه: 13

اِنَّهٗ هُوَ یُبْدِئُ وَیُعِیْدُ ۟ۚ

85-13 بېشكه هم دغه (الله) اول ځلې پیدا كوي او دویم ځلې پیدا كوي

آیه: 14

وَهُوَ الْغَفُوْرُ الْوَدُوْدُ ۟ۙ

85-14 او هم دى ډېر بخښونكى، ډېر محبت كوونكى دى

آیه: 15

ذُو الْعَرْشِ الْمَجِیْدُ ۟ۙ

85-15 د عرش مالك دى، لوى شان (او عزت) والا دى

آیه: 16

فَعَّالٌ لِّمَا یُرِیْدُ ۟ؕ

85-16 ډېر كوونكى دى هغه څه لره چې دى يې اراده وكړي

آیه: 17

هَلْ اَتٰىكَ حَدِیْثُ الْجُنُوْدِ ۟ۙ

85-17 ایا تا ته د لښكرو خبر راغلى دى؟

آیه: 18

فِرْعَوْنَ وَثَمُوْدَ ۟ؕ

85-18 چې فرعونیان او ثمودیان وو

آیه: 19

بَلِ الَّذِیْنَ كَفَرُوْا فِیْ تَكْذِیْبٍ ۟ۙ

85-19 بلكې هغه كسان چې كافران شوي دي په دروغ ګڼلو كې (لګیا) دي

آیه: 20

وَّاللّٰهُ مِنْ وَّرَآىِٕهِمْ مُّحِیْطٌ ۟ۚ

85-20 او الله د دوى له چاپېره نه راګېروونكى دى

آیه: 21

بَلْ هُوَ قُرْاٰنٌ مَّجِیْدٌ ۟ۙ

85-21 بلكې دغه د لوى قدر والا قرآن دى

آیه: 22

فِیْ لَوْحٍ مَّحْفُوْظٍ ۟۠

85-22 په لوح محفوظ كې دى