ترجمهٔ معانی سوره سوره قيامه - ترجمهٔ یائو - دایرة المعارف قرآن کریم

Al-Qiyâmah

آیه: 1

لَآ أُقۡسِمُ بِيَوۡمِ ٱلۡقِيَٰمَةِ

Ngulilumbila lisiku lya Kiyama.

آیه: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ni nguulumbila soni ntima wakuliigamba.

آیه: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Ana akuganichisya mundu kuti ngaŵa nkusonganganya Uwwe maupa gakwe?

آیه: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Elo (tuchigasonganganya), ngati Uwwe tuli ŵakombola kwalanya chenene (tumisela twa) songa sya yala yakwe,^[1] (kuli uli maupa)!

(75:1) Mundu jwalijose jukwete tumisela twa songa sya yala yakwe twangalandana ni jwine. Ayi ikulosya ukombosi wa Allah pa kagumbe. (Nnole chilaaki cha aji Ȃyaji mu THE NOBLE QUR’AN).

آیه: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Nambo mundu (akukanila ya Kiyama) pakusachilila kwendelechela kusakasya m'bujo mwakwe.

آیه: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Akuusya (mwa chipongwe kuti): “Ana lisiku lya Kiyama lichiŵa chakachi?”

آیه: 7

فَإِذَا بَرِقَ ٱلۡبَصَرُ

Sano ndema ja lichikolondoka liso (ligongo lya woga).

آیه: 8

وَخَسَفَ ٱلۡقَمَرُ

Ni kutyoka kuŵala kwa mwesi.

آیه: 9

وَجُمِعَ ٱلشَّمۡسُ وَٱلۡقَمَرُ

Ni kusonganganyisyidwa lyuŵa ni mwesi.

آیه: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Lyele lisikulyo mundu tachiti: “Kwakutilila ni kwapi?”

آیه: 11

كَلَّا لَا وَزَرَ

Iyayi, pangali kwakutilila.

آیه: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Kwa Ambuje ŵenupe (Allah) lyele lisikulyo nikuchipelela kwakuujila.

آیه: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Tachisalilidwa mundu lyele lisikulyo ichindu yajwalongwesye (kupanganya) ni yajwalesile (munyuma).

آیه: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Nambo mundu tachilichonjela nsyene (ligongo kutandila lipende, makono ni ngongolo syakwe ichijuwula masengo gakusakala ga jwapanganyisye).

آیه: 15

وَلَوۡ أَلۡقَىٰ مَعَاذِيرَهُۥ

Namuno tatole madandawusi gakwe (pakuliŵalanga ngasigankamuchisya).

آیه: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Ngasin'jitenganyila (Qur’aniji mmwe Muhammadi ﷺ) lulimi lwenu (ndema jajikutuluka) kuti n'jikulumisye (kujisunga ni kujisooma).

آیه: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Chisimu ili Kukwetu Uwwe kujisonganganya (mu ntima mwenu) ni kumpa ukombosi wakujisooma.

آیه: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Sano pati tuchinsoomelaga, basi kuyichisyani kusoomwa kwakwe.

آیه: 19

ثُمَّ إِنَّ عَلَيۡنَا بَيَانَهُۥ

Soni chisimu ili Kukwetu Uwwe kujisalichisya.

آیه: 20

كَلَّا بَلۡ تُحِبُّونَ ٱلۡعَاجِلَةَ

Ngaŵa (chine chikuntendekasya kaanila Kiyama), nambo kuti ŵanganyammwe nkunonyelwa umi wachitema (wa duniya).

آیه: 21

وَتَذَرُونَ ٱلۡأٓخِرَةَ

Ni nkujileka Akhera.

آیه: 22

وُجُوهٞ يَوۡمَئِذٖ نَّاضِرَةٌ

Ngope sine lyele lisikulyo sichiŵa syakuŵala.

آیه: 23

إِلَىٰ رَبِّهَا نَاظِرَةٞ

Sili nkwalola Ambuje ŵao (Allah).

آیه: 24

وَوُجُوهٞ يَوۡمَئِذِۭ بَاسِرَةٞ

Sano nambo ngope sine lyele lisikulyo sichiyinda.

آیه: 25

تَظُنُّ أَن يُفۡعَلَ بِهَا فَاقِرَةٞ

Sichisimichisya yanti chiitendekwe kukwakwe yakuniula n'gongo.

آیه: 26

كَلَّآ إِذَا بَلَغَتِ ٱلتَّرَاقِيَ

Ngaŵa (yanti nikanila), ndema jauchiika ntima paligongwa (papasimanile maupa gammakoyo).

آیه: 27

وَقِيلَ مَنۡۜ رَاقٖ

Nikuŵechetedwa (yanti): “Ŵani ŵampaka aposye (chilwelechi)?”

آیه: 28

وَظَنَّ أَنَّهُ ٱلۡفِرَاقُ

Nikumala mwakusimichisya (chilwelecho) kuti kwalakweku ni kulekangana (najo duniya).

آیه: 29

وَٱلۡتَفَّتِ ٱلسَّاقُ بِٱلسَّاقِ

Mwanti lusonjo nikusajikana ni lusonjo (lujakwe ndema jakutyoka ntima).

آیه: 30

إِلَىٰ رَبِّكَ يَوۡمَئِذٍ ٱلۡمَسَاقُ

Kwa Ambuje ŵenupe lyele lisikulyo ni kwakuwujila mwakuchinjidwa.

آیه: 31

فَلَا صَدَّقَ وَلَا صَلَّىٰ

Mwanti (kafili) nganijukunda (chikulupi) soni (namuno swala) nganijuswali.

آیه: 32

وَلَٰكِن كَذَّبَ وَتَوَلَّىٰ

Nambo jwakaaniile ni kunyosya.

آیه: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Kaneka jwapite kwiŵasa lyakwe (juli nkwenda) mwakutwanga.

آیه: 34

أَوۡلَىٰ لَكَ فَأَوۡلَىٰ

Chonasiko nichenu! Chonasiko chisyene!

آیه: 35

ثُمَّ أَوۡلَىٰ لَكَ فَأَوۡلَىٰٓ

Soni chonasiko nichenu! Chonasiko chisyene!

آیه: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ana jukuganichisya mundu yanti chijugambe kulechedwa wambape (ngapedwa malamusi soni ngaja kulipidwa)?

آیه: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Ana nganijuŵa lindondwa lya ulume wakutajidwa (m’chiŵelechelo)?

آیه: 38

ثُمَّ كَانَ عَلَقَةٗ فَخَلَقَ فَسَوَّىٰ

Kaneka jwaliji chipande cha myasi, niŵan'gumbile ni kunkolosya.

آیه: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ni ŵagumbile kuumila mwalakwemo mitundu jiŵili (jaŵandu) jwannume ni jwankongwe.

آیه: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ana Jwalakwe (Allah jwaŵapakombwele kutenda yele) nganaŵa jwanti ni kombola kwasyusya (ŵandu) ŵawe?