Fassarar Ma'anoni Sura Suratu Al'maaoun - الترجمة الياؤو - Kundin Alqurani Mai girma

Al-Mâ‘ȗn

Aya: 1

أَرَءَيۡتَ ٱلَّذِي يُكَذِّبُ بِٱلدِّينِ

Ana mum'bweni ajula jwaakukanila ya malipilo (ga pa Kiyama)?

Aya: 2

فَذَٰلِكَ ٱلَّذِي يَدُعُّ ٱلۡيَتِيمَ

Basi jwele ni ajula jwaakuntutanga mwanache jwawina.^[1]

(107:1) Akusimulila Sahl bin Sa‘d رضى الله عنه yanti: Ntenga jwa Allah ﷺ jwatite: “Une ni nkuchengeta mwanache jwawina, tuchiŵa ku Mbepo mpela ayi iŵiliyi.” Jwagundenye yala iŵili; chilanjililo ni chaasikati. (Swahîh Al- Bukhârî, Hadith No. 5659).

Aya: 3

وَلَا يَحُضُّ عَلَىٰ طَعَامِ ٱلۡمِسۡكِينِ

Soni jwangachisya yagaliisya masikini.^[2]

(107:2) Akusimulila Abȗ Hurairah رضى الله عنه yanti: Ntume ﷺ jwatite: “Mundu jwaakulichengeta liwuli, kwisa soni masikini, ali nti chisawu jwakumenyana ngondo petala lya Allah, kapena jwaakwima chilo kuswali, muusi ni kutaŵaga swaumu.” (Swahîh Al-Bukhârî, Hadith No. 5038).

Aya: 4

فَوَيۡلٞ لِّلۡمُصَلِّينَ

Basi ipotesi niyao ŵandu ŵakuswaliji.

Aya: 5

ٱلَّذِينَ هُمۡ عَن صَلَاتِهِمۡ سَاهُونَ

Aŵala ŵanya ŵaakuŵa ali nkusikwanjila swala syao.

Aya: 6

ٱلَّذِينَ هُمۡ يُرَآءُونَ

Aŵala ŵanya ŵaakuŵa ali nkutenda ndola.

Aya: 7

وَيَمۡنَعُونَ ٱلۡمَاعُونَ

Ni akuŵa soni ali nkukanya yaakamuchisya (pannango, mpela liŵago, chipula, lituli ni yine).