Traduction des sens Sourate ‘ABASA - Traduction en langue Yao - Encyclopédie du Noble Coran

‘Abasa

Verset: 1

عَبَسَ وَتَوَلَّىٰٓ

Jwautile sinya (Muhammadi ﷺ) ni kulola kumbali.

Verset: 2

أَن جَآءَهُ ٱلۡأَعۡمَىٰ

Ligongo lyakum’bichiilila jwangalola.

Verset: 3

وَمَا يُدۡرِيكَ لَعَلَّهُۥ يَزَّكَّىٰٓ

Ana chichi chachimmanyisye kuti mwine jwalakwejo kuŵa nkuliswejesya (ku ilemwa)?

Verset: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Mwine chakumbuchile, basi nikunkamuchisya kumbuchilako?

Verset: 5

أَمَّا مَنِ ٱسۡتَغۡنَىٰ

Nambo mundu jwaliweni kusichila,

Verset: 6

فَأَنتَ لَهُۥ تَصَدَّىٰ

Basi jwalakwejo mmwe ni nkunkosoŵalila;

Verset: 7

وَمَا عَلَيۡكَ أَلَّا يَزَّكَّىٰ

Pangalitu ulemwa kukwenu naga ngaakuliswejesya (ku ukafili).

Verset: 8

وَأَمَّا مَن جَآءَكَ يَسۡعَىٰ

Nambo mundu jwam’bichilile aku juchikangamalaga,

Verset: 9

وَهُوَ يَخۡشَىٰ

Soni jwalakwejo ali nkun'jogopa (Allah),

Verset: 10

فَأَنتَ عَنۡهُ تَلَهَّىٰ

Basi ya jwalakwejo mmwe ni nkuikwanjila;

Verset: 11

كَلَّآ إِنَّهَا تَذۡكِرَةٞ

Ngwamba (ngasintenda iyyo)! Chisimu galakwe (ma Ȃyaga) gaŵele chikumbusyo.

Verset: 12

فَمَن شَآءَ ذَكَرَهُۥ

Basi jwaakusaka talikumbusye najo (Qur’anijo).

Verset: 13

فِي صُحُفٖ مُّكَرَّمَةٖ

(Jili) mu ikalakala yakuchimbichikwa.

Verset: 14

مَّرۡفُوعَةٖ مُّطَهَّرَةِۭ

Yapenani, yakuswejesyedwa.

Verset: 15

بِأَيۡدِي سَفَرَةٖ

Ili m’makono mwa akulemba (Achimalaika).

Verset: 16

كِرَامِۭ بَرَرَةٖ

Ŵakuchimbichika, ŵaakunda (malamusi).

Verset: 17

قُتِلَ ٱلۡإِنسَٰنُ مَآ أَكۡفَرَهُۥ

Pamasile palaniwe mundu (kafili), kanila kwakwe kwalakweku ni kwantiuli!

Verset: 18

مِنۡ أَيِّ شَيۡءٍ خَلَقَهُۥ

Ana an'gumbile kuumila mu chinduchi?

Verset: 19

مِن نُّطۡفَةٍ خَلَقَهُۥ فَقَدَّرَهُۥ

Kuumila m’mesi (gaŵalume ni ŵakongwe) an'gumbile, ni kumpanjila mpango (wakagumbidwe kakwe).

Verset: 20

ثُمَّ ٱلسَّبِيلَ يَسَّرَهُۥ

Kaneka naakun'jepepachisyaga litala (lyakopochela ku duniya).

Verset: 21

ثُمَّ أَمَاتَهُۥ فَأَقۡبَرَهُۥ

Kaneko nakasampaga chiwa ni kunsiika m’malembe.

Verset: 22

ثُمَّ إِذَا شَآءَ أَنشَرَهُۥ

Soni patachisakapo tachinsyusya.

Verset: 23

كَلَّا لَمَّا يَقۡضِ مَآ أَمَرَهُۥ

Ngwamba! Chisimu (kafili) nganakwanilisyepe yannamwile (Allah).

Verset: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Basi achetelele mundu ya yakulya yakwe.

Verset: 25

أَنَّا صَبَبۡنَا ٱلۡمَآءَ صَبّٗا

Chisimu Uwwe tukasakusula mesi (gawula) mwamachili.

Verset: 26

ثُمَّ شَقَقۡنَا ٱلۡأَرۡضَ شَقّٗا

Kaneka ni tukasaligangaga litaka kuliganga kusyene.

Verset: 27

فَأَنۢبَتۡنَا فِيهَا حَبّٗا

Ni tukasakoposya mwalakwemo songolo.

Verset: 28

وَعِنَبٗا وَقَضۡبٗا

Kwisa soni isogosi ya zabibu ni maupulu (gakulya ilango).

Verset: 29

وَزَيۡتُونٗا وَنَخۡلٗا

Ni kwisa soni isogosi ya zaituni (yakwenga mauta) ni itela yatende.

Verset: 30

وَحَدَآئِقَ غُلۡبٗا

Ni migunda jaitela yejinji.

Verset: 31

وَفَٰكِهَةٗ وَأَبّٗا

Kwisa soni isogosi (yamitundu mitundu) ni mopo.

Verset: 32

مَّتَٰعٗا لَّكُمۡ وَلِأَنۡعَٰمِكُمۡ

(Kuŵa) yakunsengwasya ŵanganyammwe ni ilango yenu.

Verset: 33

فَإِذَا جَآءَتِ ٱلصَّآخَّةُ

Basi ndema jaliichiika lipenga lyakusiŵa m’mawiwi (ligongo lya machili gakwe).

Verset: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Lyele lisikulyo mundu tachatila achimwenegwe.

Verset: 35

وَأُمِّهِۦ وَأَبِيهِ

Kwisa soni mamagwe ni babagwe.

Verset: 36

وَصَٰحِبَتِهِۦ وَبَنِيهِ

Ni kwisa soni ŵankwakwe ni ŵanache ŵakwe.

Verset: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Mundu jwalijose mwa ŵanganyao lyele lisikulyo tachikola yakunkwanila (kuntendekasya kuti akakosoŵalila ya jwine.)

Verset: 38

وُجُوهٞ يَوۡمَئِذٖ مُّسۡفِرَةٞ

Ngope sine lyele lisikulyo sichiŵa syakumelemenda.

Verset: 39

ضَاحِكَةٞ مُّسۡتَبۡشِرَةٞ

Syakusechelela ni kusengwa (pakupikana yakuja ku Mbepo).

Verset: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Sano ngope sine lyele lisikulyo sichipakala luwundu.

Verset: 41

تَرۡهَقُهَا قَتَرَةٌ

Sichiŵa siunichilidwe ni chipi.

Verset: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Ŵanganyao ni ŵali achimakafili ŵakusakasya nnope.