Firo maanaaji Simoore Simoore Al-infitaar - الترجمة الكردية للمختصر في تفسير القرآن الكريم - Mawsuuwa al-quraan tedduɗo oo

سورەتی الإنفطار

Ina jeyaa e payndaale simoore ndee:

تحذير الإنسان من الاغترار ونسيان يوم القيامة.

ئاگادارکردنەوەى مرۆڤ لە لەخۆبایی بوون و لەبیرکردنی ڕۆژی قیامەت.

---

Aaya: 1

إِذَا ٱلسَّمَآءُ ٱنفَطَرَتۡ

کاتێک کە ئاسمان کەلێنی تێکەوت لەیەک ترازا ویەکاڵا کرایەوە، بۆئەوەی فریشتەكان لێوەی دابەزنە خوار.

Aaya: 2

وَإِذَا ٱلۡكَوَاكِبُ ٱنتَثَرَتۡ

وە کاتێک کە ئەستێرەکان کەوتنە خوارەوە وپەرش وبڵاو بوونەوە.

Aaya: 3

وَإِذَا ٱلۡبِحَارُ فُجِّرَتۡ

وە ساتێک کە دەریاکان ھەندێکیان کرانەوە بەسەر ھەندێکی تریان وتێکەڵ بەیەک بوون.

Aaya: 4

وَإِذَا ٱلۡقُبُورُ بُعۡثِرَتۡ

وە کاتێک کە گۆڕەکان ژێرە وژوورکران بۆ ئەوەی مردووەکانی نێوی زیندوو ببنەوە.

Aaya: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

ھەموو کەسێک دەزانێت چی لەپێش خۆیەوە ناردووە (لە کردەوە بۆ قیامەت) وچیشی دواخستووە (لە کردەوەى چاک وئەنجامی نەدا، یان چیی دواخستووە لە کردەوەى چاکە وخراپ کە خەڵکی چاویان لێ دەکەن -چاکە وخراپەکانی بۆ دێت لەپاش مردنیشی-).

Aaya: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

ئەی ئادەمیزادی بێباوەڕ چ شتێک تۆی یاخی کردووە وفریوی داوی بەرامبەر بە پەروەردگاری میھرەبان وبەڕێزت، کاتێک ڕێزی لێگرتوویت مۆڵەتی داویت وپەلەی نەکردووە لە سزادانت؟!

Aaya: 7

ٱلَّذِي خَلَقَكَ فَسَوَّىٰكَ فَعَدَلَكَ

ئەو پەروەردگارەی کە لەنەبوونەوە بەدیھێناویت، وە پاشان ئەندامەکانی لاشەتی ڕێکخستووە.

Aaya: 8

فِيٓ أَيِّ صُورَةٖ مَّا شَآءَ رَكَّبَكَ

لەسەر ھەر شێوە وشێوازێک کە خۆی ویستبێتی بەدیت بھێنێت بەدی ھێناویت، وە زۆر چاکەی لەگەڵ کردوویت کە لەسەر شێوەى گوێدرێژ ومەیمون وسەگ وهتد خەڵقی نەکردوویت.

Aaya: 9

كَلَّا بَلۡ تُكَذِّبُونَ بِٱلدِّينِ

نەخێر بەو شێوەیە کە بیرتان لێکردووەتەوە، -ئەی لەخۆبایی بووەکان- بەڵکو ئێوە باوەڕتان بەڕۆژی پاداشت دانەوە نییە، بۆیە کردەوەیشی بۆ ناکەن.

Aaya: 10

وَإِنَّ عَلَيۡكُمۡ لَحَٰفِظِينَ

بێگومان ئێوە چەند چاودێرێکتان لەفریشتەکان بەسەرەوە دانراوە کە كار وكردەوەكانتان تۆمار دەکەن ودەینووسن.

Aaya: 11

كِرَامٗا كَٰتِبِينَ

ئەو فریشتانە لای اللە -تەعاﻻ- ڕێزلێگراون، نووسەرن، کردەوەکانتان دەنووسن وتۆماریان دەکەن.

Aaya: 12

يَعۡلَمُونَ مَا تَفۡعَلُونَ

ھەرچی ئێوە بیکەن ئەوان دەیزانن ودەینووسن.

Aaya: 13

إِنَّ ٱلۡأَبۡرَارَ لَفِي نَعِيمٖ

بێگومان چاکەکاران لەڕۆژی قیامەتدا لەناز ونیعمەتی نەبڕاوەی پەروەردگاردان.

Aaya: 14

وَإِنَّ ٱلۡفُجَّارَ لَفِي جَحِيمٖ

وە بەڕاستی خراپەکاران لەناو ئاگرێکدان کە بەسەریاندا ھەڵدەگیرسێت.

Aaya: 15

يَصۡلَوۡنَهَا يَوۡمَ ٱلدِّينِ

لەڕۆژی پاداشتدانەوەدا دەچنە ناویەوە کە داد وبێدادیانە -دەناڵێنن- بەدەست گەرماکەیەوە.

Aaya: 16

وَمَا هُمۡ عَنۡهَا بِغَآئِبِينَ

وە بەھیچ شێوەیەک ناتوانن لێی بچنە دەرەوە، بەڵکو بەھەمیشەیی تێیدا دەمێننەوە.

Aaya: 17

وَمَآ أَدۡرَىٰكَ مَا يَوۡمُ ٱلدِّينِ

-ئەی پێغەمبەر- تۆ چووزانیت ڕۆژی دوایی (ڕۆژی لێپرسینەوە وپاداشتدانەوە) چیە؟! چەندە سەخت وناڕەحەتە؟!

Aaya: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

پاشان جارێكی تر -ئەی پێغەمبەر- تۆ چووزانیت ڕۆژی دوایی (ڕۆژی لێپرسینەوە وپاداشتدانەوە) چیە؟!

Aaya: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

ئەو ڕۆژە ڕۆژێکە کە ھیچ کەس ناتوانێت فریایی ھیچ کەسێکی تر بکەوێت وسوودی پێبگەیەنێت، و ھەموو فەرمان وکردەوەیەکیش ھەر بۆ خوایە، بۆ ھیچ یەکێکی تر نییە، وە ھەرچۆنێکی بوێت بەو شێوەیە فەرمان وکردەوە دەکات.

Ina jeyaa e nafoore aayeeje ɗee e ngol hello:

• التحذير من الغرور المانع من اتباع الحق.

ھۆشداریدان لە لەخۆبایی بوونێک کە ڕێگربێت لەشوێنکەوتنی ھەق وڕاستی.

• الجشع من الأخلاق الذميمة في التجار ولا يسلم منه إلا من يخاف الله.

سوور بوون لەسەر ژیانی دونیا وباوەش پێداکردنی ڕەوشتێکی خراپی بازرگانە چاوچنۆکەکانە، ھیچ کەسێک لێی پارێزراو نابێ مەگەر کەسانێک نەبێت کە لە اللە -تەعاﻻ- دەترسن.

• تذكر هول القيامة من أعظم الروادع عن المعصية.

بیرکردنەوە لە ناخۆشی وناڕەحەتیەکانی ڕۆژی قیامەت گەورەترین ڕێگرە لە ئەنجامدانی گوناھــ وتاوان وسەرپێچی.