ترجمهٔ معانی سوره سوره اعلى - ترجمه ى ازبکی - علاء الدین منصور - دایرة المعارف قرآن کریم

Аъло сураси

آیه: 1

سَبِّحِ ٱسۡمَ رَبِّكَ ٱلۡأَعۡلَى

1. (Эй Муҳаммад алайҳис-салоту вас-салом), энг олий зот бўлмиш Парвардигорингизнинг номини (ҳар қандай айб-нуқсондан) покланг!

آیه: 2

ٱلَّذِي خَلَقَ فَسَوَّىٰ

2. У (барча нарсани) яратиб, расо қилиб қўйган Зотдир.

آیه: 3

وَٱلَّذِي قَدَّرَ فَهَدَىٰ

3. У (ҳар бир нарса учун муносиб йўлни) белгилаб, (у нарсани ўша йўлга) ҳидоят қилиб қўйган Зотдир.

آیه: 4

وَٱلَّذِيٓ أَخۡرَجَ ٱلۡمَرۡعَىٰ

4. У ўт-ўланни ундириб чиқариб,

آیه: 5

فَجَعَلَهُۥ غُثَآءً أَحۡوَىٰ

5. сўнг уни қорамтир хас-хашак қилиб қўйган Зотдир.

آیه: 6

سَنُقۡرِئُكَ فَلَا تَنسَىٰٓ

6. (Эй Муҳаммад алайҳис-салоту вас-салом), Биз сизни (Жаброил фаришта воситасида Қуръон) қироат қилдирурмиз. Бас, сиз (бирон оят)ни унутмассиз.

آیه: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

7. Аллоҳнинг Ўзи (унутишингизни) хоҳлаган оятлардан бошқа (бирон оятни унутмассиз). Албатта У зот ошкора (сўз ва ишлар)ни ҳам, яширин нарсаларни ҳам билиб турур.

آیه: 8

وَنُيَسِّرُكَ لِلۡيُسۡرَىٰ

8. Биз сизни осон (Динга) муваффақ қилурмиз.

И з о ҳ. Дарҳақиқат, Шариати Исломийя динларнинг ичида энг осон ва енгилидир. У буюрган барча аҳкомларни ҳар бир ақли расо киши ҳеч қийналмасдан адо этиши мумкин. Фақат ёлғиз Аллоҳга ва У зот юборган Қуръонга сидқидилдан иймон келтирган бўлса, бас.

آیه: 9

فَذَكِّرۡ إِن نَّفَعَتِ ٱلذِّكۡرَىٰ

9. Бас, агар панд-насиҳат фойда берса (кишиларга) панд-насиҳат қилинг! (Яъни, насиҳат кор қилмайдиган кимсаларга сўзингизни исроф қилманг!

آیه: 10

سَيَذَّكَّرُ مَن يَخۡشَىٰ

10. (Аллоҳдан) қўрқадиган киши панд-насиҳат олажак.

آیه: 11

وَيَتَجَنَّبُهَا ٱلۡأَشۡقَى

11. Бадбахт кимса эса ўзини у (насиҳат)дан четга олур.

آیه: 12

ٱلَّذِي يَصۡلَى ٱلنَّارَ ٱلۡكُبۡرَىٰ

12. Катта ўтга (дўзахга) кирадиган (бадбахт кимса ўзини насиҳатдан четга олур).

آیه: 13

ثُمَّ لَا يَمُوتُ فِيهَا وَلَا يَحۡيَىٰ

13. Сўнгра у жойда на ўла олур ва на яшай олур!

آیه: 14

قَدۡ أَفۡلَحَ مَن تَزَكَّىٰ

14. Дарҳақиқат, (куфру исёндан) пок бўлган киши нажот топгандир.

آیه: 15

وَذَكَرَ ٱسۡمَ رَبِّهِۦ فَصَلَّىٰ

15. Ва Парвардигорининг номини ёд этиб намоз ўқиган (ҳар бир киши нажот топгандир).

آیه: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

16. Йўқ, сизлар (эй кофирлар), ҳаёти дунёни устун қўюрсизлар!

آیه: 17

وَٱلۡأٓخِرَةُ خَيۡرٞ وَأَبۡقَىٰٓ

17. Ҳолбуки, Охират яхшироқ ва боқийроқдир.

آیه: 18

إِنَّ هَٰذَا لَفِي ٱلصُّحُفِ ٱلۡأُولَىٰ

18. Дарвоқеъ, бу (сурада мазкур бўлган панд-насиҳатлар) аввалги (пайғамбарларга нозил бўлган) саҳифаларда

آیه: 19

صُحُفِ إِبۡرَٰهِيمَ وَمُوسَىٰ

19. — Иброҳим ва Мусо саҳифаларида ҳам бордир.