શબ્દોનું ભાષાંતર સૂરહ અલ્ વાકિઆ - ફિલિપિની (ટાગાલોગ) ભાષામાં અલ્ મુખ્તસર ફી તફસીરિલ્ કુરઆનિલ્ કરીમ કિતાબનું અનુવાદ - પેજ નંબર 535 - કુરઆન કરીમનો એન્સાઈક્લોપીડિયા

આયત: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

May papaligid sa kanila para sa paglilingkod sa kanila na mga batang lalaki na hindi dadapuan ng pag-uulyanin ni pagkalipol.

આયત: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Papaligid ang mga ito sa kanila nang may mga inumang walang mga hawakan, mga pitsel na may mga hawakan, at isang kopa ng isang alak na dumadaloy sa paraiso nang hindi natitigil.

આયત: 19

لَّا يُصَدَّعُونَ عَنۡهَا وَلَا يُنزِفُونَ

[Ito ay] hindi gaya ng alak sa Mundo sapagkat hindi nasusundan ang tagainom nito ng isang sakit ng ulo ni ng pagkaalis ng pang-unawa.

આયત: 20

وَفَٰكِهَةٖ مِّمَّا يَتَخَيَّرُونَ

Papaligid sa kanila ang mga batang ito nang may prutas mula sa napipili nila.

આયત: 21

وَلَحۡمِ طَيۡرٖ مِّمَّا يَشۡتَهُونَ

Papaligid ang mga ito nang may karne ng ibon kabilang sa ninanasa ng mga sarili nila.

આયત: 22

وَحُورٌ عِينٞ

Ukol sa kanila sa paraiso ay mga babaing malalapad ang mga mata sa karikitan,

આયત: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

na gaya ng mga tulad ng mga mutyang pinangangalagaan sa mga kabibe ng mga ito.

આયત: 24

جَزَآءَۢ بِمَا كَانُواْ يَعۡمَلُونَ

[Ito ay] bilang gantimpala para sa kanila dahil sa dati nilang ginagawa na mga gawang maayos sa Mundo.

આયત: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Hindi sila makaririnig sa paraiso ng isang mahalay na mahalay sa pananalita ni ng nagdudulot sa tao ng isang kasalanan.

આયત: 26

إِلَّا قِيلٗا سَلَٰمٗا سَلَٰمٗا

Hindi sila makaririnig maliban sa pagbati ng mga anghel sa kanila at pagbati nila sa isa't isa!

આયત: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Ang mga kasamahan ng kanan na bibigyan ng talaan nila sa mga kanang kamay nila ay kay dakila ng kalagayan nila at pumapatungkol sa kanila sa ganang kay Allāh.

આયત: 28

فِي سِدۡرٖ مَّخۡضُودٖ

[Sila ay] nasa mga [puno ng] Sidrah na pinutol ang mga tinik, na walang nakasasakit doon,

આયત: 29

وَطَلۡحٖ مَّنضُودٖ

at mga [punong] saging na nagkatumpuk-tumpok na inihanay ang isa't isa [sa mga bunga],

આયત: 30

وَظِلّٖ مَّمۡدُودٖ

at sa lilim na inilatag na nagpapatuloy na hindi naglalaho,

આયત: 31

وَمَآءٖ مَّسۡكُوبٖ

at tubig na umaagos nang hindi humihintu-hinto,

આયત: 32

وَفَٰكِهَةٖ كَثِيرَةٖ

at prutas na marami na hindi nalilimitahan,

આયત: 33

لَّا مَقۡطُوعَةٖ وَلَا مَمۡنُوعَةٖ

hindi napuputol sa kanila magpakailanman sapagkat wala ritong panahon, at walang magbabalakid dito na isang tagahadlang sa alinmang oras na nagnais sila nito,

આયત: 34

وَفُرُشٖ مَّرۡفُوعَةٍ

at sa mga higaan iniangat na nakataas na nakalagay sa mga kama.

આયત: 35

إِنَّآ أَنشَأۡنَٰهُنَّ إِنشَآءٗ

Tunay na Kami ay nagpaluwal sa mga dilag na nabanggit sa isang pagpapaluwal na hindi nakagawian,

આયત: 36

فَجَعَلۡنَٰهُنَّ أَبۡكَارًا

saka gumawa Kami sa kanila bilang mga birhen na hindi pa nasasaling,

આયત: 37

عُرُبًا أَتۡرَابٗا

na mga maibigin sa mga asawa nila, na magkakapantay sa gulang.

આયત: 38

لِّأَصۡحَٰبِ ٱلۡيَمِينِ

Nagpaluwal Kami sa kanila para sa mga kasamahan sa kanan, na mga kukunin sa gawing kanan bilang palatandaan ng kaligayahan nila.

આયત: 39

ثُلَّةٞ مِّنَ ٱلۡأَوَّلِينَ

Sila ay isang pangkat mula sa mga kalipunan ng mga propetang nauna

આયત: 40

وَثُلَّةٞ مِّنَ ٱلۡأٓخِرِينَ

at isang pangkat mula sa kalipunan ni Muḥammad – basbasan siya ni Allāh at batiin ng kapayapaan – at ito ang panghuli sa mga kalipunan.

આયત: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Ang mga kasamahan ng kaliwa na bibigyan ng talaan nila sa mga kaliwang kamay nila ay kay sagwa ng lagay nila at hantungan nila.

આયત: 42

فِي سَمُومٖ وَحَمِيمٖ

[Sila ay] nasa mga hanging matindi ang init at nasa tubig na matindi ang init,

આયત: 43

وَظِلّٖ مِّن يَحۡمُومٖ

at nasa isang lilim ng usok na pinaitim,

આયત: 44

لَّا بَارِدٖ وَلَا كَرِيمٍ

hindi kaaya-aya ang ihip at hindi maganda ang makikita.

આયત: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Tunay na sila dati bago ng sinapit nila na pagdurusa ay mga nagtatamasa sa Mundo; walang alalahanin para sa kanila kundi ang mga nasa nila.

આયત: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Sila dati ay naggigiit sa kawalang-pananampalataya kay Allāh at pagsamba sa mga anito bukod pa sa Kanya.

આયત: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Sila dati ay nagkakaila sa pagbubuhay saka nagsasabi bilang pangungutya at pagtuturing ng kaimposiblehan niyon: "Kapag namatay ba kami at kami ay naging alabok at mga butong bulok, bubuhayin ba Kami matapos niyon,

આયત: 48

أَوَءَابَآؤُنَا ٱلۡأَوَّلُونَ

at bubuhayin ba ang mga ninuno naming sinauna na namatay bago namin?"

આયત: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Sabihin mo, O Sugo, sa mga tagapagkailang ito sa pagbubuhay: "Tunay na ang mga sinauna sa mga tao at ang mga nahuli sa kanila

આયત: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

ay talagang titipunin sa Araw ng Pagbangon nang walang pasubali para sa pagtutuos at pagganti."

આયતોના ફાયદાઓ માંથી:

• العمل الصالح سبب لنيل النعيم في الآخرة.

Ang gawang maayos ay isang kadahilanan sa pagtamo ng kaginhawahan sa Kabilang-buhay.

• الترف والتنعم من أسباب الوقوع في المعاصي.

Ang kariwasaan at ang pagpapakaginhawa ay kabilang sa mga kadahilanan ng pagkasadlak sa mga pagsuway.

• خطر الإصرار على الذنب.

Ang panganib ng pagpupumilit sa pagkakasala.