Terjemahan makna Surah Surah Asy-Syarḥ - Terjemahan Berbahasa Albania - Hassan Nahi - Ensiklopedia Alquran Alkarim

Suretu Esh Sherh

Ayah: 1

أَلَمۡ نَشۡرَحۡ لَكَ صَدۡرَكَ

Vallë, a nuk ta hapëm ty (Muhamed) kraharorin (për të pranuar besimin)

Ayah: 2

وَوَضَعۡنَا عَنكَ وِزۡرَكَ

dhe ta hoqëm barrën^[412],

[412] Sipas Taberiut, vargu do të thotë: “A nuk të kemi dëlirur nga çdo gjynah?!”

Ayah: 3

ٱلَّذِيٓ أَنقَضَ ظَهۡرَكَ

e cila ta rëndonte tepër kurrizin,

Ayah: 4

وَرَفَعۡنَا لَكَ ذِكۡرَكَ

dhe ta ngritëm lart emrin?!^[413]

[413] Është e sigurt se asnjë njeri në botë nuk ka bërë më shumë emër sesa Profeti Muhamed (a.s.). Më se një miliardë myslimanë përmendin emrin e tij përditë, duke u lutur për të në namazet e tyre. Nga mijëra e mijëra minare, myezinët thërrasin emrin e tij pesë herë në ditë. Arritjet e misionit të tij shpirtëror, moral, juridik e politik janë tërësisht të gjalla dhe aktive edhe katërmbëdhjetë shekuj pas ndarjes së tij nga kjo botë dhe do të zgjasin, në dashtë Allahu, deri në Ditën e fundit të jetës tokësore dhe, në vazhdim, në jetën e amshuar.

Ayah: 5

فَإِنَّ مَعَ ٱلۡعُسۡرِ يُسۡرًا

Me të vërtetë, pas vështirësisë - vjen lehtësimi!

Ayah: 6

إِنَّ مَعَ ٱلۡعُسۡرِ يُسۡرٗا

Me të vërtetë, pas vështirësisë - vjen lehtësimi!

Ayah: 7

فَإِذَا فَرَغۡتَ فَٱنصَبۡ

Prandaj, kur të çlirohesh (nga punët e ndryshme), përpiqu fort (në adhurim)

Ayah: 8

وَإِلَىٰ رَبِّكَ فَٱرۡغَب

dhe vetëm ndaj Zotit tënd përkushtohu!